207
14
8
5-min walk from Exit B2, Kwun Tong MTR Station continue reading
Telephone
37065298
Introduction
Western restaurant which deer as the decoration theme, serves a wide range of appetizers, salad, snacks, pizza and main course. continue reading
Opening Hours
Today
11:30 - 22:30
Mon - Fri
11:30 - 22:30
Sat - Sun
12:00 - 22:30
Payment Methods
Visa Master Cash
Number of Seats
80
Other Info
Online Reservation
Wi-Fi
Alcoholic Drinks
Eco-Friendly Details
Phone Reservation
Reward Dining Points
Exclusive Online Booking
About Reward Scheme
Review (247)
 觀塘區搵食編攻略這一區樓上餐廳特別多有中式有台式有日式又有西餐廳幾乎想食乜種類都有今次就去到呢間 樓上西餐 Deer Kitchen 環境幾舒適,好合適小聚暢飲人多最好預訂座位,我當天平日晚上都爆場 點餐後,送上麵包二片先來暖胃一下有淡淡香草味,我喜歡焗脆一點就好食伴以黑醋吃,開胃 餐廳最代表性既就係一隻鹿今期仲有生蠔優惠同啤酒優惠! 我地唔飲啤酒就選擇了另外餐牌上既特飲有分酒精類同非酒精類手調飲品,賣相都幾靚仔都係由新鮮果汁調校出黎賣相也精緻  蟹肉甲羅燒意大利飯呢個飯有2種食法,先食底層既意大利飯煮得仍然粒粒爽身,汁唔算多,算乾身,未至於燴飯既質感有紅椒,黃椒等食材,味道偏向清爽既意大利飯反而,甲羅燒上既蟹肉同蟹膏係另一個極端,濃味,鮮味將蟹肉加上蟹膏同飯拌勻一起食,完全不同的味道,濃鮮味出曬黎一個飯2種食法,蟹肉都夠多,蟹膏焗過更加香烤燒頂級美國西冷扒  配一份蔬菜同紫薯蓉 西冷份量十足肉味比一般既更濃郁,肉質細緻有彈性脂肪少,啖啖肉!觀塘興業街4號The Wave 6樓 01室Room 01, 6/F, The Wave, 4 Hing Yip Street, Kwun Tong#觀塘美食 #西餐廳 #TheWave  #DeerKitchen  continue reading
(The above review is the personal opinion of a user which does not represent OpenRice's point of view.)
Level4 2019-10-23
362 views
觀塘區特別多隱世餐廳,今次嚟到呢成棟都係餐廳嘅The Wave! 見到有間叫Deer Kitchen嘅西餐就上左去試試。呢間餐廳比起同區嘅西餐算係高中價位,質量都ok唔錯。餐廳環境唔錯,以鹿嘅主題擺設為主,有好似鹿角咁嘅吊燈,仲有一幅草牆同鹿仔嘅影相打卡位!一坐底待應會上左餐包先,餐包就有啲凍,無焗熱到,係兩塊小麥包點黑醋食。餐湯方面當晚係西洋菜湯,蔬菜味都幾濃,幾足料!另外餐廳做緊個好吸引嘅優惠,$10一隻生蠔😍 生蠔size以呢個價錢嚟講都唔錯,唔會太鹹太重海水味!抵食抵食前菜另外有個黑松露意大利雲吞,上面有d脆脆,松露醬剛好夠醃兩粒雲吞!小食方面叫左個小食拼盤,全部都係炸物,夠香口!分別有炸雞,炸魚柳,芝士條,春卷同埋魷魚圈!分量唔算好大盆,兩個人食剛剛好!另外配上茄汁和沙律醬!仲有一份鵝肝多士,多士夠脆口,鵝肝size適中,兩樣size夾埋大細剛好。主菜方面,叫咗慢煮比目魚配蜆白酒牛油汁!可能係慢煮嘅關係,一串比目魚同平時食嘅有啲唔同,表面好似有一層麵粉煎過咁,魚柳嘅下半部份就浸滿左白酒牛油汁,係好特別嘅一種食法!醬汁同埋比目魚都幾夾,清清地唔會太過油膩同埋濃味,蜆肉唔會有沙!飲品方面都幾多選擇,我地叫左一杯mocktail同薄荷朱古力!mocktail每款都好吸引,我地試左dear forest ,果味好濃,飲落有好多種味道,好開胃架!薄荷朱古力都好重薄荷,飲落口都好清新! continue reading
(The above review is the personal opinion of a user which does not represent OpenRice's point of view.)
