Essence

位於東涌諾富特東薈城酒店的自助餐餐廳。 友朋自遠方而來，為盡地主之誼，接機自然少不了，匆匆的香港之旅，入住在東涌酒店，行李才剛安頓好，已被焦急的我拉出去食晚餐；有時千挑萬選倒不如選一間就腳的，於是這間環境寬敞舒適，食物選擇種類多又有半價優惠的酒店自助餐，便成了我們當晚聚腳之選了。 ⋆__ Dinner Buffet (經官網預約 50%off) ___⋆   這間酒店的自助餐，除非是住在這裡或剛好出入機場，否則真的較少有外來客山水遠來享用。因此，餐廳的服務品質自然更勝一籌：熱情的招待、餐點的補充頻率以及收碟速度等等都令人滿意。而入座的客人更會贈送半隻黑松露芝士焗龍蝦和蒸生蠔，鮮甜肥美，令人十分滿足。.✿ 冰鎮海鮮區 冰鎮海鮮不算多，但這個價錢來說，普遍比較受歡迎的長腳蟹腳、翡翠螺、凍蝦及大蜆等都有供應，真心算不錯。凍海鮮的品質普遍不錯，肉質爽嫩，貝類亦不見有沙，整體新鮮度令人滿意。 .✿ 刺身壽司區 刺身有帶子、三文魚、吞拿魚、八爪魚、鮑魚等，款式算不少；另外也有提供我喜歡的芥辣八爪魚任取。而壽司的款式則相對普通，建議把Qᴜᴏᴛᴀ放在其他地方。.✿ 熟食區熟食區有多款時令海鮮、蒸魚、不同的串燒、自選湯麵，粥粉麵飯、燉湯等，選擇很多，自己覺得尚算滿足。.✿ 現切新鮮油甘魚每晚7點，餐廳都會有師傅現切油甘魚表演，伴隨著搖鈴聲，只見師傅刀起刀落，一片片鮮美的油甘魚便端到各食客碟前。油甘魚有腩肉和背位，香氣四溢，鮮甜肥美。.✿ 甜品區食自助餐又豈能不留肚食甜品，這間的甜品款式也算不少，不同款式的蛋糕及切餅，精緻用心，味道也很不錯，吃過幾款都未見中伏，值得留肚！雪糕款式只有Häagen-Dazs的幾個口味，對雪糕迷來說或許略顯不足。另外，童年最喜歡的朱古力噴泉也有提供啊，雖然人大了，真的不喜歡將生果浸在朱古力熔漿上，但這個是儀式感的問題，朱古力噴泉還是值得體驗一下呢!…查看更多

-𝐍𝐨𝐯𝐨𝐭𝐞𝐥 𝐂𝐢𝐭𝐲𝐠𝐚𝐭𝐞 𝐇𝐨𝐧𝐠 𝐊𝐨𝐧𝐠 ✈️前兩個星期為左籌備大日子去左東涌 outlet進行採購🤣 不知不覺就行左全日 近近地去諾富特東薈城酒店醫肚因為最近酒店今個月推出左「和風夏祭」自助餐以優惠價人均$399 就可以任食日式美食 — 由刺身到香烤串燒都一應俱全（仲留意到自助午餐由＄273起）🔊和風夏祭自助餐供應至7月31日 仲有一個星期就完啦不過聽講黎緊8月會推出以太平洋做主題既海鮮自助餐🌊 關於「和風夏祭」自助餐當中包括各種刺身、手握壽司同特色料理 例如：🇯🇵 和風區 — 刺身款款新鮮 珍寶帆立貝彈牙甘甜；有手握壽司、素麵、天婦羅、縵魚炒飯等🍢即點即做既照燒串燒 — 有鹽燒大頭蝦、鮑魚、燒蠔、雞翼等等 而個人覺得羊架同鳳尾蝦惹味有驚喜；🥘熱菜區 — 啤酒煮蟹酒香淡雅、關東煮都值得一試；個人幾推薦食潮式菜脯粥（食得多海鮮生冷野突然想暖下個胃 飲個豬骨湯/食粥都幾唔錯 係典型亞洲胃🤣）🦀 海鮮區 — 有青口、翡翠螺、蟹腿飽滿多汁；🥗 沙律區 — 基本生菜、沙律醬汁、芝士、凍肉都有；🍰 甜品區一 特別設有日式甜品抹茶芝士蛋糕、芝麻奶凍同3.6牛乳布丁 、芝士蛋糕；而港式甜品有豆腐花、多款涼粉（建議可以問職員拎個三花淡奶一齊食）、生果朱古力噴泉、榴槤葡撻、爆谷、Haagendazs 雪糕等等；…查看更多

