Dejoye (Closed)

這天出觀塘有野做，事前在家吃了少許，打算出觀塘整埋啲野先食飽啲，大把野食。原本想食呢度隔離個間雲吞麵，之前食過幾好食，行去之際見到呢間幾光猛，入邊有幾枱客，又抵，所以諗住試下。原本想食黑松露意粉，話冇貨，所以就食金菇煙肉芝士意粉，原來係一早焗好keep哂溫度，點好餐職員一拎出黎就有。賣相平平，第一啖食芝士味係酸的！食第一啖已經想掉左佢，酸得黎係難以入口，見唔到煙肉，可能喺底未食到，所以講唔到煙肉咩味，金菇份量正常，口感都爽嘅，撕開哂方便食，意粉偏淋身，汁很多，聞落去就冇酸味，最後努力食左10啖左右就放棄。意粉配紙包飲品45元，揀左檸檬茶，突然覺得原來檸檬茶係咁好飲。餐廳要自己掉垃圾及交托盤。是行比較自助和快餐的路線。隔離枱有隻蒼蠅不停嬲住佢地，見佢食足全程都在撥蒼蠅。…Read More

今日經過觀塘，試吓呢間新開舖頭。其實之前已經見過幾次都想試，因為見門面都幾舒適，但成日去咗對面食車仔麵，今日就坐低試下先。因為趕時間，所以就咁叫咗個意粉食。一打開就聞倒好香松露味，仲有大量芝士，味道幾好，意粉偏軟，黑椒重手，總括黎講整得幾好食，配埋支水只係$45，又幾抵。另外加分地方係，店員親切有禮係咁提議我食乜子，雖然托盤係客自己清，但都keep倒枱櫈好乾淨其他食物同飲品未試，但就咁食個意粉或pizza都係lunch飽肚之選。…Read More

今日難得去開觀塘附近做嘢，諗住買埋外賣返屋企食，周圍行嘅途中，見到有間新開嘅舖頭，又見到好似好多人喺入邊買，咁我都去買埋一份，點知又係伏左😭😭😭😭💔..圖片所見嗌咗三樣嘢食.1. 第一叫咗一個胡椒餅❌❌❌.因為前牌去完台灣食胡椒餅覺得勁好食，又見到佢有得賣，就想買嚟食下，其實價錢都小貴㗎，$24。.但係諗住可能都幾好食，又見佢寫住係招牌㗎嘛，買來試吓啦，點知好難食囉🤮🙂，仲衰過啲急凍嗰啲，跟住而家睇返留言先發覺有其他人都批評胡椒餅唔好食囉🫨🙁...2. 第二樣亦都係最失望個樣同埋最愕然嗰一樣，肉醬意粉❌❌❌❌❌.佢價錢標得唔算好貴，又唔知諗食咩好就揀咗肉醬意粉食，但係估唔到肉醬意粉個質素仲差過大家樂同埋大快活。。。咁我唔知我喺度買來做咩囉🤮🥺，好似小學中學識嗰啲飯堂嘅意粉一樣💔...3. 第三，蘑菇湯❌❌❌❌.本人我自己都幾鍾意飲一啲湯類，但係普普通通，唔會話佢好飲(￣O￣;)，而我覺得薩莉亞嘅湯仲好飲過佢同埋價錢仲化算係囉，我唔會再食多一次呢間囉..一定唔會有下次，希望食過嘅人都可以主動寫差評，等間舖位可以快啲吉出嚟，有其他新鋪可以開..加上我都幾重視服務質素，佢呢間嘢都幾冇服務質素可言🫵🏻👍🏻👍🏻…Read More

之前行過見到入面環境好似幾好就打算入去試下，見到張枱有垃圾就叫其中一個體型比較大的侍應幫手執。佢話未有空就叫我自己搞掂。之後聽到佢講：「我新嚟執乜嘢枱,你自己執」火都來，即刻走左。…Read More

死啦入嚟先知道原來間嘢咁多負評只係今晚食放題買咗個羅宋湯同埋隻烚蛋頂肚覺得個羅宋湯好黐線喎！本身18蚊我都諗下會唔會得好少第一啖覺得好重牛肉味好香之後一撈，除咗好多蔬菜之外仲有三嚿好鬼大舊既牛肉😱😱😱大癲喎 仲要係平時人哋金錢牛展嗰啲位定牛腩食落去好淋好好食喎呢舊已經唔係最大舊大嗰兩嚿畀我食咗先記得不如影相上嚟讚下同埋見到沙律菜一大兜都係廿蚊覺得幾平喎唔知係唔係啲肉食真係好難食呢😂…Read More