Fast Taste (福華街) (Closed)

一份雜扒午餐，份量都超出預期， 味道也很讚， 餐還包括沙津和南瓜湯， 還有果汁。而牛扒，豬扒和雞扒都很大扒。性價比很高， 環境整潔安靜。是休閑約會的好地方， 下次再去試漢堡包。…查看更多

💛遇上無良業主同疫情影響下 無奈會於721前結業嘅fast taste長沙灣店 💛大家仲可以繼續支持深水埗分店💛真係好抵食而且係好食🍔經典牛魔堡 $55呢個價錢+$18配飲品同小食 小食可以揀薯條/薯格/蕃薯條/洋蔥圈/芝士條 😍🍔個burger件肉好juicy, 加左crispy煙肉口感更佳 個醬都好出色🍝素肉醬意粉 $56估唔到仲有素食揀 而且選擇都多 差唔多有十種 burger 意粉 飯都有呢個價錢已經包左野飲 仲可以+$9 配沙律/餐湯/小食🍝素肉醬意粉有素免治牛肉，茄蓉，什菇絲 洋蔥 ，雖然冇肉 但依然非常夠味 同平時肉意完全冇分別 😛小食揀左薯格 唔好以為9蚊得好少 份量唔少而且好脆 好食過kfc Pizza Hut嗰d超多💛💛不得不提 佢有dinner special 有豬肋骨 豬手等 百幾蚊但個份量大到嚇死你 我都係望到隔離枱share食先知 咁正咁抵食嘅黃店點解會得咁少😊😊 🥲真係值得有更多人支持同認識💛講左咁多讚 唯一要彈嘅係裝修同門面 門面真係比較唔吸引 如果裝修靚d一定好打卡able 😅 冇影入面環境相 淨係影左💛💛明信片牆味道：環境：服務：性價比：回頭率：…查看更多

星期五晚上想找間黃店子食飯看到Fast Taste 記得之前長沙灣店試過外賣，覺得不是特別好食。但可能因為外賣始終爭d，今日見行開深水埗有分店，比多次機會在黃金商場對面一條街以為佢好細間，一入門口有一排吧枱。再入原來有很多位置可供坐下。座位都很舒適，有超值晚市套餐，但我今日想食嘅牛魔堡就沒有在套餐內。我一行二人，一個想食漢堡，再想點一個士多啤梨醬配豬肋骨，可惜豬肋骨已經售罄最後我哋點左兩個漢堡，一個是經典牛魔堡，令一個是軟殼蟹漢堡兩個都沒有套餐，另外加了$18多一杯嘢飲同埋一個小食。主角出場，牛魔堡很Juicy，比外賣好食好多。足料好味。不過甜番薯有點遜色，不是很熱。另外嘅軟殼蟹漢堡10分驚喜，軟殼蟹很大很多肉，不會炸得過時，10分好味。另外一提，店內雖然裝修簡單，但很有心思。。總括而言，我哋總共吃了$188 ，味道、服務、座位各樣都很舒適而性價比高，下次會再來試試其他食品。…查看更多

今日去左深水埗搵美食💛💛叫左個極上和牛漢堡配薯條$90個漢堡都好足料，牛肉唔會鞋，味道而薯條都炸到岩岩好，好脆餐湯都好味💛，感覺健康點，食埋個沙律呢間黃店有心製作💪🏻整體評分：4/5味道：4/5抵食：4/5…查看更多

有日就收鋪,有位街坊係鋪外飄浮,原來佢係對面fast taste買左外賣比我地食~佢丟低兩盒野,就繼續拎住罐啤酒行左去啦.我地打開個盒,嘩,又pizza,又漢堡,仲要勁大個....個個食左野,咁點好?一於同朋友share,收鋪後去搵另一間鋪既朋友仔一齊食,聽講,fast taste pizza 出左冇耐,我地都未試過,今次試下啦,根據官方menu,哩個pizza 係巴馬火腿pizza,材料有,巴馬火腿,洋蔥絲.三色椒絲,雙色芝士,茄汁.而個漢堡,係公司漢堡,有兩塊肉肉,一塊和牛漢堡,一塊自家漢堡,仲有煙肉,黑松露炒蛋,生菜,蕃茄,同蜜糖芥末.相當大份.有朋友幫手食係唔同d,一人一塊好快食曬,芝士味濃,但又唔搶曬茄醬味,配埋鹹香巴馬火腿,正啊~個漢堡超大個,我係咁偷d 肉同炒蛋食,男人先食得曬個包,佢話好好食,但下次切半,搵人share啦要,太飽,食唔落pizzaXDDD…查看更多