🐟 原條鮮魚即席現切 – 高質刺身愛好者天堂當晚食到 黃鰭吞拿魚，師傅即場切，成件魚好新鮮，脂肪分佈得靚，食落入口溶開。平時自助餐好多時魚腥味會好重，但呢度完全冇，仲有即蒸生蠔，鮮味爆棚，真係生蠔控福音。🍫 抹茶朱古力噴泉 – 甜品控必到甜品區絕對係女生天堂，尤其係 抹茶朱古力噴泉，濃郁得嚟帶少少回甘，配棉花糖同水果，完美收尾。🍴 其他亮點：鮑魚花膠濃雞湯米線：湯底夠香濃，花膠滑到唔得了。蒜蓉粉絲蒸扇貝：蒜香撲鼻，扇貝鮮甜。🌟 總結今次 Essence 嘅滋味秋宴，食材水準真係高，特別係海鮮部分，好多都係即場製作，食落去感覺新鮮得多。再加埋藥膳滋補菜式，成個自助餐唔單止滿足味蕾，仲有種入秋嘅暖意。…查看更多

Essence會推出滋味秋宴晚市自助餐，特別推薦補身氣騰的當歸燉羊肉同埋抹茶系列甜品之外，每逢週末及公眾假期仲有黃鰭吞拿魚即席現切同埋一人一隻大閘蟹，秋味十足。成人每位港幣680元，但以電子支付有7折優惠。高潮位梗係切大魚喇，原係即切，即刻分成魚生片同中落魚蓉分俾食客。鮮到仲可以感受到魚肉嘅黏性。其他魚生同凍海鮮都唔可以錯過，今日仲有龍蝦任食添。甜品除咗有Haagen-Das 之外，仲有抹茶甜品，仲有有個抹茶朱古力噴泉。…查看更多

一邊睇住大師傅鮮劏吞拿魚一邊食buffet，你試過未？！我講緊嘅就係東涌東薈城Novotel 嘅Essence 啦！Essence滋味秋宴國慶黃金週及中秋節期間，每晚供應「滋味秋宴」晚市自助餐！📌主題：滋味秋宴不時不食，秋風起三蛇肥，Essence自助晚以時令食材打造豐盛的自助餐盛宴。嚴選最肥美的秋季海產及頂級食材，包括即煮鮑魚花膠濃雞湯米線、紅燒鮑魚花膠排骨、當歸燉羊肉等；逢星期六、日及公眾假期，更有原條黃鰭吞拿魚即席現切環節， 即劏即食，即蒸新鮮生蠔，由師傅即叫即蒸，保證新鮮以及每位食客可免費獲贈大閘蟹🦀一隻、蛇🐍羹一碗及花雕醉蝦🦐一份今期仲有抹茶甜品系列抹茶朱古力噴泉⛲️非常特別，玩味甜品體驗！可以自由搭配各種甜品配料，蘸上流動抹茶朱古力，視覺與味覺雙重享受。一眾「抹茶控」必食之選！…查看更多

位於東涌諾富特東薈城酒店嘅 essence🍴，10 月 1 日至 7 日搞咗個「滋味秋宴」晚市自助餐，啱晒國慶＋中秋聚會 🎉～今次主打秋季海鮮同滋補菜式，成個氣氛好有「入秋味道」🍂。  講到必食，首先一定係 👉 即煮鮑魚花膠濃雞湯米線 🍜，湯底勁香濃，又有啲養生 feel，好正！醉蝦 🦐、蛇羹都好受歡迎，傳統味道一啲都唔馬虎～仲有最期待嘅大閘蟹 🦀，每人一隻，鮮甜 creamy，完全係秋天嘅代表作。  如果星期六日或者公眾假期嚟，仲有原條黃鰭吞拿魚即席現切 🍣，新鮮到不得了！另外即蒸生蠔 🦪 一打開蒸籠就香到癲，好鮮甜～食完主食再去甜品 corner，抹茶朱古力噴泉 🍫🌱 都幾搞鬼，打卡一流 📸。  價錢方面：成人 $680，小童 $460，本身唔算平，但✨電子支付仲有 7 折✨，抵食好多！…查看更多

