Video
4-min walk from Exit B2, Wan Chai MTR Station
continue reading
Telephone
23826588
61269424
Introduction
You can taste authentic Indian cuisine here. The menu focuses on tasty street food and main items from Delhi, which is suitable for those who love exotic tastes.
continue reading
Opening Hours
Today
11:00 - 22:30
Mon - Sat
11:00 - 23:00
Sun
11:00 - 22:30
Public Holiday
11:00 - 22:30
Public Holiday Eve
11:00 - 22:30
Above information is for reference only. Please check details with the restaurant.
About Reward Scheme
Signature Dishes
煙雨季節，一直下著綿密的雨，不禁使人納悶，一於食咖哩去衝衝刺。小店日間是家餐廳，晚上就改營酒吧，故此食物都較為濃味。金色的餐具充滿王氣，予人高貴的感受。頭盤乃印度脆筒，配有兩款蘸醬：一個是薄荷醬，一個是甜辣醬。未蘸醬前先咬一口，脆筒本身也帶著微微的鹹味，蘸了不同的醬之後，果然各有風格；兩者之間，甜辣醬略勝一線。印度咖哩角通常以酥皮作為外層，用蔬菜做餡，而大部份以薯仔為主。這道小食咖哩角，沒有浮遊於口腔的油膩，反而夠乾爽。薯仔粒處於半蓉不蓉之間，一款實際簡單的咖哩角也可以令美味程度直達極致！接著的印度烤肉拼盤，有雞有魚有羊：Chicken Tikka、Fish tikka、Lamb Seekh Kebab，更有廚師臨場加插的Chicken Masala。無論是那一種肉俱非常細嫩，散發出獨特的香料味，香而不膩，佐酒一流！咖哩的肉選擇了羊，咖哩跟羊肉充分融合，香氣四溢；咖哩竟沒有絕對掩蓋掉羊的原味，當中蘊含著羊肉獨有的臊味，小人身為羊肉的究極愛好者，當然享受得暢快淋漓！有咖哩又焉能無薄餅？炸薄餅乃此餐廳之獨家出品，可選的夾心有薯仔、印度芝士或馬沙拉。我們要了芝士餡，一出場是熱得燙手的，炸過的薄餅仍保持本身的厚糯，中間的芝士不特別鹹，用來沾咖哩汁，豐腴可口。廚師能靈活發掘食材的潛質，技高一籌！
continue reading
巴藉朋友帶我来試，怕辣的我，原恐怕無啖好食，但老闆話可以有不辣，我揀了午餐羊配naan，仍有些可接受B B辣，佢哋話印巴菜有香料去了些雪味，總有少微辣，老闆知道我怕辣，送了一客印度米饭我，he is very nice还試了特飲(kala khata Soda) with Blackberry fruit ;好有特色，非常indian style另外，还叫了兩个前菜，炸甜薯，辣酱鷹咀豆小餅(好辣)總体美味
continue reading
Intro & Location:取自印度首都範圍為餐廳名唔多唔少有啲啲特別感覺。餐廳位於商業大廈一樓頗容易比人忽略，就算地下擺咗餐牌，樓上鋪始終樓上鋪，人氣會差啲啲，但就做就咗我呢廷極討厭搭檯＆嚮往寧靜食飯既客人。第一次嚟，有少少鼓起勇氣推開門入去嘅感覺，一入去，哇！成間鋪飄逸住印度炭燒烤味。直頭覺得如果上班族會唔會俾自己客人聞到呢哈！/ Once entered, you can smell the tandoori / tikka well before physical dining . My first impression was very good /Restaurant Atmosphere環境闊落舒服又乾淨，有好幾張望街景嘅舒服大卡位。餐具亦好乾淨而且啞金色碟grand得嚟但唔俗。呢間餐廳個concept係Restaurant & Bar，所以店長（one-man band 7 days?) 會做多步，汽水飲品會用杯上，+塊檸檬&冰、杯墊。呢間印度餐廳店長會幫客斟水。廁所門前有屏風，入面仲有道門先係廁所。比較雅觀衛生。/ A clean & comfortable restaurant with bar drinking concept / Set MealSet Lunch/Dinner 會跟是日餐湯＆飲品，暫時飲過３種味嘅湯：豆味湯２款＆1款蕃茄味，白色係豆味，黃色唔知係Dal/南瓜，紅色就類似牛油雞咁上下。+$可轉Mango Lassi，好杰而夠味而且唔會過甜呢下抵讚！【 Pakora 】呢款唔係Menu小食，係晚餐嘅一個前菜【 炸蔬菜】（辣）【 Papadam 】每次點咖喱都會比個Papadam做Appetizer。有一次特別到係比碟炭燒味嘅芒果醬，醮醬竟然都會taste到tandoori/tikka味，真係特別到無話可說。呢種Papadam唔頸渴，比其他平時食開嗰啲脆餅款口感味道更夾玷咖喱。/ A typical valued package of set meal / ★ New Delhi Chat Corner ★【 Dahi Poori 】呢款比較少見，通常餐廳最多都係賣Pani Puri，第一次食Dahi Poori，係凍食，唔需要再倒液體入去，其唔同之處係入面啲醬料：乳酪．