99
17
3
4-min walk from Exit A, Quarry Bay MTR Station continue reading
All Branches (3)
Telephone
25639928
Introduction
The restaurant only has outdoor dining area, specializes charcoal grilled chicken that can choose your flavour and side. The sauce comes in two flavors: Rosemary & herbs and Peri Peri marinade. continue reading
Opening Hours
Today
12:00 - 14:30
17:30 - 22:00
Mon - Fri
12:00 - 14:30
17:30 - 22:00
Sat - Sun
12:00 - 22:00
Public Holiday
12:00 - 22:00
Public Holiday Eve
12:00 - 14:30
17:30 - 22:00
Payment Methods
Visa Master AlipayHK Alipay Cash Octopus OpenRice Pay
Number of Seats
70
Other Info
Online Reservation
Alcoholic Drinks
May Bring Your Own Wine Details
Cake-cutting Details
Parking
Reward Dining Points
Delivery
10% Service Charge
Outdoor Seating
Spot payment
About Reward Scheme
Review (129)
Level4 2021-06-01
178 views
今次去香港島同個女人妻客占卜問事. 佢問我食唔食煙, 我話唔食! 打死都話唔食!因為我知佢食, 而且必定去D露天茶座吹水, 天時暑熱, 我怕怕嘛.最後, 佢載我去露天餐廳鰂魚涌 Flame.唉..... 睇到個人妻係剛烈性格, 佢係客人, 唯有聽吓佢話啦...一到場, 望見 Flame 門口放咗兩部巨型冷風機, 降溫不少, 真幸運.....人妻豪話隨便點, 於是唔客氣點咗客雞肉卡邦尼意粉, 脆香炸雞, 10安肉眼同蒜香雜菌.我好怕食粗身意粉, 雞肉卡邦尼用上比較幼身嘅意粉, 已經加分, 卡邦尼汁忌廉味香濃, 意少彈牙, 再加上肉嫩雞肉, 滿意.蒜香雜菌大部份係蘑菇, 重係新鮮蘑菇唔係罐頭貨, 再加上蒜香味濃, 俾第二個滿意.10安肉眼肉嫩juicy, 肉眼係厚切, 所以一定足10安士.最驚喜竟然係薯條, 係用原個薯仔切成, 連薯仔皮都無刨, 連皮食外脆內軟又juicy唔乾身!超讚.一邊食一邊起卦占卜, 食到天黑, Flame 化身成一間酒吧, 可以繼續飲酒吹水. continue reading
(The above review is the personal opinion of a user which does not represent OpenRice's point of view.)
Level4 2021-05-31
143 views
有時在海邊跑完步,會到太古和鰂魚涌搵間餐廳靜靜地坐,近日在鰂魚涌尋找隱世餐廳 – Flames,餐廳在海灣街,外面有兩個大型帳篷,不難找到,主打美式食物,雖然戶外沒有冷氣,但因為近海一點都不覺得熱,而且餐廳都有提供大型風機,非常貼心。餐廳外不算很大,現在的疫情,戶外用餐總好過在餐廳內。餐牌有小食、意粉、招牌炭燒烤雞、主菜、沙律、頭盤等等…..當然不少得啤酒、紅白酒。我跟朋友點了蒜香蝦球$78、炭燒葡式香辣蝴碟雞$128、吉列魚柳漢堡配薯條$128、Hangry Donut$78、橙汁$30。蒜香蝦球 - 色澤紅潤、蝦肉肉質彈牙、蒜香味很重、加上香草十分惹味。炭燒葡式香辣蝴碟雞 - 雞皮香脆,惹味得很,味道濃郁,加上葡式辣辣的醬汁配塔得很好,雞肉肉質鮮嫩。吉列魚柳漢堡配薯條 – 薯條份量十足、肯定夠飽,吉列魚柳十分香脆,加上蕃茄、沙律醬、生菜,麵包略帶點脆脆,整體十分出色。Hangry Donut -酒花帶西柚、檸檬香,配合洛神花,味道微酸而帶莓香。橙汁 – 不會太甜,味道不會很假,橙鮮味十足。 continue reading
(The above review is the personal opinion of a user which does not represent OpenRice's point of view.)
Level4 2021-05-26
176 views
今日去左鰂魚涌等個朋友收工,晚餐就由佢發板,佢係度返工呢頭佢熟路我地去了一間叫「Flames 」既西餐廳,全戶外座位,老實講去到門口果陣的確有點擔心但目測餐廳有兩大部專業吹風機,坐下來又的確一點都唔熱,至少呢餐飯無流過一滴汗除左晚餐客,都有唔少收工客坐低飲返杯鬆一鬆餐廳食物選擇不算很多,但前菜小食沙律、主菜意粉牛扒雞等都有蒜香雜菇$38份量出奇地多,蒜味超香濃,每粒都好夠味,而且沒有草青味,超鐘意鐘意蒜味一定必點魔鬼辣雞翼$68有六大隻,隻隻都勁厚肉,皮脆、肉質嫩滑,辣醬不是很辣,但個味很好,開胃惹味!雞肉卡邦尼意粉$88有很多又大塊既雞胸,雖然是胸,但絕不鞋口,汁很濃郁不是稀稀的!意粉份量絕對唔少,食極都有,$88呢個價錢食到呢個份量同味道確實驚喜十安士肉眼扒配薯條$168薯條很好味,不懂形容,有調味粉及香草吊味,格外好食!牛扒份量大兼厚身,肉味很濃,食得出是靚肉整體比預期驚喜,而且以這區來說價錢很經濟了,每人消費才二百多,吃得超滿足 continue reading
(The above review is the personal opinion of a user which does not represent OpenRice's point of view.)
