166
72
13
3-min walk from Exit D, Prince Edward MTR Station
continue reading
Introduction
It seems like a historical restaurant in design. There’s neon light. Darts and board games are provided. It is a good place for friends gathering. And the food is quite distinguished and creative, for examples, they do fried chips with mapo tofu and cheese.
continue reading
Additional Information
用餐時間為90分鐘
Opening Hours
Mon
Closed
Tue - Sun
12:00 - 15:00
17:30 - 22:00
Public Holiday
12:00 - 15:00
17:30 - 22:00
Public Holiday Eve
12:00 - 15:00
17:30 - 22:00
Above information is for reference only. Please check details with the restaurant.
之前試過晚市，今次試下午茶太耐冇食呢間，我都唔太記得，因為下午茶冇咩選擇，大部分係甜品，10個有6個都話冇做，價錢都偏貴，所以只好叫返午餐菠蘿炒飯🍍$65跟Apple juice 🧃 啲菠蘿好少…提子乾就多，不過佢係有雞肉嘅，但係好似蒸滑雞飯啲雞咁🙈冇咩味道。未算好正宗，肉鬆條少少，腰果都係冇嘅，味道還好另配$18 蝦餅兩件，下次千萬提自己不要點，佢完全唔係用蝦整，係麵粉做嘅😰不試也罷另一個叫左火車頭豬頸肉炒飯$58+凍泰式奶茶$12個炒飯同平時食開嘅泰國餐廳有出入，冇泰式炒飯嘅惹味，洋蔥🧅全部未熟，非常之嗆味，而芥蘭粒亦帶苦味，成碟野唔係好夾再有加一服務費，下次都未必再食晚市餐牌比較多選擇 朋友聚會食過兩次 不過不失啦
continue reading
位於太子嘅芳華絕代，打卡一流，兩層高嘅餐廳滿滿嘅LED霓虹燈，工業風水泥裝修加白色鐵絲網，融合咗泰國夜市同現代感覺。$338二人套餐好抵食，仲唔洗逐樣諗食咩1）去骨海南雞 🐔 或 鹽燒烏頭 🐟好耐冇食海南雞，所以揀咗海南雞，如果揀烏頭要加返$38都唔貴2）主食有好多款，包括金邊粉、炒飯、咖哩、炭燒雞扒，選擇好豐富 🍛我哋揀咗泰式香葉肉碎煎蛋飯，超多肉碎，配上一隻煎蛋3）小食拼盤 🍖🍤🍢炸魚餅、炸蝦餅、單骨雞翼、春卷，都幾大份4）冬蔭公湯 🍲好大碗，夠每人飲兩碗，面頭鋪滿芫茜，唔會太辣5）兩款飲品 🍹🥤揀咗蜜糖西柚梳打（+$10）荔枝菠蘿梳打（+$10）雖然已經好夠嘢食，但點都要加番個菜，泰式炒椰菜苗 （$88）🥬辣椒加上鋪滿炸蒜，一啲都唔吝嗇
continue reading
最近搬了去太子，常常在玻璃窗望入去都見到有啲人入坐食嘢，再睇埋openrice啲like都唔少，於是今晚同朋友去試下呢間泰菜係咪真係得先？！由於第一次嚟食，唔敢叫得太瘋狂，諗住叫啲最穩陣的款式試下先，所以只叫咗泰式海南雞飯及豬頸肉沙律，若唔夠食才再加單啦！(1) 泰式海南雞飯碟飯嚟到竟然無跟海南雞醬汁，要問侍應係咪有醬跟才在樓下拿上嚟，仲要係等咗好耐，跟住一食啲飯，係有椰汁味的，但啲飯偏硬，有啲位硬到我以為我食緊煲仔飯啲飯焦，再食埋啲雞……嘩！“鞋烚烚”真係“鞋”到要吐渣！真的搞唔掂(2) 豬頸肉沙律呢碟見到個賣相已經唔合格，完全求其撈埋一碟嘢咁，啲豬頸肉一食落口……又乾又“鞋”嘅！因為切得太薄而且可能燒得太耐掛！總之，我食過咁多間泰菜餐廳，從未食過如此難食的泰菜……完全中伏！！
continue reading
上OpenRice 睇到呢間好少負評同埋7點前埋單見有8折（連埋加一實質得九折）入到去環境都唔錯幾舒服！坐低左諗左一陣就決定左叫過2人餐加左過炒金邊粉同埋一份串雞！！！先講個冬陰功，入面得啲菇就冇其他配料，同埋味道好差（第一次飲過咁差嘅冬陰功）呢個拼盤啲食物常乾爭爭又係非常難食！呢個係茄汁炒金邊，炒完出嚟啲蝦係凍，又係好難食🤦呢份海南雞仲衰過係街邊燒味店買2十幾3十蚊切雞！呢個好似叫馬沙文咖哩牛腩，啲牛腩白灼咗之後淋啲汁上去，又係非常難食！如果大家想感受直升機經過可以去試吓（伏伏伏伏！）總括嚟講！（10分為滿分）食物1分環境6分服務6分價錢1分
continue reading
自從通關以來，就一直好想去泰國玩下食下，奈何冇假期😢咁唯有喺香港食泰國菜頂下癮先啦！餐廳環境運用咗好多燈光去營造一個特色氛圍，好多位都好適合打卡，而且感覺好chill好適合一班人去聚餐，現場都見唔少人係一班人喺度飲飲食食！一嚟見到個二人餐幾抵食，包括有、小食拼盤、冬陰功湯、泰式海南雞或燒烏頭，仲可以揀一個主食，同埋配兩杯嘢！泰式海南雞我鍾意海南雞嘅肉質，屬於比較有口感嘅雞肉，唔係好似出面嗰啲豆腐雞咁好淋。而且佢雞味都幾濃，就咁食都好好味，如果想有酸酸辣辣嘅感覺就點下佢個泰式醬汁啦！小食拼盤佢呢個小食拼盤有4款嘢食，包括炸魚餅、炸蝦餅、炸春卷同埋炸雞翼，份量都唔少㗎，而且所有嘢都係新鮮炸出嚟仲熱辣辣。冬陰功湯分量足夠兩個人飲到兩碗，酸酸甜甜咁樣好開胃，仲有少少菇同埋蕃茄喺湯入邊。菠蘿炒飯呢個菠蘿炒飯有埋雞肉，而且啲雞肉都幾大舊仲好多件，仲有埋啲臘腸粒、提子乾同埋啲菠蘿一齊炒，整體嘅口感都幾多層次！飲品飲品方便我選擇咗價錢去叫佢哋嘅特色嘢飲，特別值得推介係珍多冰！我之前都未飲過呢款飲品，第一次飲覺得真係好好味，椰香椰奶都好濃岩曬我，仲有佢啲cendol口感軟糯！我仲加錢叫埋甜品，食得泰國菜點可以冇芒果糯米飯。佢咁糯米飯仲係熱辣辣嘅，配埋香甜嘅芒果，再加埋佢既椰醬係perfect match!
continue reading