Video
3-min walk from Exit B2, Tsim Sha Tsui / East Tsim Sha Tsui MTR Station
continue reading
Telephone
23333239
Opening Hours
Today
12:00 - 23:00
Mon - Sun
12:00 - 23:00
Public Holiday
12:00 - 23:00
Public Holiday Eve
12:00 - 23:00
Above information is for reference only. Please check details with the restaurant.
About Reward Scheme
有得揀！丼燃係老闆！好耐之前喺旺角店食過，感覺幾特別，可以自己選擇唔同嘅配料砌成一個丼飯，而家新開咗尖沙咀厚福街分店，梗係要嚟試吓啦👏🏻🦀 蟹籽沙律蟹籽沙律清新開胃，蟹籽爆汁，沙律醬唔會太膩，食落好爽口，做前菜一流！🥢 自選丼飯五餸 $82呢個丼飯真係抵食到爆！$68就有四餸丼，五餸都只係$82，仲可以升級六、八、九餸，任你揀，超高性價比！珍寶赤蝦好鮮甜，拖羅蓉滑到溶，帶子厚肉彈牙，火炙左口邊香口又有油香，三文魚新鮮肥美，食材全部新鮮，份量又夠，食完好滿足👍🏻🦐 九公丼 $178呢碗丼飯真係堆到成座山咁，有齊海膽、拖羅蓉、牡丹蝦、蟹肉、三文魚籽、帶子、三文魚同時令魚，每一啖都超鮮甜，海膽同拖羅蓉入口即溶，配埋三文魚籽爆汁，食落層次感十足，完全係高級享受！🔥 金龍卷獨家研發火焰卷物！上枱店員會燃點起火，包圍碟嘅外層，卷物表面炙燒香脆，入面材料新鮮又足料，每啖都食到火炙香味，真係好正，必試！呢度最有特色嘅係可以自選唔同嘅配料，有啲似港式嘅三餸飯咁樣，揀到自己鍾意為止，如果有猶豫病嘅人，呢度仲有唔少嘅丼飯係Set好可以選擇，總有一款適合自己😋
continue reading
店內裝潢以漫畫風設計為主，有顏色鮮艷的原創虎頭摔角手作招牌，天花、牆身、餐牌、枱墊及筷子套都是虎頭摔角手的影子。餐廳主打供應多款日式丼飯，多餸丼飯及獨家研發的火炙卷物，有:金龍卷、焦糖三文魚卷及A5牛牛牛牛卷等，看一下餐牌，食物種類選擇多，$68 就有四餸丼，配搭多款不同的刺身，可選擇四餸、五餸、六餸、八餸、九餸 性價比高，星期一至五平日 Lunch 更沒有收+1服務費。【焦糖三文魚卷】(HK$68)上枱後店員會馬上用火槍點火燃燒餐碟下的酒精及海鹽，整個火焰圍著卷物下的餐碟，很驚喜而且火焰視覺效果滿分，打卡一流，卷物裏面包著蟹籽、青瓜、蟹棒及玉子，頂層三文魚更灑了砂糖，用火炙再燒至焦糖化，而且有蟹籽加持，入口甜甜的味道很不錯。【乜蟹都有丼】(HK$138)用整隻蟹的精華造成「全蟹丼飯」，用蟹蓋疊成小山的形狀，碗內有齊蟹肉、蟹棒、蟹膏、蟹籽及蟹鉗，而且可以自選醬汁，共四款醬包海膽醬、蜜糖芥末醬及芝士蟹籽醬，滿滿的一絲絲蟹肉，拌勻蟹肉蟹膏海膽醬吃，實在很澎湃美味，而且賣相很有心機，喜歡吃蟹的朋友仔就不要錯過，推薦。【自選六餸丼飯】(HK$95)(升級&追加HK$62)可以選6款不同刺身組合，滿滿的刺身堆砌成小火山的造型，覆蓋在壽司丼上，這次叫了三文魚腩、三文魚魚籽、日本帶子、赤身、牡丹蝦及北寄貝，追加了明太子醬，丼飯食材新鮮份量充足都很飽肚。
continue reading
