FAB Kitchen (Closed)

荔枝角工業區呢閒西餐原來都唔錯，今日去探完爺爺出黎食飯，呢閒好多史努比主題公仔白色調西餐廳幾唔錯，餐前包係我最中意既紅梅麵包，口感似法式麵包煙韌，烘熱，夾牛油，帶紅梅粒粒，淡淡奶香味，好好食；南瓜牛奶湯，香甜綿密，好香南瓜味，creamy！水牛城鷄翼我都好中意，香辣味帶少少酸酸甜甜，外皮炸得香脆，肉汁好嫩多汁，醬汁仲要係我中意既檸檬汁，so good，牛扒都煎得好好味，最中意鷄翼！…Read More

今次同朋友去咗億利工業中心食FAB Kitchen，餐廳主打法國同意大利Fusion菜，環境闊落坐得舒適座，藍色格調都好優雅。我地叫咗$688 二人set dinner，包兩個沙律或湯，兩個前菜同兩個主食，麵包和飲品，性價比不錯‼❇️鵝肝批 青蘋果桃醬鵝肝好味後勁味道濃烈，蘋果、桃果香好甜，配鵝肝幾夾，食落幾清新💚❇️咸豬手肉 法式凍批❇️帕瑪火腿片無花果開胃菜都幾好味，Pamaham肉質鹹度適中，而咸豬手肉有鹹香味，亦有少許香草味😋😋❇️主菜- 香煎銀雪魚 三文魚子 菠蘿清酒泡沫一上碟已經聞到香煎魚味，非常吸引❣️ 魚質好滑好嫩，油脂豐富，幾易切開魚肉而唔散，配上三文魚子嘅鹹味口感層次豐富，菠蘿清洒亦唔會蓋過銀雪魚嘅鮮味👍❇️主菜-法式脆皮烤鴨胸 藍莓香醋醬烤鴨煎得少少脆皮，鴨味好出，油脂感重，肉質煙韌有口感，加埋酸甜既香醋醬十分惹味😋❇️檸茶❇️美果洋甘菊茶 整體用餐體驗及食物質素十分滿意🥰👍👍…Read More

1 橄欖餐包上檯既時候熱辣辣 口感外脆內軟旁邊仲有橄欖油同埋意大利黑醋可以一齊點埋嚟食 更開胃2 是日餐湯-粟米忌廉湯飲到好多搞醉咗嘅粟米整體好鮮甜 好好飲3 芝士牛油果煙三文魚沙律沙律好fresh 個人鐘落黑醋嘅沙律好開胃同突出到煙三文魚佢哋嘅鮮味//Main//•烤澳洲 M5和牛肉眼扒 ＄258切開中間係粉紅色同埋肥瘦均勻唔會太乾 不過有少少硬隔離仲有炒蘑菇同椰菜花烤煙鴨胸配青豆蓉＄158厚切鴨胸 好似腸仔咁樣 但完全唔硬肉質鮮嫩加埋芥末醬一齊食好襯…Read More

今次去咗位於荔枝角工廈嘅西餐廳度食晚餐，出名以合理嘅價錢食到高品質嘅菜式。慶祝紀念日或者生日想食西餐既好選擇。🥰🥂無花果餐包🧈餐包烘到有少少脆脆地，咬開有無花果肉，抹上香滑嘅牛油，更加好食😋雜菇忌廉湯配百里香泡沫🍄‍🟫軟滑嘅忌廉湯，仲食到粒粒嘅蘑菇蓉，口感豐富！南瓜湯配煙肉泡沫🎃估唔到南瓜湯配煙肉粒呢個配搭都幾夾，南瓜味好濃郁，煙肉粒炒到脆脆地，個湯飲落去好creamy！吞拿魚牛油果他他配柚子沙律汁🥑吞拿魚他他配上柚子汁，酸酸地好開胃，再點少少特調牛油果醬，食落去更有層次。自家制紅菜頭醃三文魚配 橙肉及茴香沙律🍊三文魚用紅菜頭汁醃咗，所以睇落去好似漸變色咁，三文魚捲成好似一朵朵玫瑰，賣相好靚！三文魚配上橙汁橙肉粒，食落去酸酸甜甜，好特別嘅前菜。煎波蘭安格斯西冷牛扒 配 牛乾菌燒汁🥩比較厚切嘅西冷牛扒，肉質好軟腍，肉味好出，而且保留到肉汁。點埋燒汁一齊食，更加濃郁！輕煎三文魚配香蔥檸檬牛油汁🍋三文魚煎到外皮香脆，三文魚既肉質仲係保留到嫩滑，點上特調嘅香蔥檸檬汁，好fresh嘅配搭。宜家仲做緊推廣，當月生日既朋友仔，連同3位朋友黎食飯，生日既朋友就免費食一餐！🎂…Read More

