一哥點故 (Closed)

今天lunch去了灣仔這間新開的點心店，佢話之前在元朗有店，現在灣仔是分店，近近地屋企，就試試la~~大約未到中午一點，店內已坐滿人，地方唔算好大，要等兩三張枱，lunch time人多，店員服務都ok，叫佢refill茶都好快手。入座就用點心紙選點心，種類都ok, 有唔少有別於一般茶樓特色的點心，價錢中等，食物都是即叫即製，唔似是一般茶樓的中央處理質素！因為今次我們只有兩個人，所以只是選了4款食物，下次會再来encore!鳳爪排骨飯，飯份量比一般嘅多，佢個豉油汁又調製過，幾好味，兩個人叫一份再叫其他嘢食啱啱好！上面是龍蝦湯鮮竹卷， 十分好食，鮮竹卷外皮是脆身的！仲要係熱辣辣！一般酒樓的都係淋身，但佢哋係脆身香囗好特別，而且內裡用料也不少，個汁都不錯，係少左d龍蝦味而下面嗰款係千島醬脆皮蘿蔔糕，蘿蔔糕炸得外皮脆卜卜，而且應該係即叫即炸，熱辣辣好好味，就算唔加千島醬都已經好食另外唔可以唔試嘅係佢哋黑金流沙包，流心程度非常勁！流沙包黃金餡料食落起沙，甜度適中，好味！下次要叫多幾款點心試下先！

上個禮拜會計姐姐落街去銀行時，發現天樂里口新開咗間「一哥點故」，眼見XO仔牛一將近，所以就話請細佬食點心。新店極之現代化，排隊攞位已被電子取票代替，只係當日部機壞咗，結果就轉返做人手寫飛仔。中午時間全店滿座，兩口子等咗十分鐘先有位坐。小店樓底都算高高地，散座主要為合併式，兩個人還好唔太迫，不過最好坐當然係最後方嘅卡位啦！餐桌上有齊備嘅餐具。餐牌及點菜紙二合為一，大多項目都附有彩圖對應。並清楚列明茶錢每位$4。服務生大多屬嬸嬸級，但個個都一樣咁好笑容同好落力，落好單仲提點二人要對一對。睇單先知點心店原來免收加一服務費，咁店主一定對佢地好好，所以佢地啲態度咁專業。千島醬脆皮蘿蔔糕（$32）：蒸嘅蘿蔔糕同煎嘅蘿蔔糕真係食唔少，不過炸嘅蘿蔔糕都係第一次見。意外地，蘿蔔糕脆皮得黎乾巧鬆化，仲要食到入面嘅蘿蔔糕有爽潤嘅蘿蔔粒，真材實料得實有驚喜！小肥覺得唔洗千島醬都已經好夠味，不過會計小姐就勁讚個千島醬惹味討好；小弟愚見，廚房可考慮啲醬轉為另上。蒜香蝦春卷（$28）：如相所示，春卷不單修長鬆脆，連個爽甜清香嘅蒜香蝦餡都色彩繽紛過人，唔怪得知會每條都預先一開為二啦！春風得意腸（$35）：平時嘅春風得

離開咗香港一年，本來已經冇咗寫食評嘅習慣，但係我記得上一次寫食評係元朗嘅一哥點心。響公司附近最近開咗呢間叫一個點故嘅點心店，我呢個星期食咗三次，今次先正式坐低慢慢食。呢個蟲草花上湯牛肉球，係我臨離開香港前響元朗食過一次，跟住點樣搵都搵唔番。可能因為我鍾意飲湯嘅關係，一款點心兩種享受，真係啱晒我跟住到呢個蔥花蝦米腸，其實我老爸本來係想叫鮮蝦腸粉，但佢幾十歲人又唔肯戴老花眼鏡所以佢點錯咗呢一個又係我鍾意食嘅蔥花蝦米腸。我夠膽講呢個蔥花蝦米腸係我20幾年來最好食嘅一個。至於呢個灌湯餃，睇到都知道皮薄爆汁，但係我最鍾意都係個蟲草花上湯牛肉球。其實寫下寫下我依家又想落樓下再食過