416
5
5
5-min walk from Exit A, Causeway Bay MTR Station
continue reading
Telephone
34210063
Introduction
In Italian, E Molto Buon means "very good." This restaurant lives up to its name and serves a variety of French and Italian dishes. Apart from its food, E Molto Buon also has a quiet and relaxing atmosphere.
continue reading
Opening Hours
Today
19:00 - 22:00
Mon - Sun
19:00 - 22:00
Public Holiday
19:00 - 22:00
Public Holiday Eve
19:00 - 22:00
Above information is for reference only. Please check details with the restaurant.
About Reward Scheme
Recommended Dishes
這間隱世樓上法國菜餐廳，主打高質fine dining，選用新鮮高質食材。餐廳環境舒適，充滿浪漫氣氛，好適合慶祝、情侶拍拖、朋友談心等👍🏻 點餐後，店員便奉上暖暖的🍞自家麵包，分別有香草麵包、酸種麵包、芝士脆脆，三款都好好味，還配有店家自家醬更添美味。最近餐廳還有折扣優惠，以現金結帳可享85 折，信用卡可享9折。.🍽️Deluxe Tasting Menu $928.🔸STARTERS▪️日本鰤魚他他，海膽布丁配青瓜脆片賣相精美，日本鰤魚他他🐟肉質結實，味道鮮美，配上海膽布丁鮮味十足，還有青瓜脆片，口感富層次。.🔸SOUP▪️香濃雜菌忌廉湯口感creamy，而且味道濃郁，用料十足，飲到粒粒🍄雜菌蓉。.🔸ENTREE▪️香煎鵝肝配紅酒燴紅蔥頭鵝肝厚切，口感細膩，富濃厚油香，配上紅酒燴紅蔥頭，和香脆多士，剛好中和了油膩感。.🔸Sorbet▪️荔枝雪葩餐點貼心準備了🍦雪葩，可以中和一下口腔，來品嚐下一道美食。.🔸MAINS▪️澳州M9和牛肉眼扒肉眼扒🥩份量十足，用上澳州M9和牛，肉質嫩滑富肉汁，而且牛味香濃。伴碟還有新鮮蔬菜，十分健康。.🔸DESSERT▪️Dessert of the day▪️Petit Four栗子慕絲奶凍🍮口感細滑，栗子味濃郁，伴碟還有新鮮生果。還有四小件甜點和暖暖的🫖玫瑰茉莉花茶，為完美一餐作結。.🔸DRINK▪️Alan Milliat Fruit Juice $78餐廳有多款酒類飲品提供，我就唔飲酒，所以點了這款果汁🍇Sauvignon White grapes，葡萄味特別香濃，其酸度、甜度完美平衡。
continue reading
