点心代表 (Closed)

星期五諗住出尖沙咀行下街食下野但尖沙咀咁多選擇 都唔知食乜好咁岩又想食啲冇咁熱氣 清淡啲既野記得之前睇過有間點心係有公仔做主題既就即刻上網search下 見到仲做梗蠟筆小新既公仔見幾得意又有啲興趣去食下 所以就揀左呢間打去諗住book位 但原來係冇得book既 只可以walk in 但都問左店員5點幾6點左右會唔會好多人 店員都話唔會一去到已經見到差唔多full晒 佢啲枱都唔太多 咁岩得返張高枱 咁店員就問我地坐高枱好唔好 我地就冇乜所謂既 咁就可以即時入座 唔洗等位一入到去當然影下相先 再睇menu揀野食我地揀左個大象既朱古力流沙包 蛋蛋燒賣 黑魚子燒賣 熱帶雨林菠蘿飯 鳳爪排骨飯 仲叫左一杯小新桃味特飲我地tick完晒啲點心之後 就交俾店員 咁我地覺得有啲奇怪 點解枱面有茶杯 但冇茶俾我地飲 我地交張點心紙個陣順便問下店員 點知原來茶都要tick架 仲要飲唔飲都收錢 $10蚊一個人 即係2個人去就收$20蚊 但如果有叫野飲就會扣返 咁我地就揀左普洱但張單就唔知點解打左我地要烏龍茶等左陣 啲野食好快就到 但啲茶都未到 咁就順便同店員講聲未到 同埋打錯左 講返啲野食先 大象朱古力流沙包

近年越黎越流行主題餐廳，Hello Kitty 老夫子 蛋黃哥太多數唔曬點心代表已經做咗幾個主題 ，放假訓醒緊係去飲茶啦今次終於唔係去啲傳統酒楼飲茶 去咗有蠟筆小新做主題D既餐廳 因為媽媽鐘意所以陪佢去 3:00左右去到諗住無咩人點知仲多等咗30mins 先有入去坐不過要坐露天勁凍一黎個餐牌勁吸引超可愛，內頁以漫畫形色表示，顏色繽纷恨不得攞番屋企留念食物方面啲嘢食都幾新鮮，即叫即做蠟筆小生系列流沙包太甜燙親隻手食嘅時候要小心火星系列舊蝦好大好新鲜蛋黃哥系列幾得意呀總括食物美味，但環境差啲不斷打爛碗

一直都冇特別想試食點心代表, 直至見到佢用蠟筆小新做主題就忍唔住去試下!向門口已經比唔同的小新裝飾個餐牌吸引住, 每樣野都色彩繽紛好可愛~連裡面的餐牌都一樣整得咁精緻仲有小新同好朋友的餐紙我地叫2杯飲品,分別係桃味特飲同白朱古力特飲桃味既一般, 幾淡味, 朱古力就正常, 唔算太甜, 造型滿分!黎到呢度冇理由唔點包類, 因為每款包既造型都好可愛, 令人難以取捨食得太多奶黃包, 所以今次試下平時酒樓冇的大象朱古力流沙包小新同他的大象相信都係好多人的回憶趁熱食都,OK, 唔算有驚喜除左小新點心,呢度都仲有其他點心可以叫:野狼蝦春卷春風得意腸黑魚子燒賣味道都算唔錯, 好少少既酒樓質素,上枱食物都乾淨企理, 冇酒樓咁混亂跟住送上既係呢包野, 認唔到自己有叫過呢樣野, 打開先知原來係黑松露鮮菌燴飯食落都有少少黑松露香味,份量都唔太多食滿300蚊仲有小新杯墊送野食中規中距, 咁既價錢食點心係偏貴 不過食物其次, 見到以前喜歡的卡通人物是重點, 姐吃的是回憶~~~

排隊等左兩個鐘，裡面坐等食野又等左半個鐘 ，味道一般，但係好貴身上無三百無去食，食唔飽嫁，食得太辛苦，如果比我重新選擇我一定唔會來食，都唔知有咩乜好食，味道同出門茶樓一樣 ，只係有蠟筆小新姐

