167
9
3
All Branches (4)
Telephone
52969864
Opening Hours
Today
12:00 - 22:00
Mon - Sun
12:00 - 22:00
*last order: 21:00
Payment Methods
Cash
Review (196)
Level4 2021-06-04
5264 views
29-5-2021(Sat)晏晝,同老公去完銀行就行嚟男友人NT介紹嘅呢間食晏,好彩時間尚早未full,坐低睇完menu,決定要:5. $38.00嘅熱抹茶燕麥奶雖然出面好熱,但因為呢喥冷氣充足,所以我要熱飲,上到枱睇,有拉花,thank you.呢杯味道唔太甜,飲到尾,飲到抹茶嘅甘味.味道: 3分4. $38.00嘅凍髒髒咖啡睇見顏色有層次,而呢杯嘢食凍嘅,但一粒冰都冇,原來係雪住嘅.老公對佢冇任何評價.2. $68.00嘅黑松露純素芝士蕃薯條一嚟到睇,嘩!咁多嘅?蕃薯條新鮮炸起熱騰騰,外脆內軟,大家都知道蕃薯嘅味道係甜,食得多鹹脆薯條,不妨試吓甜脆嘅蕃薯條.而佢嘅黑松露純素芝味道啱啱好,唔錯.不過份量真係可以變做主食,老公建議價錢同份量減半.味道: 5分1. $88.00嘅忌廉菠菜闊條麵嚟到睇到,相對起黑松露純素芝士蕃薯條嘅份量少,食落,滿口都係菠菜味,闊條麵口感啱啱好.味道: 3分3. $58.00嘅豆腐芝士蛋糕落完單,店員問即上定後上?我答後上.呢個size正常,豆腐味好清淡,絕對要好細心至食得出,而佢又唔太甜,ok嘅.味道: 3分 6. 凍伯爵茶由於我哋覺得兩杯飲品唔多夠,而且未叫店員上豆腐芝士蛋糕,於是叫呢杯嘢飲,店員話呢個冇得單叫,咁要改單轉為免費嘅餐飲,而之前其中一杯嘢飲收返正價.啊,OK冇問題.呢杯嚟到後一飲,唔止有茶味,重有種好熟識但又諗唔起嘅味道,而且有啲清涼,當然,有冰嘅飲品梗係清涼,但除此之外呢種冰涼係來自第二樣嘢,或者佢哋加咗薄荷.但另一種味道呢,老公就話似係菊花.又好似係喎.味道: 4分價錢:有加一服務費,但o衣o家睇返張單,髒髒咖啡收$36.00,平咗?2.8分環境:4.5分 continue reading
(The above review is the personal opinion of a user which does not represent OpenRice's point of view.)
Level4 2021-04-24
5450 views
之前都有食過ssp 個間記得個exp 都唔錯,所以都想食多次。成間鋪以粉色設計為主,好有少女風味。菜式數量唔會太多,可以有d選擇得黎又唔會有選擇困難症。哥同個friend 一人揀一個share食啱啱好。冬蔭意大利飯首先飯既份量頗多,胃口細既朋友建議叫少飯。意大飯配料有盧荀同秀珍菇,豐富了飯的口感與味道,加上冬蔭味好濃再配上少少辣,令人食指大動。因為醬汁比較濃稠,所以啖啖都感受到冬蔭既味道。麻辣青醬墨西哥薄餅呢個真係辣得幾過癮,唔係辣到嗆喉嚨個種,但係會一直有種麻痹感留係嘴邊。薄片Pizza 非常Crispy,哥本身都偏好薄身pizza,呢個就有種食緊chips 既感覺。鋪係面既蔬菜為Pizza 添多一份健康既味道,成個pizza好味得黎又唔怕肥,因為一d肉都冇。今次clumsy 的我仲要為左影d 靚靚擺設,搞到成杯茶倒瀉哂,成為全場焦點。好彩店主同店員都冇因為咁而責怪我,仲好細心咁問我有冇事有冇整污糟。佢地真係超nice 超細心,之後仲換左張枱俾我地。如果香港多d 呢d餐廳就好😌凍伯爵茶呢杯就係哥打瀉左個杯既遺照(之後佢地整番杯俾我,復活!) 好清好舒服,天口興都可以飲黎gur 一 gur,唔一定要肥仔水。熱玄米茶想健康啲要熱飲嘅,都可以要杯熱玄米,茶麥味幾重,飲落好舒服。 continue reading
(The above review is the personal opinion of a user which does not represent OpenRice's point of view.)
