龍麵館 (Closed)

龍蝦湯味道真喺好濃！！！加埋有大大隻龍蝦，都咪話吾抵食！麵既質地適中，但湯就好入味，所以淨食麵都食到佢嘅精華。另外仲飲咗茉莉荼，原本以為係一人一杯，但嚟到發現都幾大枝，兩個人share都冇問題，正吖！

放假諗住去中環行下街食下野本身係想食第二間西式餐廳點知咁岩撞正佢哋放假唔開門咁唯有搵第二間食啦🤦🏾‍♀️-其實係之前經過呢間龍麵館嘅時候已經覺得個裝修好氣派好似好江湖嘅感覺 型門口又有poster貼住左碟片皮鴨真係好吸引好想食-可能係因為三點鐘左右過咗繁忙時間啦都唔算太多人 不過keep住都有自由行慕名而來我哋兩個人樣樣野都想食 可惜片皮鴨已經賣晒真係好可惜😭😭😭好啦咁就食龍蝦拉麵 龍肉泡飯 同龍蝦酥啦！-個龍蝦酥真係唔係誇張 好靚同好好食！熱辣辣得黎 個皮係酥脆而又唔會過硬同熱氣👍🏻可惜佢一定要兩個起先可以嗌 如果兩個人去 每人一隻就會有少少溜 所以就未必食得晒🤭-龍蝦拉麵同龍肉泡飯個味道其實差唔多可以淨係食其中一樣 真係睇你鍾意食麵多定飯多因為我同朋友一個覺得拉麵好食啲一個覺得泡飯好食啲😂不過我哋都一致認為 個龍蝦湯底有少少鹹但如果重口味嘅人 相信會好鍾意 因為佢個龍蝦鮮味好出-外帶一提嘅係 我好鍾意佢廁所水龍頭嘅設計想知係點？親身去體驗下啦😎😎😎

一個字貴啊 食環境啊同同事每人叫左一碗麵 再share黑毛豬叉燒埋單人均250！好貴既一餐 呢間野竟然一壺茶都收706件叉燒收200叉燒仲要係極度嚴重肥叉唯一欣賞係環境 呢度裝修非常花心思好有中國風 周圍佈置好多古代醋桶 酒壺燈光又暗暗地 幾有feel蝦蟹麵作為主打菜 都叫幾唔錯 會比手套同鉗比你開殼先令我未至於黑面拍枱走人不過咁既價錢 我應該都唔會再黎架啦就算再黎過除非有日我減肥成功 應該都唔再叫呢度既肥叉黑毛豬架啦

龍麵館的裝修有點玩味，懷舊得像武館又像舊式酒家，放在中環市中心，便感到一份獨特的個性。龍蝦蘿蔔酥 $69這個必叫點心，中間的「蝦肉」才是主菜，這蝦肉用蘿蔔蓉和龍蝦肉炮製而成，咬落有爽口感，原來因為有馬蹄在內，亦有蘿蔔酥應有的鬆化，而且賣相精緻，十分有創意。這店的招牌「龍肉湯麵」 $149蘭州拉麵是好東西就不在話下，重點我認為是超濃郁的龍蝦湯，用上龍蝦和魚類來熬製。平時吃拉麵不會喝光整碗湯的，今次郤例外地喝光，郤並不感到過份地咸，鮮味郤很強。

請同事食lunch，係中環返工，上openrice睇下附近有咩好食。睇相見到呢間嘅菜式、賣相全部都好有特色，好吸引！一於去試下！鋪頭裝修都好有中國色彩，菜式賣相好精緻，蘿蔔鬚做身，整到好似成隻龍蝦咁，併左龍蝦頭，另外龍蝦味伊面、叉燒都好好食！最後叫咗個豆腐花甜品，師傅刀工好好，切到豆腐好似一朵花咁散開，好靚！加咗薑汁，好清，又唔會太甜！仲有一個麻婆豆腐。三個人最後食咗差唔多$1000，都唔算平，但值得一試！

屋企人講左好耐想試下位於中環萬宜大廈嘅龍麵館，今日終於去左食啦👍🏻一入到去就比唔同嘅醒獅吸引左目光再加上一個只會係涼茶舖先見到嘅涼茶器皿，懷舊得嚟帶點新意🤘🏻店名叫得龍麵館顧名思義就緊係食龍蝦啦👍🏻嚟兩次都要叫龍蝦酥，佢係以龍蝦肉做餡料配搭蘿蔔絲，將舊式酒樓嘅蘿蔔酥搖新一變成了新菜式。🦞蘿蔔酥口感鬆化味道一流，造型方面用以龍蝦頭及龍蝦尾配搭，從而營造一隻完整嘅龍蝦樣👍🏻👍🏻👍🏻👍🏻👍🏻

