東屋台 (珀御) (珀御)

Open Now

Now Closed

今次來到這間有口皆碑嘅店試咗幾樣菜，實話實說，食物印象深刻！首先個芝士奶蓋香桃茶，味道透𠱁晒甘橘香味，飲落去芝士同桃茶配合得宜，正到飛起🚀！卷餅墨西哥粟米蓉真係好食到一個唔想停，酥脆嘅卷皮同甜味滿溢嘅粟米蓉簡直係絕配，好有層次感。講起呢度嘅海量海鮮大阪燒，簡直係海鮮控嘅夢想啦🤤！表面金黃香脆，一刀切落去，足料嘅海鮮同煎得啱啱好嘅麵糰糅合得好完美，每一啖都滿足到五臟廟。喺屋台牛肉炒讚岐烏冬方面，呢個係牛肉同烏冬嘅戰爭，只係今次冇輸家，因為雙方都咁出色。牛肉嘅嫩滑同烏冬嘅Q彈交織出一幅美味圖景，香口得黎又唔膩，真係夠晒umami！成間店澎湃嘅味道飄曳喺空中，將我嘅食慾揚升到最高點。職員友善得來又效率高，更加令今次嘅食飯體驗加分。班煮食嘅手藝，真係行家手笔，每樣小菜同飲品都做得認真同專業👩‍🍳。結論係，這家店聽日我又要黎大大力懲罰啦！

今日突然想起食大阪燒，呢間想試好耐，因為屯門唔係好多地方有大阪燒食。今日叫咗個海量海鮮大阪燒做下午茶，果然材料真係海量wasabi / salad 醬份量啱啱好，唔會好厚粉唔會太硬。可能即叫即造，等咗一陣。等我下次試埋其他口味先；想試章魚大阪燒同芝士海鮮大阪燒。本來想由網上外賣平台order, 不過原來直接去店買仲平。而家天氣熱，有時唔想食飯/湯麵，大阪燒都是不錯的選擇 仲有好多飲品選擇，不過今次沒有購買。

見佢係黃店就幫襯一下 今次就叫咗個櫻花蝦大阪燒 40蚊就有一大塊 仲要好足料 同埋好抵食 當lunch咁食到好飽 所以成日都見到好多人幫襯 不過如果唔係住呢頭嘅都好少會特登過去🙈

成日太夜去都無晒咖哩！今次終於買到每次去都必食牛飯，或者佢個麻醬烏冬。 牛肉無得輸，烏冬亦好彈牙。 但今次目標係咖哩，事關每次都話咖哩吉烈豬係賣晒！！！ 一直開咗咁耐都未成功買過😳 雖有啲誇張，又可能我黑仔… 終於可以試到又真係幾好食！ 個吉烈豬炸漿唔會好厚好粉，炸得好脆，而且肉汁仲保留住，唔係乾柴亦唔係整定翻炸果啲！ 難怪成日都好早賣完.. 黑咖哩食落就同普通日式咖哩差唔多。相比其他舖，佢算多配菜。喺咖哩汁入面有蘿蔔之餘仲有少少脆肉瓜同薯仔，洋蔥等。 但我就覺味道略為偏甜，唔辣。 如果唔好咁甜就好喇… 唯一要彈就係吉烈豬太多油，如果可以回鑊𤇢多嘢迫返啲油出嚟，乾身啲就完美！ 之但係50幾蚊有咁鬆化嘅吉烈豬，仲想點？好滿意喇！ 出面比2百蚊果啲都係好啲啲，唔係差咁遠… 另外必食佢大阪燒，好大件，永遠都眼濶肚窄食唔完… 啲木魚好似唔洗錢咁！ 三款醬汁都好好食，尤其個少少辣芥末醬👍🏻 題外話… 鍾意食呢間店除咗味道仲有人情味。呢間舖已開咗一陣子，幾年前老細兩姐弟為咗幫一班後生仔而被判入獄一個月… 事隔幾年，人流少咗好多… 希望大家掛住佢味道之餘都唔好忘記佢哋嘅負出👍🏻

