Deli and Wine (Closed)

文化中心內的好選擇! 帶小朋友去太空館前的下午茶歇腳點! 先叉叉電! 我之前去過隔離間餐廳有人招呼, 呢邊 Deli and Wine 就同快餐店一樣, 可推BB車入內! 西多士包飲品 $36 幾香脆, 最欣賞係有搽花生醬! 餐肉煎蛋出前一丁包飲品 $42 普通茶餐廳嘢啦, 不過餐肉都厚既, 仲有2塊! 魚柳漢堡包薯條包飲品 $48 無食, 睇個樣就幾好喇! 

文化中心內的好選擇! 去太空館前的下午茶歇腳點! 我之前去過隔離嗰間有人 serve, 呢邊 Deli and Wine 就同快餐店一樣! 西多士包飲品 $36 幾香脆, 最欣賞係有搽花生醬! 餐肉煎蛋出前一丁包飲品 $42 普通茶餐廳嘢啦, 不過餐肉都厚既, 仲有2塊! 魚柳漢堡包薯條包飲品 $48 無食, 睇個樣就幾好喇! 

尖沙咀有好多大大小小餐廳，呢間都算連鎖式既餐廳係文化中心附近，裝修後係靚左，價錢貴左DD,質素還可以。叫左常餐，盛惠$56。份量還可以的，都算小小大份既。通粉係細細粒個隻無紋，口感可以的。叉燒味道還可以，唔算肥啊，所以幾好。多士就已經本身搽左牛油上去，雖然唔太趣，不過幾好味，呢個價錢係唔錯既。炒蛋幾滑幾好味，而且份量都唔少，幾like呢個蛋啊。檸檬茶就無咩特別，不過不失吧。其實，呢度都病雙餸飯可以食，都幾大碗，好唔好就視乎個日有咩餸啦，有部分款式餸就好快比人清哂環境方面係闊落幾好坐，唔迫既。總結間唔中午餐都會黎食既地方

我身為鋼琴人聽concert呢度就係飯堂！性價比高令到有時諗唔到食乜都會行過黎食！所以佢裝修無開個陣真係好期待今日經開黎試下！裝修完位多咗，空間感大咗最鐘意d枱同埋椅，好新好靚有日式感覺！但好可惜食物真的差咗點解好多餐廳都會咁樣......我地嗌咗個XO醬帶子櫻花蝦炒飯$68再加個black coffee $9足料，好多帶子仔同櫻花蝦！亦夠味！呢個炒飯不錯的！但$68 我覺得是應該係呢個質素的！不過我食呢個下午茶牛肉漢堡配薯條真係好難食.....佢$48連野飲真係幾抵食起尖沙咀區但薯條唔熱，又乾...仲有陣油益味....個漢堡一打開，個扒好細都算又乾又硬又無味真係好難食.....老實講呢個價錢四十幾Mos burger好食好多連麥記都好食過佢..........最慘杯black coffee都退步了飲得出用咗平價既咖啡豆同以前不能相比.....不過呢度始終易搵位又經濟我會再黎的！下次食返我最愛既黑醋意粉漢堡永不錄用以前我會比笑面現在未至於負評但只值ok了！

今早去尖沙咀，順便去食個早餐。早幾個月前試過食店的早餐可以，所以今次再去試下。點知退步了，感覺唔良好。餐蛋一丁加凍咖啡盛惠 $42,比較八月我黎食時只是貴了 $2。驟眼睇好似唔係加好多，但實際要睇睇食物有冇減料先知。今次 order 等了很久，但食客其實得好少人，等到我都有點火。餐蛋一丁，外表正常，有包麻油證明係出前一丁。睇睇件午餐肉，俾佢嚇一跳，然後得啖笑，薄如紙，都好考刀功，廚房技術了得。杯咖啡奶太太太多，茶水發生咩事，沖杯咖啡都出事。整體而言，各方面都退步了，服務亦都差左，我都未食完食店職員就問我收得盤未。大失望！

Came here for dinner as boyfriend and I walked around Tsim Sha Tsui rather late and we didn't want to line up for dinner. Sick of eating at Cafe de Coral, we came here. Located at  the Hong Kong Cultural Center is Deli and Wine. Basically a much fancier MX Express.You basically order food at the cashier and they will provide a buzzer for you when it's ready for pick up.  Menu is in English and Chinese with no 10% service charge. Food is mostly a nicer version of MX Express and does cost a bit mo

