稻成 (tmtplaza Phase 1)

Open Now

Now Closed

屯門哩間稻成我都食過好多次！今次同已往一樣食物水準都係好好！但服務員就有所唔同！不得不讚～～香港好在有妳👍🏻盈盈！她服務態度非常好又熱誠親切又專業！希望香港多啲地方能請到D咁好質素嘅員工！

經過見到話用恆生信用卡埋單就送小籠包，就走入去試下，個小籠包一籠四隻，皮薄多汁，幾好食，另外叫左孜然手抓骨同片皮鴨半隻，手抓骨略為唔夠孜然味，不過都炸得幾酥脆既，味道冇乜驚喜；片皮鴨等左差唔多半個鐘，店員話即叫即整所以慢啲，上到黎伴隨有青瓜，京蔥絲，甜醬，十塊餅皮，味道不過不失，不過呢度半隻片皮鴨$268姐係將近成三舊水，都偏貴。整體黎講食物味道唔差，價錢稍貴，呢個價位黎講食物質素未夠驚喜；環境方面都OK，坐得舒服，店員有積極跟進食客需求。

很滿意的一頓丰富晚餐太想食酸菜魚和片皮鴨看了食評揀了這家店一試要四人套餐才同時有此兩款主食唯有點二人餐另加半只片皮鴨份量是多了點但因美味也幾乎無剩食只是本來會送的小籠包就放棄不要了食物質素和味道 份量都好滿意服務質素更是有點意外員工態度很好特別點贊👍 為我地落單的女侍應恰到好處的禮貌和真誠的服務態度 令我多望了她名牌幾次😁也對此店留下一個好印象另一少年服務生也是很好的整體都令我和先生食得開心滿意我也期待下次再光顧

之前食過咁多間酸菜魚，都係覺得稻成酸菜魚煮得最好食，今日帶咗屋企人一齊去食，必點既當然有招牌酸菜鮮爐魚，之後點多個點心二人餐，叫咗蝦餃，小籠包，超愛紫准山素小炒，牛肉炒飯同金絲南瓜餅。超推介嘅係招牌酸菜魚加咗紫薯粉之後☺️☺️真係覺得係全港最好食嘅酸菜魚，魚滑配料足，如果開喺我附近隔離，應該會成日去食。蝦餃皮薄餡靚大大粒，一啖食落口好滿足😌而小籠包同牛肉炒飯都係正常發揮水平，都唔差。對於鍾意食素菜嘅我，個紫准山素小素真係好岩我胃口😉👍🏻最驚喜，係個金絲南瓜餅，大愛🫶🏻一食就會想繼續encore食多轉😋😋

原本係開開心心慶祝生日飯，食到酸菜魚嗰part已經唔OK，酸菜魚係用鹹酸菜，而並非大陸食開嗰隻酸菜味。奇奇怪怪。之後上咗高力豆沙，好彩我媽咪咬咗一啖俾我睇吓個內餡，我先見到好似唔同顏色。再望真啲，原來係發咗霉。老人家眼力唔好，食咗都唔知點算！black list

因為朋友想食片皮鴨，看到門口大大張poster，當堂流口水衝入店🤤🤤🤤店鋪經理帶入座，因為店內多數2人位或適合一家大細既大枱，所以我同朋友購物完好多袋二人位無位放，我未出聲提出，經理看到即時拉多張凳比我同朋友擺袋，非常體貼及後仲詢問左我地鐘意食乜，細心介紹店中招牌美食，而且餐牌上套餐可以自由配搭的，非常方便我地可以挑選自己喜歡的餐點。最有名是片皮鴨、小籠包同酸菜魚。我同朋友都唔食酸辣，所以今次就無叫酸菜魚啦～第一道菜冬菇腐皮卷凍食，反而無平時炸個d甘熱氣，好好食既素食🤗第二道菜小籠包熱辣辣出籠，蒸得岩岩好，皮又唔爛又唔厚身，一咬開，湯汁清甜怡人🤤果然係招牌！第三道楊洲炒飯飯夠乾身，蝦無雪味，而且超夠料，蝦又多叉燒粒又多，仲食得出叉燒好蜜汁好甜😝第四道，乳鴿，非常脆口多肉，非常香，好少食乳鴿咁多肉咬，正😄影到有小小手震😋太心急想食根住係重頭戲，北京填鴨片皮鴨，裝個盒都好可受，有埋濕紙巾同手套比食客，鴨方面就皮脆肉嫩，略嫌皮多過肉，不過鐘意食脆皮既可能更喜歡，我就食肉獸，私心想肉多少少🤏🤤醬同青瓜同京蔥都商備，皮都做得好好，夠薄夠煙靭，包住一口咬真係好有滿足感🤤最後一道甜品-楊枝金露特登每