如果唔係朋友介紹，真係唔知銅鑼灣原來有一間，咁正既隱世樓上意大利法國私房菜餐廳，「E Molto Buono 」位於霎西街一棟商業大廈二樓，裝潢環境甚有法式風味，而且設有小露台可以一邊欣賞銅鑼灣嘅美景，最推薦都係佢哋嘅食物，特別係「Deluxe testing Menu」食材高質又抵食，非常適合二人世界或者三五知己聚餐😋🌟Deluxe testing Menu $ 928🍞▪️首先會附上自家製的三款麵包、香草麵包、酸種包和芝士脆脆，配上辣肉腸香草醬、香草茄子醬、黑醋橄欖油，醬料美味又特別🦆▪️香煎法國鵪鶉配鴨肝脆雲吞、蕃茄咖喱泡沫，鵪鶉煎得香口，雖然細細隻但係啖啖肉而且好濃肉味，配上面層的蕃茄咖喱泡沫，味道就如名字一樣，入口立即化開，好得意，香脆雲吞皮包住切碎咗嘅煎鴨肝，味道濃香，配合蘋果合桃沙律，酸甜爽脆可以中和油膩感🦞▪️法式龍蝦湯用矜貴的法國藍龍蝦熬製成的湯膽，取其鮮味的膏黃和蝦油，熬出的湯，顏色紅亮香味濃郁，而且仲有幾件新鮮爽口又彈牙的龍蝦肉，非常出色🦀▪️黄金焗帝王蟹腳黃金是用鹹蛋黃炒香麵包糠，再鋪上帝王蟹腳再焗，面層焗得非常香脆味道鹹香，蟹腳肉仍能保持多汁鮮味，好美味🍨▪️荔枝果味雪葩非常講究，中段時間會有雪葩清清味蕾，再食主菜，荔枝味道非常清香，味道清甜🐠▪️智利海鱸魚黑松露鮮蝦慕絲卷海鱸魚面層鋪上小薯仔片再焗，魚塊非常厚肉，口感嫩滑味道鹹香，沾上黑松露鮮蝦慕絲，能提升魚既鮮香，伴菜有露荀、小紅蘿蔔、小蕃茄，小粟米非常健康🍯▪️Dessert of the day甜品超級豐富，首先會奉上一杯玫瑰花茶，配合四款精緻甜品小點，有蝴蝶酥、果仁朱古力、馬卡龍、芒果熱情果白朱古力，是日甜品我就選擇咗「海鹽焦糖百利酒朱古力奶凍」，口感香滑有Creamy，味道每一口都充滿百利酒的香氣及濃香朱古力味道，面層仲有朱古力脆脆和棉花糖，增添口感🍹▪️ ParadiseMalibu Coconut Rum、Pineapple Juice用椰子Rum酒和菠蘿汁組合而成，味道清甜，酒味唔太濃，好容易入口📣特別優惠📣信用卡付款可享全單九折現金付款更有全單八五折
continue reading
介紹返💁🏻♀️。。🇫🇷 Fine Dining 在銅鑼灣 🇫🇷。E Molto Buono。必發商業大廈2樓。Deluxe Tasting Menu STARTER香煎法國鵪鶉配鴨肝脆雲吞Pan Fried French Quail & Deep Fried Duck Liver Wonton with Apple Walnut Salad & Tomato Curry Foam或 or日本鰤魚他他。海膽布丁配青瓜脆片Hamachi Tartare with Caviar。Sea Urchin Budding with Crispy CucumberSOUP法式龍蝦湯 Lobster Bisque或 or香濃雜菌忌廉湯 Fresh Mushroom Cream SoupENTREE黃金焗帝王蟹腳Baked Salty Egg Yolk Alaskan Kings Crab Legs或 or香煎鵝肝配紅酒燴紅蔥頭Pan Fried Foie Gras with glazed shallot果味雪葩 SorbetMAINS智利海鱸魚黑松露鮮蝦慕絲卷Black truffle Shrimp Mousse stuffed on Chilean Seabass或 or慢煮寶雲酥澳洲羊架 Sous Vide Australian Lamb Rack或 or燴澳洲和牛牛面頰 Braised Australian Wagyu Beef Cheek或 or澳洲M9和牛肉眼扒 Grilled M9 Australian Wagyu BeefDESSERTDessert of the dayPetit Four。