Frozen Yogurt Drool

Open Now

Now Closed

尖沙咀呢間希臘乳酪雪糕店Frozen Yoghurt Drool簡直係夏日救星!☀️嗰日夜晚排附近濃蝦湯麵滴晒汗就買嚟解暑🥵小店主打低脂健康Froyo，就算減肥都可以放心食～🫃🏿✨ 自選滋味杯 (細杯$48)✨ ▪️ 250ml Froyo + 2款配料 + 1款醬汁 ▪️ 額外配料每款+$5 🍦 小編精選組合： ✔️ 蜂蜜醬 - 天然甜味唔膩口🍯✔️ 新鮮芒果 - 酸甜清新 🥭✔️ 朱古力麻糬 - Q彈煙韌 ✔️ 自家製杏仁脆片 - 焗到脆卜卜💯 食評： ▪️ 乳酪雪糕質地軟滑，酸甜平衡🍦▪️ 芒果新鮮多汁，同Froyo超夾🥭▪️ 麻糬煙韌有咬口，朱古力味濃🍫▪️ 杏仁脆片加分！增加口感層次 💡 小貼士： 1. 出示學生證即減$3，抵食！ 2. 細杯都好足料，減肥人士都夠食🫄🏻📌 「健康+美味」完美平衡！夏日口痕想食冰涼甜品🍧但係減緊肥嘅女仔啦就一定要嚟試吓呢個低脂嘅Froyo啦！❤️‍🔥 成杯嘢打卡又靚又好食🫶🏻抵食指數：🌕🌕🌕🌕🌑好味指數：🌕🌕🌕🌕🌑📍Frozen Yogurt Drool❀ 尖沙咀柯士甸道144號地下D號舖#hongkong #hkfoodie #foodiehk #h

$56 1 sauce + 3 toppings 誤打誤撞叫咗佢本身有嘅配搭「金多寶」，有Mochi、杏仁脆片同芒果，仲有蜂蜜～！ 我覺得比坊間嘅froyo甜，但都可以一試嘅！店面好細，只有門口兩個位可以坐，但座位好窄坐得好唔舒服(つД`)ノ…

甜而不膩，清爽，夏日首選，隱世乳酪雪糕。咁啱遇到嘅店員都非常之友善，同我介紹咗店舖最好食嘅嘢，尤其是係開心果醬，冇諗過同乳酪雪糕嘅酸味咁配，抹茶麻薯都好煙韌，仲有健康藍莓做底！

已經幫襯過無數次 近呢兩次實在太失望 以後見到呀叔番工都唔會再幫襯落醬十分手緊… 食兩啖已經無晒同埋好快就變水 總之就係越做越差越做越無heart之前啲妹妹仔都叫有心機砌靚杯野

無想像中咁差既，味道好好，叫左個最細杯自己揀料既試下，服務態度方面還好，冇想像中既黑面對待，可惜就真係冇位食，連係鋪入面搵位企下都難🥹最後唯有買完行左出去，去隔離Marketplace邊行邊食。

之前幫襯過一次，都係求其叫咗個味，今次叫咗抹茶園，乳酪唔夠酸味⋯ menu一望未係好知點樣叫，所以都係揀preset咗嘅味道⋯ 抹茶園抹茶味唔夠，食到底底有幾粒我完全唔鍾意嘅藍莓，配搭好奇怪，應該會係紅豆吧😥⋯最大打折扣嘅一點係⋯ 店鋪幾乎無位可以食⋯ 出面車來車往沙塵滾滾根本唔會想係出面食⋯ 想影張相打卡都難⋯ 趁人唔多，又驚之後有人⋯ 好趕地在店入面食⋯ 下次想再幫襯都真係要再諗諗⋯ 😶‍🌫️😶‍🌫️

今日同朋友喺尖沙咀食完飯，夜晚黑口痕想食甜品。喺凍凍地嘅天氣下搵到呢間好多人排隊嘅frozen yogurt店，入面可以自選醬汁和配料。我揀咗最細杯，朋友揀咗大杯，最經典嘅朱古力組合，係店家配搭好的。我就自選，咁啱見到佢有新嘅醬汁，係開心果醬汁，即刻無懸念揀咗開心果醬汁。 配上honeycomb 同 抹茶麻薯，簡直完美！ 個honeycomb我真係好鍾意，如果鍾意焦糖脆脆嘅朋友一定要試下。我見呢間舖大人小朋友都排隊，店家都好有心機去整靚背貨嘅frozen yogurt，咁有心機嘅小店，希望可以繼續做落去。 下次再經過尖沙咀， 再嚟試下其他口味！

轉左手之後態度極差😓黑面發脾氣都算，我食杯雪糕都費事理你啱啱呢次佢自己撳錯掣寫錯topping，所以佢同事照樣整就錯左我唔想嘥就同佢講算啦我照要，竟然連一句sorry都冇，繼續一如以往嘅黑面😑味道係唔錯，如果唔係搬左去港島咁遠我真係唔會再幫襯

CP值勁高‼️50幾蚊大大杯‼️你可以自由配搭亦都可以買店家幫你set好的🙂‍↕️今次試咗一個Tiramisu味，有塊手指、朱古力粉同咖啡蛋白餅，但yogurt朱古力唔太夾，建議試其他味另外自己配搭咗一個熱情果醬加抹茶凍，好fresh好清新😋好食

