點點心

Open Now

Now Closed

旺角對於我黎講一向美食沙漠，食過想再食既食肆暫時得兩間。而呢間點點心，之前食開佐敦，見旺角有分店就試下，之前佐敦食過好食既都有叫，其中一樣叫左菜苗餃，有怪味及「叔叔地」。其他食物就不過不失，說不上難食但不是好食想encore。得三樣叫好食d, 饟虎皮椒，饟茄子，蓮藕餅。整體食物不及佐敦，差幾個級數，佐敦凍奶茶係無冰凍滑奶茶，冇諗過同一老細兩間分店食物飲品質素咁大分別，這間凍奶茶有冰同「鞋」口，唔好飲！最後，服務十分差！冇下次，冇下次，冇下次！

係旺角上course上到8點幾要搵食，剛好經過呢間點心專門店，睇睇餐牌又唔算貴，即管一試，可能現在仍有限聚令，入邊唔算多人，環境算坐得舒適，點心方面有傳統野亦有新派，第一次就試下廚師推介先... 脆皮蝦腸粉必試 裏面係即炸已經冇得輸，蝦亦好彈牙 燒汁虎皮尖椒，同樣係即整，燒汁甜甜地，少少辣，好味 蘿蔔糕就一般般，散咗少少... 千島蝦春卷，裏面有千島醬，唔使點喼汁，十分香口 鳳爪排骨飯，超大碟，最後食唔曬要打包... 總括黎講點心高質過一般酒樓，價錢亦唔貴，絕對係會encore果隻

呢間餐廳黐線架!!!!!當啲客智障，仲要而家疫情關係都咁!!!!!晏就去食點心，叫左個燒茄子，佢上枱個時掉左一舊落枱，個侍應姨姨自己都呆咗，唔知係咪諗住照擺番落枱，之後先醒起話換過碟。唔夠2分鐘就攞咗碟新嘅出嚟，有兩舊茄子出嚟就靚靚仔仔企到直一直，另一個就有個摺痕，明顯就係啱啱跌咗落枱嗰舊，仲要見到個碟啲汁都有飛出嚟。擺明就係啱啱嗰碟，將跌咗落枱嗰舊茄子擺番上碟，扮新嘅俾客人。呢間餐廳真係好過份囉，完全冇衛生常識，又無歉意!!!!!以後都唔會嚟呢間到食!!!!!!!

一大早喺旺角想飲茶，就決定食呢間，因為記得都幾出名，但整體感覺一般般。佢杯香片係幾好， 幾香，$6一杯，初頭以為冇得加水，但原來可以加水。但佢啲嘢食唔夠熱，叫咗個套餐$48，我揀咗翠玉瓜叉燒腸同菜苗餃，可以揀一杯飲品，揀咗凍檸檬茶，無咩評價，就係一般般。跟住叫咗個燒賣同流心奶黃包，，個奶皇包係豬仔外型，都幾得意，都會流沙，但皮太厚

接近兩年前喺附近返學🎒 放學嘅時候成日經過點點心 都會同同學一齊去食 今日我哋都一齊約係le度食嘢🫖 除咗找回昔日嘅回憶之外，仲係食緊回憶嘅味道🙆🏻‍♀️🥺蝦餃依然係打頭陣嘅～其實我個人覺得有少少退步 之前食嘅時候係大粒啲 而家好似縮咗水嘅感覺 不過佢個皮都係夠薄嘅 加埋佢嘅辣椒油就啱啱好我對佢嘅小籠包好失望🙍🏻‍♀️個皮太厚湯汁唔夠多 唔稱得上好食 純粹擺得落口 覺得微波爐叮嗰啲仲好食過佢 所以我覺得下次可以留番啲位食第二啲嘢🙍🏻‍♀️燒賣我覺得維持到水準 正常發揮嘅感覺 ❤️我覺得佢嘅鮮蝦腸粉係必叫 佢入邊唔係剩係得蝦 佢仲會有少少春卷嘅感覺 食落去脆脆地 熱辣辣 未食過嘅朋友一定要試吓❤️❤️❤️佢嘅汁調校得好好 青椒嘅辣到唔會一般人接受唔到 佢個汁醬令到個辣度冇咁犀利 比我想像中嘅好食😋馬拉糕好香 令人不自覺一口接一口 🥰🥰食落去好鬆軟 記得要趁熱食哦❤️❤️重新裝修我係第一次嚟 成個鋪面嘅感覺擴大左 再加埋佢嘅設計 唔會少咗懷舊嘅感覺仲添加左清新嘅氣息 記得嗰陣時未裝修嘅時候 每次去隔離左右都係外國人 因為而家疫情關係 香港人有多啲位食😂😂 今日12點嚟到都唔使等位 haha 快啲約三五知己一

