Feather & Bone

今次專登帶牛痴過嚟海之戀Feather & Bone，估唔到商場裏面藏住咁高質扒房！樓底高配復古皮梳化，開放式肉櫃望見原塊乾式熟成牛肉，零售區睇見全冰櫃各國靚牛、羊, 全部任君選擇! 那炭烤香飄過嚟已經流口水, 立即親自揀定心水肉扒，交俾廚房的師傅即場料理，成個過程似高級肉檔混合私房廚房，儀式感爆燈💫▪️ 靈魂前菜：Bone Marrow Starter烤到滋滋響嘅牛骨髓，用匙羹一刮——油潤膏狀質感撞脆多士，濃郁骨膠原感令人即刻忘卻卡路里▪️ 肉食主場雙拼：•Dray aged grain fed Ribeye Steak (0.24kg)親自揀嘅乾式熟成肋眼特別有感情！30日乾式熟成肉眼扒切開透出玫紅肌理，外層焦脆內裡柔嫩，FAB秘製牛油融化後滲出迷人香氣及口感•Lam Rack frenched cap off (0.2kg)法式修邊羊架鎖住肉汁，輕輕切開已經感受到彈性，淡粉紅色羊肉味道層次分明, 炭烤味極香, 簡單撒海鹽已經帶出草原氣息! ▪️ 瘋狂回購位：Chips配神級 Truffle mayo粗薯條炸到外脆內綿，重點係嗰碟mayo——松露香氣濃郁，薯條未食晒醬已見底逢星期二T Bone之夜已經mark實下次慶祝！下次坐室外, 望住海境及聖誕裝飾，終於明點解有人成日話「食肉都要有格調」🔥…Read More

放工搵舊同事食飯, 佢帶左我去呢間係商場入面既西餐廳, 話馮星期二呢間餐廳做緊TBone牛扒🥩半價, 叫我一定要試下, 呢間都幾特別, 入到去係零售超市, 好多野買, 連蔬果🍇都有, 跟住又有一間好似品酒🍷室, 擺滿好多不同酒類, 再入就係用餐地方, 燈光昏暗有格調, 我地就坐室外, 環境好chill, 仲可以帶寵物🐶一齊用餐, 太開心了朋友係零售位置既凍肉櫃自選好了TBone牛扒🧡，店員會即時磅出價錢，之後可以揀配菜,我地就揀左菠菜. 另設有牛扒可以係屋企或者店內享用都得, 好方便👏🏻*澳洲哥芬灣生蠔🦪~ 有濃郁的海水鹹味和鮮味，口感爽脆, 檸檬以布包住, 唔驚整到手濕哂又乾淨, 好細心*法式洋蔥湯 🫕~ 味道濃郁香甜，帶有洋蔥的甘甜和焦糖化後的香氣, 配搭芝士酸種多士, 點小小湯, 更加美味, 喜歡洋蔥湯的必試*法式雞肝凍🐔 ~ 配以烤法式蛋麵包, 糖漬核桃和照燒洋蔥, 麵包微熱軟熟, 夾埋洋蔥和香濃雞肝醬, 好夾*GrassFed TBone🥩真係好大塊, 同埋厚肉, 我要左medium, 煎到剛好, 呈鮮紅色同埋香噴噴, 結合了兩種口感，一邊係軟嫩、脂肪少、風味溫和；另一邊就係結實, 帶有嚼勁、油花較豐富的口感😋下次要買牛扒返屋企試下自己煎先💪🏻💪🏻…Read More

成日經過外面以為只係外國零售超市好多進口貨可以買點知原來入到去別有洞天係一間西式餐廳仲有Outdoor 位置咁岩睇到汀九橋同埋日落成個氣氛都好Chill❤️‍🔥草飼T 骨牛扒逢星期二T 骨扒都有半價優惠自己去櫃台揀選我自己唔係好識揀，店員都會有建議咁大塊九百幾克半價都只係四百幾蚊好抵食！熟度五成岩岩好！近骨位特別軟淋牛味濃郁～～鐘意食牛既真係要試下！仲提供三款免費醬汁可以自己搭配❤️‍🔥炭烤西蘭花苗估唔到燒得咁好有炭火香食落仲係爽脆嘅，好味❤️‍🔥炸大啡菇條外面脆卜卜切開勁多汁❤️‍🔥澳洲哥芬灣生蠔口感偏爽身隔離個吱檸檬設計好貼心❤️‍🔥法式洋蔥湯碗湯好甜好濃啖啖洋蔥香甜仲配埋芝士酸種多士夾埋都幾好食❤️‍🔥Iced Peach Tea食完濃味野好岩飲杯桃茶解膩❤️‍🔥Tiramisu咖啡味夠濃但唔苦芝士好嫩滑口感味道都好出色！…Read More

