龍寶酒家

Open Now

Now Closed

新年食飯提早預約食飯，留左電話及枱，到左食飯正日，晚市開門一上到,門口個阿姐態度超差，問極都唔認，根住同我講話無位。我同佢講已前一天預約好訂左枱，點次果個姐話見唔到人，將我將枱俾左人地，結果我山長水遠出黎無飯食。老人家到左酒樓，聽到無位，又白走一趟，我非常憤怒。眼見場地空空，未食訂左位都入唔到座。幾個服務員態度勁差:，又無禮貌，同我講無枱俾左人。就算能夠入座，各位都要留意佢收13%服務費，聽到都一肚火。呢間龍寶酒樓永遠都唔會再幫襯。

嘩，食過唔少燒鴿，但今次係這家店試嘅乳鴿真係可以話係正中紅心🎯嘅好滋味！熱辣辣嘅燒乳鴿外皮香脆得嚟唔算咬勁，一咬落去皮脆肉嫩，啖啖肉汁爆炸🤤，真係得意到不得了！重點係，自己動手剪鴿嘅過程，仲可以保持溫度，熱騰騰咀嚼就最正！然後啲翅，佢哋竟然先係你面前展示新鮮程度，再即煮，份量多到我只可以用"實惠"嚟形容，肉質又鮮美又唔乾柴！至於脆皮豬手嘅話，話咁快就冇得試，下次真係要早啲去排隊啦。總括嚟講，這次嘅食驗幾正，無論係味道定係份量，一於係掂晒，確實係平民食堂嘅美味選擇！💯

事件發生在中午午餐時段，有幾名長者等咗一個鐘就去問女支客仲要等幾耐，該女支客個態度就好唔耐煩好惡劣，佢同嗰位長者講都話叫你要耐心等候，於是長者們就同佢啲朋友話唔等轉去其他地方吃午飯，當時該女支客完全漠視該長者回應繼續撳飛，喺呢個時候啲飛突然間跳到得好快過了該長者的飛，於是他們又問女支客點解唔見咗佢張飛，女支客回應他們你張飛我已經幫你們取消了，你去隔離富臨酒家飲茶啦，呢度冇位俾你哋，但該長者話我哋等咗咁耐依家有位都唔俾我哋，女支客回應你哋五個人唔可以俾你哋入坐，佢話依家係叫六人位先可以入去，幾位長者仍然喺度同女支客對質，但女支客仍然不瞅不睬她們，態度兇惡叫佢哋去富臨，女支客繼續撳飛叫其他號碼，於是呢班長者好冇耐地就走啦話以後都唔會嚟呢度.其實該女支客理應要比枱給他們，因為這班老人家當時等候超過45分鐘，既然有枱為何唔可以比張枱佢哋用膳呢？又用啲咁惡劣嘅態度回應人客，呢啲算是什麼服務呢？龍寶作為一個大飲食集團竟然培訓了一位咁劣質服務嘅前枱同事，應該好好檢視一下，現在飲食業處於一個水深火熱嘅冰河時期，該職員竟然可以公開地叫人客去其他酒樓飲茶，唔好嚟呢度，請問呢啲係咩標準🤔

這間舊式酒樓，即使你未在街上看過，打開電視有時都會聽到它的廣告，其實以前我在葵芳，已經光顧過。錦鹵雲吞是舊式茶樓必備菜式相信新式酒樓都不一定有，這個汁不算太酸，它的錦鹵雲吞，中間雲吞有少許蝦以及菜絲，另外雲吞皮脆得夠香脆，中間有些比較大塊，味道相當好。胡椒花膠雞煲果然要等一段時間，來到之後再放上火爐上邊煮熱滾，出煙之後，已經聞到濃郁的胡椒味，雞都有完整半隻，大大隻，不會太乾太鞋太老，花膠大大塊，類似出邊的平價花膠扒，湯底的胡椒味道不會太辣，各人都啱飲叉燒包大個，不過味道普通，不算太特別鮮蝦菜苗餃就夠晒大隻，雖然外皮偏向薄，有一隻剛剛端來的時候就已經穿開了，不過肉汁夠多，蝦亦都非常大隻，爽口，其他材料分量十足，即叫即蒸，溫度夠晒熱。 你唔好以為佢係舊式酒樓就一定大大間冇乜人，估唔到，雖然老字號，不過內裏都係大間，但是食客眾多，因此枱嘅枱之間其實距離不算太遠，可以說是有點兒擠迫的酒樓。點心即叫即整，而且樓面廣闊，因此無論是花膠鍋，定還是其他點心，都要等一段時間

今天(9月27日)要招待幾個外國回來的親戚,就選擇了宋皇臺道龍寶酒家,中午2點半左右打去訂枱,有位姓張還是姓黃(忘記了)的小姐接聽,我說有6位訂6點半的枱,那位小姐跟我說剩最後一張枱,還叮囑我要6點半前要到,我就說沒問題,一定到,然後就致電酒店通知親戚,因他們沒有香港聯絡電話,就這樣約實了,怎知到了大約5點那個酒樓小姐來電說沒有枱了,之前妳還說剩最後一張要我準時到,隔了2個多小時就說沒有,我問她是不是臨時給了熟客,她不承認,我就跟她理論,最後她還恐嚇我,說把我列入黑名單！這就是龍寶待客之道,既然是做街坊生意的酒樓,我就發到街坊群組等大家注意下,原來確認了訂枱也可以分分鐘取消你,你和他理論就把你列入黑名單......