Level4 2019-10-17
622 views
觀塘區好多工廈,同時亦都有好多隱蔽既工廈餐廳,有時唔係朋友帶路或者睇到d介紹都未必識去搵,所以今晚我就同朋友聽個同事介紹黎到興業街The Wave六樓既呢間西餐廳。其實呢度相對其他工廈係易去,仲算近觀塘地鐵站tim。一出𨋢就已經係餐廳門口,6樓全層,地方寬敞,裝修別緻,環境舒服。Menu呢度推出左$10隻生蠔優惠,手快有手慢冇。除左有生蠔食之外,呢度有齊salad、soup、appetiser、snack、pizza、pasta、risotto、main course同home made dessert等等,不過晚市每人最低消費$100。點餐之後店員就會遞上餐包。藜麥羽衣甘藍沙律$72呢個沙律簡直係我呢d怕肥又要食既好朋友,藜麥除左營養高之外,仲會有飽肚感,至於羽衣甘藍高纖維得黎仲有豐富既維他命,食得健康又有營,仲好fresh添黃金特色薯條$78呢個薯條分別有甜蕃薯同馬鈴薯,做法好似d黃金蝦咁,係薯條外層加左鹹蛋黃黎炸,所以食落有陣陣既鹹蛋黃香,而且酥脆可口烤墨西哥單骨雞翼$78單骨雞翼方便食,又唔會怕食得好「lei hea」,不過個人黎講就覺得辣左少少,但係好惹味,仲越食越開胃tim美式焗蟹餅$128呢個蟹餅餡料足味道濃,不過略嫌佢外面唔夠香脆,冇咩口感和風鰻魚牛油果薄餅$160呢個pizza用和風鰻魚加牛油果,食落fresh得黎又食到濃厚既鰻魚醬汁,估唔到又幾夾喎最後就梗係要點d影相靚又解渴既飲品啦 continue reading
(The above review is the personal opinion of a user which does not represent OpenRice's point of view.)
Level4 2019-08-07
2388 views
觀塘真係有好多唔同的餐廳可以選擇,今晚友人又係觀塘放工,所以就上網睇下有咩好野食!今次黎到呢間位於一所大廈內的餐廳,一出電梯就已經到餐廳,是一個開放式的餐廳。門口有一綠色牆和小鹿,而且餐廳牆上或是燈也是鹿的佈置。餐廳燈光柔和,每枱都有一小蠟燭,帶有點浪漫的感覺。餐廳上有set dinner也有單點的食物,我們最後決定散叫。點餐後店員為我們送上餐前麵包,麵包是香草麵包,很鬆軟,附有橄欖油和黑醋。生蠔($60/半打),這裡有$10一隻的生蠔,我們落單時店員還跟我們督還有最後一打,所以我們決定點半打試試。生蠔是不算是很大隻的生蠔,都幾厚肉,食落鮮甜,可以唔駛落任何調味已經好好食!芝士薯條配黑松露醬($78),薯條是粗身的薯條,外脆內軟,芝士雖然不是流心那種,但是也能做到拉絲的效果。黑松露沙律醬是跟薯條分開的,如果有朋友不喜歡黑松露也不怕。薯條本身鹽份也很足,食到停唔到口!馬里諾凍肉薄餅($178),這款薄餅其實就是有Parma Ham、辣肉腸、煙肉等醃製過的肉類,所以非常香及惹味!雖然是肉類,但也有車厘茄來中和一下咸度。薄餅是好似餅乾的那款,烤到好脆口,非常惹味!香濃三重芝士煙肉火腿煙斗粉($138),這款煙斗粉味道十足,由於有三重芝士,所以味道很濃,加上煙肉和火腿,帶出了整個粉的味道。荔枝菠蘿藍蝶花梳打($40),這杯飲品顏色很美,黃色加藍色形成漸變色,非常漂亮。味道以菠蘿味為主,唔會好甜!芒果香橙沙冰($48),飲落橙味夠出,夠哂消暑解渴! continue reading
(The above review is the personal opinion of a user which does not represent OpenRice's point of view.)
