點點心

Open Now

Now Closed

我都係街坊，一向都有叫開外賣。等嘅時間耐咗好多，餐牌都轉左。態度唔優做呢個描述都非常正確 。外賣等咗差唔多三個字再問一問，收銀姐姐表示等三四個字係基本；所以如果大家叫外賣嘅話，就留意番。至於燒賣，其實好難難食得去邊。不過感覺有啲蒸過龍。

本身 住附近之前都有叫開 但最近幾次打電話去 都係電話唔通 次次都話整電話 電話壞 今次落去 睇住個收銀係到打機 廳面都座唔到一半人 都覺得奇怪以為爆左場 但個電話就long 起左 問佢電話做咩唔通 佢就話係呀唔通呀 就完左件事 甘做生意都得？頂我預左要等 又住樓上 先打定電話落黎 唔洗企係街到等 而家谷住我要落樓點餐 再上樓等半個鐘先再落去攞 但外賣等候號碼先係排第2 再望下d留言 原來已經轉左手 甘唔憂做 就睇下你可以做到幾時 我就真係唔會再有下次

芥末咸水角好難食，食落好似變壞咁味個鮮竹卷好淡口，得之竹味，無其他味個糯米雞又細左成三成，明知糯米雞平日入下欄煮成，都可以整到咁細可能全部亞婆做侍應怕凍，間鋪好鬼焗唔建議再去。真係浪費時間同錢

門口兩張大海報上面寫着抗疫期間外賣8.8折。叫左外賣，埋單冇8.8折不特止，仲要每份點心加收一蚊，仲衰過堂食。如果因為而復常所以唔再有折扣的話，就應該將門口海報拎落黎。另外，任何时候亦不應該明减暗加，有違香港商品説明條例。仲有每份點心外賣加一蚊的話，最起碼將食物包裝到食物吾好倒瀉。叫炖雪梨外賣，包外賣可以包到用膠袋將外賣盒勒到變形，連蓋都飛埋出黎，短短五分鐘路程，就住行但因為個蓋根本包吾住個碗，倒瀉左半碗，其他點心嘅辣椒油又跌埋入去。不過講到底，淨係做生意吾誠實，一兩蚊折扣一個點心都要欺騙顧客，已經吾會再幫襯。

以前一直食開，味道和性價比ok，從2017年係ICC返工一直係lunch飯堂。最近再去，服務態度極其惡劣，辱罵顧客，廁所異味充斥整個餐廳，尤其係收銀的四眼中年男，當食客好似仇人。以後唔會再幫襯。

六個點心$250。真係菠蘿包，又真係幾好食嘅入邊真係有菠蘿肉！細細個唔會飽滯。胡椒豬肚係必點！ 釀茄子都好食！芥末鯪魚球又係另外一個推介👍 蝦餃同燒賣就合格啦，但係唔明點解佢哋包得唔係幾好，散散地咁 🙄 燒賣又係一夾就解體！？ 奇怪。好多街坊嚟飲茶咁總括質素都真係唔錯👍

同友人去圓方睇優先場前，先黎八文樓附近醫下肚，花多眼亂但今晚想飲下夜茶，不如就食下點心。屹立多年嘅點點心中規中矩，算係好穩陣之選。銀杏胡椒鹹菜豬肚湯先黎一小鍋胡椒豬肚湯，喺微涼嘅秋夜飲幾啖湯的確暖肚，豬肚處理得幾乾淨無異味。燒汁虎皮尖椒煎釀三寶嘅癮一起，就好想嗌呢個虎皮尖椒攝下牙罅，燒汁少少甜都幾配合到。醬皇蒸鳳爪友人最愛鳳爪，點都要叫番籠食下。入晒味又軟稔嘅鳳爪基本上無可挑剔。蟹肉小籠包蒸點姍姍來遲，都係友人最愛嘅蟹肉小籠包，不過較為遜色係無乜蟹肉或食唔出蟹味，湯汁都略為少，無乜爆汁，唯一好處係夠熱嘅。煎蛋牛肉飯壓軸嘅澱粉質，隻煎蛋有溏心唔錯，牛肉係山竹牛肉嘅質地，滑滑地配飯都好食。