今日出深水埗交貨，上綱search 揾下附近有咩食，文青cafe又收得早，又唔想食粉麵，茶餐廳~揾到呢間係附近，試下先:)環境無咩特別 鵝肝漢堡好味 炸蕃薯條好味 薄餅一般，可能已經飽了一半 可以再去支持 餐牌同收據忘了拍照！…查看更多

💛黃店🔱今次要介紹嘅食物就係位於深水埗！📜” Fast Taste (福華街) (深水埗)📌 地址:深水埗福華街110號地舖🕐營業時間:11:00-00:00📍分店地區: 深水埗 長沙灣📝評價💬📢 位於深水埗嘅平價burger 🤩🤩首先好鍾意舖頭入門口嘅格局💛💛好多介紹其他黃店👍🏻👍🏻互相宣傳又靚靚構圖💛💛夜晚去食雖然要加入但係價錢都係非常之合理😆套餐有得揀薯格或者薯條😍最特別嘅地方係有素牛🙈同素食朋友去食都係一個吾錯既選擇👅所有食物都係即叫即整所以都需要時間😉食物賣相都幾吸引 食物質素就普普通通冇咩特別 唔算太大 夠一個人食🤣有見過男士要叫兩個餐先夠🤣🤣🤣🏵環境指數:⭐️⭐️⭐️🏵味道指數:👅👅👅🏵抵食指數：💰💰💰🏵回購指數:❤️❤️❤️…查看更多

係鋪頭諗黎諗去唔知食乜好,就去fast taste 買包食,佢地地理位置唔太好,果邊街好少人行,walk in 客難見到鋪面.熱到發瘟,食個夏日風情菠蘿雞漢堡應下境先,點知男人發現話我唔預佢,又拎隻碟走過去買,吖,仲叫埋薯條食添,其實fast taste 既漢堡一向都係堂食好過外賣,個紙盒會焗住d 水氣, 拎遠d 都會影響賣相,如果唔係即食連包都會焾埋,我地近就冇問題,菠蘿炸雞漢堡.我總諗起pizza 有菠蘿哩件事,但由細又會食菠蘿腸仔,又會食咕嚕雞球,咁到底漢堡應否有菠蘿呢?菠蘿炸雞漢堡有菠蘿,炸雞扒,蕃茄同生菜,其實酸甜菠蘿同炸雞係夾既,炸雞外皮香脆.炸粉如果薄d會更好,經典牛堡有車打芝士,自家漢堡,生菜同蕃茄,多數男人都係食哩款,少數會食和牛漢堡,佢話哩款冇和牛咁油,牛味會出d,同埋價錢平d,可以食多隻XD(跟薯條的話其實根本冇一次食得曬)FAST TASTE 既漢堡同添福果種又唔同風味,樣樣都要食,要平衡下既.…查看更多

原店係長沙灣，早幾個月開到黎深水埗。主要食西餐同burger，上菜偏耐左少許。✨味道77分，💰價錢屬中價，服務ok。.🔸極上和牛漢堡配薯條($90)和牛漢堡咬落幾juicy，上面仲放左黑松露炒蛋好香，中間有熱溶哂既車打芝士，蜜糖芥末醬，好惹味。薯條幾脆，旁邊仲有沙律菜，解下膩。.🔸芝士雙菇漢堡($52)+配原味雞翼(+$9)有兩種菇，波特菇，雞脾菇，整得夠稔又juicy，配芝麻醬酸酸地幾開胃，啱晒蛋奶素人士食。另加配原味雞翼，炸得幾脆，不過唔算厚肉。.🔸焦糖鵝肝牛肉漢堡($99)+蕃薯條 (+$9)焦糖鵝肝咬落有啲油脂滲出，非常香，如果大舊啲會更好，配熱熔芝士，蜜糖芥茉醬，好惹味。另加配蕃薯條，熱辣辣，甜甜地既蕃薯味，好正。.🔸熱柑桔檸檬: 同想像唔同，酸酸甜甜但冇柑桔肉。.🔸香芒橙汁: 有果肉既橙汁，有淡淡香芒味。.🔸熱朱古力: 唔夠濃。…查看更多

沒有晚上堂食的日子第N日，差不日日都係在車上食晚餐，今次去左深水埗Fast Taste😋叫左個公司burger，未開盒己經聞到牛肉嘅香味，漢堡肉多汁好味，非常高質既漢堡包👍🏻👍🏻👍🏻你知有時叫漢堡包外賣都會扁咗，永遠圖片只供參考😂但今次我一打開時，真係Surprisingly覺得佢靚仔🍔而且真心覺得好味😋其實我地仲叫左個海鮮意粉，但因為食完個咁高質既漢堡包🍔我竟然唔記得影相😅😅仲有跟餐叫左份雞翼都好好味，外脆而雞肉嫩滑多汁。…查看更多

