神屋流博多道場 (Closed)

看了這兒的上一篇食評介紹棉花糖煲，約飯腳時批批飯腳都想吃，最終因為另一批飯腳有人臨時放飛機，我便與友人飯腳去吃。15分鐘前訂枱，去到發現很少人，可能是星期二的關係。棉花糖煲，$248， 棉花糖沒有上一篇食評咁有氣勢。侍應上桌沒開爐，給時間讓食客瘋狂拍照。友人幫糖不甩拍了多張均鬆郁蒙肥黑，應該是這兒燈光問題，最後高炒兩張先好。點火後很快溶。同事之前吃時(她也是俾我推介，卻比我早一天去吃)說比較甜，我覺得沒有，甜度剛好。附上的麵條我們自己煮得很好吃。給點的雞蛋顔色漂亮。牛肉普通啦。另外點了燒明太子，$72。排碟像蕃茄水牛芝士。相間的白蘿蔔沒有苦味，令明太子不會漏，好配搭。燒明太子外脆內軟，推介。上次來吃牛腸鍋很美味，今次點了滑蛋韮菜牛腸，$68。友人第一次吃牛腸也覺好吃。滑滑軟軟有嚼勁。不過要快吃，涼了會苦，我們放到棉花糖煲灼一灼。近來喜歡甜。抹茶芭菲，$48。忌廉有點軟身，綠茶味淡淡的。可惜又有我最不喜歡的早餐粟米片，好彩友人喜歡，不用浪費。糖不甩公司電腦又壞，每個月壞一次，經常在公司無聊。友人跟我說電腦有什麼保養方法……算啦，公司那電腦部只懂推卸責任。不過，原來友人電腦都識，厲害。友人

時間尚早，無book位， walk-in就有位！侍應俾左靠邊邊的位， 同朋友可以慢慢食慢慢傾！點左三文魚沙律， 雞肉串燒， 同埋非常驚喜既棉花糖牛肉鍋！ 三文魚好新鮮， 份量亦好多， 我唸三四個人食都可以！ 串燒味道都ok, 但就唔太特別, 然後輪到主角出場， 很誇張的棉花糖吸引了很多人既目光！ 原來甜甜地味道既湯底就係靠溶左既棉花糖， 真係非常驚喜！ 味道亦十分不錯， 加點了烏冬放埋落湯煮， 味道一流！ 美中不足張枱太細， 根本不夠位放佢大大碟既食物， 要另加一個枱仔放隔離， 變相個座位就迫迫狹狹…但觀乎食物同服務， 絕對值得再來的！

去過九州之後，覺得九州嘢係日本嘢之中最好食，隨後變成呢間同埋銅鑼灣分店的常客。唔係好有研究，但感覺這間做法正宗，兼且係少數有得食大腸鍋、九州特色鍋物的地方，串燒、小食同只限午餐的冷麵都不錯，仲要價錢相宜，每人飲幾杯嘢埋單都唔會覺得肉赤。尖沙咀呢間係個廁所差啲，可能因為是商廈形式，要出去舗頭外面，經過暗黑的走廊同防火門，但係卡位坐得OK舒服，無論係午餐定星期六日晚餐都唔爆，唔洗迫加Book位同埋排隊，雖然一向覺得服務唔算好好，不過都一去再去。不過可惜最近一次去覺得服務再差左，而且侍應們對住日本客人的態度特別好，唔知係上面有令，定係啲侍應自發性嘅奇怪做法。

早一日BOOK了台，但無卡位錯唔緊要但仲要比個最多人經這的位我地，有位呀姐( 應該係senior）仲黑哂臉，大大力放D碟係我面前 。 其實講真野食無乜值得讚，水又唔會主動同你加，可能我地同呀姐一樣係香港人啦，對我地特別差，但其他日本人同外國人就唔同D 既，黑面程度另人作舌重覆：食物唔太特別，特別於1，2樣，例如牛鍋上加D綿花糖但食落同普通吉野家一樣，綠茶大福樣子吸引，等同綠茶味雪米池

