大家食 (Closed)

今日在土瓜灣吃回接近十年沒有吃過的茄牛手攪麵。記得最初食「大家食」是在它的旺角分店，店面的餐桌和地面的衛生情況都比較差。吸引我經常來的原因只有茄牛手攪麵，十幾年前的售價都只是十四元左右。今天嚐回茄牛手攪麵，味道一如既往，濃郁的蕃茄味。蕃茄煮得很腍，又入味，手攪麵的麵質仍舊好吃。只是牛肉的份量變少了...

<大家食 >年初四仲係好多食市未開，見大家食開左就入左去食 lunch。大家食嘅湯底同食物質素個人認為都算吾錯，麫底仲好多選擇， 有手攪麵削搖麫，米線，上海粗麫同米粉，而湯底就有原味，蕃茄湯底，麻辣同酸辣。值得推介嘅係佢地嘅過山雞同麻辣雞翼尖，兩樣都好入味，好好味，但蘿蔔大家見到白雪雪應該都睇得出吾夠林同完全冇滲到d湯入去。至於最重要嘅湯底我揀左酸辣小辣。小辣對我黎講辣味剛剛好，湯底好味，吾會酸過頭。不過要比👎嘅係佢地嘅衛生環境！雖然肉眼望落去，地方算乾淨企理，但吾知點解餐廳瀰漫住一陣難聞嘅氣味，仲有就係超多蚊滋，食食下都會有d飛左落碗粉到。我覺得氣味環境其實都好影響食慾，佢地真係要好好改善下。價錢方面，我叫左三個餸嘅酸辣米粉加雪碧 Hkd57, 算抵食。回頭率：60％

每晚收工都已經零晨時份，有時收工個肚仔餓的時候，已經沒有多食物選擇，經常走到24小時快餐店買個包包醫肚仔就算了。但這晚天氣轉涼，想食暖粒粒的食物，暖一下自已的肚子，所以這晚揸摩托車四處找食店，由佐敦前往土瓜灣終於找到一間面店，看見餐牌價錢偏高，但店內還坐滿客人，所以我在這裡點了一碗，豬潤魚腐，削搖面（酸辣湯底）辣度：三小辣，價錢$45外賣一碗回家吃回到家打開膠袋，還有附送一小份（辣菜寶）正👍🏻味道：超捧，酸辣湯底超好味，豬潤份量多（足料👍🏻）

係大家食食左幾年，個人認為佢地嘅辣菜甫好食所以幫襯，點知今日叫左個炸豬扒，送到黎枱面，個侍應跌咗一塊豬扒落枱面，跟住仲用我隻匙羹係我面前將塊豬扒擺番落隻碟度當冇事發生過，what？？？店舖越來越大陸化，衛生情況十分差，以後都吾會再幫襯🤢

大家食是我經常吃的，這裡的麵食有十多款配料，我比較喜歡手攪麵底。這次本來想些吃炸醬撈手攪麵，不過賣晒，改了米粉。原來撈米粉味道也不錯，青瓜、炸醬的味道都很夾米粉。

這裡已經開了很久，我每次去工聯會上課，有時都會幫親一下。這裡的手攪麵是我的最後愛，不過有時夜了，麵質會變腍，所以有時候都會有點失望。今晚來到已經零晨一時半，我本來想點手攪麵，可惜已經賣晒，只有米缐和米粉，我唯有點米粉，另加豬肉和清湯底，共$30。想不到米粉都很爽囗，配合清湯底又幾夾，如果再加上辣菜莆就成為一碗美味的米粉。

咁事源我就諗唔到去邊到食,所以同女朋友走左去大家食。咁一入到去食既時候,咁個環境都幾好,夠大同埋睇落去幾乾淨。而今次我就叫左個十八會試下,咁先由第一印象講下,睇落去好多料,滿足到我呢個咁大食既人而係味道方面,咁我就點左個中辣試下,嗯個麻辣幾夠,但我就唔係好夠喉,希望下次可以食辣D(當然你都要食得辣先)我建議一般可以食小辣先而食材就正常發揮la,無咩野可以讚同埋踩。而且果到D啊姨好好人,會同你講下野。令到我食野果震都開心既。