發現左個超抵食東涌酒店自助餐 , 就係諾富特酒店 Essence 入面既滋味秋宴晚市自助餐➡️ 東涌文東路51號諾富特東薈城酒店大堂10 月頭至11 月尾既星期六日及公眾假期都有 , 另外因為十一黃金週 , 10 月 1 - 7 日都有供應 , 晚上九點至六點 , 仲要唔太貴 , 用電子支付 7 折優惠後每位成人只係 $476 , 假期夜晚酒店自助餐黎講真係超回本超抵食到秋天點少得食蟹 , 呢度有秋季限定時令大閘蟹 , 蟹膏蟹肉肥美又鮮甜 另外主打鮮魚即席現切 , 條黃鰭吞拿魚大大隻由師傅親自操刀即席表演現切 , 好睇又好食 , 估唔到係咁大隻 ! 用料新鮮又高質即蒸新鮮生蠔，新鮮十足蒜蓉粉絲蒸扇貝烤鰻魚 , 外皮香脆，肉質豐腴。炒八爪魚 , 鑊氣十足，口感爽脆彈牙。泰式魚餅香而辣 . 夠哂開胃各式刺身壽司新鮮多選擇各款海鮮包羅萬有 !抹茶朱古力噴泉好玩又好睇 , 可以自由搭配各種甜品配料，加上香濃流動的抹菜朱古力，視覺與味覺雙重享受 , 最岩抹茶控 ,仲有超多雪糕口味選擇 , 爆谷又脆又香超滋補蛇羹 , 肉嫩湯醇 , 補而不燥, 岩哂入秋補一補…查看更多

今次嚟到位於東涌諾富特東薈城酒店嘅Essence，最近喺2025年10月1日-2025年11月30日供應「滋味秋宴」晚市自助餐，而週末同埋公眾假期會表演即劏黃鰭吞拿魚，好精彩。「滋味秋宴」晚市自助餐即劏黃鰭吞拿魚非常新鮮，足足有40公斤，吞拿魚嘅口感甘香滑順；另外每人免費獲贈時令大閘蟹一隻，大閘蟹蟹膏豐盈；花雕醉蝦酒香醇厚，蝦肉彈牙；仲有蛇羹味道鮮甜，加上薑後帶有辛香味道，另外有即蒸新鮮生蠔、溫補氣血嘅當歸燉羊肉、蒜蓉粉絲蒸扇貝、烤鰻魚等，性價比高。自助壽司及刺身刺身有三魚魚、牡丹蝦、紅蠟魚、希靈魚、八爪魚，全部都好新鮮，尤其牡丹蝦，味道鮮甜、口感軟糯，此外仲有各種壽司。自助熟食熟食種類繁多，海鮮方面有原條蒸魚、豉椒蟶子、小龍蝦、油鹽水蜆、四川酸菜魚、焗青口，另外有蛋白蝦籽炒飯、藥膳牛尾、泰式魚餅等。自助沙律有新鮮嘅凱撒沙律、煙三文魚、火腿、麵包粒同埋巴馬臣芝士。飲品飲品種類繁多，有韓國樂天汽水、道地綠茶、巨峰提子果汁自助果汁、啤酒。雪糕有Häagen-Dazs呍呢嗱、曲奇呍呢嗱、比利時朱古力、士多啤梨、芒果雪糕任食。甜品餐廳甜品最近以抹茶為主題，推出抹茶朱古力噴泉、抹茶芝士蛋糕、抹茶撻等，非常適合抹茶控。…查看更多

鍾意食自助餐嘅我，最近去咗東涌諾富特食自助餐晚餐，原來嚟梗酒店會推出滋味秋宴優惠，喺 10 月 1 日至 11 月 30 日期間，逢星期六、日同公眾假期啲食材仲會更正，會有鮑魚花膠、紅燒鮑魚花膠、當歸燉羊肉、即切黃鰭吞拿魚、大閘蟹、蛇羹、醉蝦等等呢啲菜式推出。不過今餐都唔差，有蒸生蠔、扇貝、大頭蝦、龍蝦、翡翠螺、蟹腳、青口等等，海鮮款式非常之多。食到咁上下仲有即席現切吞拿魚環節表現非常正 😍 吞拿魚切完仲有得即埸比客人享用，新鮮即食味道同口感真係唔同啲。最後試埋呢個抹茶朱古力噴泉，抹茶味香濃又香滑，抹茶控一定唔可以錯過。…查看更多

