汀汀烤活魚 (Closed)

我同4個friends一齊落去三坡坊諗住食個便飯聚一聚，見周圍爆曬，而呢間有位，咪求其入去試試囉，簡單一份魚皮，雖然唔係貴，但係比份淋嘅我，全餐飯即刻唔開心，另外份雪花肥牛，收我198，但得10片，性價比真係唔值，好認真地三坡坊大把選擇，我自己衰求其，入錯閘唯一低讚就係個麻辣猪耳，係唔錯，攞黎送啤酒都ok嘅，另外雞煲我叫左個蒜茸雞煲，建議大家就唔好叫喇，我諗大家食佢地個麻辣雞煲就應該ok嘅，祝各位食得開心。

叫左一條魚，已經叫麻辣+酸菜，都無乜味，加多兩樣配菜，埋單成二百蚊個人，又加茶水又加一，完全唔知自己食左咩...又貴又唔飽，重點都係味道唔掂，大家小心中伏！！！

假期度度都無位個肚又有點餓.所以就試吓分店的雞煲！招牌雞煲真係好好食.我同朋友都係慣左少辣！味道啱啱好.連配料都入哂味😋半隻兩個人夠了.因為要食其他野！秀珍菇無咩特別.正常口感炸魚皮都算脆口.唔係即炸個啲Fd😂鴨血都係配返麻辣火鍋先最出色本身自己出去打邊爐最期待係標榜手打墨魚丸..結果係超超超失望😫😫口感好奇怪.應該加左好多粉去打.完全冇彈牙感覺！食左一啖已經唔想再食😫好彩叫左雙拼..但係手打蝦丸又咸到一個點..食左半粒已經食唔到落去.我以為自己熱氣啦..比朋友試完都話好咸！落手太重了！其實依家疫情都唔敢點出去打邊爐，但都想出去支持下本土經濟！講真個雞煲係真係好好食架👍👍但要檢討下火鍋配料問題啊🙏🙏我地係由90分跌到落50分😣😣

琴晚收工後與同事揾食，見鋪面裝修幾骨旨，點咗烤沙巴龍躉同田雞雞煲，初上台嘅賣相都唔錯，點知條魚一食就成口泥味，肉質鬆軟，魚唇幾排利齒，根本就係魽魚，老闆娘卻打死唔認，嘔血吖！價錢相差120蚊，咁都呃！

今晚同朋友聚會(3女2男) 經常火鍋放題 今次想試其他見好評幾多 評語不錯 就揀左烤魚.本想揀桂花魚 但話無貨 佢推薦另一種同價魚 忘記名字 話都係$348 我地揀左麻辣酸菜(+$18)另外點左半隻重慶雞煲(麻辣小辣)大家都話等魚同雞上左先再叫其他配料 怕會食吾哂魚一上 ⋯⋯ 好細條 吾知係品種問題還是⋯反正上枱果刻 大家已經開始剔配料而魚本身味道係吾錯 佢既麻辣好香 魚幾滑 但係真係幾啖無哂 好記掛大陸的太二和探魚雞煲無咩特別 同其他都差不多 但佢既小辣都是不辣的配料我地揀左⋯蝦滑($78) 吾抵 小竹笙($48) ok 份量正常 無特別萵筍 淮山($38) 份量都正常 無特別黑牛柏葉($48) 人地話10秒就夠 如果吾係會好’銀’ 難咬 但我地 10 20 30秒都試過 都係’銀’鳥冬($22) 吾抵 一細舊 一人一啖 完了等配料先係煎熬 好耐 眼見其他枱都有呢個問題 .... 佢吾似好多火鍋店好快上配料 成枱野甘 吾知係咪假期問題 最後我地本身叫左響鈴 蘿蔔 粟米 午餐肉 都cancel左 因為等太耐了 賣單每人$178 但我們肚子空空的 再去路德圍食糖水 但員工態度好是真的睇

半年前食過已經覺得真心差，今日有朋友睇完食評話好好，不想多講再試一次，自問本最人非常喜歡食烤魚，首先落單足足40分鐘先上條魚，都冇問題，真心講條魚細過食串燒既馬友，烤魚既水完全唔夠，伙記同你講條魚八成熟，但向上既全部係唔熱但下面好快已經燶味，成晚隔離左右就係一些小朋友，原來佢地黎呢到食野都係open rice既魔力，幾個係再話唔知想食乜，真心講呢間食烤魚真係好差，最好笑個伙記枱枱都同人講烤魚如果食麻辣一定要加酸菜先正宗，我真係眼都凸埋（加酸菜18元）唔係18元問題，我真係第一次聽，咁點解有人食麻辣有人食酸菜，原來加埋一齊先正宗，我真係覺得自己食咗咁多年烤魚真係錯晒。呢間真係烤魚店表表者

