輝之茶居

Open Now

Now Closed

今日阿媽話嚟試下，首先要等位嘅，因為舖仔係細亦無限時，不過又唔係等好耐，可以接受嘅範圍 🤣🤣 佢棟門係趟門，經常有人開門（包括等位，外賣之類）所以冷氣係極度唔夠（本人係熱底 😝）要關門先 feel 到有。啲點心都 ok 嘅，不過未去到驚喜，所以排隊就免了，但係有啲點心就出面少有得食嘅，佢聲稱係即叫即蒸，嚟到係好熱，捺咀，不過無煙㗎喎 🤣🤣🤣👍🏻👍🏻 最好處係免加一，茶錢 $6 位；以上純屬個人口味，自己試下最實際 😬

普通人一個！十年無一潤會寫食評！亦無安排會寫，只因吃出感動來！所以連照片也欠奉！話說本人剛收工揸車路過！剛好有錶位！這時九點十五分左右！好多食店開始打洋！見佢末関！心想吃個普通晚飯就可以！我叫左個蝦醬蒸腩片飯！吃左兩啖！驚艷呀！D味道！真係好到吃得出店家既用心！燒賣，有清香既菇味之如不會太俗！做到佢獨有既味道特色很好！最後係鮮竹卷，這個也不錯的！整體都係無得彈！要之到佢都打洋在即食物還可吃得出的新鮮！非常不簡單了！很應真做事的店！經過一定會再來！見佢無乜食評！點解呢？都盡力支持吓啦！好難會撞到一間咁應真既點心專門店👍堅正！加油！

行過偶爾見到，終於喺假期去試吓。一口氣試咗四款點心分別係雞札、排骨、黑椒豬腸以及類似春風得意腸嘅腸粉。.飲茶就當然講咗啲茶先，嗯，還好，香片還可以唔會淡出個鳥來。下次試下普洱或者菊普。.蒸排骨同雞札合格、黑椒豬腸算入味同夠肥、而春風得意腸嘅腸粉皮做得幾好唔會太厚、入面嘅炸蝦卷夠熱。.合格啊，唔怪之得見佢之前繁忙時段都要等位。大埔做飲食唔容易，競爭大，啲客用腳投票，啲出品差就無人嚟。.下次有機會再試埋其他先，無伏。