不知不覺中，又到了準備迎接中秋的時節🥂天氣不怎麼秋天，那麼先享受秋季佳餚，來感受秋色🍂🍁 Novotel將在10月1日至11月30日期間，推出「 滋味秋宴」晚市自助餐 (包括國慶黃金週及中秋節!)嚴選秋季海產和頂級食材，包括🌟即煮鮑魚花膠龍雞湯米線 🌟紅燒鮑魚花膠排骨 🌟當歸燉羊肉 ‼️逢星期六、日、公眾假期：更有原條黃鰭吞拿魚/油甘魚即席現切環節😱及 每位一隻時令大閘蟹😍 價錢也是超級吸引的說，憑優惠碼【8088】訂座，三人同行價只是$988全包價! 即每人只需$330😳‼️ 特別推薦招牌菜式：(詳情可參考官網)🌸時令大閘蟹：清蒸鮮甜，鹹蛋黃般的蟹膏超好吃🤤🌸原條黃鰭吞拿魚/油甘魚即席現切：媲美omakase的新鮮度😚件件厚切，魚肉清甜🌸即煮鮑魚花膠龍雞湯米線：平常在buffet避開澱粉質的我，都覺得這個值得一試😝濃郁雞湯，大量花膠鮑魚作配料🌸即蒸新鮮生蠔、蒜蓉粉絲蒸扇貝：厚肉新鮮，多吃幾顆馬上回本😎🌸煙三文魚：看似常見的冷盤，但這家真的好高質，encore了無數次🤣🌸抹茶朱古力噴泉：抹茶控最愛👅還有各式抹茶甜品 另外劇透一下，還有烤鰻魚、香茅檸檬葉椰青水煮花甲、辣酒煮花螺、蜆介鯪魚球等特色菜式 當然還有任食häagen-dazs，絕對是性價比自助餐🤑‼️ 雖說是在東涌，但就位於連接地鐵站的商場，全程有瓦遮頭，十分方便(順便可以在東薈城outlet shopping🤣) …查看更多

最吸睛嘅一定係原條黃鮨吞拿魚即席現切環節，條魚超級大，要兩個師傅先托得起呀！仲要即切即食，有赤身刺身同拌魚蓉，真係超級新鮮！ 每位會贈送一隻清蒸時令大閘蟹，估唔到已經爆哂膏勁鮮味。 鮑魚花膠濃雞湯米線大大塊花膠，入口軟糯，每一啖都係精華，夠哂養顏花雕醉蝦亦十分入味， 香甜嘅花雕酒同蝦嘅鮮味相當夾， 令人食唔停口 仲有蛇羹、當歸燉羊肉等滋補嘅秋冬補身菜式，即蒸嘅新鮮生蠔，超級肥美！ 另外唔少得有前菜同沙律、海鮮冷盤同刺身壽司， 食物種類都非常齊全。熱葷主要都係海鮮為主，真係價回票價😚 最後仲有特色抹茶朱古力噴泉同多款抹茶口味 蛋糕及甜點，抹茶控一定好開心Häagen-Dazs雪糕有5款口味，仲係任食添！…查看更多

話說Essence晚市自助餐推出「滋味秋宴」主題，供應多多補身養氣食物，例藥膳牛尾、蛇羹、花雕醉蝦仲每位送一隻大閘蟹，大概手掌咁大，裡面啲膏金黃色都幾靚，仲要咁啱撞正可欣賞到即劏黃鰭吞拿魚另外成晚都見到職員會周不時refill，完全唔需要擔心要搶住食，而且環境空間感闊落，不斷彈出行入都冇阻礙海鮮有龍蝦、即蒸生蠔、長腳蟹腳、翡翠螺等；即席串燒亦有羊架、薄切西冷…熱葷區都好多選擇，例原條蒸魚、鹽浸硯、豉椒炒蟶子、蒜蓉蒸扇貝、醬煮鮑魚、麻辣小龍蝦、花膠鮑魚米線、伊麵、海鮮炒飯等，可以滿足到唔同口味嘅人刺身區有三文魚、牡丹蝦、紅蠟魚、希靈魚、八爪魚，仲有少量壽司選擇；cold cut 有基本沙律菜、火腿甜品，最吸晴當然係häagen-dazs 雪糕同抹茶朱古力噴泉，佢哋自家製葡撻同tiramisu都唔錯…查看更多

