丹麥餅店

Open Now

Now Closed

一直聽講呢間個豬扒包好食甘巧係附近所以去買個包來食環境真係好复古🤔應該保持一直以來裝修所以睇落去好有歷史我叫佐一個豬扒包個麵包係好普通嘅餐包豬扒係熱嘅，不過食落去真係好普通唔值得特登去食

丹麥餅店岀名就街知巷聞，很多人為左炸雞脾蜂擁而致，但今次我買了魚柳包嘗試。魚柳包$20有找，麵包早就放左烘爐上，雖稱不上是熱辣辣，但餘溫和脆度仍然有！魚柳新鮮剛炸好有脆度再加上舊式沙律醬的風味使整個魚柳包生色不少對於吃小食來說十分滿足！

通常來到銅鑼灣行街，行行吓想搵吓小食，又或者入大球場睇波之前，我都會想起這間丹麥麵包店。呢間舊式小店雖然裝修並不起眼，但香港好多人都識佢，亦都好多人鍾意幫襯佢，皆因佢啲麵包真係好好食，而且價錢公道，好有地道風味。我最鍾意食嘅就係豬扒包魚柳包，最鍾意佢嘅包係熱辣辣，有時仲會有輕微嘅脆皮，而且裏面無論係咩餡料，都係熱辣辣新鮮整，所以個包食落去真係好正好正。豬扒同魚柳都炸得好好味，雖然佢唔係厚肉嗰一種，但食完唔會太飽（都幾好），味道也真的唔錯。另外他們的熱狗是我小朋友最喜歡的，同樣個包係熱辣辣，而香腸佢哋係整得好靚，唔會爆開，佢每次行過都話要食架！

今日去南華會游水前，經過丹麥餅店，之前經過好多次都想買來試，好似話係幾出名嘅老牌小店，未食早餐但要游水，所以都係買個包嚟食下先。呢度出名應該係熱狗，雞髀，同石斑魚柳包，最後我決定試石班魚柳飽（$19）魚柳炸得好脆，魚肉好厚實，個麵包鬆軟。店員在放魚柳之前，會先返熱麵包，再加一層番茄醬，和自家製嘅沙律醬，最後放上剛炸好既魚柳。當你一啖咬落去，有多重口感，麵包外脆內軟，魚柳炸得剛剛好，而且好Juicy ，另外配埋沙律醬同番茄醬，酸酸地，令到人覺得好開胃👍🏻

今日同女朋友去完西貢，行到有d餓，所以我地去到銅鑼灣搵下食，行行下，係wo lee到咪丹麥餅店!?由於我自細成日都去南華會練水，成日見到其他人食炸脾好香咁，自己都未食過，所以我決定要爲年輕ge自己了左個心願，食番10年前無食過ge炸脾丹麥餅店入面有一個人負責收銀，其餘兩個就負責炸物，係一個傳統小店！今次食ge唔係味道，而係食不到的回憶終於食到！！第一啖我覺得個比充滿肉汁，雞ge味道非常濃郁，但食完皮之後，我發現入面肉入面比較乾，有小小鞋口最後我食完lee塊十年前無食geh炸脾，再上路到大坑繼續搵食。。。

星期五下午約四時到達，人流不算太多，食物不消一刻準備好。小店自然地充滿懷舊味道，但於大熱天甚為侷促。這次試了芝士漢堡包($16)，是一貫的高水準。芝士半溶，與漢堡肉味道搭配。麵包又熱又脆，絕非McDonald能媲美。

星期六同女朋友去大球場睇波，途經依間老字號「丹麥餅店」 。好鍾意依間老店，每次一入去，總好像穿梭到60-70 年代既感覺。 這間見證住香港變遷既老店，有好多經典既美食，例如蛋撻、魚柳包、熱狗🌭️、豬扒包等等。 女友鍾意食腸仔包，而佢又未食過依間出品既，所以排隊買份俾佢試下。 一條條既腸仔在烤爐上，即席製作保證夠熱夠新鮮！ 麵包夠熱幾軟熟，內裡仲有適量的沙律醬提昇口味，女友最鍾意留番腸仔最後食！ 大讚好味道😋

門面比較陳舊破落，但人龍依舊，好辛苦才迫進窄小的門口...熱狗 ，比以前遜色很多，雖然，面包經過加熱，但不再鬆脆了，香䁑很咸，皮不脆，沒有什麼醬汁😐😐失望漢堡包，依然精彩，面包経過加熱，很鬆軟，漢堡牛肉，肉味鮮美，多汁，配合豐富洋葱粒，更加提升味道，混和特制的沙律汁及茄汁，真係冇得頂呀！

今日早上係銅鑼灣跑完步之後有啲肚餓，所以就幫襯丹麥餅店，不過我今次就試下佢個芝士漢堡包。其實我原本係想試下個豬扒包的，不過見到我前面嗰個人食緊而成個包都係油的情況下令我卻步，選擇左睇落冇咁油的芝士漢堡包。我自己就覺得個包冇上次的魚柳包咁好食，但其實都唔錯的。同魚柳包一樣，漢堡包都係即叫即做，所以熱辣辣，而且漢堡好大件、又厚，係抵食的。個漢堡扒牛肉味非常濃，我有問過店員，佢哋話個漢堡扒係自己手打出來的，所以食落比出面食到的有口感，每啖食落都唔同。