08/09/23屋企人訂生日宴，說清楚價值是$1880。但到結帳時那酒席變了$2880。酒樓職員那時各自推搪，又說不是自己負責訂單的人，訂單的那位職員已下班無從追究。雖然錢唔算多，但為免日後還會有人避坑。最好在訂付按金前，在單據註清楚那圍酒席價格，免食完餐飯後影響心情。大家留意。

每逢放假🎉，都會好想去飲茶☕️。相信呢個念頭係好多香港人🇭🇰身上都會發生，今日就去到一間喺#觀塘 、#土瓜灣 、#長沙灣 、#葵芳 都有分店嘅酒樓，好好享受假日時光💕。今次就嗌咗一個🔴沙律大明蝦角($31.8)、🟢鮮蝦菜苗餃($27.8)、🟤蜜汁叉燒腸($27.8)、🟡脆皮燒乳鴿($37.8)、🔵豉椒鮮魷炒河($98)。三樣點心(明蝦角、菜苗餃、叉燒腸)普普通通😆，不過材料數量札實。食落口，有大大隻蝦仁🦐，多多嘅菜苗🌱同埋叉燒，所以食落都唔差😋。脆皮燒乳鴿🌟🌟🌟🌟燒得幾好🔥，望落外皮油油地，成隻乳鴿唔會瘦削，好多肉🤤，同時好juicy。食落口，外皮口感相當脆，而裡面嘅肉質鮮嫩，點上淮鹽之後🧂，更有一番風味！豉椒鮮魷炒河🌟🌟魷魚🦑嘅量都幾多，成碟嘅份量夠3個人share。雖然話係炒河，但明顯望到豉椒同河粉係分開炒🧐(甚至懷疑河粉只係灼過)，再淋上豉椒同魷魚。所以食之前，要好好撈匀成碟🥢。豉椒同魷魚味道唔錯，咸甜適中，魷魚口感爽口彈牙🤩。但河粉就一般，用上湯河嘅幼身河粉，有啲仲「痴」埋一堆。

今日食完晏晝經過土瓜灣， 突然 落大雨，心諗不如坐低食個下午茶算， 咁啱得咁橋 見到龍寶酒家， 都知道呢間海鮮好抵食， 坐低咗見到隔離枱嗰個叫燒鵝飯， 我冇理由又 食飯， 所以叫咗碗燒鵝米粉 口痕痕見到其他點心 自己 又想點， 不過我 忍住口， 諗住食碗米粉再叫， 見到隔離枱嘅矮瓜煎魚肉好正， 大大件， 只不過係十幾蚊 就有三件， 牛肉就差啲， 兩粒仔細細粒， 人哋 嗰碗 油雞麵都 大大碗， 但我冇理由嚟龍寶食雞咁簡單， 說時遲那時快我 碗燒鵝米粉 到咗， 一啖咬落去個皮仲香脆 ，啲燒鵝油必出嚟， 香到不得了， 加埋個酸梅醬油而不利， 下午茶嘅燒鵝絕對唔係hea你， 你睇下唔係得三兩舊咁， 加埋兩條好正嘅菜心 ， 真係夠飽， 喺我仲諗緊點唔點多籠點心嘅時候， 有侍應就問我係咪啲嘢 都齊曬， 我口快快答咗齊啦， 咁我確實好飽，雖然 又好想食， 最後一碗燒鵝瀨家 加埋 任飲嘅茶， 埋單 盛為 $46

19:21落單，叫咗一口炸豆腐，菜心炒牛肉，蒸魚，炒蜆。一路等到53分，第一碟餸，蒸魚先上才。最後一碟係菜心炒牛肉，20:14先送到。先講豆腐，我等咁耐你俾碟咁嘅豆腐我。我之前都試過呢間嘅炸豆腐，以前會擺到山仔咁，色澤上係金黃色嘅，我先會翻兜呢碟。結果係咁嘅。菜心炒牛肉，菜心係硬嘅，不過你話未熟倒唔會，牛肉少鹹炒蜆就精彩咯……要洗腎咁濟3個人食，承惠你500。你話貴又唔係好算，但真係食到一肚火。建議睇下多唔多人，唔多人先考慮幫襯啦……

今日同屋企兩老一齊嚟呢度食，某啲點心不但分量少，服務態度更加非常之差。😡😡😡落單寫錯點心想取消，講完之後經理諗住整取消事宜，送餐嗰個就追住經理，可能送餐嗰個都知取消嘅點心難食，之後就焗住我哋要取消嘅點心，話冇得取消。🤷🏻‍♀️🤷🏻‍♀️🤷🏻‍♀️食物質素普通都不如，係非常難食。唔明點解可以有咁多分店同服務費要收13%。唔會再有下一次，寧願行多幾步去海港食算。希望唔會肚痛。🤬🤬🤬評分都唔想比

