大門食堂 (將軍澳廣場)

Open Now

Now Closed

呢間餐廳地方夠大闊落，午餐時間冇乜人，因為唔算就腳，在超級市場旁邊，屈埋一邊一啲都唔起眼，因為冇乜人，所以坐得舒服。特製大門拉麵午餐包一杯飲品，價錢＄75唔洗加一，價錢算相宜，碗麵有一片叉燒、三片紫菜盒一隻流心蛋，棉質比較煙靭，比較粗嘅麵底，外面比較少拉麵店用呢種麵，麵粗所以吸唔到好多湯，而且要咀嚼時間比較耐，個人就唔係好習慣，不過味道唔錯嘅！如果唔飽，加$18可以加倍忌廉薯餅一塊，都幾好食，好 creamy。整體來講，拉麵唔算出色，但係價錢取勝！

行AEON行到攰就搵咗間拉麵舖坐低食個飯😌晏晝對佢見到光線充足，幾好view，卡位夠大，坐得舒服。特製大門拉麵（餐）$75 配熱利賓納拉麵煙韌，彈牙唔冧！有大大嚿叉燒同埋糖心蛋，like it!燒汁漢堡扒丼（餐）$48 配凍利賓納漢堡包偏林身，燒汁好送飯

餐廳係將軍澳廣場Aeon入面 平日大概7點幾去到 唔使等位可以直接入去 原來入面裝修都幾靚 而且座位都好闊落 .不過夜晚時間佢係冇set Menu 雖然套餐都只係送多一杯飲品🤣即係可樂 桃茶個d.晚餐點左兩樣嘢🌟大門拉麵 （$55）見到餐牌上寫人氣 第一次食呢間餐廳揀人氣食物唔會中伏 嚟到拉麵嘅份量比想像多 但係上面剩係得一舊叉燒 同埋有啲筍乾 叉燒咬落有啲乾同硬 但係拉麵口感煙韌 配埋啲湯底以呢個價錢來講都算唔錯🌟吉列豬扒定食 （$42）豬扒定食份量就比較少 男仔食嘅話會唔夠飽 本來滿心歡喜吉列豬扒會外面香脆 肉質鮮嫩 點知塊豬扒乾到好難咬得開 好彩碗飯配埋啲雞蛋 先令到成碗飯整體比較濕潤

之前喺九龍灣分店吃過不少次今次嚟到將軍澳分店~人流明顯比九龍灣店少好多呢下午時 店內顧客唔多~午餐時間去食~lunch menu只有十多款選擇套餐會送一杯飲品不過飲品只有四款供選擇喔點了兩個午餐🔸大門特制拉麵 $75內有日式叉燒，筍乾，溏心蛋賣相吸引 不過只有一片叉燒 有點失望(｡ ́︿ ̀｡)溏心蛋少許有流心 味道不錯但湯底淡味 整個麵很失色拉麵口感煙韌 但因為湯很淡味不掛湯吃掉配料 麵就只吃了一半(´･ω･`)真的不好吃…🔸鐵板燒汁雞扒定食 $70以為會是日式雞扒看到後有點失望(´･ω･`)雞扒份量很少 鐵板有一半是薯角燒汁似是現成醬汁吃落沒層次感 味道亦不像燒汁就是一個咸咸的燒烤醬般感覺很頹(´･Д･)」定食附上的麵豉湯不夠熱味道不錯 有些昆布在內(⁎⁍̴̛ᴗ⁍̴̛⁎)🔸煎餃子 $25一份有五隻餃子內餡好吃 但煎得不夠脆可以更香口一些( ̀⌄ ́)（九龍灣分店的很香脆( ̀⌄ ́)）隨餐附送的兩杯飲品🔸凍蜜桃茶淡淡的 不會很甜🔸凍檸檬利賓納稱不上難食 但感覺食物質素很頹很一般(｡ ́︿ ̀｡)相反九龍灣分店吃過幾次味道都很好可能不同分店有所不同呢( ; _ ; )/~~~