HKD928 + 10%Apple MartiniGreen Apple Liqueur。Vodka。Lemon Juice。HKD98 + 10%Bridge RomanceLychee Liqueur。Peach Liqueur。Rose Syrup。Sprite。Champagne。HKD108 + 10%🤫 話說早幾個月本人不辭勞苦咁一直Handle飯腳仔屋企大翻新嘅各項大小事務..小至電器鋪聯絡送貨安裝..大至設計公司相討各式各樣嘅裝修嘢(真心搞一次裝修..命都短幾年😵💫)咁亞飯腳San為表佢對我嘅感激之情..尋晚帶咗我去食好西🤩🤫 係真真正正嘅好西呀～哩間意法Fine Dining叫做E Molto Buono..位於鵝頸橋Time Square對面後少少位置嘅二樓樓上店..餐廳以黑白色為裝修主調..座位唔算多大約七八張四人枱咁..係舒適嘅低調小店🤫 難得嚟到就緊係一人一個Deluxe Set啦橫掂OpenRice Book位有八五折🤭然後除咗個Set我哋仲一人一杯Cocktail浪漫吓🥂我要咗杯用Champagne做Base嘅Bridge Romance..甜甜哋易入口..先係桃味出色然後飲到尾就變成重荔枝味..好特別幾好飲..而飯腳就揀咗Apple Martini..酸酸甜甜好開胃..Vodka亦都好出🤫 留意返..哩一餐係Fine Dining法國餐多嚿魚之餘全部都係慢慢嚟唔使急嘅..真係嗰種充足時間俾你談吓情飲啖酒兼細細品嘗美食嗰種..所以絕對要放低香港人急促嘅基因好好去享受～🤫 終於捨得講食物啦我🤭先係一籃熱乎乎嘅Bread Basket..麵包有三種..有芝士脆片竹炭芝麻波波同意大利軟包..如果平時我一定話你知芝士脆片最好味..因為夠脆口又有芝士香..但今次有啲特別..竹炭波波同軟包都同樣吸引😲原因係餐廳提供嘅兩隻特色Souce超正囉～中間橙橙地色嘅係辣肉腸南瓜醬..個人First Choice..微辣帶住肉腸香味配南瓜口感..忍唔住𢳂哂吻落去個包度大啖食..然後鴨屎綠色嘅係香草茄子醬..香草係類似咖喱嘅味道再加上茄子嘅質地..放上鬆軟嘅麵包上面..不得了🤤然後當然傳統嘅橄欖油配陳醋都有提供啦🤫 美味嘅包包之後唞一唞飲啖酒就到真正嘅Starter..咁話說我同飯腳仔想樣樣都試晒..所以全部有Two Options嘅我哋都各一..我哋兩個都好鍾意飲嘅龍蝦湯除外🤫 真係唔係誇張..個Starter已經Woa到我..我嘅海膽布甸配鰤魚他他好味到黐線🥹布甸係有濃郁嘅海膽鮮味之餘超級滑溜..同上面嘅鰤魚刺身嘅彈牙口感形成強烈對比..然後三文魚籽咬落爆汁嘅鹹香加埋一齊簡直係畫龍點睛👀🤫 鵪鶉配鴨肝脆雲吞..鵪鶉半隻..非常嫩滑嘅肉質食到飯腳仔舔舔咀..而嗰一嚿炸雲吞啱晒我口味..脆卜卜嘅炸皮一啲都唔油..野菌松露味配淡淡嘅鴨肝香..