早排約左朋友去行街，行街前經過美食眾多的【厚福街】，俾我發現尖沙咀都有平時系旺角食開的「丼燃食堂」，咁就同左朋友行入去食。 整體裝修同旺角分店一樣，食材用料依然新鮮，份量亦很多！另外，我地下午1點左右進店，未算好多人，到左2點打後，人群陸陸續續地多，甚至要等位。建議大家留意時間⏰！ ⦁ 自選丼飯丼飯自己揀，好似人地幾餸飯咁，可選擇四餸、五餸、六餸、八餸、九餸 ！四餸都只不過系$68起，超高性價比‼️就連飯底都可以轉沙律菜底，仲可以揀是否火炙、是否要醬汁。刺身則分了幾個價位，就連時令空運到港的魚🐟都有得揀！ 最後我揀了飯底配蜜糖芥末醬 ，刺身方面就揀了三文魚、蟹膏、珍寶赤蝦🦐、時令飛機魚。對我來說份量都大份，價錢只不過是$68加多$14，性價比都幾高！ ⦁賽高海鮮丼 $168尼款就系固定的海鮮丼，份量都大份，有齊係蟹肉🦀、蟹鉗、蟹籽、海膽、三文魚🐟、三文魚腩、時令魚，刺身樣樣新鮮，十分滿足。 ⦁A5牛牛牛牛卷 $98值得一提，店內的火焰卷物，啱晒打卡既我！上菜時店員在碟邊點火，紅紅火焰包裹住A5牛卷🐮，吸睛道十足👍🏻👍🏻卷物上面亦有蒜片，搭配牛肉，味道亦很不錯！ ⦁可樂 $10
continue reading
尖沙咀做完野 天氣好熱想食丼飯搵到呢間在厚福街的丼燃食堂呢間本地丼飯店 出名足料大份岩晒呢D天氣食 //九公丼 $178//九公是指有9款不同刺身組合而成包括蟹肉、角切三文魚、角切吞拿魚、海膽、拖羅蓉、帶子、牡丹蝦、三文魚子、時令魚同壽司薑全部刺身都好新鮮又厚身其中三文魚肥美鮮甜 海膽鮮味十足拖羅蓉軟綿綿的口感配埋三文魚籽同蟹肉一齊撈飯食真係一流刺身份量好多好豐富 個飯口感煙煙韌韌每一口都是滿滿的幸福感 //自選五餸 $82+$34//(火灸左口邊2片+拖羅蓉30g+ 珍寶赤蝦2隻+ 蟹膏30g + 藍鰭大拖羅2片)除左set好的丼飯之外 仲有可以自選的朋友就點了一個自選5餸自選好在可以選擇自己想食的左口邊口感爽口 用火槍灸過釋放了魚油 提升口感珍寶赤蝦夠晒大隻厚肉 入口新鮮彈牙藍鰭大拖羅肥美鮮甜蟹膏先係最出色 撈埋D飯一齊食令整個飯味道昇華 //焦糖三文魚卷 $68//必點卷物! 店員會用火槍在你面前灸燒望住面層慢慢形成脆脆焦糖 好打卡焦糖食落似creme brulee的口感三文魚腩經炙燒過後 充滿魚油香三文魚好肥美 中間配料為蟹柳、青瓜、玉子蛋整體口感好滿足
continue reading
丼燃食堂🐯@donyin.diner正丼燃 當然正🥊🐯好似闖入咗一個日式漫畫世界咁！相撲老虎角色霸氣登場🥊 牆身、天花版、餐牌、枱墊都係滿滿嘅原創漫畫風插畫，色調以紅紫為主，配上粗線條漫畫字體，好有氣勢！好似睇緊少年Jump封面咁，勁有視覺衝擊！甚至餐具、外賣袋同盒都印有專屬設計，真係每個細節都做到足！乜蟹都有丼 🦀成個蟹蓋蓋住上枱，賣相好有氣勢。澎湃嘅蟹肉、蟹鉗、蟹膏、蟹籽同蟹棒，大啖大啖咁將成隻蟹嘅精華落肚🦀 倒上海膽醬再火炙，散發出一股微微煙燻味，令鮮味更突出🌊焦糖三文魚卷 🐉 真係噴火嘅招牌卷物🔥 店員即場會喺碟邊點火，整個火焰圍住卷物，畫面超震撼！連卷物都用上肥美油脂嘅三文魚，先燒成焦糖脆面🍭 再加上蟹籽，中間包住青瓜、蟹棒、玉子🥒自選四餸丼飯4️⃣三文魚腩｜虎蝦｜左口邊｜拖羅蓉日式丼飯都加入兩餸飯戰團😆 新推出嘅自選丼，超過 35款刺身自由配搭，最平$68就有四餸😱 覺得魚腩油脂多啲，更適合火炙，加 $9 升級三文魚腩，完全值得！成碗飯鋪滿晒刺身🍣 一齊火炙，連拖羅蓉都係🤣 額外加嘅明太子醬更係靈魂所在💥吉列蠔 🦪忌廉蟹肉餅 🥛外層沾上麵包糠，炸得金黃酥脆又輕盈🍟 一咬忌廉餅就爆開，內餡好滑，而蠔都炸得岩岩好，保持住鮮嫩。可以試下加埋蛋黃醬🍳秘製三文魚鰭 🐟魚鰭本身油脂含量高，配合火炙帶出更多油香同魚香☄️ 唔係用傳統嘅椒鹽，而係選擇蜜糖芥末，味道又意外地夾🍯丼飯壽司飯仲可以任裝，但老實講原本啲飯量都已經好夠🫢 午餐都$50左右，星期一至五仲要唔洗加一，可能仲平過茶記🥲
continue reading