好懷念返家鄉🇯🇵🤪特別深夜時分就會想食碗拉麵🍜行Aeon經過見到大門食堂有得買雪藏麵一盒二人前 有拉麵同沾麵 2款選擇🥰方便隨時想食都有得食😋未食前就可先儲放冰落 煮既時候只需要直接用滾水加熱湯包然後煲水煮麵大概5分鐘將湯加麵擺埋一齊就大功告成😘簡單快捷湯包入邊有竹筍同叉燒 仲配埋紫菜同外面食個拉麵賣相一樣🤣而味道方面亦都算不錯👍麵質彈牙有口感 湯底亦都好夠味價錢亦都算合理啱晒我呢啲成日夜晚想食拉麵做宵夜既人🤣🤣

家姐話大門拉麵好食，話仲有得買一盒返去自己煮，叫我幫佢買返去一盒裏面有兩包裝，可以整拉麵或者沾麵，根據自己鍾意食邊款多啲就整邊款，當然沾麵就會麻煩少少。入面除咗2包拉麵之外仲有2包湯了同埋2塊紫菜。未食之前去再三提醒我放落冰格。冇諗過都幾方便，唔需要解凍直接落滾水10分鐘煮湯包，同埋開一煲水煮拉麵5分鐘就搞掂，總共10分鐘時間就食得個整體來講個面都幾好食，啲味唔會話好淡，面嘅口感我覺得我煮5分鐘啱啱好，但煮嘅途中一定要整散佢如果唔係就會黐埋一舊。湯料包除咗湯之外仲有叉燒同埋竹筍，同出邊食嘅冇乜分別。

今次既食評係一間拉麵店🍜職員安排咗喺bar檯到坐 餐廳係以一個開放式廚房既形式經營嘅 座位寬敞 餐廳環境幾大 唔會有種好迫嘅感覺👍🏻 餐牌上佢除咗面類(拉麵、沾麵)之外仲有提供其他嘢食例如飯類🍛、炸物🍤咁今次小編就淨係試咗佢個沾麵大門叉燒沾麵($78)沾麵湯係熱上既 叉燒份量有兩薄片同一小舊既厚叉燒 如果叉燒用火槍灼一灼會比較香口🔥而叉份量係足夠嘅😼沾麵嘅湯底唔算好濃 味道適中 麵底係用咗一款較粗嘅拉麵底 食落幾有咬口、口感 同埋有少少蛋香味 但係我略嫌佢嘅掛湯能力唔係好夠 係呢方面就比較遜色🌝 不過不失嘅沾麵 價錢方面亦都係正常 相對上唔太進取 味蛋($15)🥚(要另外加嘅)未蛋呈半流心狀態 控制烹調時間上可能煮耐咗少少 個人比較鍾意食全流心狀態嘅味玉🤤不過 味道幾好 蛋白嘅質感好滑 有微微嘅酒味🥃 係不錯嘅追加項目整體：🌟🌟🌟性價比：🌟🌟🌟🌟食物：🌟🌟🌟環境：🌟🌟🌟🌟人均消費：~100

Japanese Restaurant in Aeon Mall🍜💫..將軍澳想平平地食拉麵🍜，唔小心行經Aeon 內有一間環境寬敞既日本餐廳，面對大玻璃窗既設計，自然光線滲透進內，感覺好舒服又開揚，窗外綠色環境讓人頓時放鬆，吸引左我黎吃喔。ll $18ll $32ll $42ll $58而且餐廳勝價比高，價錢不貴喔。拉麵🍜 款式多，有沾麵、拉麵、油麵；飯丼類亦不少。今期仲見有新產品✨明太子🧡，豐富既明太子帶咸香，每味道提鮮呢。仲嗌左2款小食，香脆可口。黎到超市🛒 行到攰，都可以吃個飯再戰鬥吧 哈哈。..×××××ש將軍澳唐德街1號將軍澳廣場2樓AEON L209號舖..