今天是清明節正日.親友相約拜山.拜山後晚膳聚會.一行共七個人.由最年長的話事.到土瓜灣龍寶酒家聚餐.佢哋話最欣賞龍寶嘅原隻紅燒乳鴿.所以每人最先來一隻（鎮店之寶.紅燒乳鴿）乳鴿新鮮剛剛炸好.新鮮滾熱騰騰.皮脆肉亂多.上枱小心燙手！今晚共七人聚餐.點餐如下：1. ）原隻紅燒乳鴿 X7 隻👉（特價）2.）個海皇八寶燉冬環 X1 窩3.）蠔皇薑蔥鮑魚雞煲 X1 煲.4.) 涼瓜炒牛肉 X1 碟.5.）風味椒鹽大鱔球 X1 碟.超荀孖寶6.）原隻上湯焗西澳龍蝦伊麵👉約斤半重.7.）原倏沙巴虎斑仔.跟餐敬送冰凍椰青 X1 個.🚶🏻‍♂️👉📌龍寶酒家 (土瓜灣)土瓜灣馬頭涌道90-93號地下及1樓

如果您正在尋找一家高品質的酒樓，我推薦您去這家酒樓。我最近去了這家酒樓，對它的用餐體驗非常滿意。首先，這家酒樓的食品質量非常高。他們的菜式以粵菜為主，我強烈推薦他們的燒味拼盤，這個拼盤包括了叉燒、燒鵝和燒肉等多種燒味，每一種都非常入味，而且口感十分鮮美。此外，他們的海鮮菜式也非常出色，特別是他們的清蒸鮮魚，魚肉鮮嫩、清甜可口，讓人回味無窮。其次，這家酒樓的服務也非常優秀。服務生非常專業和友好，他們會詳細介紹每道菜的特色和做法，並提供一流的飲食建議。他們的服務態度讓我感到非常受歡迎和舒適。最後，這家酒樓的環境也非常舒適。裝潢精美，氣氛溫馨，讓人感到非常放鬆和愉悅。總之，這家酒樓是一個非常值得一試的地方。他們的食品質量、服務和環境都非常出色，讓您的用餐體驗更加愉快和難忘。如果您正在尋找一家高品質的酒樓，那麼我強烈推薦您前往這家酒樓。

龍寶酒家係我住嘅區域有兩間.喺長沙灣都有一間.這幾間我哋都食過.但係我哋都係鍾情土瓜灣店.因為我哋之前食過都一致認為土瓜灣店之比較出衆.食材用料上乘.酒樓個塲比較座得舒服.冷氣充足！但係啲食評成日話啲服務態度有問題.但係我哋又唔覺.每一次我哋叫侍應.一叫即到.有問必答！但係每次去都見到佢哋都爆曬塲.大多數都係家庭或者朋友聚餐.還有啲是喜慶聚會！如果有問題嘅話.點解還有咁多人嚟.晚晚都爆曬塲！今晚與家人聚餐共四人.點餐如下：1. 東江雞（特價.半隻）$5元2. 海參瑤柱花膠雞絲翅（例鍋）X1 $98元3. 鮑汁北菇鵝掌煲（例牌）X1 $108元4. 砵酒焗日本生蠔 X1 $108元5. 鳳梨咕嚕肉 X1 $78元🚶🏻‍♂️👉📌龍寶酒家 (土瓜灣)土瓜灣馬頭涌道90-93號地下及1樓📍📔食評：今晚整體唔錯.有90分.結帳前有飯後果！

貼錢買難受 優惠價隻乳豬 唔切都算連四十幾蚊一隻嘅乳鴿都唔肯同你切乳鴿啲皮冧晒 上菜都唔夠熱似煮完擺好耐攞返去翻熱稻香都好食過佢🤣🤣🤣連龍蝦伊麵都難食真係第一次 🤣🤣 個伊麵底爛蓉蓉咁 可能當半賣半送所以咁拉圾擺到成枱都係餸 食完冇人肯收上菜仲要等你自己拎走個碟先上上菜嗰個阿姐完全唔肯掂 橙都唔肯切 仲好意思收服務費全日唯一有服務嘅就係嗰個啤酒姐姐仲衰過啲打冷 🤣🤣🤣🤣八個人埋單三千祝大家千祈咪中伏😂

大年初一同家人一齊於旺角睇完戲後，家人提議到土瓜灣龍寶酒家晚飯。食物質素唔差，性價比OK。可惜乳豬已經售罄，唯有叫咗半隻燒鵝。另外胡椒花膠雞煲亦香味撲鼻，唔錯。酒樓環境及衛生方面就好一般。碗碟筷子等餐具就建議仔細洗乾淨啲會較安心。服務方面，職員說話係欠缺技巧，好容易得罪顧客 (尤其係新客) 而自己唔知。等緊枱的時候，我留意到負責接待的職員，其實都經常有講"唔好意思", "對唔住"。不過大部分情況都係第一句已經搞到好勞氣。到攞到枱坐低後，負責招呼我地的侍應，服務方面又幾好，無論係介紹菜式，跟進order等，都算用心。