見到裝修後的稻城比以前靚，以前稻城的食物還可以，於是滿懷希望咁去吃晚飯。結果，令我非常失望。叫了一客松子魚。槳粉非常厚。吃上口，只感覺滿口都只有槳粉，完全吃不到有魚肉。只有在魚頭及魚尾找到0有些微魚肉，才提醒我這是“一客魚”。為什麼這是“一客魚”而不是“一客松子魚”，因為我翻轉全碟，也找不到一粒松子。只有懷疑冒充松子的蔥粒，菜粒。另外，醉雞及嫩雞煨麵也比以前退步。而價錢，當然比以前貴。當食物好，一切都不是問題。而現在，這就是一個令我不再光顧的合理藉口。

之前食稻成都係食沙田分店，今次試吓屯門分店係咪一樣都咁好🤪本身經OpenRice book咗6點半，早到咗6點鬆啲就到咗，好快安排到卡位俾我哋三個坐🤘🏻限時90分鐘，所以一早睇咗餐牌，嗌咗酸菜魚走辣、片皮鴨半隻、紅油抄手、小籠包、蘿蔔絲酥😋平時食呢一間嘅酸菜魚我都一定走辣，因為我真係一啲辣都食唔到😮‍💨不過呢間就算走咗辣都好好食👍🏻同埋個魚一路有火座熱住🔥我呢啲食得慢嘅人，就啱晒啦！片皮鴨啲皮真係好脆，佢仲有手套濕紙巾俾埋你用🧤小籠包不過不失，未算最出色🤡紅油抄手唔算好辣🌶之前以為淨係沙田分店嘅職員特別好禮貌，原來呢間都係一樣，應該係所有分店都係咁好👻不過我喺沙田食到某一啲小菜，呢間分店好似冇，唔知係咪換咗菜單定係真係每間分店都唔同🤲🏻

今日起屯門市廣場開餐聽聞呢間餐廳片皮鴨同埋酸菜魚都唔錯最後決定左要試下依間餐廳Dinner都有2人餐老成都夫妻肺片調味香辣得黎好過癮，當中牛肚口感有嚼口，愈吃愈有後勁，嗜辣的不能錯過稻成王鴿乳鴿外皮香脆，鴿肉Juicy片皮鴨主菜可以由酸菜魚，轉成片皮鴨半隻係分開咗鴨皮同埋鴨肉片皮鴨表皮酥脆可口，油香味濃郁包埋麼麼被一齊食，口感豐富紫淮山素小炒顏色鮮艷奪目，炒起黎口感清爽，胃口大開稻成小籠包(4件)味道中規中矩，勝在新鮮，即叫即蒸熱辣辣酒釀桂花丸子味道清香，小丸子煙煙銀銀，帶着淡淡酒香味五彩芋圓冰粉酸酸甜甜好香嘅山楂味，食完片皮鴨可以一解油膩

最近天氣非常熱，難得假期想帶呀仔出去玩，老公話等呀仔訓醒再出去，順便食埋晚飯。6點出發去屯門公園玩，玩完慢慢行去市中心，經過”稻成”睇餐牌都有野岩呀仔食，就問侍應有無位，等左一陣好快有位，餐廳坐位闊落，竟然我地可以吾洗收bb車，仲要未坐低佢哋己經準備左bb餐具。稻成牛肉炒飯$108：炒得好好，味道岩岩好，但食到尾感覺少少油。水煮牛肉$158：勁大碟入面足料，有黑木耳，蓮藕，芽菜，寛粉，所有都好入味，但對於老公相對辣左小小，但佢話食得好過癮。呀仔突然扭計，姐姐送左隻小鴨鴨比佢，佢好開心。

今次父親節揀左系稻成食,父親節又點少得父親的父親,所以搵左爺爺一齊食飯,同得長輩食飯就當然系揀返啲中菜的特色小菜啦🤝🏻,佢除左京川滬酸菜魚出名👍🏻,好多其他菜色都好好味🤤喱間屯門分店佢門口裝修已經好優雅,伙記招呼好周到,我見經理仲會同食客傾下計,睇下客人有咩需要,問下你意見,爺爺本身唔太食得好辣的,如果你唔知自己想食咩好,不妨開口叫佢介紹一下,問完我覺得佢的介紹好岩我地心水🤝🏻連鎖店嚟講都算很不錯,值得一讚👍🏻我地叫左個2人餐再加餸(如下),個酒釀桂花小丸子,阿囝大讚好味🤤,要下次再黎食🤭唔洗$1000落樓🌟老上海燻比目魚🌟稻城王鴿🌟稻城片皮鴨🌟紫淮山素小炒🌟稻城小籠包🌟酒釀桂花小丸子🌟黃金蝦球配南瓜露筍🌟薺菜豆腐鮮魚羹

