龍閣

Open Now

Now Closed

打邊爐湯底鍾意揀D可以飲埋既湯,揀左椰子走地雞煲.雞件同湯底係分開上的,湯底本身已經放了椰肉同藥材,之後將雞件都放到湯底內.仲有一碟沙薑同紅椒,不過唔係好食得椒所以淨係放左沙薑,又估唔到咁香,味道同雞件都好夾.好多火鍋配料都係特價,包括大元貝,每隻都好大隻.起左柱位,放入湯底淥一淥就已經食得.又鮮味又軟嫩.招牌手切肥牛同樣做緊特價,以為會係一般貨色,點知質素都幾好.唔會太肥.又好厚身.淥一淥就熟.牛味鮮香,而且肉質一點都唔韌.雖然只係特價$60，但份量都不少,十分抵食。魚頭好新鮮,魚皮香滑大塊,都有唔少魚肉,特別滑溜.四寶丸($78)包括牛丸,墨魚丸,蝦丸同鯪魚丸.鮮打四寶丸,每款都好鮮味,食到好足料.特別鍾意墨魚丸同埋蝦丸,鮮味又彈牙.松露帶子餃,餃皮好薄又好滑身,裡面的肉彈牙爽口得好似豬頸肉口感.打邊爐最岩就飲埋啤酒,每人仲叫左一杯1664.但湯底又好飲到庄少飲左2碗.因為每碟份量都唔少,而且又好多款牛肉類同海鮮類都做特價,所以都好抵食.

今日同朋友行開黃埔花園 發覺有間叫做龍閣既打邊爐， 朋友話 試過旺角分店 材料新鮮 係幾好食既 甘啱大家都想打邊爐 見到話有d乜野兩週年discount就入去試下 食店邊爐料係一碟碟叫既 最正係平時成200 蚊碟既手切牛肉因兩週年 60 蚊就得 牛肉肉質煙靭充滿牛味 冇得輸 另外仲有爽滑彈牙 40 幾蚊一碟牛脷 . 40 幾蚊一碟牛柳粒 牛肉味juicy香濃 好正 ! 活海蝦 78 蚊有8 隻 好抵食 超鮮甜 蔬菜亦好新鮮 響玲炸得香脆 講番個湯底 點左冬瓜盅 喺側邊著火後喺冬瓜入面邊打邊爐邊食慢慢煲得軟林既冬瓜肉 湯底鮮甜夠哂清熱 又抵又好食 推介

喜歡打邊爐嘅我嚟到黃埔搵打邊爐，吸引我係因為龍閣極上做緊抵食手牛肉優惠，內裝潢感覺舒服，座位都唔會太逼，但由於去到比較遲，所以有d火鍋配料已無。湯底藥膳文昌醉雞煲，湯底配上唔少藥材，但味道唔算濃味，d醉雞熟後唔會好鞋，雖然得半隻雞，但期待試其他。招牌手切肥牛，因做緊牛優惠，大大份先$60,真係好抵食，牛脂分怖均勻，牛質地嫩滑炸牛餐肉，在外很少吃到炸午餐肉，好好味，雖然係炸，但唔會覺得油膩新鮮大元貝，都幾鮮鮮甜

聽同事講呢度啲食物唔錯，於是 book 好位，同朋友仔喺呢度圍埋聚一聚，自從港鐵開通後，去黃埔去飯都好方便。湯底揀咗藥膳文昌醉雞鍋，個湯底本身加咗好多當歸﹑紅棗﹑黨蔘同圓肉，雞件係分開上，聞到陣陣酒香味，煮完都仲 keep 到淡淡酒香，仲吸埋啲藥材味，肉質食落似走地雞，好濃味好滋補嘅湯底呀! 打邊爐點可以唔食牛肉，見到招牌手切肥牛同特級雪花牛柳粒做緊特價，當然即刻叫啦，手切肥牛食落牛味香濃，而且好淋，牛柳粒就比較有咬口，食到油脂香，適逢餐廳2週年，呢2款牛都做緊特價，抵食之餘，又唔會將貨就價，食完大滿足!!! 鮑魚好厚身，碌完仲好彈牙，一啲都唔韌，仲食到鮑魚嘅鮮味，正! 海蝦嚟到仲係識郁，一睇就知新鮮，煮完仲吸咗啲酒味，好鮮好香好彈牙，好味! 鮮炸魚皮嚟到仲係暖暖哋，原來係即炸，真係好驚喜，魚皮食落係薄身鬆脆嘅，本來想放落去打邊爐，但因為太好食，就咁空口食晒。食完咁多肉，係時候食返啲菜，粟米超甜，又係好好食。 脆鯇魚骨腩啲魚肉好彈牙，每次打邊爐都叫!蟶子皇好爽，仲要無沙，好鮮味! 鮮炸響鈴卷索湯一流，又係每次打邊爐必食。今餐食咗咁多靚海鮮同牛肉，每人埋單都係二百幾，性價比超高，多得同事