喺尖沙咀食完飯，經過間好靚嘅甜品鋪，行入去睇原來係主打乳酪雪糕🍦舖面細細，就冇得堂食啦。除左推薦個幾款set好左嘅味道，大家都可以跟返自己口味DIY唔同嘅味道。😋我地呢次就試左「咖啡控」（$56）價錢方面都中規中矩，話曬都開喺尖沙咀，而味道亦對得起呢個價錢！我地呢杯由低到頂都有唔同嘅配料，啖啖都有小驚喜。面頭首先有塊焦糖餅乾同咖啡蛋白霜糖，雪糕入面就收埋左啲脆脆，食到最低仲有咖啡奶凍。私心大推咖啡奶凍！鐘意咖啡味嘅真係必食！兩個女仔嚟食嘅話，share一個大size都已經好滿足😌唔想煩或者有選擇困難症嘅人，一定要試下佢推薦嘅個幾款！宜家仲做埋學生優惠，出示學生證可以減$5！喺附近返學嘅學生得閒真係要去試下！

呢間店舖主打乳酪雪糕，乳酪雪糕主要成份只有北海道3.6牛乳🐄同埋希臘低脂乳酪。乳酪相比起雪糕健康，真係啱晒我呢啲減肥人士！佢哋有好多各式各樣的topping可以揀，對於我呢個有選擇困難症嘅人，最後決定叫咗杯已經配搭好嘅～🍵抹茶園✨乳酪不會太酸太甜，入口好軟滑，抹茶醬唔苦澀，和乳酪完美地融合！蝴蝶酥牛油味好重，口感勁脆。中間果層仲有新鮮藍莓🫐藍莓完全唔酸～最愛mochi 質感煙韌，咬落去QQ💯成杯個配搭都勁Fresh 睇得又食得的🥰抹茶控一定唔好錯過呀～賣相靚靚打卡一流💚🫶🏻📍Frozen Yogurt Drool (尖沙咀)尖沙咀柯士甸道144號地下D號舖

─ ⊹ ⊱ what we had ⊰ ⊹ ─ᡣ𐭩 matcha garden - 4.5 / 5 $56toppings: 大大粒藍莓 抹茶麻糬 蝴蝶酥 抹茶牛乳醬Froyo 由北海道3.6牛乳同希臘乳酪混合而成 所以比一般froyo奶味更出 質地更Creamy (啱晒一啲唔鍾意太酸嘅froyo嘅朋友!) matcha garden有驚喜！抹茶牛乳醬甘甜 (not死甜👍🏻) 抹茶麻糬煙燻 藍莓又甜又大粒🫐─ ⊹ ⊱ tldr ⊰ ⊹ ─好鍾意個froyo嘅淡淡奶香同creamy嘅質地 抹茶亦唔會好甜 toppings 選擇多+足料👍🏻味道: 4.5 / 5價錢: < $ 100 pp服務: 3.5 / 5 環境: 3.5 / 5cp value: 4.5 / 5re-visit: yes!!

揀咗個自選杯，盛惠$63，配料方面就揀咗藍莓、麻糬同埋草莓凍乾。作為乳酪雪糕控，真係幾乎食勻晒全香港所有嘅乳酪雪糕，呢一間嘅奶香可以話係最濃郁，口感都相當滑溜，唔會有冰感。而我覺得佢嘅酸甜度平衡得好好，都可以稱為出色。酥皮筒都好得意，搭配乳酪雪糕出奇地夾，而且又唔會有好大罪惡感。配料麻糬都真係推薦之選，相當煙靭。而醬料方面我就試咗佢嘅隱藏醬，桃酒嘅感覺相當清新。但係唯一美中不足就係我覺得個份量相對上比較細杯啲，如果大杯啲嘅話會開心好多。

Located in Tsim Sha Tsui, Drool is a cute little aesthetic Froyo place that is perfect for Froyo lovers! Recently visited Drool and was really impressed by it!🍨😍Drool Froyo is perfect for frozen yogurt lovers! I Highly recommend this place to everyone, it’s one of the must-try desserts in Hong Kong, especially if you’re visiting Hong Kong soon!🍨💗

❤️今日帶大家嚟，我已經book mark咗好耐嘅乳酪雪糕舖頭！ 大家知唔知道乳酪雪糕同普通雪糕有咩分別呢？其實乳酪雪糕係由較為健康嘅乳酪製成，就算係咁食都唔會有負擔㗎！啱晒我哋呢班久坐不運動嘅港女，夏天又有健康冇負擔嘅甜品食l u！呢度嘅乳酪雪糕，除咗有自由配搭之外，仲有店員精心配搭好嘅口味可以選擇！例如有抹茶🍵，咖啡☕️，朱古力🍫，冧酒提子🍇等等！啱晒選擇困難症！另外呢度仲可以另加配料大部份都係$5咋！。抹茶園 $56作為茶味愛好者梗係要試吓佢哋嘅抹茶口味，呢一杯以乳酪雪糕為基底，加上美味嘅自家抹茶奶醬，仲有Q Q彈彈嘅抹茶麻糬，藍莓等等。我哋呢班大胃王仲特登加咗蓮花焦糖餅乾，同埋脆卜卜嘅咖啡蛋白糖，真係超級好食！抹茶味道非常濃郁，而且佢唔會非常甜，夏天清清爽爽黎一杯真係好開心！。自由配搭自由配搭分幾個層次，最平有$48包一個配料同埋一個醬汁！如果唔夠食，仲可以揀第二個Level，$56包三款Topping一個醬汁！我哋呢班大胃王梗係揀最高配！揀咗$58有酥皮筒包兩款配料同一個醬汁！呢度嘅酥皮好出名㗎，外型好似雪糕筒，但係佢係用酥皮製成非常酥脆，我真係好鍾意呢個口感啊！配料我試咗佢哋推