真正嘅齒頰留香🤫 美味嘅Starter之後好快就到我哋唯一一個揀咗一樣嘅Item..就係Lobster Bisque🤩龍蝦湯質地好Rich但唔係好杰嗰種..入口好順滑..鮮甜嘅龍蝦味帶有不多不少嘅干邑獨有味道..邊飲邊食湯入邊彈牙嘅蝦肉係滿足嘅😌我哋係忍唔住好冇Table Manner咁用盡力𢳂到啲湯一滴都冇剩嘅🤭🤫 咁哩個位我要先讚一吓..就係招呼我哋嘅侍應妹妹服務真心好唔錯好有Heart..首先係全餐飯你都會知道佢係好留意我哋食嘢嘅進度嘅..因為我偷睇到佢每每喺我哋嗰個Dish食咗八九成嘅時候就會篤電腦(應該係叫廚房開始準備下一個Dish🤔)..然後除咗上菜時記得哂我哋邊個要邊樣之外仲可以詳細介紹每個Dish嘅特色位..而且我哋自從叫咗要Tap Water之後都會定時定候添加..而最緊要係有甜美笑容先抵讚呀嘛～🤫 好..翻返嚟飲完啖湯同飯腳B休閒兩句就嚟到飯腳嘅全晚MVP..黃金焗帝王蟹腳～帝王蟹腳肉質超鮮甜不特止面頭薄薄嘅鹹蛋黃脆脆味道異常突出..亦都Surprise到我哋嘅係估唔到蟹腳係同鹹蛋黃咁襯㗎喎🤤🤫 雖然黃金焗帝王蟹腳真係好拔尖..好彩我嘅鵝肝都唔弱😏鵝肝厚切到膽固醇超標嘅程度..配埋佢哋嘅紅酒Souce..完全解膩👍🏻🤫 Yummy Yummy嘅Entree之後先嚟一個青檸Sorbet Reboot一下我哋嘅味蕾..清新酸甜嘅雪葩過後就係全晚嘅重點🤫 Main Course飯腳仔要大路嘅肉眼..七成熟～牛味OK咬口OK..係略嫌有筋位..不過哩啲都係Minor Thing🤫 我就揀咗個鱸魚..大大嚿嘅鱸魚外脆內軟..Keep到Juicy..Dip落去旁邊嘅Cream Souce就更加好味..係嗰種滑不留口嘅魚肉🤫 享用完嚿魚已經97%飽..侍應阿妹就好溫柔咁將我哋嘅Main Course餐具收起..然後換嚟嘅兩杯熱辣辣好香嘅玫瑰茉莉花茶解一解油膩..另外奉上Petit Four..分別係真係好香濃茉莉花味嘅蝴蝶餅..飯腳仔最欣賞嘅嗰一粒榛子朱古力..同埋伯爵茶Macaroon & 芒果熱情果白朱古力..呢四個小甜點甜度恰到好處..同茉莉花茶飲係一個好好嘅配搭🤫 最後嘅最後..嚟到甜品環節..是日Dessert係海鹽朱古力焦糖Baileys同埋栗子奶凍..首先兩個甜點擺盤都非常之精美..然後個人比較推薦係栗子奶凍..粒粒栗子碎喺奶凍上邊形成口感嘅對比..但係嗰種甜味又可以融為一體..至於海鹽朱古力焦糖Baileys就好啱飯腳仔嘅口味..因為甜度較重亦都有些少嘅Baileys咖啡酒香..為成個Fine Dining畫上完美嘅句號..嘆多一杯茉莉茶之後我哋兩個就施施然捧住個大肚腩離開🤭。。翻兜指數：🙆🏻♀️🙆🏻♀️🙆🏻♀️🙆🏻♀️ （5個🙆🏻♀️為翻兜爆燈）。。
continue reading