我係蠟筆小新既super fan, 聽聞點心代表出左小新既點心， 當然要來朝聖下啦，之前出過little twins star都有嚟過，希望今次都會有驚喜！個menu好靚，最想帶返屋企首先，嚟咗個奶皇包。係不理不理左衛門嘅造型奶黃汁好多，味道偏甜，朋友唔鍾意食甜嘅，所以食咗一啖就嫌好甜。而且同之前little twins star嘅味道一樣。跟住係牛奶朱古力包，呢個係新出嘅。有小新阿呆同妮妮個朱古力汁唔係好多, 冇流出來。不過呢個比奶皇包冇咁甜。廣志啤酒呢個造型滿分，不過味道普通，同一番啤酒嘅味道一樣。蝦腸，呢度嘅蝦腸係溝埋左蟹柳一齊嘅，感覺蟹柳同腸粉唔係好夾。仲好似食咗好多色素落肚添。呢個蝦餃都一樣，味道普普通通，只不過係印咗小新嘅樣落去。總括嚟講，呢度嘅味道普遍都係一樣，冇太大的驚喜，只不過係每一次轉左唔同嘅卡通，就換左唔同嘅卡通人物係個圖案上面，所以味道有啲一成不變。

同朋友星期六去high Tea，見到呢間點心鋪頭外面大排長龍，有啲人拎住個Menu有蠟筆小新覺得好得意，於是本着好奇心就入去試試，啲點心好搞鬼，尤其蠟筆小新包，係佢屁股開窿會有深色嘅餡流出，好好笑，仲有甜品都好盞鬼，其他點心都好有創意，是另類點心選擇！

啱啱喺尖沙咀做完Facial ,咁岩老公就放工，相約一起去the one 搵食！之前喺面書見到好多人都放相，又見有雜誌介紹，所以就想去以食小新點心嘅呢度試試！不過，呢度好多南亞睿嘅職員，由於係下午六點幾嘅時間，餐廳並不多人，去到已經可以即刻安排座位入座！被安排坐走廊的雙人座位，白開水放在座位入面的地上，每人茶位收＄10/1個先後點了，以下的菜色震震屁股奶凍醬汁蒸鳳爪上湯牛肉球安格斯牛肉腸三兄弟鮮蝦餃大象朱古力流沙包寸嘴花枝丸滿＄300送小新杯墊唔知點解首先呢會送上甜品，不過送嘢食嘅次序真係有問題！震震屁股奶凍$39呢個奶凍嘅質素啦真係太一般了，我自己係屋企用北海道3.6牛乳所整嘅牛乳奶凍比呢個更好！呢個奶凍真的是太硬了，吃起來一點也不柔軟，一點也不滑溜！醬汁蒸鳳爪$29呢個同酒樓水準差不多，一句講晒夠入味，也很滑，值得一嘗！上湯牛肉球$293粒牛肉球放上湯中，比傳統既牛肉球特別，上湯有些菇菌，也很好喝！牛肉球，很嫩，內裡有馬蹄，口感不俗！安格斯牛肉腸$39腸粉皮很薄、很嫩滑，牛肉也很嫩滑！可以試試！三兄弟鮮蝦餃$49其實我都唔明三粒蝦餃買＄49 ,仲要係主打，係selling poin