點了幾個菜，第一個菜是藍莓冬瓜，有驚喜，酸酸甜甜，開胃菜，慢慢食落有冬瓜香。第二道是龍蝦酥，這個反而有些失望，除估計裡面應有些許龍蝦外，食不出其他餡料，外皮有點太鬆，夾起容易散開，但賣相一流。還點了龍肉撈麵和龍肉泡飯，我自己覺得泡飯好吃一點，龍蝦肉較入味，但撈麵加左蝦子確很香口。最驚喜是青花椒醬蒸黑鱈魚，花椒味與魚很夾，不辣口，有陣陣花椒味出現，很特別。最後叫了甜品豆腐花和芝麻糕，豆腐花感覺一般，不算特出，反而芝麻糕不錯，芝麻香味也足。

如欲更睇到更生動的相關食評,可以收看收下 Youtube 連結 - 龍麵館今次點了點心三小碟 - 蓮藕酥, 金魚餃, 鮑魚酥鮑魚酥一人一件, 非常好食, 如此混合好完美鮑魚彈牙爽口新鮮 蓮藕酥, 金魚餃賣相非常精美, 侍應端出來的時候, 大家都不禁"嘩嘩聲"當然, 味道則沒有太特別感受黃金龍蝦球咸蛋黃非常入味, 但我認為, 龍蝦用此方法煮, 會被咸蛋搶光了風頭有點"妹仔大過主人婆"的感覺清蒸大龍躉京城即燒片皮鴨即點即烤, 熱辣辣整個套餐是：點心三小碟 - 蓮藕酥, 金魚餃, 鮑魚酥碧綠帶子桂花蚌黃金龍蝦球原隻六頭湯鮑花膠牛肝菌燉老雞清蒸大龍躉京城即燒片皮鴨蟹肉扒時蔬海皇龍肉燴飯桂圓桃膠百合紅棗茶

因為媽媽好鍾意食龍蝦，朋友亦都推介，話賣相精緻，蠻有特色，所以就同屋企人黎下！

龍蝦蘿蔔酥 
師父在傳統點心蘿蔔酥之中加入龍蝦肉，入面除了有龍蝦肉，更加入馬蹄粒、芫茜碎造成餡料酥炸，造型別緻！龍蝦酥賣相一流，蘿蔔絲酥就食過好多次，但係龍蝦酥真係第一次，所以加分！咬落去，大大啖龍蝦肉，個酥個質感係蘿蔔絲酥個皮，略嫌個皮有點厚，唔夠鬆脆，味道幾好，別得出龍蝦鮮味！但只可以吃小小，因為食得多有點膩！

芝士龍蝦伊麵
難得黎到，緊係試埋佢個龍肉芝士龍蝦伊麵，呢到嘅芝士汁味道好出色，見到係深深黃黃既色，唔係用一般芝士，應該係用了車打芝士！成個醬汁夠厚身，所以伊麵可以掛起哂啲汁，正！龍蝦肉又夠爽口！西班牙黑毛豬叉燒
估唔到個黑毛豬叉燒咁出色！用熱盤同熱石盛住，令到個叉燒夠熱，又唔會太肥，用黑毛豬嘅肉質好軟腍，仲有小小脆邊，又夠入味！


媽媽話好食，仲叫多左碟！

偶然路過萬宜大廈 於是走入嚟試下 下午茶龍蝦點心。 場地好深，比想像中大 應該坐到200人以上。首先叫咗個龍蝦酥 因為份量唔細 服務員好好心地唔使我叫兩份。 餡料唔算太熟，比我想像中鬆軟，少咗龍蝦肉嗰種彈牙嘅口感。跟住試龍蝦春捲 春捲好大份 陷中間有少量龍蝦肉 終於真係試到龍蝦嘅口感同味道 都幾好 好有豉油味。春捲皮好酥脆 餡料有好多菇片椰菜，都幾好食。再嚟係 半蝦半蟹餃 三隻都好大隻，裏面全部係蝦肉同蟹肉 口感爽彈 味道一般。再叫咗個溫泉蛋加蘿蔔糕 蘿蔔糕中間留咗個窿 放到隻好大隻嘅溫泉蛋 溫泉蛋蒸得幾好 蘿蔔糕就還可以 面頭好多 脆蝦米 都幾鬆脆。最後試咗個推介嘅甜品 雪燕龍珠 用個乾冰壺載住 好多煙。 龍珠好大粒 服務員話係日本啫喱 旁邊啲 水啫喱 甜甜地都幾好味。下午茶係餐牌嘅7折 要加一 ，茶水19蚊 冇得七折。