Level4 2019-07-20
1759 views
還記得大約半年前,我挑選了這間餐廳和好友慶祝生日,想不到今晚另一位好友同樣選了在此跟我慶祝我生日,真有緣……跟餐廳有緣,亦跟朋友有緣。餐廳裝潢沒有大改變,地方寬敞,燈光柔和,蠻有情調。鹿子四處“走”,牆上的鹿頭模型、鹿角吊燈等,最搶眼當然仍是一入門草披中的白色大鹿。正方形格局,預設多張二至六人,靠牆是一排長沙發配四人座,還有吧枱,枱與枱之間有一定的距離,舒適寫意。翻開餐牌,有Dinner Set Menu、Salad、Soup、Appetizers / Snack、Pizza、Pasta and Risotto、Main Course和Homemade Dessert,揀咩好呢?好友當然問我......******************************還未點好菜,服務員隨即送上餐前包($0),熱烘烘,散發陣陣香草香。包身軟熟,啖啖香草味,簡簡單單蘸些黑醋已挺美味。******************************Dinner Set配有前菜、是日餐湯、主菜和咖啡/茶。三選一前菜中,揀了一客水果藜麥沙律 Fresh Fruit & Quinoa Salad,選材健康有益。有清新爽口的雜沙律菜、清甜多汁的車厘茄,配上清甜的蘋果粒,面頭舖滿有咬口的藜麥,拌着酸咪咪的黑橄欖醋汁,份量剛好,沒有嗆喉之感,味道令人開胃。******************************是日餐湯 Soup Of the Day是南瓜忌廉湯,質感略為杰身,不夠香滑,南瓜味較薄弱,有待改善。******************************主菜方面,我當然揀慢煮比目魚柳伴馬拉蜆白酒牛油汁 Slow-cooked Flounder & Clam with White Wine & Butter Sauce ($268)。比目魚扒大小中等,魚皮滑溜,肉質雖不算油潤,但鮮味嫩口,伴着白酒牛油汁同吃就較好味。還有多隻馬拉蜆,細細隻好嫩口,味道鮮甜。配菜有豆角、車厘茄和小甘筍,煮得剛好,保持色澤和爽口,不錯!******************還記得上次吃了一個西日crossover的和風鰻魚牛油果薄餅,大家都讚不絕口,今次就點好友喜歡的北京風味薄餅Duck Breast Hoisin Sauce Chili Cucumber Garlic Onion ($145),中西crossover又唔知點呢?長方形的薄餅舖滿食材,份量十足,睇到都好滿足。薄餅已預切了六大件,餅邊又薄又香脆,非常可口,極討我喜歡!餅面放滿鹹香的鴨胸和爽口的青瓜片,灑上京蔥絲,塗上甜甜地的海鮮醬,的確好有北京風味,配搭特別,好味!友人還捲起來吃,真是好似吃北京片皮鴨,有趣! ******************************謝謝好友給我準備驚喜,先為我挑選了一客焦糖燉蛋 Creme Brûlée ($50)作為生日甜品,還安排寫上Happy Birthday。指定動作,許願吹蠟燭吧!燉蛋口感極之幼滑,啖啖充滿蛋奶香和忌廉香,香甜美味,若然面層的焦糖片薄身一點,相當口感會更佳。******************************最後餐飲點了杯凍檸茶Cold Lemon Tea,茶底濃郁,有多片檸檬, 酸度十足,解膩消滯,是餐後最佳的選擇。而好友就另點一杯荔枝菠蘿藍蝶花梳打 Butterfly Pea Flower & Pineapple ($40),並非因為它營養價值高,而是貪它顏色靚,哈!賣相又的確很美,仲分層次,上紫下黃。試啜數口,冰涼透心,滿有荔枝香甜,味道酸酸甜甜,甜度合宜,消滯解渴,好選擇!------------------------------雖然舊地重遊,但今晚輪到我當主角,謝謝好友的挑選和安排,一切在心中。 continue reading
(The above review is the personal opinion of a user which does not represent OpenRice's point of view.)