Dining Fine (Closed)

我都好時常去食，不過係午飯(午市好似至4:00pm)，1-2星期都會去1次，非常好食而且抵食。有個飯set係for 2人或4人($108/$198)，有湯(例湯/酸辣湯)、有餸、有菜飯或湯面、有包點，之前有食評介紹過，不過我想推介係湯就酸辣湯好味，餸就選梅干菜烤肉，因肉質爽口，梅菜汁送飯一流，佢應該係晚市o既烤東玻肉(大概要$80，得1大舊)，不過午市佢將d東玻肉切細，可能都有2大舊家，味道一樣，但價錢就…。佢o既湯面係好好食，因為係手拉，不過份量少，所以都係菜飯好d。另外而家佢午市有個湯面set，日日唔同面。有一碗面，一杯豆漿，有包點，只係…$25，你唔好以為佢份量少，我食完超飽。另只係加$6.00茶錢，唔洗加一，你食完1次佢會送張coupon比你，下次再有9折，無限消費，2個人食只係$56，環境好，食物好，可能仲抵過你食隔離新城food court。其實佢晚市(weekday only)有個任食火鍋(限時好似係1小時15分)，包湯底(雖然清湯，但都好味)包醬油同麻醬，肉只係得豬、牛、羊，同每人一盤菜(內有菜、粉絲、豆腐)，只係$68另加茶錢(唔記得晚市茶錢同唔同午市)仲要加一，可能食慣豐富火鍋o既你就唔鍾意。但佢d羊同牛非常之好，而且你order就好快上，時間唔會好趕，waiter亦唔會因為你食cheap野而唔理你，一樣服務好。不過我覺得人多食就唔抵啦。過年前佢地做過呢個任食火鍋，不過新年停左，最近先出返。其實我都唔明佢有優惠又唔宣傳，d人點知佢係有d好抵食o既野。仲有佢d小籠包好得，比起其他出名排長龍o既小籠包店好食得多。而且佢晚市都唔係好貴，同出面差唔多，係合理，不過佢午市超抵，所以我都會繼續支持午市。p.s.佢地午市係唔加一，而佢d茶除普理、鐵觀音外，仲有比較少有o既“碧羅春”同白“茂單”添。…Read More

餐飯係好耐之前食，依家補寫番！翻開個餐牌，餸菜多選擇，睇得眼花撩亂，同枱親戚商議後，費事煩就叫咗個6人餐，因為我哋6大2細，個餐有成13樣嘢一定夠食啦，同埋睇番有咩食，睇落又OK喎，所以就咁扑咗鎚！點知嘢食就好夠，但色香味都把鬼，仲要唔係平喎！1.江南三小碟之一（燻鴨胸）：三小碟之中最好食，一朕朕煙燻味好香，而且至緊要鴨胸唔韌。:)2.江南三小碟之一（鎮江肴肉）：另一個好味小碟！:)3.江南三小碟之一（蒜泥青瓜）：一般，好似啱啱整起，青瓜唔夠入味！:(4.清炒河蝦仁：好清，清到無味，無蝦味，無鮮味，無鹹味，乜味都無！連賣相都無，唉！5.火朣雲吞雞湯：D湯渣另碟上，睇到足料，湯味香濃，可惜，好鹹，要扣分！6.糖醋黃花魚：糖醋唔嗆喉，黃花魚肉質算可以，中規中矩！7.梅菜乾小元蹄：賣相普通，好彩味道搭夠，梅菜乾唔太鹹，撈飯一流，小元蹄亦炆我鬆化唔肥膩，成晚算最有水準嘅一道菜！8.蟹粉豆腐煲：成晚最差嘅餸菜，一上枱個瓦煲好大好大，但裡面嘅餸料得個1/3份量，真係嚇鬼，搞到賣相好寒酸，最攞膽係蟹粉多，但好腥，好難食！9.上海酒淋雞：食完都唔係好知咩叫做酒淋雞，覺得似淡口版嘅豉油雞，味道幾好，雞亦嫩滑，起碼無咩差錯！10.上海炒粗麵：OK，粗麵彈牙唔粉實，其實碟炒麵無乜餸料，在乎成個餐有個麵墊墊肚！11.花菇扒時蔬：普通！12.生煎鍋貼：一樣普通，不過無乜肥豬肉，屋企人啱食咁話！13.高力豆沙：粉糰比較厚身，相對豆沙餡又少！環境屬於中高檔，深啡色格調，枱與枱唔太逼，坐得幾舒服，服務又幾OK，係略嫌上菜太快，催命符咁，堆到成枱都係菜！另外，有D服務唔夠人性化，好似火朣雲吞雞湯嘅雲吞、鍋貼、高力豆沙係件上，6人餐就真係俾6件你，多1件都唔得，唔會話你哋8個人就送多2件，又或多口問一問使唔使加少少錢加多2件，真係計到足！但佢茶錢又識計我哋8個人，連個豆丁細路都當一個大人咁計！仲有，最肉酸係個生煎鍋貼，明明得6件，就唔好用個12人餐嘅大木盤哩載得個6件鍋貼啦，搞到個木盤大大，6件鍋貼就「質」埋一邊咁上枱！…Read More