點點心簡直係造福人群對於成日唔知醒食唔到早點嘅我嚟講點點心絕對適合又懶瞓又中意食點心嘅人haha同朋友嗌咗個牛肉腸粉。。炸鮮奶同埋黑椒金錢肚牛腸同普通茶樓一樣，最啱配豉油黑椒金錢肚都好入味 對唔食內臟嘅我嚟講可以再試！炸鮮奶比較獨特，一般茶樓唔會有，皮脆內暖，食得出陣奶味，好香，當甜品食一流

食點心唔一定喺茶樓嘅，點點心絕對係滿足我嘅點心癮首選，因為真係整得好食過大部分酒樓！旺角店又再搬左位，位置方便，餐廳環境都幾清靜。今次跟套餐，再散叫。1. 套餐$58+小食$18（配一位茶）鳳爪排骨飯、蝦餃、涼拌麻辣木耳蒸飯係原砵上菜，熱度足夠，每粒飯都蒸得乾爽排骨鳳爪都好夠味，配甜豉油撈落飯到好正蝦餃有四粒！皮薄，蝦肉多！雖然唔算好大隻，一口一隻食哂！記得配埋佢個辣椒油！超級香！小食叫左木耳，夠凍又爽口，味道唔會太辣，反而陳醋味好濃！另外都叫左炸鮮蝦雲吞、燒汁煎釀尖椒、蝦肉粉果炸雲吞好大件，新鮮炸出好脆口！尖椒食到最尾好夠辣！算係中意食尖椒時的驚喜估唔到同燒汁好夾！蝦肉粉果味道正常！全部都係熱辣辣上台！

Enjoying dim sum in a neat and green environment is quite good, you can choose your own cup of tea and me got jasmine tea which is freshing after having heavy dim sumPork ribs rice with chicken feet having delicious rice. The rice texture is right with good flavor, cant miss this while going to cha liu haSiu mai with shrimp and crab roe having really yum yumm taste with soft texture, quite outstanding comparing siu mai in other shop haaa, love it so muchh as a big fan of siu maiPineapple buns wi

可能去得早，店內還很少人食物普普通通，招呼卻不錯腸粉没有米香，蝦餃爽卻不鮮，餃皮做得有些粘膩 😫古法馬拉糕鬆軟，不過太甜😅味精不少，價錢貴茶只用茶包應該只會去一次

第一次試呢間點點心，有少少失望每杯茶都要收錢之餘，食物價錢又貴需知道呢類型既食點心食店周圍都有而冇過人之處，食物質數又不是特別的好很快會被淘汰。今日下午去食下午茶兩個人食幾個點心都係有限錢，不過估唔到點心款式咁少，套餐價都唔係特別平我食左個套餐豉油王炒麵同蝦餃味道屬一般，一個咁貴租既地方咁唔明點解仲生存到