點左餐之後，餐廳隨即送上一個麵包嘅小籃子，裏面分別有三款口味，亦都端上左三款口味嘅醬料！每一款都好夾好少見：辣肉腸南瓜，香草茄子醬，你能夠幻想係咩味道嗎？而且麵包嘅口感令人難以忘懷，絕對值得添食！前菜方面先有香煎法國鵪鶉配鴨乾脆雲吞，整體口感唔會好油膩，鴨肝雲吞薄脆，鵪鶉肉質嫩滑，加上咖喱泡沫蘋果沙律，更加有特色。食完前菜當然會有餐湯，嚟到法國餐廳當然要品嚐一下佢嘅龍蝦湯啦，果然大有驚喜，湯底好濃，龍蝦味好出眾，顏色紅亮。下一道菜式係香煎鵝肝果然出色，厚身嘅鵝肝煎得香軟豐潤，襯上脆卜卜嘅多士，食到朋友讚不絕口！食到嘴角有啲油脂滋嘅感覺嘅時候，職員送上一個水果味濃嘅石榴味雪芭，冰涼嘅口感帶來一點清新。主菜同樣令人滿意，慢煮寶雲酥澳洲羊架做得非常出色，羊架肉質好柔軟，羊氈味唔重，寶雲酥帶有幾分香脆滋味嘅感覺，旁邊更加有少少嘅蔬菜，好味！最後當然唔少得出色嘅法國甜品，有栗子奶蓋慕絲，栗子蓉吱成一粒粒花嘅形狀，底部有奶香濃滑嘅奶蓋，兩者結合，成為咗最完美嘅結尾！
continue reading
又到年尾啦，節日氣氛漸濃，辛苦工作咗成年，一定要慰勞一下，今晚就嚟咗銅鑼灣嘅意法私房菜館 E Molto Buono，享受一下Fine Dining。餐廳裝潢充滿高級感但不落俗套，中間垂吊著華麗水晶燈和桌上的小蠟燭倍，窗外能看到銅鑼灣美麗夜景，充滿浪漫氣氛～今晚我們吃Deluxe set Menu，包括Starter、Soup、Entree、Main Course和Dessert of the Day。Starter【自家製麵包】麵包用布包住保溫，外面天冷食個暖笠笠嘅麵包，好warm呀～麵包配三種醬料，惹味嘅【辣肉腸南瓜醬】、清香嘅【香草茄子醬】、傳統嘅【橄欖油黑醋】，唔係得牛油咁「齋」。【西班牙紅蝦他他】上層係三文魚籽加柚子蜂蜜白酒果凍，再插住魚子醬脆片；下面係蘋果、芹菜、芥末蛋黃醬沙律，夾住中間嘅西班牙紅蝦，仲有柚子柑橘醋泡沫提味。我就上兩層一齊食，下層另外品嘗清新沙律；【香煎北海道刺身帶子】上面係香煎北海道刺身帶子，可口鮮味，配黑松露蛋黃慕絲一齊食味道更豐富，底下係青蘋果藜麥蟹肉沙律，啖啖都食到蟹肉，正～兩道前菜都用咗好多材料，有齊果香果甜，帶子、蝦蟹、三文魚籽嘅鮮，擺盤精緻亮麗，真係誠意創意十足。Soup【法式龍蝦湯】味道濃郁，蝦肉爽甜，最重要係份量多，大滿足😌Entree【香脆蝸牛薯蓉球】香脆外皮，裡面係軟滑薯蓉同爽彈田螺混合，底下有咖哩汁令味道帶點香口惹味。【香煎鵝肝】鵝肝又大又厚，切下去香油溢出，沾些甜酒醃漬的櫻桃，上面亦有些芽菜苗，減低油膩感。和香脆多士吃，又是另一種風味。【番石榴雪葩】吃高級法國菜必有的雪葩，清清口腔迎接主菜。Main Course【香煎智利海鱸魚】鱸魚來自智利，魚肉雪白嫩滑，魚皮翼煎得香脆。醬汁係番茄醬，酸甜度恰到好處，配菜有橄欖、薯蓉、粟米筍、小蕃茄、紅蘿蔔等，營養豐富。
【燴澳洲和牛牛面頰】想吃牛肉但又怕攝取太多脂肪，吃面頰肉就啱晒。牛面肌肉運動量大所以無乜脂肪，肉質極軟牛味極濃，配紅酒汁令牛味進一步提升。Dessert of the Day兩款不同嘅Mousse，一黑一白好有格調。【海鹽焦糖朱古力 Baileys Mousse】有海鹽嘅咸、焦糖嘅甜再帶點酒味，味道變化多；【粟子朱古力Mousse】，軟滑朱古力Mousse、軟糯棉花糖、香脆朱古力脆塊，多種口感～兩款甜品各有千秋～最後還有一些【一口小甜點】，包括芒果熱情果味朱古力、伯爵茶味Macaron、茉莉花味蝴蝶酥等。喝着熱茶吃着小甜點，為寒冷的冬夜帶來悠閒和溫暖。
continue reading
You may be interested in