住在荃灣區都好耐了！發現荃灣三坡坊確確實實開了不少大大小小不同種類的食店。當中今晚品嚐了一間很特別及超好味的美食-汀汀烤活魚。老闆員工都很好。我們一班人坐下，老闆介紹了一度招牌菜烤魚鍋給我們品嚐。村料是一大條桂花魚開邊，桂魚炸至金黃色，再放回鍋內煮滾。烤魚有幾款任選擇。我們最後點了香辣烤桂花魚，尤於朋友怕辣，只是選了小辣- $366。魚肉爽滑又新鮮很鮮味，鍋內還有很多配料，豆卜，酸菜，芹菜，大蔥頭，芫茜。酸菜味道不會太酸或太咸。可以說是超棒。果然名不虛傳的烤活魚專門店呀。當然也少不了點一些小吃來配合我們這班酒鬼。椒鹽一口豆腐$42炸到外脆內軟，非常惹味。麻辣鴨舌也是必點小吃 $48，麻辣味道恰到好處除了小吃我們點了這裹超正的本地手切牛肉 $198，肉味濃厚，鮮牛肉味十足值得推薦。也有其他特級安格斯牛（小） $198可選擇。還有自家制的魚滑，黃金炸魚皮，蒜香皮蛋等等。今晚吃得很𣈱快啊！

由於班波友住荃灣，今日就去左佢地地頭打波，打完之後佢帶左我地黎球場格離呢間野食烤魚，我地叫左烤桂花魚，同一般魚煲唔同既係佢地會先煎一煎香啲魚皮，先再放魚湯落去，食落又真係會香口好多。除左個煲之外，我地仲嗌左幾個小菜，分別係薑蔥爆蠔、黃金鮮魷同埋炒鵝腸，由於我地打完波唔想食咁飽所以冇嗌到飯，如果唔係呢幾個小菜已經好食到送幾碗飯，特別係佢個黃金鮮魷，佢個炸粉同咸蛋黃既比例控制得岩岩好，唔會落得太多咸蛋黃搞到個魷魚冇左脆個口感，所以我覺得佢地個黃金鮮魷係必嗌。

荃灣越來越多好野食，今次揀咗三坡坊的汀汀烤魚打邊爐，貪佢平民地段，幾個男士可以飲啤酒暢所欲言。鍾意佢嘅烤魚喎有好多選擇，可以揀唔同嘅魚，唔同嘅調味配菜。今次揀咗酸辣烤龍躉鍋，條魚應該有兩斤幾重，所以一班兩味，片肉打邊爐後，原條做烤魚鍋時，仲好大條好多肉。欣賞佢個烤魚烤得好香脆，個魚頭勁好味食到啜啜聲。酸菜香辣程度啱啱好，唔會太鹹影響條魚嘅味道。碟牛肉非常大碟，質素甚高！大排檔嘅好處係成晚狂叫啤酒都唔會太貴！

爺爺生日，我哋約佢食晚餐，知道阿爺一向鍾意食魚，於是揀咗荃灣汀汀烤魚，果然冇揀錯，阿爺到津津有味！店舖喺荃灣三坡坊，舖仔細細，但坐得算鬆動，仲有圓枱打邊爐。我哋叫咗個香辣酸菜烤魚鍋，三百幾蚊一個套餐竟然可以揀龍躉，我哋就要左呢個餐，仲要係兩食，即係部份起咗肉比你打邊爐，另外原條做烤魚鍋！由於阿囝只食到少辣，我哋叫咗BB辣。但係啲酸菜同辣椒炒得好香好正！食完嗰碟烤魚，就用起肉嘅龍躉片打邊爐。當然唔少得肥牛及其他配菜爺爺嫲嫲食到舔舔脷！

在荃灣出入多年，今晚還是第一次來三坡坊搵食，原來這食肆林立，非常熱鬧。很久沒有吃烤魚，所以對這間烤魚店一見鍾情。店內裝修簡單企理，店員招呼友善親切！未齊人，點了數款佐酒小食:麻辣鴨舌 $48 ~ 鴨舌嫩滑惹味，麻辣風味，令人回味！椒鹽一口豆腐 $42 ~ 外皮 鹹香惹味 , 內裏稔香軟彈 黃金魚皮 + 椒鹽魷魚鬚每碟$58 ~ 鬆化香口，佐酒一流，尤其是椒鹽鮮魷，外脆內嫩，令人無法抗拒，必食！蒜香皮蛋$32 ~ 蒜香撲鼻，風味濃厚！烤魚有數款口味任君選擇，我們選了"香辣烤桂花魚" (小辣)$366。烤魚辣味恰到好處 , 魚肉滑溜又鮮甜，鮮味無比，。鍋底有豆卜及酸菜，酸菜味道恰到好處不會太酸，果然是烤魚專門店！吃完烤魚，再來其他火鍋配料。牛肉控必食的 "特级安格斯肥牛"(小) $198 ~ 肥牛不但牛味濃郁，油脂均勻 ! 魚皮餃 $48 / 午餐肉$38 / 野箘拼盤 $68 ~ 火鍋配料食材新鮮，價錢亦相宜！