係圓方睇戲，未夠鐘就走出嚟搵下野食，近近地就見到點點心，決定入嚟試下。見冇咩人，入去個陣得兩枱客，姨姨叫我地自己揀位🤣一坐底見到menu有銀杏胡椒咸菜豬肚湯 $35，我的最愛緊係即刻叫個嚟試下。另外仲叫咗，蟹子燒賣皇 $36、古法馬拉糕 $22、脆皮鮮蝦腸 $34 同真係菠蘿包 $25。咸菜豬肚湯同菠蘿包到先，忍唔住即刻飲啖湯試下，胡椒味夠濃，都好足料，好多舊豬肚，豬肚好乾淨唔會有臭味，而且爽口。菠蘿包咬開入面真係有舊菠蘿，幾特別，但入面有層有d 似食奶皇包個陣嘅野🤔🤔，同想像有d 唔同。之後燒賣、馬拉糕同脆皮蝦腸都嚟齊喇，脆皮蝦腸正，夠脆，夠熱，試過係其他酒樓食過類似嘅，入面淋晒，但呢度仲係脆嘅，好香。馬拉糕正正常常，唔會濕晒淋晒。燒賣食落好似冇菇？ 都好食，但爭d 香味。茶位每人$4，幾抵飲，兩個人食5樣野，好飽，爭d 食唔晒。有機會會再嚟食，因為仲有其他野想試🤪

黎到佐敦唔知道點解周圍嘅景物已經快速發展。但係快速發展嘅城鎮往往會有啲未嚟得切清拆嘅舊店。今日就去咗飲茶。舖頭入面環境唔錯，周圍有落地玻璃可以睇住舖頭出面嘅行人同景物。星期日嘅晏晝三點到四點舖頭已經冇乜客人。所以空位有好多。茶錢好似每個$4，第一碟餸就係涼拌雞絲。上面雖然剩係得一隻辣椒作為裝飾，但事實上呢一道菜入面有好多辣椒籽。溝埋一齊一次過食幾啖，其實都幾重口味。作為涼拌菜呢一味確實係出色，令我印象好深刻。雞絲係凍嘅但係完全冇嗰浸騷味，木耳可能喺辣椒水入面浸過我覺得好入味。香煎蘿蔔糕比較煙靭，唔係鬆散嘅一種糕點。份量算係幾充足，因為我係咁食到肉。呢碟蘿蔔糕我覺得係唔需要用辣椒醬或者豆瓣醬去做點綴。因為佢本身已經有足夠嘅鹹味。壽包有兩個真係唔係講笑，勁大隻。入面熱辣辣，可以睇得出佢係一出蒸籠，已經擺咗上枱。潮州粉果係好黐立立，如果把口夠大嘅話建議係成舊潮州粉果一下子食落去。因為一咬落去入面啲料就會散開，但係又會連住潮州粉果嘅粉皮。認真壽包同埋粉果都係大件夾抵食。最後一樣我覺得好應該評論嘅就係呢個蝦腸同埋黑松露腸粉。蝦腸就不過不失啦每一條腸粉入面都有一粒蝦肉喺度。淋上少少豉油就可以食啦。

