25
8
13
Telephone
2771 5821
Introduction
18:00 後有代客泊車服務 continue reading
Payment Methods
Visa Master Cash AE UnionPay
Number of Seats
300
Other Info
Alcoholic Drinks
Parking
Phone Reservation
10% Service Charge
TV Broadcast
Signature Dishes
湯龍躉 韓菊富貴蝦
Review (50)
Level1 2012-06-27
541 views
老朋友遠道而來, 一心諗住去D有水準嘅酒家, 友人介紹呢間, 諗住"熾哥"係老闆, 食物水準應該唔差, 點知超...超...超...失望. 包括: 內地傳菜員, 傳錯3次菜, 騷擾談話,簡單嘅清炒菜心, 竟然<<炒燶>>都敢上枱(連經理都O哂咀),大澳蝦醬蒸豬肉, 無肉味, 更加完全食唔到蝦醬味(一般大排檔好好多),其他菜式, 味道無特別, 唔出眾,一路食, 一路有果蠅(多於衛生環境差嘅食市出現) 飛嚟飛去, 5個人, 食左$2,xxx, 貴都無問題, 但水準真係差, 一肚氣!!! continue reading
(The above review is the personal opinion of a user which does not represent OpenRice's point of view.)
Level1 2011-11-02
138 views
新手上路,請各位巴打絲打有意見的,可以隨便提出,小弟會盡量改善的!是日為公主女友的生辰(公主誕),所以早排已訂了位食晚飯,由於早幾年都係食自助餐,已經有d厭,所以搵幟哥,訂了2位"魚翅鮑魚美酒宴"紅燒蟹肉翅,很足料,唔似一般去飲的只有幾條翅,蟹肉份量足夠蠔皇扣鮑甫伴花菰: 原來每人都只係得半隻鮑魚,菜就一大條,花菰都一大隻,個汁都味道不俗艇皇浸海斑球: 帶點黑椒味,斑球夠爽口,蘿蔔夠腍香草汁焗軟殼蟹: 講真,呢道菜就認真一般,而且一個人食一隻軟腳蟹,有點漏,而且前幾道菜不是太濃味,突然有一道菜咁"重口味",有點受不了最後一道菜係原茄泡青蔬: 可能特別安排最清的在"重口味"之後,食落有點酸,不過還可接受跟餐甜品椰香桂花糕:跟外面食到的不同因為加了椰汁,但抹殺了桂花糕本身的清香由於我倆都不飲酒關係,已事先通知將酒改為甜品,是日有楊枝甘露或杏仁茶,我倆都選了楊枝甘露,味道適中,不會太甜,老實說,比某d名牌甜品糖水鋪還好食埋單$1122,老實說,有點貴,可能係食名氣的,但食物質素不錯,而且招呼一流! continue reading
(The above review is the personal opinion of a user which does not represent OpenRice's point of view.)
Level3 2011-02-09
50 views
年初六,公司訂咗幾圍枱食開年飯晚上七點去到這間酒家,分了兩層,我地係上層上到去已經見到寫字樓ge同事係到玩緊鋤大D而D清潔姐姐就係到打緊麻雀,我地餐飲部ge同事就睇電視七點九開始入席燙手妙齡乳豬:睇個名就知la, 香,嫩,皮脆翡翠炒蝦仁:D蝦幾大隻紅燒花膠海味翅:足料砵酒焗石蠔:好大隻,好好味,佢係上面加咗D酸酸辣辣ge醬發財好市鮑甫:唔太好食蒸沙巴龍躉球:還可以,但原條魚會好D豉油皇脆皮雞:好喊西紅柿泡田園蔬:賣相好吸引 (我無食,但D同事話個煮法幾好)五穀豐登:即糯米飯參菇炆伊麵:普普通通椰香桂花糕:好香椰奶味 (平時食個D, 食一啖已唔會再食,但這個唔係) continue reading
(The above review is the personal opinion of a user which does not represent OpenRice's point of view.)