星期二＝ 吃肉正義日🍖🍖帶埋朋友衝去T‑Bone Tuesday半價唔去對唔住自己🤭🍖Grass‑fed T‑Bone 0.76kg｜原價$706.8 → 半價$353.4超大塊肉厚切到誇張，邊位油香包住骨邊肉，煎到微焦好香，刀一落肉汁係真流出嗰種，以為咁厚肉會咬唔開😂 原來入口肉質都幾軟腍！！超多塊肉肉一齊要分享比大家食！🍖Dry‑aged Grain‑fed Ribeye 200g $386（Do Not Slice）乾式熟成帶堅果香，牛味香濃🍖中間切開肉質有少少酒紅色，配搭Onion Gravy（$15）＝鹹甜平衡得好靚。Side Dishes🍄‍🟫Mushroom Fries $78 比想像中天好食！新鮮即炸香噴噴，菇菇炸脆到咔嚓聲，入口菇香濃郁🥦Broccolini $78 好大條西蘭花，配搭肉類一齊食可以解一解膩☕️Flat White $40 不搶戲🍰Tiramisu $78 傳統Tiramisu，店員喺一大桶刮一羹Tiramisu放上碟，仲問我哋添唔添！？由於太飽關係，我哋就無再要到。tiramisu 奶香輕盈，唔會過甜～Dine‑in T‑Bone Tuesday 折扣 −$706今晚荷包OK，肚仔撐住走出餐廳😂結論：想一次過滿足「肉味」「油香」「性價比」三個願望？記低星期二來。食肉獸的快樂，簡單直接🍖🍖…Read More

Feather & Bone一直以嚟都係賣高質靚牛扒同埋凍肉馳名，但其實佢哋嘅餐廳部分都絕對係臥虎藏龍。入去餐廳前，會經過賣澳洲特產的商品部，好復古、好有去左澳洲古商店的感覺。有我常在澳洲見到的自家品牌產品。餐廳無論室內或戶外都非常浪漫氣氛。還有熟食牛肉賣。逢星期二設有 T Bone 優惠。首先，重頭戲當然係個澳洲和牛肉眼扒啦！叫咗五成熟，塊扒一上枱，個賣相已經贏咗。外面煎到有條好靚嘅焦香烤痕，餐廳已好細心地幫我哋切開咗，裏面係啱啱好嘅粉紅色，肉汁多到鎖唔住，流咗出嚟。入口第一個感覺就係「嫩」！和牛嘅油脂分布真係好均勻，好似雪花咁，食落去油脂香係口腔裏面爆發，但完全唔會覺得膩口。個種濃郁嘅牛味，加上餐廳提供的三款醬，已經足夠帶出肉質嘅鮮甜。不過我個人就最鍾意就咁食，享受最原始嘅肉香。絕對係值回票價！食完牛，試埋佢哋嘅豬肋骨。豬肋骨甜甜哋又帶少少煙燻味，非常之惹味。烤嘅火候控制得好好，肉質輕易離骨，但又唔會話爛溶溶，仲保持到多少咬口。個種烤香同醬汁嘅結合，令人食到舔舔脷，係一種好滿足、好放縱嘅感覺。招牌冰桃茶絕對係必點之選！佢唔係普通嘅罐裝桃茶，飲得出係用咗真嘅桃肉去整，甜度適中，好清新解渴。食完濃味嘅牛扒同豬肋骨，啜返一大啖冰凍嘅桃茶，即刻可以中和返個油膩感，個感覺真係一流，令人可以繼續戰鬥落去。Bloody Mary 調得非常好，蕃茄味同伏特加嘅比例平衡，仲加入咗一啲獨特嘅香料，飲落去好順喉，帶少少辣勁，好刺激胃口。鍾意飲兩杯嘅朋友，叫返杯嚟配肉食，真係錦上添花。…Read More