鐘意食西餐但戒牛之後都冇咩機會食肉醬意粉同漢堡飽，每次去到fast taste可以完全滿足我呢兩個希望。而家係深水埗都有分店，正最重要係好味同高汁，價錢又ok，所以都幫襯過幾次。鐘意飲佢哋嘅金桔檸檬，音樂又好聽，會繼續食。…查看更多

之前光顧過長沙灣店，已經一試愛上。今次殺入深水埗戰區，當然即刻黎回味下。如果你想食好滿足口腹之慾，油脂感十足嘅漢堡，呢度你真係可以試試。lunch set 十分抵食我叫咗鵝肝漢堡先講下每一層出色之處包：溫暖鬆軟，可以吃到芝麻的想去。軟綿綿的，好溫柔的口感。鵝肝：一入口，滿滿嘅油脂即刻爆發出黎。因為沒有煮得過熟，鵝肝即刻融化成液體，蕩然在嘴中。最後還有淡淡回甘。牛肉：很厚實，食得出係經歷千錘百鍊過後的牛肉扒。一點點焦香襯托出濃郁的牛香。不得了。最後，還有番茄等配菜，整體令漢堡肥而不膩。缺點吧⋯⋯鵝肝太細塊啦⋯如果可以加大就好⋯…查看更多

知道新開左一間黃店想去懲罰一下，去到見到原來係主打漢堡和門口貼住一張紙寫住新開張88折，就入去試食下先😍打開個menu見到原來除左漢堡，仲有素食精選，包括漢堡、意粉飯和素菜全餐，跟餐包一杯飲品仲可以加$9要一份沙律或餐湯。我就叫左素菜全餐，老公就叫左經典牛魔堡和另加左芝士條。特別想提及枱和杯的問題，導致到好容易會倒瀉杯野，員工係唔會俾返杯新的你，大家要留意下!.1️⃣經典牛魔堡 $57 ，另加芝士條$10 （6.16/10）價錢合理，但質素麻麻地，牛肉比較乾身，菜都幾新鮮，如果可以加多啲汁相對味道會好一點。芝士條有拉絲效果，但食落去有厚粉的感覺.2️⃣素菜全日餐 $75 （6.96/10）餐可以簡素牛或素雞，我簡左素牛，但食落去唔似牛肉似蟹餅。煙肉食落似火腿。黑松露滑蛋配搭菇一齊食呢個幾好食，沙律普通。薯格好香脆，不過都係正正常常同出面一樣…查看更多

地點比較隱蔽，但係找到門口之後，會發現深水埗場地比較大，座位比較多，可以坐得鬆動啲。餐牌同長沙灣店一樣咁多嘢食👏🏻 話是試業中，有些食物包括甜品是沒有的，不過我覺得上菜速度好快。深海鱈魚堡 (HK$57)．大大片脆炸鱈魚柳，一切開時，塊炸魚皮仍然黏實塊魚柳，魚柳都幾多肉，有魚味，沒有雪味．有一大pat Miracle Whip 醬．新鮮番茄和生菜片．沙律菜加咗芝麻醬好好味．芝麻麵包，如果係熱烘烘和脆口啲就好啦！蕃薯條和凍金橘檸檬 (+HK$18)．甜心嘅蕃薯條，厚切脆口．凍金橘檸檬，少冰，味道不會太甜…查看更多

喺深水埗人 社交平台 group見到新開左呢間漢堡包店，今日夜晚經過就決定試一試！宜家新開張仲有88折！外賣同堂食都有👍🏻個素食餐好抵食，包一個素食漢堡配薯條，同嘢飲。加沙律同小食都係$9！巨菇芝士漢堡配薯條 $55 (原價)素牛扒漢堡配薯條 $55 (原價)個巨菇芝士漢堡入邊有大啡菇同埋雞髀菇，大啡菇冇草腥味都有肉汁，個包唔算烘得唔太脆。而同伴嘅素牛扒漢堡就一般，個素扒食落唔似牛，反而似豬，我哋都一致認同個巨菇芝士漢堡比較好食。但值得一讚嘅係薯條即叫即炸🍟👍🏻另外我哋都加咗沙律同埋洋蔥圈，各$9。洋蔥圈都係即叫即炸，但有啲可惜冇醬附上，食落比較寡。而沙律都係普通嘅芝麻汁沙律，同漢堡餐嘅伴碟沙律一樣。總括嚟講，嘢食唔算好有驚喜，但CP值極高，就算冇88折都好抵食！💛…查看更多