Foodbox (海光街) (Closed)

平日係鰂魚涌想食韓國嘢，又唔想咁Heavy，每次都會黎呢間！比起鰂魚涌附近或者太古嘅韓國菜，呢間算性價比高每次黎都會食牛肉粉絲鍋($70)湯底清甜好飲，冇味精味，送飯一流！每次食都連湯飲埋鐵鍋上熱辣辣，天氣涼涼地食仲正～ 仲有好多鮮甜嘅娃娃菜同菇，牛肉唔會韌，吸收晒湯嘅清甜味，再加埋粉絲，好正！另附小碟泡菜，十分推介今次帶埋同事黎食，個個都話正其實佢炸雞都唔錯，可惜好似晚市先有，唯有揾日放工黎食啦！…查看更多

鰂魚涌嘅海光街一向都好多嘢食㗎，今次就選擇咗food box呢間韓國菜。睇過啲資料話呢間係韓國人開嘅餐廳，見到個Menu選擇就唔多，最出名就係食醬油海鮮，大概三百幾蚊到。我和hubbie嚟食晚餐，叫咗一個大醬湯加飯（$70），同埋一個冷拉麵（$75）。大醬湯味道就非常之足，只覺得啲食材例如係肉嘅份量唔足夠，所以都唔係好食得飽。冷拉麵就更加唔使講啦，完全冇餸，原本以為係蘿蔔，點知一咬原來係冰嚟嘅，得個湯酸酸開胃，有啲蘿蔔味啦。…查看更多

今天光顧這一間韓國餐廳, 環境地方又細, 光顧的客人也不是太多, 座位又坐得唔舒服, 坐到要同人地搭枱咁, 冷氣機又開得大, 啲客人都投訴, 廁所和桌椅相隔好近, 廁所又不衛生又臭又污糟, 服務員又多多規矩, 她的態度十分十分之差勁, 都不是做生意的, 又經常黑面, 食到背脊骨落, 食材都不是太好, d嘢食又唔係太熱, 千祈不要光顧!!!! 如果想有服務的就不要來!! 經過今次不愉快的經歷, 都想share 俾大家聽, 以後都不會去這間餐廳!! 真係差勁! …查看更多

成日都好想試吓食醬油蟹，本來黎都係想叫醬油蟹既，但係最後都係無試🤣🤣點解？怕肚痛囉，腸胃真係比較差，諗左好耐都係唔好博，但係foodbox呢度有醬油蝦，醬油鮑魚喎⋯⋯都係試吓先😋😋又真係唔錯喎，再點多個滾熱辣嘅牛肉粉絲湯，暖埋個胃就唔怕腸胃唔舒服啦…查看更多

最近去開鰂魚涌發掘好野食，今次黎Foodbox 食下久違既韓國野。午餐時候，我早過朋友到，侍應要到齊先比入。坐底叫左牛肉粉絲鍋，食物好快送到。每個餐都有配菜，牛肉鍋成個湯好甜，牛肉份量好多， 有蔥同金菇，但遺憾既係粉絲就得一注😅😅😅有點失望，啲飯略嫌有啲硬。…查看更多

今日中午特別餓，碰巧又煲完韓劇，想吃韓式炸雞，二話不說就帶著一家大小來到這間foodbox韓式餐廳，因為它的招牌甜酸無骨炸雞（韓式炸雞）真是好吃到爆一進餐廳就二話不說的點了一份韓式炸雞，還有小孩愛吃的韓式拌飯，當然少不了就是韓式芝士拉麵和豬肉泡菜湯，喜歡這裡的原因除了東西好吃以外😋人也很親切，環境衛生各方面都很讚👍 今日的炸雞真是炸的特別的脆口，外脆內嫩喜歡吃炸雞的朋友們，這間foodbox是你們不錯的選擇喔⋯⋯價格實惠 東西又好吃😋人也很nice主要是環境很清幽過幾天再來吃他們的海鮮豆腐湯，也是我的最愛❤️…查看更多

First impressions of this place really are good, nice and clean and nice decor, unfortunately that's where the good part ends ... The food is very expensive and dry and no flavour. I ordered the chicken with spicy source. But I received dry deep fried chicken with sweet chilli sauce that tastes like a cheap supermarket bought one and 5 chips. My girlfriends dish was supposed to come with kimchi, however it had only a tiny amount, when she asked for more they said they are out of stock, that's why only got a little bit ... A Korean restaurant without kimchi ??? Also, no sauce or topping of any kind ... and really dry with no flavour. We paid HK $ 253 for our meal, honestly, kfc would have been better, and any food court would definitely be better. For this price there are so many better options.Oh, and to top it off they were playing really awful commercial dance music that would be better suited to Korea's equivalent of LKF than a restaurant. Avoid this place!…查看更多

天氣涼涼地，最啱就係食韓國野暖下胃。呢間既牛肉粉絲鍋出曬名好食，為食既我當然要試下啦。牛肉既牛味好重，同金菇好夾，湯就偏甜，我就覺得幾好，但朋友超吸鐘意，而辣海鮮湯對我黎講就太辣。…查看更多

Lunch 稍為等了一會兒，但相比其他店又唔算多。我叫左個雞肉石頭鍋飯，都是唔錯。同事點左d辣嘅，睇落下兼食落去真係好辣，有興趣的可能要留意下。份量看似不多，但食落都飽。…查看更多

雖然唔係嚟呢度食飯嘅重點，但係同行朋友話想試吓，就叫左一份辣炒年糕，年糕煙韌度適中，味道都唔錯但係醬汁唔夠濃稠。今次主要就係想試醬油蝦，見到有醬油鮑魚就叫埋，唔知點解同一碟醬油，鮑魚太鹹，有啲失色，醬油蝦反而個味啱啱好，好好食，之後仲追加左個白飯，如果再食多次會直接淨係叫醬油蝦，鮑魚真係太鹹。…查看更多