喺屯門區返工，午餐間唔中就會買東屋台外賣！佢啲大阪燒都好好食，但就咁食大阪燒又好似唔太夠飽😳 所以多數都嗌細嘅牛肉飯加温泉蛋😍牛肉份量多，唔會太乾，洋蔥又稔又甜又入味，加埋啲牛肉汁撈飯超正！蛋就可加可唔加，但我本身鍾意食蛋所以都會加！間唔中仲會加杯無糖四季春！佢個茶底好香好好飲！應該好飲過大部分飲品店啲茶😳

熱天的味道每個人都有自己屬於夏天的味道，今天的味道是白桃烏龍芝士奶蓋白桃烏龍 $30.00我就選擇了香桃🍑烏龍奶蓋茶底清香，透出陣陣白桃的味道，奶蓋份量下得相當重手，喜歡芝士的也不需要再額外加量，鹹鹹甜甜的。不過芝士味有啲突出，所以有一點點遮蓋了茶味🍵。好有趣的配搭，餐單由自己決定，就算想好自己喜歡的基調。原茶？配一粒檸檬🍋？片片香橙熱情果？粒粒香桃🍑？芝士🧀奶蓋？再選擇你喜歡的茶底。私心特別調配就出世了為自己為你愛的人弄一杯都是小心思

東屋台一路無推出套餐優惠，亦係我少食呢間店既原因之一。呢排推出疫苗通行證，東屋台順勢推出外賣優惠，可以話互惠互利。$45 - 牛肉飯+純茶外賣包裝得宜屋台牛肉炒讚岐烏冬 $52個汁調味調得好好，配菜包括椰菜、木魚、洋蔥、香菇等，食落有唔同既層次感。另外配上黑椒、椒鹽，令到烏冬好香，而且味道上佳。章魚大阪燒 $38附近冇鋪頭有大阪燒食，所以每次幫襯都額外加一件。鋪頭提供唔同選項俾客人選擇，例如可以走芥末醬，多沙律醬，或者多燒汁等。我一向唔喜歡芥末醬，走咗之後 非常美味，唔會有種令我討厭既味道。每次一開盒香氣湧出，雖然章魚數量唔多，但食落有咬口。大阪燒永不令人失望！

呢間屯門黃店💛唔駛介紹 大家都應該唔會陌生店舖主要做外賣自取多 唔好以為外賣就份量少因為我基本上好多都試過哂😝全部都係大大份 仲好足料㗎👍🏻👍🏻牛丼🐮（大）$45味道同平時食開嘅牛肉飯差唔多 但佢嘅牛肉汁唔會太油膩 汁嘅份量足夠撈飯 牛肉肥瘦均勻 食落唔會韌 牛肉份量仲要係超多🤩🔥火炙厚切鰻魚丼+玉子燒 $78厚切鰻魚啖啖肉 鰻魚同玉子燒火炙後食落更香 玉子燒仲要一樣係厚身 正😋💡：佢哋主要做外賣自取 如果大家怕等得耐 其實可以直接打電話落去order 先㗎

以呢一區的茶飲店嚟講，東屋台比別家的優勢是他們有5款茶底選擇，而且其中口味唔係周圍常見，係呢區更加係有特色！茶底有： 桂花烏龍、桃香烏龍、茉莉綠茶、四季春茶、玫瑰烏龍J妹試過晒頭4款，只欠未買過玫瑰烏龍嚟試～ 個人最鐘意桂花烏龍，有桂花清香。桃香烏龍，有少少桃茶香，但覺得飲落未夠桂花清新～茉莉綠茶、四季春茶，就普遍茶飲店常見的味道～芝士奶蓋桂花烏龍茶 $30芝士奶蓋夠厚夠香濃，桂花烏龍茶味清新___________________東屋台 (屯門)屯門良德街8號珀御地下G09號舖___________________

建生多嘢食大家都知，東屋台就淨係做外賣，但都好多人等，今日就黎會一會佢 叫左個煙肉芝心大板燒等左十至十五分鐘就有，唔算太耐 食落d料都好多，有椰菜，煙肉，蟹柳，仲有好多芝士唔係淨係拎麵粉椰菜黎hea 我。表面煎到金黃色，唔算太油，偏乾身，軟硬適中👍🏻👍🏻芝士味都幾濃，食到中間有陣wasabi 味，唔算奇怪，亦都唔辣，加左落去令到個大板燒冇咁膩，驚喜驚喜！有機會會試下佢嘅嘢飲同埋飯，相信味道都唔會差 der 🤣🤣