上星期朋友帶我到此店。店鋪裝修很日本。空間算是寬敞，坐得很舒服。Walk in都不用等，空桌幾名多。三個人點了三款東東。番茄豬骨湯相樸火鍋味道不錯，足料番茄。有魚，肉丸，娃娃菜，金菇，豚肉。可另加配菜，我們再加了一份牛，很新鮮。連湯都飲哂，加湯時不是普通清湯，是鮮茄豬骨湯！三文魚沙律另點了一份刺身拼盤。火鍋吃到一半，刺身才上，胃已經吃了熱熱的，已經暖胃。刺身有點失色。白飯魚很腥。其他都還好。服務質素有待改善。想點菜，加水，換gas，埋單都找不到服務員。

同男朋友慶祝一週年、咁岩睇雜誌見到有相撲火鍋、於是就book 位黎試下。環境有日本居酒屋既感覺、大約七點到達已經有幾枱客人食物方面都係叫左幾款出名既黎試下、雜錦串燒有五款、帆立貝唔錯、有鮮味雞軟骨夠入味、唔會好似出邊個啲鋪頭咁冇味最好食既係豚肉翠肉瓜串、瓜吸收左肉既油分、食落囗冇油膩感覺、豚肉肉味濃一囗餃子用鐵板上可以維持到熱度、但餃子皮易爛蔥燒牛舌牛舌夠爽口,而且肉汁富,加埋旁邊既鹽調味更能帶出牛味相撲火鍋今次左豬骨湯底,材料方面算新鮮..有野菜, 海鮮..仲有手打丸,,手打丸肉質太林..味道普通,好似餃子入面既餡追加左個烏冬..不過湯底愈食愈鹹,最後烏冬都因為鹹得濟食唔到最後叫左個甜品,綠茶大福係成晚我覺得最正既一樣大福皮夠薄,入面既雪糕綠茶味夠濃而且食落口有牛奶味

一年內三次到訪, 可想而知小弟對此店非常鍾愛.因為今日係平安夜, 恐怕吃閉門羹, 所以中午已經打嚟訂定枱.六點多少少到, 店內已有數枱人客了, 由知客帶去入面的四人枱.落單的時間, 又見番上次好 nice 的侍應小姐, 我哋認得佢, 但佢當然唔會認得我哋啦.首先問下黑板上寫的廚師當日推介是什麼 (日文來的, 唔識睇), 最後要了兩款鰻魚肝串燒 $38落單時, 有善的侍應小姐已經講鰻魚肝係會有甘甘地的味道.吃下時, 果然, 但那甘味不是很重, 條脷接受到.鹽燒池魚 $100本來想叫主餐牌內三款燒魚的其中之一, 既然有第四款揀, 又係廚師當日推介, 當然要試啦.燒得恰到好處, 池魚外面乾身, 魚皮肫卜卜, 內裡魚肉仲有魚汁魚油.另外要了主餐牌上的三款食物海鮮丼 $128上兩次已經想試, 但肚子空間有限, 於是今轉決定將佢放係必叫項目.平心而論, 刺身類係呢間店鋪算是比較弱的一環, 不論上次吃的刺身或今次的海鮮丼.我並不是說唔好吃, 以刺身來說, 比佢好的, 坊間亦有不少選擇以食品來說, 我建議將消費金額投資在其他食品上.宮崎南蠻炸雞 (細) $40不用多講, 都係呢句, 必叫之選.唔肥膩,

1. 章紅魚刺身 $75 ~ 厚切，新鮮，好味.2. 三文魚腩刺身 $80 ~ 非常肥美，好味.3. 吉列炸蠔 $38 ~ 非常的一般.4. 長崎蝦多士 $35 ~ 多士切成四小塊的方形，入口容易。麵包外層炸得脆脆，內裡夾著少少蝦膠，蘸點附上的茄汁，不算出眾。5. 博多豬骨湯拉麵定食 $68 ~ order了麵豉味，但麵豉湯底沒平時的食店濃.