東涌諾富特東薈城酒店入面Essence將會係10月1日-11月30日推出「滋味秋宴」晚市自助餐。係10月1日-7號國慶黃金週及中秋節期間都有供應😌佢地嚴選秋季海產及頂級食材，包括即煮鮑魚花膠濃雞湯米線、紅燒鮑魚、花膠排骨及當歸燉羊肉❤️逢星期六、日及公眾假期限定：💖原條黃鰭吞拿魚即席現切環節💖即蒸新鮮生蠔💖免費獲贈大閘蟹一隻，蟹膏十大肥美鮮甜💕原條黃鰭吞拿魚即席現切畫面好震撼，仲即刻分成魚生片及吞拿魚蓉比客人享用，吞拿魚結實彈牙，好鮮甜。而吞拿魚蓉有陣陣油脂香，入口即溶🥰自助區都十分豐富，有前菜沙律區、冰鎮海鮮區、串燒區、熟食區、飯麵區及甜品區。當日食仲有大大隻龍蝦食，仲有多款魚生及壽司，全部新鮮、又大份又厚身😱千其唔好錯過甜品區，除左有Häagen-Dazs雪糕、抺茶系列甜品、蛋糕仔、爆谷及抺茶朱古力噴泉⛲️，我建議要試抺茶朱古力噴泉，幾好玩既甜品體驗😚🔥依家憑優惠碼「8088」訂座，可享三人同行價$988(已包加一服務費），即係一個人都係港幣329😱🔥🌟價錢🌟成人：$680/位小童：$460/位(3-11歲)🪄用電子支付享7折優惠即係成人係$476/位，小童係$322/位⚠️以上價錢需另收加一服務費(以原價計算)Essence (東涌)📍東涌文東路51號諾富特東薈城酒店大堂…查看更多

放假無野做一個人去咗東薈城行街，之後順路食吓東涌諾富特酒店嘅自助晚餐。餐廳係正酒店大堂好容易搵到，而且東薈城有條電梯可以直達酒店，所以非常方便。海鮮方面有蟹腳、青口、蝦、蜆、翡翠螺、龍蝦等等，而且仲有蒸生蠔，生蠔肉厚多汁好味 。而熟食區都以海鮮為主，有豉椒蟶子、老干媽小龍蝦、蒸魚、酸菜魚等等。食到咁上下仲有重頭戲，就係現場切原條黃鰭吞拿魚，切完之後仲有得食非常唔錯 😋 吞拿魚色澤紅潤，味道幾鮮甜。食到尾聲出去甜品區食埋 Häagen-Dazs 雪糕，埋單果時職員仲介紹嚟梗 10 月至 11 月嘅滋味秋宴主題同特色美食，星期六、日同公眾假期仲有大閘蟹、花膠同即劏吞拿魚食到。…查看更多

滋味秋宴的自助餐推廣期 為2025年10月1日-2025年11月30日 的逢星期六、日或公眾假期，而10月1日至7日國慶黃金週及中秋節期間，更每晚都有供應!自助餐有鮑魚花膠雞湯米線、紅燒鮑魚花膠排骨、當歸燉羊肉等；逢星期六、日及公眾假期更有原條黃鰭吞拿魚刺身即切環節，而10月2及3日，則轉了油甘魚；最後每位再送大閘蟹一隻，性價比十分高～除了以上，海鮮類也十分豐富，蒸生蠔及扇貝等都好新鮮美味，豉椒蟶子更是惹味，超愛～甜品方面，除了經典名牌雪糕外，還有放滿兩邊桌的抹茶蛋糕、杏仁豆腐花及水果等，高這裡絕對是抹茶控天堂，蛋糕抹茶味香濃，香甜軟滑～即席現切吞拿魚環節更是重頭戲，切開完後會立馬分給食客享有，味道新鮮美味～…查看更多