今晚約咗朋友喺文化中心聽古典音樂會。八點正開場，正好預留時間搵吓附近有乜好食。碼頭嗰邊無乜選擇，星光行同海港城又遠咗啲。見到美心喺文化中心裏面開咗兩間brand，就揀咗平啲嗰間嚟試。雖然比普通快餐貴一半，但環境幾好，有落地玻璃望出面，枱凳亦較快餐舒服。好多食物都係即叫即煮，要等10分鐘先有得食。上面係『黑椒牛舌飯』，汁另上。牛舌有整整三大塊，肉厚多汁又夠熱。只係盛惠$64，比起唔少西餐廳仲要好味。

happy tuesday dinner🍴 with my lovely sisters❤️ happy can stay together💕人大了 生活圈子變了，令我更珍惜跟好朋友能共聚的時光。今晚選擇了呢間Cafe，自裝修完我都還沒來過這裡用餐，想不到今晚可以在這麼寧靜又舒適既環境下，跟好姊妹安靜暢談`共聚一番。蘑菇汁雞扒飯🍄🐥🍚總是我來到愛點的餐選之一，雞扒一貫水準嫩嫩的 但雞皮又不失焦脆，而且兩塊大大的雞扒`飯量亦很足，加上蘑菇汁真好下飯呢。帶子櫻花蝦炒飯🦐🌸🍚估唔到這裡的XO醬炒飯炒得夠乾身之餘還帶點鑊氣，櫻花蝦數量還不少呢。每口都夾雜著珍珠帶子`櫻花蝦，這個炒飯意想不到好吃。香醋鮮雜菌意粉🍃🍄🍝帶點和風氣息的香醋 跟意粉很搭配呢。原來黑醋作醬汁和意粉很夾，每啖都充滿著黑醋醇香又帶點酸甜，這是驚喜的口味。下次煮意粉時，我也會嘗試這種煮法喔。一邊享受著晚餐，一邊傾談著各自的近況，多歡樂的時光呢。噢！就這樣說著笑著，又傾到餐廳打祥了。人愈大 真的更珍惜能一起共聚的時光呢。因為經過歲月洗禮 能留下來的友情，都是我們珍而重之的友誼。

因為好耐冇行過尖東，去文化中心途中發現左美心餐廳同埋deli & wine 。餐牌少咗幾個意粉，多咗幾個港式茶餐廳選擇，都好香港特色。裝修之後位置變得寬敞，可以坐得更加多人，可以自助購買燒味飯。常餐，不過不失，蛋老左少少，意粉轉左做通粉，保持水準。朋友食咗大蝦喇沙米粉，米粉正常，五十幾蚊有野飲，大蝦兩隻，係爽既，辣湯足料幾香，仲有幾粒硬到不得了既豆卜，外貌相當不俗。位置多左，坐得舒服左，加分，以後唔洗等位等到甘慘！

到尖沙咀文化中心演出, 若時間無附往往都會到附近搵食。今晚去聽講座, 如是... 文化中心大堂咖啡店都是包類, 想著走著,都食"那美心集團"快餐吧... 咦… 門口不同了, 進去更感耳目一新歲, 顏色以杏色為主, 非常舒服。 (若非隔離餐飲職員告訴我快餐過两步, 真以為轉手了) 仍是美心集團, 大部份作是舊餐牌, 增加了自助下單機。仍有收銀員服務, 當然點了平又正的 常餐啦！ 水準進步了些少 $52 不錯吧(亮點在右上角呀)內部很大很寛, 較以前寧靜點。很多座位, 近文化那邊單位Bar-seat更有充電usb插頭呢雖是自助快餐, 年青職員也好有禮貌, 有問會答加笑容, 讚Go Go Go！後註: 隔離間餐廳served meal 都係美心集團, 門面幾好。下次睇演出試下再報