你喜歡「面對面」，還是「肩並肩」？我比較喜歡後者，因為可以親密點，面向同一方向，有共同目標……說得太遠，其實只是我們遲到，要坐吧枱罷了。這間居酒屋提供九州料理，以牛腸鍋知名。每塊牛腸的脂肪比肉還要多，吃起來很彈牙，加上蕃茄湯底出奇地配合，非常開胃。日本女性近年追捧內臟，據說有美容作用，此說法有何根據不得而知，只知女人有時真弔詭，為了美容卻忘了瘦身……吃了一半，我們追加了拉麵，不過湯底愈來愈鹹，我懷疑是不是要加水？我們還點了個豬骨拉麵。九州豬骨拉麵一向都是我最愛，每次去日本，一定會光顧一蘭。至於香港的豚王和一風堂也很好吃。這次吃的麵較為粗身，湯底亦太淡，如果加上唐辛子會好一點。福岡名物明太子要嚐嚐，但明太子蛋卷很鹹……最後追加了碟花魚燒，肉質嫰滑，味道鮮美，不過口腔還是很鹹……此店有很多日本食客，卡座有暖簾遮隔，提高私隱度，不過眼見能坐卡座的都是日本中年男人，想必是來喝酒的常客了。你還打趣叫我找公司店長幫我們訂位！笑死人！還有，這晚我們談得很開心，不知你有沒有這種感覺？我們已是第五次去尖沙咀吃飯。下班後約會，很自然會找個中間點吃飯，不過呢，我不介意去其他地區！雖然第一次的經驗是被鹹味充斥

好友介紹的日式料理，主打九洲美食，幾特別。先來幾客小食，煎餃子皮薄香口熱辣辣，味道唔錯。蝦多士多士外層炸得香脆，夾層蝦肉味道則不特出。酥香雞翼同樣是甘香之作，調味出色，因一只雞翼垂直切開兩份，外觀「削」了一點。燒鯖魚肉質結實，但略帶腥味。金菇牛肉卷牛肉富肉香，調味恰宜。主食蕃茄牛腸煲蕃茄湯底酸香不俗，倘若鹹到稍減一點會更理想。牛腸由大大件慢慢煮至細細粒，口感軟中帶點脆口，挺特別。追加豚肉放湯，豚片半肥瘦，普通喇！再來一份雜炊，湯底慢慢濃縮，湯中精華盡入米飯中，打入滑蛋花，口感更滑。甜品雲尼拿雪糕焦糖燉蛋，雲尼拿雪糕黏度高，幾好食，焦糖燉蛋無焦香外層，燉蛋質感實，一般。

今日預早慶祝父親節, 之前多數都係食中菜為主, 今次要改變一吓.繼上次試過呢間日本菜館後念念不忘, 一於就同父母親一齊品嚐.因為驚無位, 所以早成個幾星期前已經訂定枱, Book 7:30pm, 4位, 要兩小時內交枱.當天係星期五, 晚上 7:30 上到去人客已經半滿了,我估唔定枱 wake-in 的話都真係會無位.食咩當然比主角話事, 但得到預計中的答案: "仔, 你點啦"好啦, 咁就由我揸棋啦.因為上次食咗牛腸鍋, 而且又怕牛腸對父母來說唔太易消化, 所以今次要咗相撲鍋 (豬骨湯底), 另加雜炊相撲鍋份量真係有番咁上下, 而且鍋內的款式都唔少, 有魚, 蝦, 豬肉片, 豆腐及豆腐乾, 大蔥, 金菇, 冬菇料多量多當然好, 味道又如何呢?魚嘅肉質十分滑, 就算煲好耐都完全沒有 '鞋' 口的感覺, 正.蝦因為得兩隻, 所以 '扮孝順' 比咗父母每人一隻,但知道一定唔係 '梅' 的.豬肉片, 開頭睇餐牌時母親有啲怕, 因為張相影到啲肉好肥 (肥瘦比例1:1), 好在, 上枱後並不是這樣 (肥瘦比例1:3), 而且肉質好有咬口唔'痴'牙, 好.另外啲配菜都係正常嘢, 唔差易不是突出.最後