經過我閱魚無數嘅經驗～我叫咗應該最穩陣嘅鰻魚丼玉子燒 鰻魚汁足夠撈晒成個飯，條鰻魚都有成三份兒個盒咁長，而且無骨架！佢嘅玉子燒亦都係唔會有假甜嘅味道，大細就等於個盒嘅闊度一樣。為咗做到均衡飲食嘅效果，佢亦都有好幾舊大西蘭花同幾篇紅蘿蔔片。但係啲西蘭花唔會好似石頭咁硬，唔係只係半碟嘅作用，而真係有食用嘅價值而係食得落口嘅。另外一題，廚師起貨嘅速度都好快好有效率，但竟然食物都做到有咁上下質素，值得一讚。最後一樣我都幾欣賞嘅嘢，就係佢嘅飲品可以唔需要加錢就可以飲到珍珠奶茶。

有依間嘢係屯門揾食福音外賣首選…即叫即整…就算拎到番屋企都唔會變質嗌親都係佢哋啲大阪燒同小食一個真係唔夠…通常一次叫兩個價錢合理…係飲品選擇唔夠多…食物質素係ok嘅…堂食始終舖位唔大…太迫…我情願拎番屋企食唔就其他因素而評論係必食嘅對我而言其他因素係加分嘅…係一個食肆林立嘅地方…呢啲小店生存到…唔係奇蹟…而係佢地真係好食…至於服務態度…可以改善下嘅…收銀個妹妹成日板起塊面…唯獨呢個真係要改下啦…唔係冇禮貌…只係笑容少左啲

店內主食的menu基本上都吃過了，今次很想多菜少肉，便選了「野菜黑咖喱丼系列（豚肉白菜餃）」。看似是一個普通咖喱飯，但野菜真的算多，而且煮得很軟，黑咖喱是很日式的甜味，很開胃～下單時店員說了今晚只有白菜餃，老實說餃子就較普通，是炸的，有沙律醬，外賣到家後餃子都還有點脆，不過就沒什麼內涵，白菜和豬肉都很少，可以改善下。這家店一般外賣都要等15-20分鐘，即叫即做，設有顯示屏外賣叫號，人多都不怕會錯過叫號～

之後同朋友放工經過咁岩見到呢間鋪於是就抱住試一試既心態幫襯點知呢間小店既食物都幾驚喜😊我哋見到菜單上面都幾多選擇其實佢哋嘅飲品都好似幾吸引可惜我哋有啲飽 所以就無試吓佢地既飲品我地最後買咗一個牛肉飯同一份餃子牛肉口感好好而且好足料同埋個飯都好夠牛肉汁 所以唔會覺得乾爭爭另外餃子都煎得好好味 做到外脆內軟嘅效果整體而言性價比好高比起連鎖店 呢啲小店更加值得大家幫襯吓如果下次再有機會經過屯門 都會再幫襯試吓其他小食希望之後都有機會試吓佢哋嘅飲品😁

16.06.2021今日又試新外賣，想試東屋台 Dan Yatai 「大板燒」好耐，個個都話好食…… 果然名不虛傳，「海量海鮮大阪燒」真係超級好食，一送嚟未開已經好香，食起嚟啖啖海鮮甜美得不得了，好豐富好滿足！加咗隻日本溫泉蛋，店舖成隻連殻上，用個厚身紙杯裝住，我覺得咁樣包裝比較衛生、整潔，比起之前「牛角」好，牛角打開咗隻蛋無蛋殻，放喺個膠盒，試過個蓋打開了，漏曬出嚟，所以東屋台咁樣比較清潔穩陣。原本只係想加多個野菜，所以叫咗個「豚肉野菜炒め丼」，嚟到先知自己叫錯丼。豚肉好多，味道幾好，相比之下，野菜份量反而唔算好多，食咗大板燒，再加呢個豚肉野菜丼，真係飽到不得了！下次要再食大板燒，咁好味，唔食唔得呀！