薄荷．酸醬震撼地配搭無比，嗰種衝擊感令人好開心，足以超越食過嘅Pani Puri。𢳂多啲脆餅粒倒入去，成舊啪增加脆口感。【 Gol Gappe 】呢款即係Pani Puri，脆球比較脆，倒薄荷汁，正常口味，誠意之處係每舊都用隻烈酒杯盛住啲汁，誠意度加晒分，又增加收視率。【 Punjabi Samosa Chat 】呢款同【Dahi Poori】大同小異，只係將Samosa搣爛混入去做埋沙律，其他野差唔多，份量好似多少少咁，呢款當係一次過食到Samosa & Dahi Poori。/ A very important experience of eating such snacks . This maybe the key point of this restaurant / Main Courses【 Butter Chicken 】前所未有咁好食嘅牛油雞體驗，牛油雞食過多次但呢間明顯可以跑贏其他店奪取五星，精粹係其雞肉＆咖喱完全俾烤味包圍，即係之前提過入店時聞到嘅烤味，依家真係食到入口，濃郁感極高，真係可以話係「好印度」！今次真係體驗到乜嘢先叫真正嘅「正宗」！竟然可以喺set lunch食到呢個層次實在太幸福！/ So far the best Butter Chicken I have ever eaten ! Honesty! 5 stars no doubt / Must encore regularly ! / 【 Lamb Rogan Josh 】註明為傳統印度羊肉咖喱，就算唔多食羊肉嘅我都覺得好味，咁就真係好好味，騷味適中帶出羊嘅特色，夠淋，咖喱都有明顯洋荵＆複雜燴味道顯言同牛油雞個汁好唔同。【 Lamb Masala 】呢款放係dinner系列，味道無Rogan Josh咁濃郁而係偏向重蕃茄 &洋荵＆椒味，唔知啱唔啱但覺得有少少似Kadai style？【 Saag Panner 】佢呢款菠菜芝士有一種好特別嘅味而其他店未體驗過，唔知係咪加咗芥末？咖喱杰度好高，但完全唔辣。【 Delhi 6 Famout Chole Bhature 】見呢款為Delhi6 Signature叫咗，但呢款唯一特別之處只係有件烤制麵包跟，鷹咀豆咖喱似乎難以做得標青所以其他款啲咖喱明顯更勝一籌。而家已經改為【 Punjabi Channa Masala 】應該冇咗塊麵飽。呢款應該只食一次算。※ 雖然暫未食過Vindaloo，但以上幾款咖喱基本上冇乜辣度，客人可以品嘗原汁原味，下次會試問下可否加辣。【 Chicken Biryani 】做到非常乾身，有啲腰果襯托，覺得偏香料味略多過咖喱味，乾飯又係有一種新體驗。呢款望落以為細碟，食食下非常飽肚差啲食唔落。Service帶有明星相嘅Manager 一定會每餐問食客質數如何，禮貌非常，自動斟水。典型基本重要而又經常被香港餐廳忽略嘅步驟做足，就係一定等你食晒啲小食先會上主菜咖喱。未食晒會問你上得主菜未。Conclusion雖然真正印度小食可能仲有好多好多，但呢間餐廳已經搜羅好多款色，比一般同行多，呢度係香港。講真咖喱間間印度餐廳都有得食，小食來來去去都係嗰幾味，呢間真係可以直頭專登去食啲side dish當正餐唔食咖喱都唔算過份。講就咁講，呢度個Lunch CP 值咁高真係好難抗拒到。大部份一舊水內有湯有飲品、12pm-3pm冇落場時間冇加一去邊度搵？實屬人性化+誠意表現。呢個無敵set lunch 打倒以往覺得set lunch冇好咖喱呢個觀念，喺Delhi6，唔需要懶有型咁去叫餐牌啲另外咖喱，set lunch一定唔會令人失望。當一日試云晒之後，就會跟menu逐去試㗎喇，除非價錢暴漲，否則一定繼續encore支持！/ First time customer can go ahead to order set lunch without any doubt, should be no disappointment/
continue reading
知道媽媽鐘意食薄餅，專登帶佢星期六嚟食lunch，因為喺openrice book，主餐牌散叫八折，set lunch就無，不過就有餐湯飲品，於是叫左一份椰汁咖喱魚飯套餐同一份牛油雞塊薄餅套餐，好快已經送嚟餐湯南瓜忌廉湯（忘記影）同餐飲凍檸樂。湯好綿滑creamy，飲品本來只叫可樂，嚟到有塊檸檬，好有心⭐️飲完湯，食物隨即就送上了，嚟到香噴噴，兩款咖哩好香，私心覺得牛油較香，雞好入味，魚都唔錯，但相對而言牛油雞CP值高好多，飯係印度米，口感似斷左嘅米粉，本身帶香味，幾得意，唔會太硬，可以一試；薄餅都好香，不過記得趁熱食，凍左就麻麻😋之前試過閒日中午嚟滿座，今次星期六附近少人返工，所以只有我地一枱，店主就不少走嚟問我地啲嘢啱唔啱食，好友善，亦樂意解答問題（我地問邊啲咖哩辣，全都都可選唔辣）。店內播住啲印度歌，不過都唔會好大聲嘈住我同媽媽傾計。總體成餐CP都高，周末少人上嚟食就剛好，支持⭐️
continue reading
位於灣仔嘅樓上印度餐廳🙌🏻地理位置唔錯👍🏻幾方便！Lunch set好抵食😆有湯有飲品！個番茄湯好好味😋有啲印度香料嘅味😍好特別叫咗個chicken masala🥘超高水準🙌🏻🙌🏻咖哩唔算好辣但味道好夠啲雞肉都好好味😋另外，佢有得揀要印度烤餅或者白飯難得去印度餐廳當然要試吓佢嘅烤餅！真心好好食仲要好大塊😍😍😍😍食完超級飽🤣🤣值得一試🩷🩷🩷🩷🩷同埋餐廳職員都好友善🫶🏻🫶🏻用餐環境都好好👍🏻👍🏻👍🏻
continue reading