幾個為食友在荃灣覓食，從沙嘴道轉入三坡坊，又是另一番天地，非常熱鬧的一條街，食店林立我們選了有雲南風味的'汀汀烤魚"店，這有麻辣火鍋，雞煲，烤活魚，也有生猛海鮮，特色冷盆，佐酒小食，不少自家秘製的魚滑，雲吞水餃……等。 琳瑯滿目！先叫小食佐酒~麻辣鴨舌$ 48麻而小辣，酥脆味道好佐酒絕配！炸魚皮 $ 32熱辣辣夠鬆化！呷上一口冰凍啤酒，非常爽！青島啤$ 25/支再選個烤魚鍋 $ 366魚選了條桂花魚斤半多重，開了邊炸至金黃色，跟上配菜有菇顴，豬皮，芹菜，咸酸菜……有湯汁。食完魚再加入魚湯和火鍋配料。炸至金黃色的桂花魚，肉質鮮嫩細緻，湯汁很惹味！手切本地牛魔王$ 198肉味濃郁，有口感！好味！吃不停一再encore！特級安格斯肥牛(小) 198油花均勻入口軟滑甘香！ 豐富惹味的烤活魚鍋真不錯！大滿足！

荃灣三坡坊一向係美食集中地，今次同朋友就去其中一間—汀汀烤活魚試下啦～我地本身落單時話想走辣的，但店員話食烤魚一定要食辣，所以都要了最小辣度的香辣鍋，果然係真係要小小辣去令到鮮味更突出～魚方面我地選擇桂花魚，肉質嫩滑，魚味香濃，係食烤魚最好嘅選擇呀～鼓油王炒鵝腸鵝腸十分肥美，食落口陣陣鵝香，墊底的芽菜沾上醬汁，香口惹味。薑蔥炒魚卜魚卜一條魚得一個，而且係最鮮味嘅部位，一碟有成十舊魚卜，都幾抵食。薑蔥炒桶蠔啲蠔勁大隻，而且數量都不少，炒得好惹味有鑊氣，所以到最後就連啲薑蔥都俾我地清哂。其實仲有好多小炒都好吸引，但食到飽哂，唯有下次再來試埋佢啦～

前幾天天氣又凍了，又到了打邊爐的時間了，我們一班朋友相約在三坡坊集合，我們去了一間叫汀汀烤活魚的餐廳打邊爐。這裏除了打邊爐之外還有小菜可以叫呢！我們本身想叫烤魚的，但是有朋友不太喜歡吃魚，所以我們就叫了豬骨煲。這個就是汀汀豬骨煲了，材料十分豐富，而且還傳來陣陣的胡椒味道呢！而且還有大量的芫荽蔥，可以劈走豬骨的腥味呢！這個是黃金炸魚皮，炸得十分香口，而且蛋黃味道十足，十分吸引呢！這個是手切牛魔王，因為我們全部都是牛肉的愛好者，所以打邊爐是必須叫牛肉的。牛肉肉質鮮紅，而且半肥瘦，肉質很嫩。我們還叫了炸墨魚餅，炸得很甘香，還能吃到粒粒墨魚肉呢！

由細到大我都唔係一個鐘意食魚既人，原因係細個食魚既時候版魚骨啃親，自此留有陰影。但朋友話荃灣有間老牌烤魚餐廳，日日座無虛席，招牌烤魚更係非常出色，包我一試就會改觀。係朋友大力推薦下，我一於去試下先！餐廳裝修簡樸，有d似舊式大茶樓，係木枱木櫈為主。我同朋友被安排坐到樓梯旁邊既枱，原來餐廳有兩層，地方充足，所以有兩個廁所可供食客使用~入座時會送上炒黃豆花生一碟，炒得好脆，好似食緊炸蠶豆咁。烤魚煲同雞煲食法一樣，都可以加湯做火鍋，正由落單到上菜大概15分鐘，職員端出一個鐵盤，盤內的桂花魚早已一分為二，攤開放置，更易熟和入味。豆豉味湯底加入左薑﹑大蒜﹑蔥段﹑芫茜﹑洋蔥﹑當然少不了大量豆豉，倒入雪白的魚上湯煮成，加入活捉生猛的桂花魚，非常惹味香口，岩哂唔食辣既朋友。入面仲有炸豬皮&豆腐卜，吸哂d湯好入味啊！新鮮既桂花魚，搭配上惹味既湯底，煮得油而不膩，鮮嫩可口。魚肉上枱時只係七至八成熟，再自己煮多陣就食到嫩、滑、鮮既桂花魚啦～其實條魚都幾大條厚肉，不過可能我同朋友都比較大食，仲追加左一碟二人肥牛，同埋一份雙拼芝心丸海膽丸。二人肥牛一碟只有７片，不過都尚算大片同少少厚，烚十零秒已經食得，牛味濃，又