呢間係之前仲有得四人一枱嗰度去食的，一班人去飲茶真係好開心😢 呢間嘅點心款式同岀面平時食開嘅有啲唔同，好有新意🤣所以好值得試吓㗎！💕➼ 真係菠蘿包普通菠蘿包嘅外皮，入面個餡係真·菠蘿！好似食緊菠蘿包Mix鳳梨酥咁🤣好得意嘅口感💕➼ 千島蝦春卷上枱嗰陣仲係熱辣辣㗎！食第一啖嗰陣差啲辣親我個嘴🤣外皮好脆口，入面啲蝦都好大隻👍🏻➼ 懷舊脆炸奶好少地方有得食炸鮮奶💕雖然係炸嘅，但一啲都唔油膩👍🏻亦好重奶味，不過都係食一件就夠啦～因為太邪惡啦🤣➼ 金沙肥豬包其實姐係奶黃流沙包，不過同平時食開嘅差唔多，只係個外型變咗做得意嘅豬仔💕值得一提嘅係啲奶黃做到流沙嘅感覺👍🏻一路食一路滴哂岀嚟😋食到我好狼狽🤣➼ 晶瑩鮮蝦餃外皮好薄，蝦肉好大粒亦好結實，我覺得比岀面酒樓食到嘅更好食👍🏻➼ 銀杏胡椒鹹菜豬肚湯個湯好足料！不過略嫌啲胡椒落得有啲多，所以有朋友仔覺得太辣了。另外味精都比較重，飲完會好口渴，要係咁飲茶🤣➺ 小分享：地方淺窄，雖然啲位真係好逼，但真係要坐入啲，如果唔係好易比人撞親🥺

我好鍾意飲茶，啲點心好肥但真係忍唔到口老爺帶我哋嚟呢到食𝑙𝑢𝑛𝑐ℎ，但其實已經下午茶時間我哋兩點入座得幾台客，老爺話之前呢到係排晒長龍 我比較鍾意試啲特色野，因為第二間食唔到今次試咗 香辣牛肉卷餅、脆皮鮮蝦腸、燒汁釀茄子我最鍾意香辣牛肉卷餅，有驚喜，辣辣地幾惹味脆皮鮮蝦腸都好味，呢個組合唔係成日見到燒汁釀茄子個賣相幾得意，但味道就麻麻地 整體嚟講味道不過不失，又未去到值得排長龍去食價錢都好相宜，只可以講個味道係值呢個價

Been eating here for quite a while now and the food remained consistent. The food is okay for its price. The place can get busy but usually more quiet at night.Some dishes are quite oily but i think thats common for most chinese foods. I would recommend the cute piggy custard buns. If you dont read Chinese, they have an english menu for you! I also think that the employees are generally friendly and approachable. Overall, a comfort food to go back to.

個日可能早，唔算好多人。環境及餐具衛生程度可接受，服務態度都幾好，姐姐友善，點心有質素，價錢唔貴。特別係個脆脆蝦腸粉同柚子蝦多士，一定要食。雞扎，鳳爪排骨飯都好滑，味道都好過好多茶樓。呢個價錢食呢個質素嘅點心，開心過去茶樓食點心。只係選擇唔夠多

同行朋友想去食點心，見到有點點心，就去左中間點佐敦區呢間去食。係門口都等左一段時間，老實大熱天時都會有少少等到唔開胃。但無計入到去。點點心既座位都幾逼下小店黎講點心選擇多，而且用料充，上菜速度快，樣樣都熱辣辣上桌，蝦餃同蜜汁叉燒腸都好好食。下次都會有去，但可能會去另一區，可能會無咁多人

中午食飯時段，同同事正諗緊食咩好，見難得呢間點心店竟然唔使等位，所以就入咗去食。.燒賣皇同之前食開一樣甘大粒，味道正常發揮。.燒汁釀茄子呢個係必食，上面個釀蝦滑夠晒幾大粒，配埋燒汁都幾惹味。.仿鮑魚絲炒麵 分量十足好大碟，不過味道鹹左d，同埋油咗少少，好似冇之前咁好食。.脆皮鮮蝦腸腸粉夠滑，同埋蝦肉都幾多，但個脆卜卜就有少少油，同唔夠脆。.不過杯茶就差咗啲，完全冇茶味，但$4都唔要求得太高。整體來講，價錢都算合理。同埋今次少咗人客，坐得冇咁迫，舒服咗。