鰂魚涌越嚟越開得得多街坊小店,真係附近嘅鄰居今晚就去品嚐下呢間,雖然夏天坐係街道冇冷氣係會有少少辛苦,但趁天氣未咁熱又有大風扇嗰陣就可以趁機會試吓。地獄雞翼,雞翼上枱嗰陣非常之熱辣辣新鮮即整俾我哋,面頭上炸得非常之香脆,而入面嘅肉都唔會太老有肉汁,佢最有特色嘅係旁邊嘅一個地獄汁,聽侍應講話個汁已經調校到冇咁辣,食落去係一種辣嘅沙律醬,非常之惹味同埋開胃。蒜蓉包,一份有四個每一個都大大件,沾上好多蒜蓉牛油,唔會太過孤寒,所以食落去都幾濃味,同埋應該係新鮮焗起,所以食落去係脆口,唔會硬身。主菜方面就叫咗10安士嘅牛扒配薯條,牛扒識落脂肪比例唔算話太高,不過食落去牛味非常之香濃,同埋啱啱好夠七成熟所以食落去有少少咬口,本身牛肉出面唔係話太多嘅調味,只係有鹽同黑椒,旁邊仲有一個黑椒汁,以呢個價錢來講有咁大塊牛扒算係非常之抵食,夜晚來講男仔一個就絕對夠飽。旁邊嘅薯條本身都已經有鹽喺上面,點少少茄汁已經非常之夠味。卡邦尼意粉,一上袋雖然唔係話超大碟但係食落去非常之飽肚同埋有少少滯,因為餐廳用上超級大量嘅芝士所以你食落去每一啖佢都會非常之杰,配合埋用咗有一定硬度嘅扁意粉,令到你需要喺口入面咬一咬,你會食到香濃嘅芝士同埋煙肉味。入面仲有好多雞肉一條條咁,所以味道都唔會太寡剩係得芝士味。天氣熱辣辣一定要配上啤酒降溫,honey donut絕對係一個唔錯嘅選擇,飲落去啤酒嘅苦味唔會太多反而仲有少少甜味而且非常之夠凍,食一啖飲一啖絕對透心涼。最後職員嘅服務態度非常之好,會好關心你會唔會太熱等等,食物亦都唔需要等好耐就可以上枱。仲要係全部熱辣辣。作為一條巷仔入面同埋呢個價錢,有咁的質素絕對係非常之抵嘅選擇! continue reading
(The above review is the personal opinion of a user which does not represent OpenRice's point of view.)
有睇開福福郎食評的朋友,都知我很少吃炸、烤等的熱氣食物, 不是不喜歡吃,只是「貪靚亅 和希望吃得健康些 : 一怕脂肪積聚、 二怕吃完後出暗瘡。。。 今天為了這家露天餐廳。。。破例一次! 😂為什麼?因為好味囉!! 當然。。。還有最近流行吃薯條, 你冇睇過麥當當「大姜的愛」MV咩? 「進擊的薯條亅。。。「反白眼分食亅、食條薯條都可以玩出咁多花樣, 真心好笑!。。。🦉嗱!正如姜B餐的賣點是「 三步手機app點餐亅,還有「 姜B閃卡亅, 那這家餐廳的賣點又是什麼呢?? 我覺得它的「位置亅應記一功,位於 鰂魚涌太古坊旁海灣街的一條小窄巷內, 而且是露天而坐, 感覺有私隱之餘 ,亦很有soho區華洋夾雜的巷弄風情!星期日的下午 ,在這裏吃著烤雞和炸物,很有 「鬧市煩囂中的悠閒 亅feel。。。Devil Wings 魔鬼辣雞翼 $68用的是jumbo雞翼,大大隻雞翼,賣相很好,首先加分。 雞翼是現炸的,炸得金黃酥脆, 一放在桌上已經香氣四溢。。。正!一咬下去,雞肉仍然保持鮮嫩, 很多肉汁、很juicy, 而且雞肉是熱辣辣的, 很新鮮。 我忍不住一口氣吃了三隻 。。。破戒了!炭燒香草雞連粗薯條 $128 (半隻)這個烤雞套餐的薯條也是不得了。。。現炸的粗薯條, 連同烤雞以大堆頭的形式上碟, 先聲奪人, 加了店家秘製的調味鹽, 薯條咬下去又脆、又鬆、又惹味。 鹹鹹的薯仔條,令人食指大動, 不其然的 讓我的手指像不受控似的 。。。把一條接一條的 粗薯條接連 放進口裏, 好好享受一番。火箭菜蘋果 Parmesan 芝士沙律 $88吃了那麼多熱氣的東西,當然要來一個mouth watering的沙律菜, 清一清味蕾。新鮮蘋果條的甜味,剛好中和了火箭菜的苦澀味, 這個配搭我是第一次吃, 感覺蠻不錯。另外我還點了Ginger Ale ($30/glass) 配炸物,cool & fresh 。。。今天沒有梳「河童頭亅, 但在吃著炸物時, 也有天南地北、胡扯一番。。。 去研究一下「功倍事半亅和「事倍功半亅的分別, 和其他流行話題。。。 隨意地傾著。。。一件件連環歡樂事件 ,輕輕鬆鬆又渡過了一個開心、快樂的星期天, 真的。。。很圓滿。。。。🦉福福郎staycation食評系列, 有全港十八區的特色餐廳介紹 ,你今日睇曬未?! 請按左上角的「福福郎貓頭鷹頭像」, 參閱我的其他文章啦!。。。🦉 continue reading
(The above review is the personal opinion of a user which does not represent OpenRice's point of view.)