Level4 2011-01-29
50 views
平時一家人飲茶,大都是在荃灣悅來酒店的殷悅了事,貪其夠近,而且老豆又係酒店會員,有頗大折扣。今天有點例外,拜完山之後索性在外面食完才回去,我提議來幟哥的酒家。酒家分兩層,被安排坐樓下,地方很擠迫和嘈雜,但仍保存了魚池,養著不少生猛名貴的海鮮,如澳洲龍蝦、紅色的東星斑等等。按慣例,都是吃幾味點心。翡翠帶子腸,皮是薄而滑,裡頭的翠肉瓜爽甜,帶子亦是甜美,如果質感爽一點就更好。不過,這個水準,其實已比坊間很多的街檔做得出色,收貨有餘。這裡的炸魷魚鬚我是十分欣賞,色澤吸引,炸得酥脆又香口,入面既魷魚鬚爽口彈牙,十分好吃。店方加上少許的七味粉,引兇味道之餘,也不會蓋過魷魚鬚本身的味道,正!老媽子想食碗粥,選來了咸排骨粥。粥底是十分的綿,只是簡單的加上些少薑絲和排骨,無需多花巧,已能帶出味道,感覺絕不會太寡,水準很高。當然,靚排骨也佔不少功勞。點了兩款飽類,一是傳統的蠔皇叉燒飽。飽皮發得鬆軟,按板有一定功架;至於餡料,蠔皇夠味道,叉燒也不失禮,第一款飽吃得滿意。叉燒飽對辦,對得獎的燒汁煎飽更有期望。原來,這煎飽是用石鍋上,有特色得來,亦能保存熱度,挺不錯。飽同樣做得軟熟,餡料也配洋蔥增強口感,再配上惹味的燒汁,果然名不虛傳。再講,墊底的蔥也是香口好味,不要錯過。另一款得2009美食之最大賞點心組至高榮譽金獎的叫水晶寶盒,晶瑩剔透的外皮,裡頭如翠肉瓜、菇粒等餡料清晰可見,賣相精緻,口感爽脆,感覺清新,命為水晶寶盒,果真貼切。老豆想試試呢度既BB鴿,就要一隻淺嚐。乳鴿的確是很細隻,不過十分香口,肉質細嫩,富肉汁,亦不致太油,也不錯。最後揀個甜品,不如應應節,來個年糕。年糕很香,但不是煎得很脆很燶的,唔會太甜,咬落亦不會黏牙,是恰當的。以上的點心水準總是不錯,老豆老媽子亦吃得滿意,加上價值不貴,是值得一試的。更多相片可見:http://fabricelau.blogspot.com/2011/01/blog-post_25.html?utm_source=BP_recent continue reading
(The above review is the personal opinion of a user which does not represent OpenRice's point of view.)
Level2 2010-11-18
28 views
約o左成個月,,,,一改再改三改o既生日飯,,,,終於有得食~ 小學同學生日小姐例遲,,,,,,,,,,,少則半個鐘,,,,,,,多就成個鐘........今日好比面....遲半個鐘.兩個請一個........明明想慳d洗.......上海灘唔去,,,,,,逸東軒唔去......本來去粵江春,,,......點知臨時改o左去呢間...........乜鬼"龍皇"生日小姐係上等人家..........想食羊腩煲......最後叫o左3個餸.................+ 臘味飯.......................好貴第一次食呢款臘味飯$68一位.......最少叫兩位...................切到一粒粒........幫我地分好晒,,,,碟上兩位分量o既飯分3小碗,,,,,,,,,,,想添飯.............對唔住,,,,,,,係冇o既~!........自己加餸加豉油..........飯焦唔好嘥(其實係唔夠喉)..........加湯煮,,,,,,,,,,好似另加 $48蚊.........咁呢碟臘飯計埋加一已經要200蚊 ............. 呢味豉汁帶子蒸豆腐都好好味..........盛惠 $118 蒜容豆苗 , 都係$118最後呢味............羊腩煲.................$198............... 唔係生日小姐想食......幾舊羊腩,,,,,,,,,真係唔會叫...............搭的士落廟街食都唔洗咁貴.....乜鬼羊o黎o架? 不過料就落足, 配料都有冬菇, 筍, 馬蹄一餐飯...............冇乜特別....................$713埋單服務都好好, 味道都唔錯, 可能我冇錢, 3個人食, 2個比錢, 真係咁o既餸要$713, 我覺得好貴~! continue reading
(The above review is the personal opinion of a user which does not represent OpenRice's point of view.)