Video
Opening Hours
Mon - Sun
08:00 - 23:00
Public Holiday
08:00 - 23:00
Public Holiday Eve
08:00 - 23:00
Above information is for reference only. Please check details with the restaurant.
週末早上同朋友去咗聯和墟E Burger Cafe嘆早餐，每次嚟呢度都覺得好舒服，令人感到放鬆自在😌我揀咗特色早餐（紐倫堡腸、蘑菇炒蛋、火腿、咖喱薯餅、牛角包）⋯牛角包真係my favourite😍，熱辣辣好香口，咬落好鬆軟唔會靭；咖喱薯餅都好好味，好少喺一般Cafe食到朋友揀咗份量十足嘅豪華早餐，黑松露炒蛋炒得好嫩滑，仲有漢堡扒、辣肉腸、薯餅、餃子同埋牛角包，啱晒本身係餓底嘅朋友😆配料仲有沙律菜可以refresh一下😋完美嘅句號由熱咖啡和熱檸茶終結😌不過好可惜呢間餐廳快要結業，餐廳喺艱辛嘅疫情情況下仍然堅持經營，真係好多謝店主同埋伙記們為粉嶺街坊服務，希望有緣再會，多多保重👋👋
continue reading
成日去粉嶺搵個friend，通常都係返食早餐😅😅粉嶺地方唔熟，梗係問我個friend啦，佢今次帶我去咗呢一間餐廳😝餐廳坐得舒服，兩邊落地大玻璃夠晒光猛☀️睇吓個Menu，原來有好多早餐都好平，好抵食。食物方面，特色早餐🥐🍳🥓味道正正常常。仲有🌹玫瑰鮮奶咖啡☕️，賣相、味道不錯😋
continue reading
今日食到一肚火，聯和墟內一直都冇乜同類型嘅輕食或者Cafe Style嘅餐廳或者真係Cafe，就算係連鎖嘅好似Subway或者再甚McCafe都係無。咁就入去試下。入去環境乾淨，舒服光猛嘅，咁我就叫咗個經典漢堡，同行就叫咗個辣肉腸漢堡咁，total 137～之後就係惡夢嘅開始，個包又硬又乾，啲生菜一浸雪櫃嘅味道，之後青瓜亦都係一啲味都冇。最嚴重係我地同行兩個舊肉你食落係超級乾，好似樹皮咁，而且我嗰份係有帶少少臭味同一浸唔係新鮮乾淨肉類應該有嘅怪味。我地2個只係默默食完送嘅牛油栗米，同食一啖之後就冇再嘗試嘅漢堡，埋單。有生之年竟然試到比m記12定13蚊包更加難食嘅漢堡仲要係3~4倍價錢。心痛浪費食物不過浪費佢地嘅唔係客人，係廚師。
continue reading
外賣試咗幾款甜品包括有佢地menu上特別推介嘅窩夫配雪糕、檸檬味芝士蛋糕，同埋另外兩款：楊枝撈撈、焦糖燉蛋。每款都唔係特別平，對佢嘅質素都有一定嘅期望。🥲但窩夫$45半份，份量少之餘，仲要係極度乾身。檸檬味芝士蛋糕頗酸，完全唔係個種淡淡嘅檸檬味，$35一件仔真係出面大把更好嘅選擇。焦糖燉蛋味道不過不失，偏流質似慕絲，性價比低，$30得好細杯。最後🥲真係得個楊枝撈撈係叫做正常，味道較淡，但份量適中嘅。總括而言，呢間嘢嘅甜品真係唔值得一試🥲
continue reading
朋友即興約食tea🙈 但係佢嘅要求係想食得light啲healthy啲😆 話想食沙律類，揀咗呢間喺粉嶺聯和墟嘅隱世平民cafe☕️試試，其實呢間cafe 本身最主打同出名係佢哋嘅手打burger🍔 不過今日未有機會試🫣🥗煮雞胸肉雜錦沙律伴黑醋 $68本身朋友見到$68話咁平會唔會個portion 好細🤔 點知一上台好大碟😳 兩舊雞肉都夠大舊🐔 雞似煎得好香肉質好滑唔會好似平時雞胸鞋口😌沙律比起其他cafe特別係有好多唔同類型嘅nuts,超級健康同埋非常岩健身人士🏋️，高蛋白質健康之選👍🏻 🌯韓式炸雞墨西哥捲 $43呢個仲誇張，睇價錢又以為佢好細捲，原來係同正常墨西哥捲咁大😎，上台已切開兩份，因為都真係夠兩😮個人share👩🏻🤝👨🏼 韓式炸甜甜地辣辣地，味道幾好，而家份量都多，入面仲有好多菜🥬，半條已經feel 到飽🫢凍檸茶🍹跟餐只係加$8 , 如果想嗌其他cafe 嘅特飲仲可以半價，真係勁抵🙊
continue reading