附近都冇D似樣既中菜，最後揀左嚼江南同阿姨餞行~ 地方好大，冇訂檯都唔駛等位~ 裝修都幾新派，燈光暗暗地，有一個個巨型蒸籠係天花板好得意…:)首先要左D小食：小籠包 - 夠熱夠多汁，皮偏厚左少少，不過overall都唔錯~煎鍋貼 - 黎度已經唔熱喇，皮好厚，鍋貼既底煎到太黑太硬，唔好食:(雞絲粉皮 - 一般啦，多少少麻醬會好食d~銀絲卷 - (蒸) 微暖，內面都唔太鬆化，似蒸饅頭多D…雖然前菜唔太出色，不過既然係請阿姨食飯，就叫多下佢D既招牌菜，應該唔會太失禮既：鱔糊 - 呢款係阿姨點既，因為佢鍾意食鱔糊我地先揀上海菜館… 其實我唔太識得欣賞，鱔切成幼條加個好厚好濃既『獻』，阿姨話okay~松子魚 - 其中一個招牌菜，炸左既黃花魚加左一個酸酸甜甜既汁，條魚好細好少肉…唔抵糖醋排骨 - 跟本就係咕嚕肉，橙色既…係一碟對味既咕嚕肉，肯定唔係糖醋~清炒蝦仁 - 好細碟呢，五個人食，唔可以好盡情咁一羹羹食，蝦仁好爽，味道適中~金磚豆腐 - 豆腐唔夠滑:(炒x菜 - 普通一碟菜，賣相唔靚，不過夠味~高力豆沙 - 黎到熱辣辣，豆沙餡唔夠豐富，一般~服務一般，因為地方大又唔夠人，好多時叫好耐都冇人睬我地…埋單 $ 880每碟送都偏細，又唔係特別出色，唔應該收呢個價錢……Read More

午市到來，當然要光顧此店的午市套餐，套餐分為二人或四人享用，兩個人的話，可從24款菜色中挑選其中兩道；而四人的話，則可再多選二款（即合共四款）。套餐還包括點心、湯羹及飯麵類各選一款，二人套餐收費108港元，四人套餐是198元，再加上午市不設加一服務收費，也算合理。兩個人到來，理所當然的選了二人套餐，點了素菌獅子頭、腰果雞丁、生煎鍋貼兒、冬瓜素菌湯和菜飯。首先上桌的是冬瓜素菌湯，以一個小小的木桶盛之，賣相已見心思。試一口，湯味既清且甜，水準值得一讚。腰果雞丁味道亦甚佳，再加上腰果粒粒飽滿，而且口感適中，雞丁也夠入味。獅子頭可算是小妹吃上海菜的心頭好，嚼江南的這道素菌獅子頭是改良版，以往吃到的獅子頭，通常也只是以蔬菜伴之，但此店卻加入一些有益的菇菌，味道也出奇地配合。菜飯也隨著獅子頭上桌了，水準一般，不算太突出，要是多下一些菜應該會更好吧？但仍是覺得味道不差就是了。最後送到的是生煎鍋貼兒，看樣子真是生煎而不是先灼後煎，又或是只油炸貨色充數，不過，卻未能令人留下深刻印象，始終店子並非以上海包點為主打，吃到像樣的也算合理。要提醒各位，凡星期一至日，上午十一時至十二時四十五分（以離座計），以及下午二時三十分至五時（以離座計），點心、飯麵及甜品類也獲八折優惠，詳情請自行向店子查詢。小妹的部落（Blog）還有其他美食相關文章，歡迎大家到以下網址瀏覽賜教：http://yingxue1214.mysinablog.com…Read More

之前做會員有張 coupon , 7 月尾到期 , 要盡快攪定 , 看過 openrice 的食評 , 應該也不差 . 兩個人點了如下食物 , 太多了 , 下次吃上海菜 , 還是叫多些人 . 海哲 -- 一般啦 , 幾爽口 . 醬油雞 -- 用蠔油煮 , 好入味 , 冬菇味又濃 , 雞也算大件 , 又不會太多骨 . 鹽酥骨 -- 好香好脆 , 不肥 , 一定要熱食 , 凍了就好 " 漏 " 好像好厚 . 生煎飽 -- 不錯 . xx 大包 -- 忘記了個名 , 有些像灌湯餃 , 皮厚了些 , 如果叫 , 一人要叫一個 , share 不到 . 瓜 -- 好甜不過油就多了些 . 裝修幾好 , 服務除了穿西裝的經理外 , 其他的亞姐不是太友善又沒有笑容 , 而且只顧看電視 . …Read More