朋有住黃埔，相約到附近既龍閣食中菜，其實港鐵通車後，黃埔開左好多有質素既食肆，就好似呢間龍閣，裝修華麗，新潮，環境好舒適，有卡位，亦有多張圓枱，見到餐牌好興奮，有海鮮，有小食，有名菜，先叫火焰冬瓜盅$128，好新穎好期待，不過理解上枱後因冬瓜肉層厚，所以叫上先再慢慢叫其他餸，一上枱好震撼，期待侍應表演，睇show 一樣，店員先在冬瓜旁落了些酒，滾一滾，點火，全枱嘩左幾聲，等啲火焰響冬瓜外圍燒吓，之後冇火，店員再加水煲！個冬瓜盅裡面挖到好深，可放湯在內，等佢慢慢滾吓先，見到有多款特價及推介菜色，尤其係熱石乳豬半隻都係$148， 一上枱都嘩一聲，成個鐵盤有好多塊黑色熱石墊底，㷫住烤乳豬上枱乳豬皮很脆, 皮鬆脆, 肥膏唔會好厚層, 少少令肉質更滑, 肉味夾了脆皮有濃烈脆皮香味, 超好味！少食多滋味, 作頭盤剛好。還有蒜蓉蒸扇貝($98有4隻), 好大隻再加兩隻, 蒜香味濃, 粉絲索晒味超正,帶子肉質彈牙鮮甜，食完兩個頭盤, 望吓個冬瓜盅開始有喜色, 再加多轉清湯, 好期待, 等滾起就可放食物配料，先準備吓火鍋醬料, 有一支好似酒既豉油, 份外高級, 還有九款配料, 有蔥花、生蒜、芫茜、炸蒜、

今日同朋友約好食好野,去打邊爐.入黃埔食好野未食之前梗係撈下醬,有埋沙薑TIM今日叫左以下食品生海蝦,8頭鮮鮑魚,聖子皇,招牌手切肥牛,特級雪花牛肉粒,魚皮餃,脆鯇魚骨腩,雞脾菇,金菇菜,超甜粟米,鮮炸魚皮,鮮炸響鈴卷,藥膳文昌醉雞鍋鮮炸魚皮--熱辣辣岩岩炸起,超好食,水未滾就俾我地食晒藥膳文昌醉雞鍋--雞好有酒味,夠入味..唔鞋口,正生海蝦--好新鮮,好實肉,又大隻8頭鮮鮑魚,聖子皇--同樣新鮮好食,鮑魚都好大隻下魚皮餃--打邊爐就一定要食佢脆鯇魚骨腩--新鮮,好脆口彈牙雞脾菇,金菇菜,超甜粟米--食左咁多肉要食下D菜中和一下,粟米夠甜鮮炸響鈴卷--又係好食既,放入鍋入面2秒拎起食得,脆脆地岩岩好特級雪花牛肉粒--做緊優惠超抵食,佢重牛肉肉味,滾耐少少都唔會鞋招牌手切肥牛--齋睇已經正,入鍋5秒食得,得左......唔太肥香牛肉味,一個字正呀不時加湯而唔係平時加滾水

師奶A說準備了一個周年紀念派對，A先生是很好奇，這幾十年來，也沒有準備過什麼慶祝。 然後，我們這些朋友竟然也在席上，問番A先生，佢更加好奇。 最好奇，全人類到齊，師奶A好神秘咁話，今晚我地周年紀念，好高興，請大家食飯。 素來，師奶A精打細算，邊會咁好，仲要去一間不錯的火鍋店，龍閣。 之後佢話，全晚佢包，唔俾我地叫。 於是，和你慶周年紀念活動就此展開，我地抱著勁驚訝的態度開始吃飯。 椰子走地雞煲，加上八角，青檸和辣椒，半隻雞加上那香清幽的椰子香，就是吃雞也感受到到那鮮甜，夏天吃這種清新的煲，和冬瓜煲有異曲同工之妙。 師奶A神神秘秘的驚喜:佢沾沾話:edward ，你食家，今晚食完話我知，正唔正先。 然後，是牛肉瘋狂派台，同家有喜事每個新年瘋狂looping 一樣，成枱都係牛肉。 招牌手切肥牛，外貌似牛頸脊般，牛味勁濃，有咬口，每啖都是牛魔王的氣勢，原來只係六十蚊碟。 天啊，點解可以咁平，師奶A竟為我們叫了四碟。 雪花牛柳粒，三十八蚊，八粒大大粒，食到你嘔，最重要不是將貨就價，粒粒勁靚，每粒都是有一定的份量。 過份到我們兩個人一碟，平常在外邊最少二百蚊，我稱之為驚嘆。 然後最過份