份量大嘅西式快餐2018/08/25星期六晚走在尖沙咀街頭，等住睇幻彩詠香江，當日又冇食lunch極之肚餓，經同行友人介紹，就衝咗入依間餐廳。店內環境別緻，如同一般的cafe,環境令人舒適，但店內當時人山人河，很多食客也在等位，也有不少人帶同小朋友到訪此店。我們3人行，等位約20mins,餐廳的菜式與快餐店相近，但又有西式cafe才有的意粉，及燒味飯，食物款式種類不多，飲品都不及出面cafe花巧，但價錢多在$54-$69之間。我們order了三碟食物，“鮮蘆筍煙肉芝士忌廉汁意粉”，“磨菇汁雞扒飯”，“黑椒汁牛脷飯”，餐廳以快餐店式自助買餐，拎餐及自助拎餐具。我地買餐前見隔離枱的食客點了"磨菇汁雞扒飯"，已被那兩塊又大睇落又嫩滑嘅雞扒吸引。另外，一碟"黑椒汁牛脷飯"，黑椒汁比磨菇汁濃味，但我個人不太喜歡牛脷的質感。最後，點了"鮮蘆筍煙肉芝士忌廉汁意粉“，朋友好中意個芝士汁，說濃度剛好，仲拎啲汁撈飯食，個人覺得依個意粉汁還是有啲邪惡。整體而言，三碟飯和意粉都幾好食，份量算多，以尖沙嘴碼頭來說價錢算平，如果大家唔係趕時間，唔怕等位，都係一個食飯傾計嘅好選擇。

今早去了尖沙咀文化中心的 Deli And Wine 食早餐，11：30am 前都有供應。食店環境舒服開揚，以北歐木色為主調，讓人有輕鬆感覺。當中，向街外有排座位，附設 USB 供電，我見也有食客 charge 風扇和 iPhone 呢。早餐我點了餐肉煎蛋一丁和凍咖啡。一丁是真•出前一丁，隨餐附上麻油。另外，欣賞煎蛋煎得好靚，而且午餐肉不是薄切， 食落啖啖肉。凍咖啡成杯加糖加奶一次上。我建議糖水和奶分開上，因為各人口味不同，咖啡我不喜歡太甜。在尖沙咀這地段，早餐也只是四十蚊，我覺得好抵！

最近要返星期六已經好慘 雖然都只係返半日 但我要ot 所以更加慘 放工好似冇左日假期咁 所以我決定食肥野慰勞自己hehe 我就去左附近嘅餐廳 deli and wine 到買左個雙拼飯外賣 -叉燒油雞飯 $46返到公司一打開個飯發覺都幾大碗 而且賣相好好 叉燒同油雞都好大光澤 加埋有啲椰菜同薑蔥 望落都流哂口水 值得一讚嘅係佢個薑蔥切得好細好多蔥而且一啲都唔油 食落去有淡淡嘅薑味 點綴左油雞嘅味道 而佢燒味都好有質素 叉燒上嘅蜜汁平均 而且厚切 食落好有口感同埋唔'鞋' 油雞就好滑 雖然骨比較多 但肉質鮮嫩 好有水準 食完即刻開心哂 不過食得太飽開始眼訓xd

早餐係每朝嘅精神來源 難得我琴日早到左office 所以我決定要食餐好嘅 所以我就去左近文化中心嘅deli and wine 到買早餐雖然佢啲早餐唔係平 價錢大概$30-40左右 但絕對係用心製作 我今日就叫左個餐肉煎蛋公仔麵外賣 加杯奶茶 $36蚊 唔駛加錢佢已經係出前一丁 返到公司一打開個餐就聞到好香嘅出前一丁味 而且熱辣辣 你仲可以自己加麻油 隻煎蛋好圓好靚 裏面有兩塊都ok厚嘅餐肉同少量豆 食完好滿足 不過奶茶就一般 覺得茶味唔夠 不過仍然係一個好開始 誠意推薦👍🏻

平日夜晚想搵間尖沙咀餐廳平平地又有情調 自然諗起deli and wine 知佢裝修完 都想試下有咩唔同去到文化中心 原本個位變左美心 依家個位都係係附近 餐牌野食明顯冇以前咁吸引 感覺似大學頹can feel 冇左burger 餐環境方面 光猛左 冇左以前果種情調最後點左肉醬意同忌廉意味道好一般 真係似頹can質素 不過不失 冇咩驚喜 頹食黎講 呢個價錢ok la以前黎呢度好鐘意飲mocha 杯野變左茶記款 面頭冇左cream 同朱古力醬 賣相差左 好彩味道都唔錯 都推介飲結論係有得揀會想食番以前既質素 可以當呢間野係另一間😅