這間大家食，之前拆伙，分成兩間，一間有頭像，一間冇，今次來到有頭像的，因為吃過冇果間係麻麻地。這裡是自選百搭麵，餸有五拾多種，有牛肉、豬肉、雞肉、丸類、蔬菜。麵底有手攪麵、削搖麵、米缐、上海粗麵、米粉。今天要了原味湯底手攪麵，加生滾雞肉和時菜，另外一份辣菜脯(免費)。雞肉已經醃過，所以都算可以，菜用了生菜，至於湯底是用雞骨和豬骨熬製，味道清甜，至於手攪麵，不算彈牙，只是一般。最好是辣菜脯，辣度算高，加在湯內都很辣。

今日服務員上错咗啲麵 服務夠差 真系超级差 道歉都冇 就因為對方講冇食過 我覺得唔需要咁做 怪自己怕事 其实嗰阵就要講重新做份畀我 而家肚痛 有啲想呕 卫生唔好 真系好差差差差差！！！！！！唔会再去 你哋冇食过嘅就唔好去食

唔過40蚊就食到手攪面，推介手攪面，刀削面之前試過一般。清湯已經夠香，如果要蕃茄湯底要加$4。每碗會送一客辣菜脯，真係好辣的我就試A餐，材料好多，雞肉、火腿、雲耳...男朋友就食另一個餐，有腩肉，雞翼..都係好正

今晚約左家姐睇演唱會，因佢屋企近紅館多d，所以我決定去佢屋企探下姨甥仔小O，再一齊食埋dinner就出發～由於我地一陣要出去，所以想選擇快餐，方便控制時間，於是就去左大家食。我叫嘅係炙燒芝心丸、竹笙2度麻辣削搖麵（$40）、麻香雞（$18）、凍檸檬茶（$7）。而我家姐叫嘅係竹笙1度麻辣米粉（$32）、麻香雞走芹菜（$18）、支裝可樂（$7）我鐘意食佢嘅削搖麵，厚薄適中而且夠曬彈牙。另外，每叫一碗麵都可免費加配一份辣菜脯，愛辣人士必試！麻香雞夠香夠辣，令我地食唔停口！！！快快食完就睇陳柏宇XD

呢間既炸醬麵配料唔多，肉碎青瓜花生等第，用既都係平價食材，但卻會令我想一試再試！！！雖然唔知道大家食既麵係咪自家制，但的確比出面既好食得多，比較彈牙，唔會林曬。

好多年前已經開始幫襯旺角既大家食 今日係土瓜灣行行下見到有間就即刻衝左入去整番個茄蛋牛肉手攪麵加芝士腸 一碗麵可以免費叫一個辣菜脯咁我就叫左個微辣試下 手攪麵湯底味道唔錯 有啲韮菜同蘿蔔片 茄蛋份量就削左啲 牛肉都係得三塊仔 反而芝士腸就有六條 手攪麵都冇令我失望既 軟硬度適中 辣菜脯有十個程度既辣度俾人揀我揀左最細個隻微辣 點知食左一粒仔已經辣到標眼淚 其實整體尼講碗麵係幾好食 不過一間餐廳幾好食都好 衛生都唔可以忽視 希望可以留意一下 不過都要讚下啲侍應服務唔錯有禮貌

我又來了這裡吃晚餐，因為貪近囉，最重要係夠快。這裡的炸醤撈麵，有青瓜、花生，炸醬。味道都算可以，而它的辣蘿蔔，算辣同好味。我比較喜歡這裡的凍駌鴦，因為味道比較濃。

宵夜時段在土瓜灣只有很少選擇，大家食的味道都算不錯，我喜歡叫麻辣手搞面，可以加其他餸，每個餸＄7至＄9，其中推介就係狀元骨，炸得好好味，凍鴦都好好味，埋單＄45