清酒可以配撘較清淡shabushabu, 也可配撘濃味的sukiyaki, 湯味介乎兩者之間的中式/港式火鍋自然也很適合配餸清酒。很多火鍋店現在也有清酒menu, 龍閣有🐟魚生供應卻無清酒賣，幸好附近有Aeon, 再加上corkage fee不高，便跑去選清酒。 清酒款式實在不少，比megabox的Aeon多很多，也不下於日本的一般Aeon（小城市及效區的大型Aeon例外，有大型獨立售酒區，有很多地酒選擇）。Sales姨姨也很好人，不停推介及給我試飲😌，最後選了這支半蔵大吟醸，與同一酒蔵的純米大吟醸相比，純米大吟醸味道顯得較清淡，味道被大吟醸搶過。此酒果香濃郁，辛口味濃，入口後中，後段在脷底感到強烈的苦味，非常配合火煱濃重味道的醬料，清酒及食物的味道均不會被覆蓋。淨飲味道則過強，不易入口。說回食物，牛肉有特價，很平宜，一行四人結賬每人不用200元，很飽，還剩下少量食物。牛肉的質素是中上，不是最高級，但抵吃，也推介響鈴及鮮蝦水較，order了兩次。半蔵 大吟醸大田酒造產地 三重県伊賀市使用米 三重県伊賀產山田錦精米歩合 40%酵母 --Alc 15-16%日本酒度 +4酸度 1.3飲用時

今日約左舊朋友食飯，突然想食打邊爐，見到話手切肥牛 2折，就決定試下內在環境不錯，非酒樓格局，地方大同整齊清潔，位也坐得舒服。太肚餓既關係，叫左口水雞，醬料唔太辣，雞既肉質鮮嫰。邊爐方面叫左胡椒蘿蔔豬骨湯底，足料，大大件豬肉，湯底清甜，胡椒味輕。打邊爐緊係唔可以冇左肥牛，叫左牛盛拼盤，有肥牛，牛粒，牛脷，牛𦟌，肥牛牛香味重，夠滑，牛粒脂肪較重，好juicy , 牛𦟌味道清甜，牛脷夠爽，但價錢好平，只需$66 碟。因為太抵食既關係，再叫左碟肥牛，肉質色澤好好，又好食，完全唔會因大減價而質素下降！蠔大大粒，肉質厚，而且蠔味濃，最重要有專人幫你掉走蠔既污水，抵讚！其他配件質素都好好，睇到食店揀食材用心，埋單一人大約$249，味道唔錯，加上價錢唔貴，下次會再黎惠顧

點解說是抵食，因為牛肉2折，＄60左右就可有一大盤！ 重點是有牛味都十分新鮮，一個拼盤有不同部位。試過邊個部位好吃，再可以用2折價錢再Order。個人就喜歡手切肥牛了。肉質軟不會靭，油脂花狀平均，不會太肥！ 說完重點，還是說回湯底吧！ 這天點了味道清一點的泰式香茅肉蟹，香茅味清清地，加埋肉蟹便帶點鮮甜，想辣味重，有碟辣椒的，加以想幾辣便加幾多。 我們還點了雞件，一拼放湯底中，讓整體鮮味更出！ 想讚一讚這家的兩款餃子，花膠素翅餃同松露帶子餃。 真材實料，花膠素翅少不了，就連松露帶子餃也真的有松露在內啦！ 打邊爐是需要蔬菜的，放得好看一點，人也開心一點。 烏冬是稻庭烏冬，上等喲！ 響鈴也是即炸的，值得耐心等待一下。

