Video
Opening Hours
Today
11:30 - 22:00
Mon - Sun
11:30 - 22:00
Above information is for reference only. Please check details with the restaurant.
呢間嘢難飲到PK，價錢又唔係平，性價比負100分。一直覺得手搖就算唔係好飲，最多只係普通程度，sorry 呢間嘢真係刷新左我同幾位朋友嘅認知。嗌6杯有5杯係難飲，另1杯係極之難飲！！同大家介紹下杯牛油果鮮奶(酪梨鮮奶)，入口苦過飲中藥，然後個回甘係令人想作嘔嘅後勁，完全聯想唔到係牛油果味。(商家話係正常，我真係無言而對。)杯士多啤梨綠茶(莓好花漾 正常糖)味道就係一粒士多啤梨加水，感覺就係咬完一啖士啤梨再飲左杯水咁。另外嗰幾杯水果茶都係咁，益力多類型嘅嘢飲就除左冇乜味之餘，賣相都係極差，成杯嘢分曬層，自己搖完之後個外貌就係打完邊爐嘅湯底咁嘅樣。但老實說勉強飲得落口，我朋友都成功飲到半杯先放棄嘅。但商家服務態度係好嘅，表示可以補沖返杯俾我地。所以如果大家想$39買2杯作嘔牛油果鮮奶嘅話，又不妨一試。
continue reading
飲開樓下嗰幾間 見最近大苑子做優惠買左杯試吓嗌咗店員推薦新出嘅益力多芒果翡翠 有建議嗌3分糖 飲落唔死甜 益力多同芒果蓉都好夠味有芒果粒 問咗話益力多份量落多過一支 😯三十零蚊呢個質素絕對收貨
continue reading
之前聽人講味質素唔穩定 今日見新裝修靚咗聽講重開 又見到多左水果種類益力多芒果翡翠($33) 幾好飲 三分糖剛剛好 估唔到仲有啲芒果粒粒 又幾足料喎😹😹😹值得寫下評價俾你哋 員工都幾熱情介紹 有禮貌 夏天會再KEEP住買呢間 下次會想試吓鳳梨😍新裝修之後好似唔同左 見多左水果種類益力多芒果翡翠幾好飲 三分糖剛剛好 估唔到仲有啲芒果粒粒 又幾足料喎😹😹😹夏天會再KEEP住買呢間
continue reading
唔好飲佢哋嘅奶茶，0奶味0糖，明明係叫黑糖珍珠奶茶，本身因為有黑糖，怕佢太甜所以叫半糖，結果係變成徹底走糖兼淡到死，有冇搞錯…珍珠係冇味嘅，唔知關黑糖咩事，真係試過嘅伏中之伏
continue reading
第一次一啖byebye，廿幾年嚟廢水之中。完全破壞一日心情，經過飲/試不同店舖，真係未試過咁既手搖飲品付款後，前後30秒不夠調配好，無特別少乜少物、叫正常版。但味道似加少少味、溶冰後既果汁水。雖然不想浪費，但真係飲唔落去，掉垃圾桶，真的sorry….200字先有得劣評，無辦法！唯有加多幾隻字，比街坊們警惕一下。試想想要令一個人浪費人生十分鐘打字、影相、評價，嗰個難飲程度，可想而知！除特價嗰啲款外，其他仲要偏貴。
continue reading
You may be interested in