5
3
6
Telephone
23119 239
Opening Hours
Mon-Sun
11:00-22:00
Payment Method
Cash
Signature Dishes
即拉腸粉 即蒸點心 盅頭蒸飯
Review (14)
琴晚同男友仔去尖沙咀 shopping...攰攰地就係時候坐低食下野 但係 2 條友都唔肚餓...點算!?結果就打算去厚福街轉個圈...一去到, 遠望就見到一個好 sharp 既招牌 "潮點 - 點心專門店"心諗, 既然唔肚餓食少少點心都好喎~所以.....就入去一試嚕!!入到去, 有九成位坐都係"吉"既, 自己搵位坐....不過地下真係好.....黐泣泣 坐低之後, 就有 2 隻紅色小朋友杯仔 + 2 隻碗匙 + 1 個幾得意既 "茶壺"上枱~首先, 先拎左枱面既點心紙紙過下目....嗯, 款式好少...有: 小量蒸飯 / 小量點心 / 小量炸點 / 小量甜品...etc信心回升, 因為.......紙上仲寫住一句: 酒店廚師 = =+反正我地都唔肚餓, 就求其 order 幾樣試下算啦:- 鳳爪- 牛肉腸粉- 鵪春蛋燒賣- 蝦餃等左 2 分鐘都無, 仲洗緊用具之際......野食就上枱啦!!!雖然算係熱呼呼, 但係好明顯....唔係即叫即蒸啦 腸粉更加係同點心同一時間上枱, 真係快得離普, 都好明顯唔係即拉腸粉嚕 鳳爪 - 色水還好, 亦算入味, 可惜個汁唔好味, 不咸不淡...牛肉腸粉 - 無牛肉味, 腸粉既皮亦太厚...鵪春蛋燒賣 - 賣相唔錯, 鵪春蛋無咩特別, 不過燒賣好香豬肉味, 可以一推...蝦餃 - size 適中, 唔太大亦唔太細, 蝦亦新鮮爽脆, 可惜蝦餃皮過厚了...近期周圍真係開左好多呢類既點心店, 不過真係唔係間間都有水準耶~ continue reading
(The above review is the personal opinion of an user which does not represent OpenRice's point of view.)
Level3 2011-05-03
晚上8時半才約了朋友食飯, 尚有個多小時才有得食, 叫有間新過吓的店, 忍不住入內試試, 吃了蝦餃和鳳爪排骨飯, 蝦肉幾爽, 蝦餃皮望落厚厚, 做得不算吸引, 但食落尚算有些少彈口, 水準一般啦, 而排骨飯用傳統瓦製盅頭, 鳳爪脹脹的, 樣子幾好, 排骨也不錯, 一粒粒, 骨連肉, 飯身一粒粒, 不算淋, 好過蝦餃好多, 坐位太迫, 不太舒適, 好味程度未超過坐位不舒適度, 多人時不會再幫襯. continue reading
(The above review is the personal opinion of an user which does not represent OpenRice's point of view.)
(Non-member) 2011-04-17
果日肚餓經過潮點,好似有新野喎~入到去細細間,但裝修都幾舒服~之後有茶黎到...呢個幾新奇!!腸粉好滑,春卷又脆卜卜~特別推介!!!個湯好好味,d餃大大粒~~好正!!!!!軟綿綿><好多涵~甜品~值得一試!!個老細仲識同你講笑^^ continue reading
(The above review is the personal opinion of an user which does not represent OpenRice's point of view.)
(Non-member) 2011-03-26
最近多了一些提供以往傳統的酒樓點心的食肆, 我和女友食過幾間, 以尖沙咀的潮點點心的廚藝和服務最好, 他們的點心, 是由經驗豐富的酒樓點心師傅製作, 與以往酒樓的味道和水準一模一樣, 尤其是以山竹牛肉和鮮竹卷最好味, 蒸飯也不錯, 潮點提供的茶是用像酒樓的茶壼, 加添了食的氣氛, 有如在酒樓"嘆茶"的感覺, 兩人坐著慢慢嘆茶真係幾舒服潮點很早就開門營業, 食客很早就可以入去光顧, 也是比其他同類食肆優勝的地方, 唯一希望改善是加裝廁所, 那就更方便客人了 continue reading
(The above review is the personal opinion of an user which does not represent OpenRice's point of view.)
Level4 2011-02-08
是日到尖咀, 諗住同朋友食唯一, 進入了厚福街, 行到中間見到哩間潮點點心, 心入面諗食點心都唔錯, 就同朋友入左去.7時許入坐, 入面環境好細, 都仲坐唔滿. 可想而知… 都開始有點怯環境不太乾淨衛生, 地板地顫黐淋淋, 仲有d 前人遺下既“骸骨”(排骨既骨) o係地下. 雖然坐位係尚算舒適既梳化, 但罅隙中見到1,2粒飯粒. 根本上都冇人清潔.杯碟係膠杯膠碗, 同下面既食友所講, 好似飛機餐咁...先倒茶, 茶稍為淺色… 咪住先… 冇茶葉既.本身以為佢係用茶袋, 揭開個壺蓋一睇, 唔係茶袋, 係真係有茶葉, 不過得兩條…兩人只叫4樣食物. 牛肉腸, 素餃, 章魚肉餅飯, 燒賣.先來燒賣… 嘩! 好細粒!!! 細到好似淘x點心咁… 不過好彩d 肉夠實d 蝦都算爽口. 不過都好基本嗻… 章魚肉餅飯… 嘩!! 豉油浸飯呀!? 佢落左勁多豉油… 而且豉油味道唔係甜豉油. 味道淡淡地, 唔太好食. 飯粒比較鬆散, 食落知佢係熟透, 但內裡依然有點硬, 顯然來貨唔得. 肉餅比較好, 實淨有咬口.牛肉腸… 嘩!!! 粉厚肉少而且細條. 仲賣成$18… 冇野呀嘛!? 牛肉仲要用返山竹牛肉咁既款, 入面有馬蹄既… 仲唔係山竹牛肉!?素餃, 見佢隔離有個手指公推介先試下, 嘩!!!! 我以為佢係似菜苗餃咁… 原來係好似粉果咁, 個皮唔係綠色既, 當堂大失所望, 但入面既咸就轉晒做磨菇… 都係唔多掂架啦做人真係唔可以太衝動架… 唔係好易做錯決定… 咁就晒左一餐飯既quota 啦… continue reading
(The above review is the personal opinion of an user which does not represent OpenRice's point of view.)