二月生日飯門口已經好有氣派😃有好多富有中國色彩的擺設。但係menu的菜色有好西式，感覺好fusion🤩猶豫左好耐揀龍蝦泡飯定龍蝦湯麵，最後就選擇左泡飯。第一次食有脆米既泡飯，有2種口感，層次好豐富。泡飯份量唔多大概係2細碗份量，不過就係唔會太飽先可以試到其他菜式所以都OK。廚房一早已經幫龍蝦已經起左肉所以食得好方便，味道新鮮好彈牙爽口。本身無諗住order生蠔，不過見到佢個名係啫爆珍寶蠔，又好好奇如果係用啫啫形式整會係咩味，所以就點黎試下。鐵板上的蠔好有鑊氣，而且超級超級大隻😆，應該要3大啖先食得完。一咬下去就食到好juicy的蠔肉。

原來和飲茶同一個集團, 難怪她在店舖裝橫和食物的表達上, 也是走摩登粵菜的路線. 點心類那些就可以不用點了, 反正在旗下集團食肆吃的, 也是甚為倒模的質素.龍麵館主打的是龍蝦菜式, 比起傳統的上湯和芝士焗法, 這𥚃的做法新穎, 比點心感覺好得多, 價錢不太貴, 而啖啖肉的龍蝦比起西貢吃的均真. 最喜歡是其麻婆豆腐及龍蝦撈麵, 以龍蝦湯和蝦肉配上香辣的豆腐, 更為惹味. 龍蝦撈麵配上溫泉蛋, 將其打破後, 撈上去的味道也蠻豐富的.

啫爆珍寶蠔～真係好大隻蠔呀！一切開d肉汁就流出來，好juicy好鮮甜，生蠔都食得多，不過啫啫蠔就真係第一次食～好正！龍蝦羹🦞～本來以為係類似湯羹，點知原來係豆腐！😱 豆腐好香好滑，表面有一層龍蝦味好濃郁的湯，加埋鮮甜的龍蝦，完全覺得自己好奢華，連食豆腐都要有龍蝦🦞🤣龍蝦芝士烏冬～因為每樣餸菜份量都唔係好多，男朋友唔夠食🤣，所以就點多左個龍蝦撈芝士烏冬。龍蝦肉好彈牙，烏冬好Q彈，撈埋芝士一齊食好香，不過芝士有少少搶左龍蝦的味。

龍蝦泡飯🦞龍蝦湯好香好濃郁，加埋脆米，撈埋本身的米，成個泡飯口感更加特別，加上啖啖已經起左既龍蝦肉，肉質彈牙，真係令人食唔停口，連湯都飲埋。五色秋葵🥒雖然呢間餐廳主打食龍蝦，不過都要order返少少蔬菜。點左呢個五色秋葵都幾好食，感覺幾色香味俱全，夠健康。本來想點埋片皮鴨，不過驚住食唔落所以唯有下次再食，但係見到好多檯都有order，望落去片皮鴨的皮色澤好靚好香脆的感覺，下次真係要試一試。🦆

忙碌左成個月，終於有時間食返餐好，於是同男朋友搵左呢間專門食龍蝦菜式的餐廳🦞。餐廳枱面擺放着非常有中國特色的擺設，但係裏面裏面環境昏暗，又有西式的氣氛情調，有中西合璧的感覺。裏面座位都幾多，而且我哋比較早就到，所以唔算好多人，不過服務員態度就真係麻麻哋，明明客人唔多，但係舉手示意店員都要等好耐先行過嚟。我哋點左龍蝦泡飯，真係有成隻龍蝦係入面，好大隻！齋睇都已經覺得好吸引，上枱之後，店員會將脆米再放埋入泡飯裏面，龍蝦湯好鮮甜好濃郁，泡飯完全吸收左龍蝦湯的精華，如果想口感層次豐富d的話，脆米唔好泡太久，咁就可以有兩種口感啦。