原來億利工業中心都幾多嘢食😆今次去咗一間幾有feel嘅西餐廳唔知大家有冇發現 史努比好多時去食西餐都系同爸爸👨🏻一齊🤣唔好問點解 純粹史努比鍾意😂好啦唔講咁多廢話 我哋入正題~👍🏿餐包 $0餐包系一間西餐廳比人嘅第一印象好影響之後嘅食慾 所以史努比從來唔會輕視呢樣嘢🤭應該系穀物麵包 有烘熱先上枱👍🏿仲好細心咁喺中間界咗一刀 等你可以好輕易咁將牛油夾入去🥰不過實不相瞞史努比食餐包一向都唔夾牛油😂麵包最外面微微脆口 質感比較厚實 雖然就唔系好鬆軟嗰種但帶啲濕潤 都唔會話硬掘掘咁🤪食到好明顯嘅麥香 而且有一粒粒嘅穀麥嘅口感另外仲有啲提子提 帶出一絲絲香甜令麥包唔會好dry 唔錯嘅~😆味道: 7.5/10👍🏿南瓜湯配煙肉泡沫 $68賣相好精緻🥰表面注入泡沫 應該系想好似拉麵湯底咁令佢味道更濃郁🤔(呢個史努比估計架姐!南瓜湯非常順滑 有別於平時飲開好多南瓜蓉嘅佢似乎已經將南瓜嘅甜味extract晒出嚟所以飲落味道濃郁 而且更加creamy順喉🥰撈勻奶泡之後忌廉同南瓜味互相映襯又唔會搶過對方👍🏿另外仲落咗啲bacon碎除咗為佢增添口感之如 仲令成個湯更加香~確實系幾好飲嘅🥰味道: 8.5/10性價比: 7.5/10👍🏿吞拿魚牛油果他他配柚子沙律汁 $98吞拿魚蓉嘅份量好足😆質感軟嫩冇筋佢唔系拖羅蓉嗰種幼滑入口即融反而加入切碎咗嘅赤身 令口感同味道都更豐富魚油香從口腔慢慢滲透出嚟 而唔會過份油膩👍🏿另外仲加咗漬好嘅碎洋蔥粒 爽脆得嚟帶啲酸甜食落更有層次感😚配搭酸中帶甜嘅柚子沙律汁 絕對系一流嘅開胃前菜😛隔離其實有牛油果蓉伴碟 望落好滑 不過史努比唔系好like牛油果😂所以冇特登去食🤣味道: 8.5/10性價比: 8/10👍🏿雜菌忌廉意大利扁面 $158史努比一向都鍾意扁意粉多過普通圓形嗰啲軟硬度適中 做到Al Dante嘅口感🥰闊而粗嘅形狀令佢更容易掛汁🤪忌廉味濃郁自然 口感creamy值得大讚嘅系佢啲雜菌🤭用咗好幾款菇 其中黑色嗰款(應該系香菇)味道真系特別香菇味好濃 仲有少少似松露味添🤣切得夠大粒 質感爽彈好有咬口😆系幾有驚喜嘅🤭On top仲有啲原片嘅Parmesan cheese調出適當嘅鹹香 而唔會話好滯好heavy~Overall調味系啱啱好嘅 唔會太鹹👍🏿味道: 9/10性價比: 8/10👍🏿法式油浸鴨髀配炒菠菜 椰菜花蓉及洋蔥米 $188好難影得佢靚😂但呢個好食!爸爸👨🏻話外面層皮焗到微微香脆 油香十足!:(((嗱唔好打我 史努比去咗皮嚟食🤣🤣但都依然覺得佢好抵讚😚鴨肉非常之嫩滑 輕輕用刀一界已經可以好容易咁令佢骨肉分離(有啲變態XD😂調味啱啱好 食到明顯嘅黑椒香 又唔會過鹹~連平時唔聲唔聲嘅爸爸👨🏻都覺得有啲驚喜😳底部嘅炒菠菜索晒鴨髀嘅精華食落油香十足 爸爸👨🏻好鍾意 但史努比就略嫌佢油咗啲😂本身以為伴碟嗰啲系薯蓉 但睇清楚原來系椰菜花蓉😳口感超滑好creamy 但忌廉味稍重 史努比就麻麻不過爸爸👨🏻都系話好好食🤣洋蔥米有啲啲似薏米咁嘅口感幾有咬口 但史努比唔太鍾意隻味😬簡單嚟講佢個主角鴨髀幾出色只系伴碟唔太啱口味 所以先扣咗啲分🤭但鴨髀先系重點吖嘛 佢好食就得啦😆味道: 8.5/10性價比: 7.5/10*另設加一服務費*最近食咗好幾間餐廳水準都mama day今次食到間有質素嘅西餐 開心仔~😆價錢屬中上啦 但絕對系慶祝嘅好地方😚服務唔錯 會主動幫你加水 前菜轉主菜又會換碟雖然好似好基本咁 但其實好多餐廳都做唔到而今日呢間有做絕對值得一讚~環境裝修幾靚 只系冷氣有啲大 好似史努比咁怕凍嘅話真系要帶件褸🤣食物選擇雖然唔算好多 但其實咁仲好 比人嘅感覺系專心做好一樣嘢史努比appreciate🫶🏿推薦大家嚟試試佢🤭整體評分：味道: 8.4/10環境: 7.6/10服務: 8.1/10衛生: 8/10抵食: 7.7/10…Read More