This hidden ramen restaurant is located inside of Aeon supermarket of TKO plaza yet it's surprisingly tremendous in size! The view is wide and open too, giving it a laid-back environment. There are a lot of booths and tables, but still it's very spacious.🍜Rich broth Daimon ramenThis should be one of their signature ramen dishes, with a thicker broth than the other versions. The broth was so thick in texture and rich in flavor, and it complemented so well with the fatty pork and coddled egg. It's

垃圾服務態度，入去揀位坐，俾個啊姐呼喝唔好坐果邊，即刻冇晒心情食野。大佬啊，我唔喺要好好招呼，唔駛你地多謝前多謝後，但都唔駛呼呼喝喝d客人，所以永遠 blacklist呢間分店

來到將軍澳的大門食堂吃晚餐，點了鬼門拉麵，燒花魚一夜干定食和煎餃子。拉麵黎講價錢唔算貴，拉麵是粗身款，麵質不錯很彈牙，湯底亦不錯但可以再辣一點。一夜干定食也不錯，只是咸了一點，燒得也不錯。整體黎講出品不錯，可以一試。

呢日喺將軍澳廣場食個簡單嘅午餐，不過唔想食得太重口味，於是就揀咗食呢一間嘅日式料理食堂。Lunch set價錢由$40-$70幾不等，附上飲品、前菜、麵豉湯，絕對夠一個人食餐飽！而我點選嘅呢一個咖喱炸雞飯定食，味道都唔錯咖喱汁好多，炸雞都整得好香脆，而且好多肉汁好Juicy!咖哩方面係清爽嘅日式咖喱，味道唔算好濃，但係都幾香，加埋珍珠飯食好夾！而且仲有少少嘅日式醃菜，都幾好食。前菜就係簡單嘅豆腐，可以加枱上面嘅醬油撈勻一齊食。麵豉湯亦都好多海帶，味道都OK。

已食了2-3次！幾次都冇失望。最鍾意食鯖魚定食，條魚燒得一D都唔乾好多汁，外面又脆！另一次食了佢地嘅沾麵都好正！沾麵的汁十分香濃，唔會太油膩！性價比高，一定會再幫襯！

我同屋企人不時都鐘意去食大門拉麵，可能鐘意佢隱藏於aeon內，十分方便食前或食後行下aeon睇野，而且環境舒適，仲有一大片窗睇山景，望住靚view食，真係好寫意。今次我都係如常叫左大門拉麵，有豚肉、竹筍、紫菜、蔥係面，整個賣相都好吸引，而且拉麵粗度適中，唔會太幼，食落口感好又彈牙，對比起幼身拉麵，我覺得呢間的拉麵好食啲!而另一碗係屋企人選的沾麵，但我唔記得係咪我之前食過果款沾麵，但湯汁偏紅，我試左湯汁發現係食落辣辣地，但我覺得都是大門拉麵好食啲和吸引啲😋😋😋

係AEON 入面有間食拉麵🍜既鋪頭 見到價錢唔算貴就試試佢啦 對比起其他拉麵鋪頭呢度$75 的確好平 仲唔洗加一添 叫左3個人氣套餐試 跟餐有蜜桃茶 第一個係大門特製拉麵$75 有一隻溏心蛋 中間半熟好好食😋一塊好大既叉燒 不過唔係厚切 仲有荀同蔥粒 講左叉燒先 食落好有驚喜 半肥瘦叉燒夾得好好🐷唔會好油 好平衡 叉燒燒過好香口🙈湯底好濃味 麵條唔掛湯配搭得好好 唔會過鹹☺️$75 嚟講係超抵食 有返左日本既味道 其他拉麵好多都要$100碗反而平平無奇 而且又貴 呢間拉麵值得食完再食第二係鹽燒鯖魚定食 $60呢個道比較普通 不過鯖魚都燒得幾好 幾靚 唔係唔好食但就冇咩特別囉第三係原創經典油麵$58 有說明有好多唔同既食法 但因為本身已經有醬汁已經好咸 就冇再加其他 但成個食法都幾有趣 撈埋一齊食有好多唔同既口感😄