亂行又搵到依間野見佢靚靚地 價錢合理舖頭唔大 2張6人長枱 1張4人枱 同bar枱我地貪得意坐bar枱😆Lunch menu 都係咁上吓石鍋飯 伴飯 海鮮鍋 餃子湯 炸醬麵/飯 等叫咗個韓式雞肉伴飯 ($65)上菜好快 而且都睇落唔錯不過有啲驚訝係佢指嘅雞肉原來係肉碎一開始以為俾咗豬肉我有泡菜 同腐皮做開胃菜伴飯都幾豐富 有紅蘿蔔絲 冬菇 白蘿蔔絲 菠菜 紫菜 芽菜 翠肉瓜 煎荷包蛋 同雞肉碎雖然每樣好少 唔夠用黎伴飯 🙁味道方面比較清淡 因為佢冇落咩醬油 加上本身料醃得唔鹹 都好嘅 自己調節 又健康啲好唔關食雞肉碎😂又食唔出雞味 唔講真係似豬肉碎飯份量夠一個人食 但係較硬身同埋唔夠熱 好快凍冰冰蛋煎得ok 不過如果無咁熟會好啲-唔可以話佢好食 不過唔差亦係韓國菜較健康之選員工服務好好 好有禮貌👍🏻坐得都舒服 舖路細 但幾溫馨嘅感覺咁佢價錢唔算貴 平衡返簡簡單單又一餐…查看更多

今次是第二次因為醬油蝦來到這里. 我們兩個人訂了位. 接近七點, 店內還有空位, 但漸漸就滿座了, 而且很多是熟客仔.說得上為了醬油蝦, 醬油鮑魚而來, 當然訂位時已經預留了. 醬油蝦, 醬油鮑魚有跟一個紫菜蛋飯, 紫菜和白蘿卜片. 今次的醬蝦咸了一點點. 鮑魚有點過老，好有咬口。上菜跟之前有點出入, 今次上枱時, 已經剪好. 第一次來的時候是由OPPA, 在食之前才把蝦去売的. 另點了一個牛肋骨湯, 湯清甜. 牛肋骨肉啖啖肉. 有4-5件. 牛肋骨湯有跟白飯的. 埋單是沒有加一的. 讚!…查看更多

2019年11月27日 星期三平日lunch time朋友去左排隊攞位 12:15到左 話未齊人吾比入，一直排隊，排到隊頭，12:30我去到 （已齊人），都吾比入。跟住叫左我地隊後面個堆人入去。:(我地心諗咩事？ 店員話：我知你地齊人，但後面落左order所以入先。心諗：咁點解一開始吾比我地落order? ？？？（黑人問號❓終於到我地，入到去，豬肉枱。放歌好大聲，又嘈， 同對面隔左一段兩個餐盤既距離， 傾計都要好似係街市講價咁叫。野食好快黎到叫左一份辣豬肉飯，一份石鍋牛肉拌飯。食物溫度ok暖，拌飯落左好多辣醬都吾會好辣。:(食左都無15分鐘，我想講我仲未食完，店員係咁想收我個飯走，我仲拎住支餐具......口入面仲咬緊岩岩個啖佢好好人啊 比我食多2啖，又神速收左我個飯，仲收埋我本身想叫佢幫我加水既杯最後乾吞埋啖飯落口都未落格，2次埋黎叫我地賣單走，完全係趕客。我明白lunch hour 人多，無位，多人排隊，係既，但你吾洗趕客走。我前前後後食完個飯15分鐘都無，比你咁serve，野都未食完又趕人走。若果你想趕人走，你不如寫到明：速食店，食完好走，限時20分鐘？寫清楚的話你咁樣做我可以理解囉～今時今日你咁樣既服務態度真心吾得囉。今過一次我吾會再黎幫襯，都吾會同同事黎食。你人流少左，客人少左，希望你可以比個好既服務態度比肯幫襯你地既客人！…查看更多

未食過d廿難食既韓國嘢份量少得可憐實食唔飽湯入面得幾粒餸 淡茂茂有冇味成80幾蚊唔使又受氣又難食囉服務態度非常差見冇乜人先至入去食真係貼錢請都唔識絕對絕對冇下次垃圾未過d廿難食既韓國嘢…查看更多

這天又去其中一間我會在香港吃醬油蝦的韓式小店。己經是這間店的常客了，每次都會點它們的醬油蝦套餐，這次也不例外的點了它們的醬油蝦套餐，我推介了朋友點醬油鮑魚蝦套餐，如果跟朋友第一次來我一定會推介他們點這個餐。因為他們的醬油鮑魚是我吃過香港最好吃的，暫時沒有之一。餐有附送無限的紫菜和醃蘿蔔，我超級喜歡他們的醃蘿蔔，是整個菜的畫龍點睛。我的吃法是首先一塊紫菜，加上一片醃蘿蔔，加上兩粒蝦，加上一些紫菜飯，然後包在一起吃，正！這間餐廳的所有醬油蝦己經去掉蝦殼，不用自已去殼，適合我這種懶人，而且蝦和鮑魚真的好吃，爽口彈牙。所以韓國這類醬油什麼真是白飯神偷，每次去我都吃掉一大碗飯，哈哈....又，這間店最貴己經是這個兩個set，2xx和3xx的價錢，其他套餐是很便宜的，50多60多元可以吃到一個牛肉拌飯，不過我就沒吃過，大家可以試試囉，反正是很便宜。…查看更多