叫左個蝦腸 味道正常燒賣就不過不失春卷入面係千島醬 鐘意傳統既春卷就唔好叫懷疑奶皇包翻叮 就是熱 入面都好水 糯米雞仲衰過可以買翻屋企叮既珍珠雞 鳳爪都正正常常仲唔掂係佢唔收一千蚊紙 雖然倒水啊姐好有禮貌但收銀個啊叔態度唔掂啊ma 整體而言 成個晚餐都覺得好差feeling特別係個糯米雞真係要再三提醒大家唔好叫完全唔值呢個價 連酒樓用荷葉包住糯米雞都好食過佢 同埋個奶皇包 真係唔好嗌 嗌咗你一定會後悔！！！ 絕對要再三提醒大家！

依間好近個地鐵站 出左尼之後就係先達小巴站果邊話咁快就到左 入到去裝修吾錯 配色格調都潮既 吸引下後生因為7個人叫左好多籠 但平均除翻開都係$100一個 我覺得飲茶就差唔多依個價 而且好飽另外 我覺得好處係每一個人都可以用到自己想飲既茶 因為係每人一杯飲自己想飲既茶葉包 咁就吾會有分歧 有菊普、鐵觀音果啲 都幾多選擇仲有 野食味道同普通茶樓一樣啦 無乜差別 唯一特別係個豬仔流心奶黃包 真係幾cute而且仲可以打卡金錢肚好正同埋個豬肚湯都幾好飲

點點心自從佢由舊鋪搬左去隔離兩個鋪位之後都未黎食過～今日就黎試試睇佢同之前有咩分別先～首先裝潢靚左好多，位置都多左闊左好多～野食都多選擇左！睇睇menu 先～不過留意，佢係冇飲品提供比你，茶的話要自己叫，幾多個人要飲就叫幾多杯，自已選擇想飲咩～之後見到你飲晒就會加水咖啦～香片姐係JASMINE TEA 呀～去圖～～點心方面都係一樣高質呀！不過胡椒鹹菜豬肚湯就稍稍略鹹～但個鹹水角好好食！賣飛佛呀～個茄子同腸粉我都覺得係必需要點的！心心眼所有點心都係熱騰騰的～新鮮出爐，但要小心熱呀～

成日經過先達都想試。。以前未搬大舖時食過也ok。。但搬新舖後今晚見無咩人就試。。應該無下次。。炸雲吞。。好脆。。但個汁又稀又吾酸吾甜。。👎 唔知佢想點。。虎皮尖椒叫做最滿意。。😍黑松露腸。。。吾好食。。吾鍾意呢隻質地似水晶皮的腸粉😞叉燒包叫做正常。。不過不失。。蝦餃。。得個型似。。入面多蝦。。但無咩味。。皮厚。灌湯餃無。。 點心種類一般啦但係就有好多飯類。。茶位唔算好貴最平$6起。。。不過有啲一位$30就真係唔多識欣賞。。而且呢度食點心仲要加一添。。今晚比較夜黎食其實坐得唔係咁舒服。入面大把位侍應就經常叫你坐門口。。。佢門口有盞大光燈。。光線滲入座位感覺唔舒服。。影食物唔同角度都反晒光。。

今日同家姐去試吓點點心. 因為平日通常冇人排隊. 諗住試吓佢哋啲嘢食又幾好味啦. 點不知係極度失望. 求其搵間酒樓點心都好味過佢.我哋叫咗四款點心（佢哋嘅價格係唔平嘅）而本人是素食者, 眼見佢哋都有幾款素食選擇.我自己就點左鮮竹卷，黑松露腸粉.而家姐口講叉燒腸但佢畫左牛肉腸(哈哈)同帶子蝦餃.首先先嚟咗鮮竹卷，第一啖食落去口係好味嘅，覺得終於都搵到間點心係有其他嘢可以食到. 但係其他嘢食係好唔好味嘅. 腸粉皮極度厚，又唔夠熱，入面啲餡又冇味.帶子蝦餃冇特別，牛肉腸一樣皮極厚.都唔明白點解咁多人去排隊食。冇下次