是日小妹去開大球場，諗左好耐食乜嘢好就係呢個時候見到丹麥餅店，咁啱個肚又唔係好肚餓，就決定去買一個熱辣辣嘅出豬扒包試吓先講下舊豬扒，薄薄一層炸粉包住炸到熱辣辣嘅豬扒，睇落已經好正，咬落去好脆仲有肉汁bi 出黎講到腳豬扒咁正，咁麵包又點呢麵包先系個豬扒包嘅靈魂！絕對唔係連鎖店嗰啲空氣包！新鮮出爐嘅麵包又脆又香，咬落系舊式麵包舖嘅風味加埋沙律醬同埋茄汁，真系好十八蚊一個豬扒包，唔算好平，做到咁嘅質素都公道嘅

要數銅鑼灣區出名的萏式餅店丹麥餅店當然是一哥。走到門前偶爾發覺自己好像時光倒流到六、七十年代簡單的裝潢白色長型光管、貼牆風扇、透明的西餅櫃和舊式廚具等等每一樣都充滿著歲月痕跡。 .小店賣的是港式小吃如炸雞脾、炸魚柳、炸豬扒、炸薯條 等無人不歡這些炸物的油香就是小學生背着媽媽偷吃的味道。店的另一邊窗可以看到炸雞的過程還有香腸在熱爐上滾動。🔹熱狗是《丹麥餅店》的招牌同樣地主角不是腸也不是包是夾在包子同香腸之間的沙律醬這沙律醬一吃就吃得出不是廠製的卡夫貨色蛋味濃濃入口夠晒香腸仔是煎的同樣是香味十足而且是十足的老香！🔹炸雞髀現在可以吃到以前風味的店舖是少之又少。要炸到外皮香脆又要做到鎖住肉汁的效果丹麥餅店真是數一數二再灑上粒粒的鹽花特別惹味。 雞脾那炸到泛著油光的感覺上就非常的吸引人那雞皮吃起來薄脆而且一口咬下滿嘴都是油膩的肉汁更特別的是那雞肉烘烤的香味直撲而來爆炸性的衝擊之下美味指數高到破表比起中國冰室的炸雞腿丹麥餅店的水準覺得更上層樓。美味指數挺高的呀！！

今日同同事因工作關係路過加路連山道，在工作完後，我一來有少少肚餓，二來真係想試試這間備受好評的古老小店，三來都人龍唔算長，所以就試一試。我點左一吉列魚柳包，因為這個包好似係最受好評，同埋我鐘意食魚柳多於豬扒。個魚柳係即炸的，所以保證新鮮、熱辣辣。個包雖然唔係即拱，但見到店員都放佢係一個熱的平面上，所以都唔會凍身。全程都係等左2-3分鐘左右。講返個魚柳包味道先，首先個包外皮酥脆的，所以幾有口感，而麵包入面嗰層係相當鬆軟的，配合魚柳炸的表皮，口感層次組合非常搭配。至於魚柳本身唔會太多油，唔腥，外酥內嫩，絕對係一流。而成個包畫龍點睛的係同時配上沙津醬同番茄醬，每一口都有酸甜的滋味，令我食唔停囗。

豬扒包🐷 $18豬扒🐷即叫即炸，熱辣辣🔥豬扒薄身 唔算juicy 🤨包身有烘過 脆身 🤩再加埋沙律醬同茄汁，超好食 😍又唔dry 好正🤪呢間都非常之受歡迎，都要排一陣隊㗎😎輪椅嘅朋友都好方便去架！都係好似其他人一樣，喺門口排隊買走食就可以，不過就有一級，買嘅時候就要大聲啲同店員講啦！

係銅鑼灣經過見到一間非常懷舊既舊式小店 但係開放既廚房同黃底紅字既menu就好吸睛 令人引唔住停下腳步叫d小食🤤試左佢地既炸雞肶 雖然係小店 但係仍然有唔少人排隊買野食架 好彩佢地手腳快 好快雞肶就送到我地手 佢地既炸肶係無用炸粉 感覺上無咁有內疚感 大大隻皮脆肉嫩 咬落仲有肉汁😋 預先醃製過既雞肶加上炸完後加既准鹽令成隻雞脾好入味好夠味 好食👍🏻👍🏻

雖然這間平日售賣港式「漢堡包」、「魚柳包」、「炸雞髀」等等食品的快餐店，名稱居然被稱呼叫做「丹麥餅店」，「丹麥餅店」的過去歷史於我而言，就好像一個未完全摸透底細的人一樣。究竟「丹麥餅店」的前身是否一間麵包店，「丹麥餅店」是否因為為勢所逼，為了食店的將來著想而改賣「漢堡包」跟「魚柳包」，恐怕只有「丹麥餅店」的當事人，以及住在附近的居民才知道了。我唯一知道「丹麥餅店」的事情就是，兩年前我為了光顧「丹麥餅店」旁邊的日本甜品店「Via ToXXo」，所以亦間接認識了「丹麥餅店」，但是我對「丹麥餅店」的好奇，源於對食店的歷史淵源而已。「丹麥餅店」裡面其實沒有任何位置，可以容許食客在店內閒逛逗留，食客只能夠在「丹麥餅店」店外，向當值的「丹麥餅店」店員落柯打購買食品。至於「丹麥餅店」自己本身的餐牌，就更加是耐人尋味了，因為「丹麥餅店」只有一塊塑膠價目表，而且「丹麥餅店」這塊價目表早已經不起歷史洗禮，價目表字體已經變得霉霉爛爛，幾乎看不清楚。「丹麥餅店」裡面的老闆店員，最後看來也唯有力挽狂瀾，保留陳舊破爛的價目表，然後勉強拿着箱頭筆在破爛的價目表上面，標示「丹麥餅店」哪款食品仍然有售，食品價錢已經改了