Domon Sapporo Ramen (Closed)

約左兩個朋友食晚飯, 行下行下見札幌拉麵唔洗等位又好似幾有名氣就去試下, 點知搞到餐飯食得唔係幾開心. 先講食物質素, 我地三個一人叫左一個定食, 鯖魚, 炒牛柳粒同吉列豬扒定食. 賣相唔錯, 但味道就好普通. 所有野包括麵豉湯同個主食都偏鹹. 吉列豬扒較厚同硬. 不過總括$100一份的定食, 食物質素都可以接受. 只不過最激氣係員工嘅服務態度 我朋友問待應要魚生豉油, 個待應答:「枱面個支咪係囉!」但枱面個樽寫坐餃子汁但用塗改液塗左少少字又遮唔曬咁. 之後我朋友拎起「餃子汁」問係咪依支, 待應語氣唔太好咁答:「呢支係魚生豉油呀!」依次冇咩禮貌都算, 之後待應走來加茶, 問都冇問就加左坐出面嘅人嘅茶, 仲要差D整瀉碗麵豉湯. 之後個待應同坐入面嘅人講:「加茶!」完全係命令句! 咁嘅服務態度都有....絕對係趕客! 我地冇出聲只係想快D走! 真係好失望, 希望下次去員工嘅服務態度有所改善.…Read More

黎到黃埔緊係要黎食札幌拉麵啦。我今次叫左牛油拉麵食，走荀。我本人比較唔鐘意荀嘅味。牛油拉麵真係有一樽方形牛油，撈哂係成碗拉麵度，真係成個湯都香好多。另外再叫多左客煎餃子食，皮薄，少d油會更好！…Read More

我上年去過呢間嘢，重記得食都火都黎，簡直三無，服務無。食物質素無，賣相無，不過最近睇到D食評好似幾好，咁啱我男友又想食拉面咪去試下囉！果晩8點未夠去到出面已經有人等位我地入去即刻有侍應超好禮貌問:唔好意思請問幾多位？之後比左張等位纸我，我同男友係出面等位果陣再望入面的確同我一年前黎果時差好遠，等左十五分鐘到有枱，坐底後感覺好熱鬧，點餐時侍應重會問使吾使轉其它湯底重問埋使吾使濃D或淡D，雖然當時坐滿人但個侍應都好有耐性聽我講完，呢D咪叫服務態度囉我男友叫左個札榥冷面同餃子，我就緊係食新嘢啦！鉄板和牛定食！！上餐時間都OK十分鐘冷面到，本來想开口要隻碗，佢已經話等等轉頭比隻碗你！跟住餃子黎到，冷面OK架面唔淋啱啱好夠凍！餃子夠味Good！不過個和牛要追2次先有，和牛上枱時勁大煙重睇到D汁彈彈下，其它客都望過來，未食都聞到香味個侍應重好細心放低紙巾添埋單重有雪糕添！今餐勁满足！有進步有改善！…Read More

果晩同老婆行經黄埔米睇下有咩好食囉，本來都吾係好為意有間咁既餐廳，不過我老婆行行下停左係度重以為做乜，原來企左係度望D餐牌，而我緊係做下工課睇食評啦，不過D食評認真麻麻，所以我同老婆都打算去第二度食之際。。。有個類似經理既人開門重好主動介紹餐廳有咩好食，見佢咁有禮貌我老婆就拉左我入去，入去環境OK架，當時都有八，九枱客，之後点餐叫左個2人餐有牛油拉面同香葱拉面跟四個小食有餃子，刺身，雜錦串燒，海鮮沙律，價錢尚可接受，個侍應重好細心問使吾使出哂小食先上拉面？估吾到一間咁吾起眼既餐廳有咁既服務質素，呢個係其一驚喜，餃子就好快呀，不過D剌身同沙侓就真係耐喇最過份係串燒半個鐘都未有！個經理都醒水行埋黎問係咪有咩未到？見佢咁有禮貌講左就由佢唯有食住拉面等，個拉面賣相OK，味道不過不失，食完個面串燒重未到，老婆忍吾住揾個經理埋呢問究竟係漏單定廚房無人？跟住就見佢追廚房，等左5分鐘先到。。到埋單果時個侍應送返2客自家制雪糕，我老婆最愛我食左一匙都未試清，我老婆就食埋我果份， 不過評心而論真係吾錯，算係第二驚喜，2百幾有甜品送都OK既！總括黎講服務真係吾錯，不過食物品質同賣相認真麻麻！…Read More

話說今日同班朋友約左一齊食lunch，有朋友話想食日本野...諗諗下黃埔食日本野既，黎黎去去咪個幾間。咁岩諗起有間札幌拉麵，之前又食過，都覺得唔錯既，於是就推介左比我班朋友啦。一去到唔洗等位，good！入面都唔係話太多客,環境都還ok既。我地坐低左唔係好耐就點餐啦，咁我地就叫左拉麵同定食。因為我之前同朋友黎食試過拉麵，而我朋友食左定食。我見我朋友上次個定食好似好吸引，所以今次就決定試下定食啦...我又好中意食刺身啦，所以就叫左個魚生定食......好啦，我地order完野食就吹左陣水啦。說時遲那時快，幾碗拉麵好快就出現左係我地面前啦。大家都話真係有效率啦，但係原來有d野真係唔讚得架！！食拉麵既朋友都差唔得食左一半啦，d定食都未出現過......我都知d定食要煮可能係要耐小小時間，但係我個個係魚生定食黎嫁wo，唔使煮啦呱！！咁我地只好再等下啦。又再等左陣，終於有定食黎啦，但無一個係我既魚生定食！仲以為終於有得食，點知原來個個有得食，但係我就得個吉。我以為等多兩、三分鐘就會有啦......點知等左成七、八分鐘都未有！！於是我就叫侍應幫我睇下有未啦，行過來既係一個女既著裇衫既，我諗應該係經理啦。我同佢講左之後，佢就話幫我去睇睇得未啦，跟住佢就走左入廚房啦。如是者，我又等左陣。我食拉面d fd都食完碗麵啦，我個定食都仲係未到！！有無搞錯！！我當然又再叫個個女經理過來啦！！都唔知係個經理無幫我吹廚房呀(不過個女經理都幾有禮貌既，係咁我講唔好意思，我都唔想難為佢)，定係廚房做野真係咁啦！我一共吹左成五、六次先至比到個魚生定食我！！我d朋友都食哂咁濟啦！！真係離譜呀！一個魚生定食居然要等咁耐，仲要吹咁多次先出！真係等到天都黑啦！我上次黎食都唔使等咁耐既，都唔知搞乜鬼既！！！今次去食真係好失望，等到我都無哂心情食野啦！！希望佢d可以加快d佢地整野食既速度啦:(真係等到我喊呀！！！…Read More