食物不理不理左衛門奶黃流沙包($49)其中一隻頭部爆開,插鼻可以爆醬,唔會太甜,鹹香味不重。小新＆Friends牛奶流沙包($49)奶味足,最緊要上面的小新圖案都印得好可愛。蒙蒙豬蝦餃海鮮腸粉 ($49)小新頭蝦餃一粒,腸粉內包蟹柳,亮點係原來小新係著住睡衣,不過有機會癡係菜到搵唔到。三兄弟鮮蝦餃 ($49)紅魔黑松露鮮菌燴飯($69)味道唔錯,很香,不過仕份量真係少。小新桃味特飲( $39)媽媽櫻花味啤酒($69)小白朱古力特飲( $39)3隻都幾好味,不過小白同小新2款的冰就幾多。服務21號約左朋友食晚飯,去到鋪頭已經滿左,reception帶我地去戶外用餐(只有我地一枱),5分鐘後落完單,開始落雨,中越落越大,張枱有4分1都濕左,我地自己就位移一移張枱,但都有雨飄入黎,咁我就入去同reception講好大雨,入面有位幫我地轉啦,得到一個「嗯」做回應(講多2粒字真係咁辛苦?!),事後當然無左件事,一路同小雨點進餐.......係出面招呼我地的外籍侍應幾好服務, 一路加水加茶,中會搞下氣氛

香港最後一站：「點心代表」-今期主題係（蠟筆小新）。食開主題餐廳嘅食貨們，你哋應該都清楚食得一些卡通主題嘅餐廳，味道多數都吾會好食得去邊到，去食嘅朋友大多都是相機食或者係佢粉絲。（小新）主題餐廳在日本和台灣都有，今次殺到嚟香港，而且共開了兩間，一間位於：中環德己立街世紀廣場地下，而我去的是：尖沙咀彌敦道100號The one3樓。講返賣相同味道先：之前在網上瘋傳小新的食物照片，和我自已親身去食有小許出入。好似這個$49（不理不理左衛門奶黃流沙包）-要按到好大力好大力先有奶黃流沙流出，不過左衛門已經面曲扭容。還有機會奶黃會從底部流出，玩嘅朋友一定要小心燙傷。接著是$49（三兄弟鮮蝦餃）-蝦餃全部爆開曬，死得真慘。$39（震震屁股奶凍）-小新個屁股凹凸不平。最後味道算是唔難食囉。埋單$398.小提示：場內設有影相區供大家影相.

終有機會吃小新 每位來吃都不是對食物有要求 而是影張呃like相📸📸📸餐牌點了賣相比較可愛的～～爸爸啤酒（左）小新桃味特飲（右）（左）上面d泡飲哂成杯都未溶（右）個patpat奶凍好正不過超多冰莉莉小新奶tat曲奇皮 但不脆不硬身 成個係拎唔到起身 食果時勁困難 味道正常啦～朱古力流沙包～說真話食呢個包都會拮個窿仔玩下影下片但玩完後 個包嘅流沙已經冇乜淨 麻麻地啦呢個包嘅味道。蝦餃～比出面飲茶酒樓果d 呢隻蝦係大粒d 都爽口嘅！蝦餃 蟹柳腸粉～ 不是小新系列。炸花枝丸 幾好食喎 ～總括呢度嘅食材冇乜選擇 唔係蝦就包咁不過為左呃like 唔把期望都無妨的。

蠟筆小新做主題好有創意，呢類型餐廳香港不算多故價錢方面都預左貴，食物質素不過不失著重創意味道就一般，服務生態度超無禮貌，真係個句：今時今日呢個態度呢...得意卡通人物餐牌餐檯墊紙賣相特別！小新腸粉創意好，都幾滑但唔夠熱個皮好厚唔夠滑，味道清清地！用鮮奶做餡甜度適中，主打都係賣相喇！呢個胡椒豬肚非常好，夠熱雲吞大大粒蝦肉彈牙，豬肉嫩滑，豬肚腍身個湯好香胡椒味整體一個朱古力餡滑滑地唔太甜！桃味好淡，只重點在賣相身上，無特別奶凍做得幾滑店舖配合主題有好幅小新有趣海報