朋友推介特價手切靚牛肉龍閣火鍋，黃埔站開左一排都未入過去搵食，今晚一收工就入去會一會佢。本以為係黃埔做街坊生意，一睇見裝修都知係走高端路線，見到原價$298 肥牛減到$60 一碟 即入！上菜唔快，等左一輪我地都心急，尤其牛肉黎得最慢。但一黎d 食材非常有料到，即時冇晒火。叫左蘿蔔豬骨湯，豬骨足料好入味。魚皮唔係市面上果d 硬到咬唔開果d, 好香脆。牛肉先係主打，做緊兩週年特價，原價$298 家陣$60 一碟大大碟冇變細到。先叫左手切肥牛，一黎見到雪花紋已經嘩左一聲，再睇真d 佢d 刀工，用左魚片雙飛切法，難怪咁耐先上，真係手工料。厚度剛剛好，就算煮耐左都唔會韌，味道更係香濃。另叫牛肉拼盤，牛展，牛脷及牛柳都非常好食。桶蠔唔係細細隻果d, 係勁大隻！（用水樽對比下，煮完都成隻鮑魚咁大隻，而且好鮮甜。其實食物都係水準內，衝住牛肉黎，亦冇令人失望，反而喜出望外。下次要帶屋企人黎食多左。

是日8號風球，我依然去黃埔shopping ,行行下發現有間龍閣火鍋做緊2周年優惠，尚品牛肉一律2折見到咁吸引冇理由唔食啦！手切肥牛一碟$60仲可以任叫😍餐廳環境舒適，空間寬闊，裝修新穎，燈光明亮。藥膳文昌醉雞鍋，湯底清淡，而且有半隻醉雞，雞肉熟後不會太鞋，湯底越煲越濃郁。招牌手切肥牛做緊優惠$60一份大大碟，肥牛油脂均勻，肉質嫩滑，牛味濃郁😋鮮炸嚮鈴好長好新鮮，卜卜脆。午餐肉是我的最愛，每次打邊爐必定叫，午餐肉非常美味。

今次去到紅磡，亂甘行，居然發現到一間新野名叫：龍閣好俊好架勢堂，就入去try try,2個人就試下火鍋，無計，最中意十下十下叫左個香茅肉蟹鍋，半只雞，一份手切肥牛，同個雜菜藍，首先登場既就係只羔蟹原只上俾你慢慢十，肉質夠實，好明顯係岩岩過身專業推薦中意食蟹就真係五好錯過跟住到只雞，原本對打邊爐既雞真係無期望架，點知只雞勁有雞味，無雪味，98元呢個價真係好難係其他地食到甘新鮮呢度今日我既重頭戲，60蚊肥牛！60蚊居然係呢個質素既牛，估佢五到甘好食，肥瘦剛好，五係雪藏，完全係岀面688元的質素我點左3碟食，因為真係好正斗呢度環景好，質素高，下次一定come back

印象中比較少去到黃埔區食火鍋，今日去到黃埔花園商場，發現呢間酒家做緊火鍋優惠，就一行人入去食返餐。菜單上火鍋材料選擇都幾多，挑選左牛骨湯底後，先叫左兩隻紅燒乳鴿醫醫肚。新鮮即叫即炸，上枱時夠晒香、而且肉質細嫩，肉汁豐富。之後，火鍋湯底黎到，當然要立即品嚐牛肉拚盤，手切肥牛肉美香濃，係濃湯中快滾半分鐘，立即品嚐到嫩香入口即溶嘅感覺、牛粒選用靚料嘅安格斯牛肉，紋理分明，新鮮無雜質; 而牛脷帶有爽勁嘅口感，亦係值得品嚐。而鱔片亦係新鮮即劏，魚皮嫩滑、魚身白析爽脆，唔需要滾太耐，都食到海鮮嘅鮮味。最後有手打肉丸(鮮蝦、鯪魚、牛肉)，唔係加工食物，而係有真材實料嘅丸類，每一粒感覺都好實在，都有新鮮嘅海鮮或鮮肉加入在內，彈牙無比。

今日多了一天「天鴿」的假期，經天文台確認稍後時間會轉掛三號風球，一班飲食的朋友立即蠢蠢欲動岀發覓食，友人從家中岀車，沿途接我們一起向黃埔出發🚗🚙🚗🚙先點個較特別的藥膳文昌醉雞鍋來個湯底先，半隻雞配上濃郁的酒香 $148招牌手切肥牛 原價$298，現在做緊兩週年特價只需2折 $60，即刻order左兩碟捧捧場，牛肉一點也不馬虎亦 order 一點海鮮大元貝、南非鮑魚、花膠片......海鮮，元貝鮮甜，鮑魚爽口，花膠片嫩滑炸響鈴是朋友每次必點的小食，他亦稱讚鬆脆很薄炸豬仔嘜午餐肉第一次食感覺幾特別，先經油炸處理，我們再在火鍋湯底淥了一會，有少少脆脆的感覺，還看見有很大粒的午餐肉店員會遞上一盤調味料，十全十美乜都有夏天都可以打邊爐， 尚品牛肉仲有2折優惠，不限次數可任點下次還可以透過手機程式「FOOD GULU」遙距攞定位