Freshtea By Happylemon (Closed)

點餐要黑糖4.3鮮奶，本身飲料包兩個配料，要左珍珠，另加錢要布甸，但無比到布甸，事後發現並同日搵翻該店，該店仲堅持話本身已經有落到，只肯俾翻2蚊了事。店員態度勁差。唔會再幫襯。…查看更多

夏天熱辣辣真係好需要飲凍野而係九龍灣依頭 happylemon就係我地首選嘅鋪頭飲得太多 我地已經累積咗豐富嘅心得😀❤️桂花荔枝綠茶雖然個名得荔枝不過佢係有蘋果香橙同埋寒天 清清地 岩曬唔鐘意太甜太重口味嘅朋友岩鹽芝士經典綠茶Happylemon嘅岩鹽芝士真係世界級❤️Creamy濃厚 鹽度岩岩好 有時我鐘意就咁不黎食🤣都唔會好漏深焙奶茶係出面飲唔到經嘅高質😋奶茶有種烘烤咗既炭香味整體評分 👍🏻👍🏻👍🏻👍🏻👍🏻杯杯都咁好飲 永冇中伏…查看更多

難得約咗朋友去九龍灣買嘢，食完個晏就去咗happy lemon 飲嘢，真係好耐冇飲過呢間野啦對上一次應該係我中學嘅時候見到佢個Menu已經唔同晒啦，有好多新嘅嘢飲。而今日咁熱，我就飲咗杯好似幾消暑嘅飲品，益力多鑽雪冰斯，我覺得真係幾啱夏天飲，酸酸地又有冰，仲有啲好似蒟蒻嘅𡁻下，好啱夏天飲…查看更多

深焙珍奶（L)$28 半糖正，推薦。茶香奶滑。鐘意飲濃味奶茶的人一定不會失望，而且不會有苦澀味。大大杯，可以飲好耐。我下次行開都會買多杯。檸檬Mojito晶鑽梳打（L)$36有薄荷葉，切片檸檬，配上梳打，等於無酒精MoJito。清新refresh。店員好貼心咁同我講個野唔搖得，因為有氣，仲比左個袋我裝住，提醒唔可以放入背囊。店舖位置淘大商場一期，由大門走進，穿過一期，後面有條車可以行既路，位置個邊。…查看更多

今日行行吓街好口渴，經過happy lemon就買咗杯嘢飲。今次買咗綠茶配奶蓋。估唔到奶蓋有驚喜，好好味，鹹鹹地，質地又厚，好濃忌廉芝士味。二茶底都幾香，幾清甜。茶底嘅清香可以解膩。…查看更多