今日拍拖來食卡通食物，5點幾已經接近滿坐，迫迫地坐底，在場有不少情侶。雖然都估到貴夾唔飽，不過5點幾咪當食下唔茶睇一睇餐牌先。小新的設計十分可愛，相信喜歡小新的一定唔會錯過。雖然無影環境，但場內檣上和場外都有小新的佈置，過來影張相都唔差。兩杯特飲唔差，不過只是一個紙牌就當係卡通食物就差點，味道幾好，唔會太淡。兩款炸物都十分脆口，唔會太熱，剛可入口，蝦肉也爽口，不過春卷無醬料，唔知是本身無還是忘了俾。（眼睛是薄荷糖）流沙包忘了影豬頭的不理不理左衛門，一上枱就諗住玩流沙，點知無開口的，唔通要自己手動開？但最後都無攪，就咁食就算，兩款包都有流心，奶黃的十分好味，但小新的朱古力就怪怪的，唔係朱古力難食，只是可能食慣奶黃味，朱古力總是有點那個的感覺。腸粉設計十分可愛，有蝦，蟹柳，帶子餡，一樣有種怪感覺，而且大家記得唔好拿腸粉去游豉油水，點下便可，如果唔係會甩色，變成藍色腸粉，影響食慾蛋撻我都拿掉上面的卡通紙，雖然應該食得，而且都凍了，蛋撻皮也林了，麻麻地這裡有每人最底50元消費，而且唔叫飲品就要收茶錢，這份量的價錢十分貴，不過卡通主題是這樣，要有心理準備，食物質素唔太差，但唔可以叫好，普普通通，

之前有蛋黃哥點心已經想食，但太多人等位所以無試到…是日爸爸放假又見唔係好多人等位所以就試下~等左一陣終於有位，仲有bb櫈可以比寶貝自己坐~不過位置近廚房門口同埋d人開左後門，結果d風吹晒埋嚟吹到d嘢食好快凍左，試過兩次吹左侍應收返嘅錫紙兜過嚟如果為左影相呃like同埋為左卡通點心可以一試，但真心覺得食點心有其他更好嘅選擇

終於等到小新pop-up cafe 到著啦！！見到fb啲短片有震騰騰嘅patpat即刻約人去食啦！一行4人 星期五晚 等左大約一個鐘好不容易坐底 原來震騰騰patpat賣晒😑唯有叫其他啦 蝦餃三兄弟 即叫即蒸味道ok ge 不過張相有啲hea 囉菠蘿炒飯 無料嘅 得兩粒菠蘿 唔好食！腸粉 見到佢個樣 完全覺得圖文不符再加上等嘅時間係30分鐘 唔知以為即拉😒奶黃流沙包 係比較似樣嘅不過個外皮厚到 做唔到流鼻涕朱古力流沙包 係得意嘅 不過外皮都厚厚地叫兩杯啤酒 由坐底落單 到差唔多走先黎到臨近埋單個陣 又見到餐廳出patpat甜品唔明點解一開始又話賣晒⋯總括黎講 非常失望 完全唔值呢個價錢！

之前岀蛋黃哥系列真係已經好中意。講真嗰句，想食都係因為被唔同既主題吸引，我對食物既質素又無太大既期望。但食完真係會好開心😊連手機殼都係蠟筆小新既我，真係比佢吸引住。雖然食物上面只係食物貼紙，但我相信有好多女仔同小朋友一樣都咁中意。首先緊係唔少得不理不理左衛門既奶黃流沙包。睇到真係好過癮，佢比我想像既更大個。好多時外面食到既流沙包都會因時間蒸得唔好而令入面唔熱亦無流沙，但相反點心代表就整得唔錯喇另外更加唔少得大象朱古力流沙包👍🏻本身以為入面既朱古力醬會好水，味道淡。點知食落又唔會喎，小朋友一定好中意😋矇矇豬蝦餃海鮮腸粉外在真係好可愛，我即時諗起小新係卡通入面既情節。但可惜腸粉既皮麻麻地，同入面既食物就唔太夾，味道好一般。最後叫左個小新震震屁股奶涷😍郁下佢，個屁股會震下震下真係好可愛。呢個甜品味道比較清，唔中意食太甜既就好啱食👍🏻底層既奶味幾濃，好有飽感。是次消費：238/2 person