話咁快父親節又到啦，老老豆豆係時候搵個好地方為辛勞爸爸慶祝一下。作為屯門牛一份子，近水樓台先得"食" 係常識😆位於屯門市廣場1期2樓的京川菜稻成，緊貼綠化設計的熱潮，屯門分店經重新裝修後，用餐有如置身於休閒庭園，新環境充滿活力，多左一份優閒舒適感享受川滬經典菜餚，🐟酸菜鱸魚 $268/小 $488/大推介:⭐️⭐️⭐️⭐️⭐️必食招牌菜一上檯時已傳出陣陣飄香，先喝一啖酸味香甜湯底，再試鱸魚，餐廳採用市面罕有超過1斤 4嘅鱸魚中的貴族: 加州鱸加州鱸魚，肉質細緻味道鮮美，配上配料爽脆酸菜及爽甜醃蘿蔔，以正宗古早配方醃製 20-30厘米高芥菜，自然風乾殺菁後置於壇內醃製45天，令其更加醬香四溢，鹹酸得宜，口感層次豐富。🫓稻成小籠包 $52推介:⭐️⭐️⭐️⭐️⭐必點小籠包用新鮮豬肉及秘製的上湯製成餡料，即叫即包即蒸，湯汁極多，建議咬破外層再慢慢吸入湯汁鮮味可口。🍲羊肚菌螺頭燉雞湯 $78/盅推介:⭐️⭐️⭐️⭐️家人長老要試試老火湯品，水準表現正常，湯料齊整，可以一試。🦆北京填鴨 $268/半 $488/全推介:⭐️⭐️⭐️⭐️⭐️重點主角選用名貴品種四至五斤北京填鴨烤製，用傳統的做法，加以改良烤製出鴨子外觀飽滿，顏色呈棗紅

今日去左位於屯門市廣場既一間京川菜餐廳食飯~全新嘅裝修環境企理，店舖有一種優雅嘅感覺好似置身係華麗酒店一樣💓由帶位上菜結帳服務員嘅服務態度質素都非常好，佢哋亦好主動同我做食品推介😋老上海燻比目魚 $88燻比目魚上菜熱度好夠，秘製醬汁嘅味道令我一試難忘，醬汁帶有少少煙燻嘅味，用嚟送飯就一流啦😋稻成小籠包（4隻）$52呢間餐廳嘅小籠包，全部都係即叫即做，小籠包嘅皮好薄好滑，肉汁亦都好Juice，真係不錯！蘿蔔絲酥餅（3件）$52稻成嘅蘿蔔絲酥餅有別於一般，除咗size上大隻啲外蘿蔔絲酥餅嘅芝麻都比較多，入口好鬆化，芝麻亦都提升左蘿蔔絲酥餅嘅味道！推介推介五彩芋圓冰粉 $52稻成必叫芋圓冰粉～冰粉帶有少少蒟蒻，花生碎，紅豆，芋圓，黑糖，撈埋食真係透心涼，呢款冰粉男女老幼都一定鍾意食！黃金蝦球配南瓜露筍 $158最後特別推介黃金蝦球配南瓜蘆筍，呢款菜式好友邪惡感 蝦球好彈牙 掛滿左黃金醬汁真係非常惹味呀❤️整體來講成餐飯性價比都好高，個人認為舖頭位置比較隱蔽少少如果想去嘅朋友不妨去試吓啦🌈稻成 (屯門市廣場1期) (屯門)屯門屯順街1號屯門市廣場1期2樓2162號舖

酒糟醉雞 $78Marinated Drunken Chicken好味指數 4/5 🍭🍭🍭🍭{雞肉飽滿肥美 肉質軟滑緊緻 帶有淡淡既酒香味 酒香味非常自然 不掩蓋雞肉的鮮味}香菇素鵝腐皮卷 $68Crispy Bean Curd Skin Roll with Mushroom好味指數 4.5/5 🍭🍭🍭🍭🍬{外表色澤金黃 腐皮薄身 帶有少少脆 入口腐皮鬆軟 中間包著像鵝肉味既汁和配料 整體不錯}薺菜豆腐鮮魚羹(1盅) $58Shredded Fish Thick Soup with Tofu and Shepherd's Purse (1per person)好味指數 4/5 🍭🍭🍭🍭{這魚羹又鮮又甜 入面既薺菜和豆腐都切得好細小 很易入口 魚肉沒有骨 肉質鮮嫩}羊肚菌螺頭燉雞湯 (1盅) $78Stewed Chicken Soup with Conch and Morchella好味指數 4.5/5 🍭🍭🍭🍭🍬{這湯很足料 每樣材料都很多 燉既時間亦剛剛好 所有材料都很軟身 入口非常清甜鮮味}稻成松

星期日，突然間諗起想食上海菜，見到呢間有lunch set, 所以就入去試一下，以前假日係無呢種午市套餐的，而家見佢星期日都有午市套餐，真好。最便宜的一人午市套餐，好似客飯咁樣，套餐係自選一款小菜，配一碗白飯。我揀左椰菜回鍋肉，夠火喉，即叫即炒，熱辣辣好正，重口味推介，辣味適中，没有麻的感覺，豬肉片切到好薄，唔會太老，肉片好滑好，有口感。另一味滑蛋蝦仁，師傅可能唔記得落鹽，完全無味，蝦仁好大隻，好爽口，但明顯係急凍蝦，完全無蝦味。自己問伙記攞咗d鹽， 加了後味道算是還好吧。可惜埋單都幾唔係想像中的價錢，2人茶錢加前菜已經超過$50，仲要加1服務費，食2個$88午餐，最後埋單$250左右，收費有點貴。