見到呢間野d reviews咁好一直都好想睇試下,但試完唔係想像中咁好囉!!不過weekday佢都好爆,而且好多客都係日本人!!!!!!!!!首先係食明太子玉子燒,不過不失!!!刺身係鰤魚同池魚.....幾好味,好新鮮,而且幾抵食個招牌菜牛腸窩係最激氣既,個窩一黎到,侍應好好服務,好有心機去幫我地煮呢窩野同飛走d油,個湯底係好香好味既,但滾熟晒之後成煲雜菜,d牛腸就沉晒底,同埋勁細粒,一d都唔抵食 食完叫左個綠茶大福,都係普通啦!!!仲有串燒果d冇影相,不過都係麻麻地啦,唔係特別好食囉,對呢間野冇乜好感,應該唔會去第2次啦

記得對上一次來神屋流的經過,是偶然在尖沙咀街頭抬頭一望,望到招牌便walk-in試下,串燒有水準,重發現好多日本人幫襯,上次已經見到好多檯都吃蕃茄牛腸鍋, 由於朋友仔不吃牛,我只得口水流,今次為了食蕃茄牛腸鍋便約了好友來試:蕃茄牛腸鍋$168+烏冬$40, 2個女仔一早已經盤算好,叫1個鍋加烏冬,另外加幾串串燒,服務生放上鍋的時候,我倆已經好興奮,最愛的蕃茄大大片,下面鋪了韭菜,重有充滿肥膏的牛腸, 好香,鍋內還有一些椰菜,鍋內的茄湯越滾越濃,牛腸有點趙頭,但除了鍋面的比較大件, 內裡的切得比較細件, 最後我們加了烏冬,變成牛味茄湯烏冬,好滿足!串燒類叫了7串.,有荵豚肉,冬菇,青椒仔,其中以汁燒雞肝,醬汁惹味,雞軟骨,牛舌,鹽燒乾身好香,哩3款比較出色

原本想食拉麵, 但搵唔到間鋪頭, 見到附近有博多, 就上黎試下, 好在有位。 明太子玉子燒：熱辣辣，玉子嫩滑，蛋味濃d更好。雞翼：雞翼味道香口野味，但乾身左，無一種咬落去皮脆肉嫩既口感。醬油豬骨湯拉麵：醬油豬骨湯底香濃，拉麵有咬口，雞蛋唐心。燒花魚：估唔到一條 $88 既燒魚會甘大條，而且好厚肉，燒得肉滑鮮味。店內頗多日本人，環境優雅，感覺舒適。

講咗好耐, 今天終於一嘗此餐廳的牛腸鍋了, 感動.星期三晚上六點半未夠去到, 沒有訂位但都可以直入, 但只限坐 bar 枱, 兩口子, 無所謂啦, 而且坐 bar 枱仲好, 可以欣賞廚師煮嘢食添坐到埋位, 看看餐牌, 當然一定要食牛腸鍋啦, 所以要了博多牛腸鍋 (蕃茄湯底) $168, 另加雜炊 $38另外仲有鰤魚刺身 $88, 南蠻炸雞 (大) $58, 及雜錦串燒 $118落完單, 四圍望兼影吓相, 又望住廚師煮嘢整串燒首先上枱係鰤魚刺身, 總共有五大片, 望上去有魚身色帶光澤及頗肥美, 夾一片放入口中, 有爽口的感覺, 但味道雖然唔可以說差, 但真是十分十分普通, 魚味欠奉.其實去呢一類型的日式食店 (例如居食屋), 小弟本身就唔多會叫刺身/壽司, 但我見張 catalog 介紹又好似唔錯喎, 兼且又未食過鰤魚, 所以一試.早知唔受佢張 catalog 的誘惑, 用呢 $88 食其他嘢會好啲好嘞, 主角出場, 博多牛腸鍋 (蕃茄湯底)比預期中大鍋 (其實份量係相當正常, 只係我之前一直覺得佢好細鍋啫)有切成細粒的牛腸及椰菜墊底, 中間就係大量的韭菜一字排開最上層舖咗一個已切片的蕃