回訪素年 食物依然好食🤩即使係第二次食都仲有驚喜💛不定期更新嘅主餐單可以引人係咁做回頭客🍔🍴.① 冬陰意大利飯($88)//冬陰公煮得好夠濃好入味 而且帶有微辣🥘味道真係100%還原!唔會太淡太稀✨而且仲有啲菇粒🍄估唔到冬蔭公同risotto都可以咁襯💛意外地好食(๑•̀ㅂ•́)و✧//Food:🌕🌕🌕🌕🌕🌘② 不可能肉醬意粉🍝($88)// 蕃茄醬好香而且不可能肉碎嘅口感真係好似真豬肉🐖完全無違和感~意粉仍都好彈牙☺️💛意粉相比一般更好食!//Food:🌕🌕🌕🌕🌕🌑③ 不可能漢堡包🍔🍟($128)// 幾乎係必食item!!!依然係為咗食到蕃薯條而點的🍠不過蕃薯條送到嚟已經唔係好熱🥺但都係原條實在嘅口感🤏🏼同埋不乏香甜~如果可以熱辣辣脆卜卜就更好✨至於burger嘅不可能漢堡都係水準依舊(๑´ڡ`๑) //Food:🌕🌕🌕🌕🌖🌑④ 蕃薯芋泥波波🟣 ($68)// 估唔到份量一啲都係吝嗇🤩一份都有六粒✋🏻☝🏻而且粒粒都好多餡好足料食2粒都有啲飽🤰🏻仲要炸到卜卜脆🤏🏼已經諗好下次要encore💛//
Food:🌕🌕🌕🌕🌖🌑
.🎗素年 (深水埗)深水埗福華街191-199號福隆大廈1號地舖🍮#aiii_foodie 🍔#aiiifoodie_shamshuipo #aiiifoodie_黃店 #aiiifoodie_深水埗 continue reading
(The above review is the personal opinion of a user which does not represent OpenRice's point of view.)
Level4 2021-04-13
3350 views
今晚同朋友encore荃灣呢間素年,之前都有來過吃lunch時段,今次跟朋友來吃晚市。餐牌基本上全日都是一樣的,分別只在5:30pm前吃可以免加一,但入座時間就75mins。如5:30pm後入座,雖然要加一,但可以有90mins用餐時間。今次我同朋友好醒,book了位,因為晚上時間都好多人。門面好清新、簡潔,餐廳內食客都好多。趁咁岩有食客用餐完,都補拍了一張餐廳內的環境,好舒服、光明、通爽的,坐得不錯。除了環境唔錯外,呢度既素食都好好味。其實唔講,真係未必知是在食素中。因為真係好好味。我們點了兩款主食。一款是不可能漢堡。漢堡都大大的,好多汁好好味。植物肉都好出色,其實吃起來都似是在吃豬肉咁,腍腍地好香身,好好味。襯埋d juicy汁,味親一絕,burger內仲有蕃茄、火箭菜等等的配料。正呀。店員在下單時仲問了我跟朋友是不是分享食物,如是可以幫我們的burger一分為二,方便進食,店員好熱心好好服務又細心,抵讚。除了burger外,仲有一大堆蕃薯條,好好味,好厚切,所以呢set burger with fries都好飽肚。另一個主食點上了肉醬意粉。蕃茄味香濃,而且酸酸的,十分開胃,令人想一食再食。意粉彈牙不會過黏,好好吃,混埋了蕃茄醬好正好惹味。上面仲鋪了大量素豬肉碎,所以吃起來又有肉的口感,味道好好,好有層次。如果不說,其實會以為自己在吃一般的肉醬意粉。每個主食還會配上一杯熱的玄米茶或凍的伯爵茶。或可以加錢配上其他餐牌內的飲品都可。我跟朋友都點了熱玄米茶。玄米茶好香唔錯唔錯,飲完仲可以再添加熱水,非常好。是晚用餐十分開心及滿意。 continue reading
(The above review is the personal opinion of a user which does not represent OpenRice's point of view.)
Level4 2021-03-30
2531 views
近來出外吃飯不是煎煎炸炸、多油多鹽,就是聚餐放題、自助餐、火鍋,今晚決定要健康一點,於是上網找到這間在荃灣三陂坊的素年。餐廳以文青簡約的白色作為裝潢主題,座位闊落,平日晚餐時段亦全場滿座,記得要預早事先訂座。餐牌選擇眾多,有小食、沙律、Pizza、意粉、甜品等,全部都是素食,其中有不少創新Fusion菜式,十分有新意。不可能漢堡包用上Impossible Meat做的漢堡包,漢堡肉質爽朗厚實,百分百還原牛肉漢堡的口感,麵包一咬鬆軟綿密,富牛油香,配撘純素芝士醬汁及意大利黑醋,滋味非凡。番薯條份量慷慨,口味香甜,炸得香脆可口,讓人上癮一條接條,屬水準之作。日式咖哩吉列豬扒意大利飯另一款用上本地的新豬肉做成吉列豬扒,口感及味道同樣幾可亂真,外層鬆化香脆入口不油不膩,內裡肉質嫩滑,意大利飯用上真正的意大利米,故此飯粒較有嚼勁,乾濕合度,當中加入番茄、露筍、雜菌等材料,每一啖都滋味豐美,也有口感與味道變化不一的驚喜。熱玄米茶/凍伯爵茶隨主食奉送的茶飲亦同樣出色,玄米茶的獨特芳香及茶香相輔相成,而伯爵茶的柑橘香氣突出。抹茶雪糕梳打最後點了一客甜品作結,十分創新的將傳統的抹茶和清爽的梳打結合,加上抹茶雪糕,一匙入口,頓然遍體生涼,腴而不膩。 continue reading
(The above review is the personal opinion of a user which does not represent OpenRice's point of view.)