Cupping Room

Open Now

Now Closed

本身已係cupping room既忠實擁躉❤️一見到尖沙咀既分店咁靚，加埋新出既咖啡雪糕曲奇，真係要搵日早啲收工去chill下！咖啡就叫左iced latte，飲得太快唔記得左影🙈一如既往每間分店既質素都相似，所以就唔特別描述啦。至於新出嘅咖啡雪糕曲奇，令我驚喜嘅係曲奇嘅口感到最後依然好鬆脆，完全冇因為夾住個雪糕而溶左，朱古力味好香濃。而咖啡雪糕亦都好香滑，唔會凍到硬冰冰，不過就當然冇名牌雪糕嘅咖啡味咁濃郁，但成件組合都幾好食。而每間分店都有嘅Burntcheesecake，呢度都冇乜嘢特別唔同嘅地方，不過如果未試過嘅朋友真係要試吓，因為我去到邊間分店都一定會叫🥰值得大讚嘅係呢間分店嘅員工全部都好友善，都好配合每位顧客嘅打卡需要😍有幾次都唔好意思阻住佢哋拖地，不過佢哋都好主動收起啲雜物！坐喺度睇日落，真係十分之完美🧡

西九又一新地標.香港故宮文化博物館開幕了~適逢澳洲朋友返尼.當然要帶去打卡☺️遠處眼見的建築設計相比旁邊的展館有鮮明古今交錯的分別.故宮就未入到去.先到訪對住維港海景🌇🌊的Cupping Room.店內的環設計都值得到訪欣賞.望出去既天氣海景令人好放鬆😌(非週末😂).一進啡店就見到牆身都鋪上炭黑色瓦片.枱櫈都以木材同不同線條組成.店內圓拱門設計帶來一點時代交錯感覺.不同位置看都有特別祖覺 👀.而Share Table的玻璃枱放有唔少古物模製展品.都配合展館主題.啡店Menu配合展館主題.除咗有多款中式刈包.配料選擇很多.也有一般的芝士蛋糕及烘焙包點🥐🥯🍰飲品有機啡.特飲.手沖.及手工啤酒..➿ʟᴀᴛᴛᴇ ʜᴋᴅ 𝟺𝟶➿ᴇsᴘʀᴇssᴏ ɪᴄᴇ ᴄʀᴇᴀᴍ sᴀɴᴅᴡɪᴄʜᴇs ʜᴋᴅ 𝟺𝟾➿ɪᴄᴇᴅ ʜᴏᴊɪᴄʜᴀ ʟᴀᴛᴛᴇ ʜᴋᴅ 𝟻𝟹➿ᴄʟᴏᴅ ʙʀᴇᴡ ʜᴋᴅ 𝟼𝟶➿sʟᴏᴡ-ᴄᴏᴏᴋᴇ ᴄʜɪɴᴇsᴇ ʙʙǫ ᴘᴏʀᴋ ʙᴇʟʟʏ ʙᴀᴏ ʜᴋᴅ 𝟼𝟾➿ᴀʀɢᴇɴᴛɪɴᴇ ʀᴇᴅ sʜʀɪᴍᴘ ᴡɪᴛʜ sᴀᴋᴜʀᴀ sʜʀɪᴍᴘ ʙᴀᴏ--(.❛ ᴗ ❛.) foodiepo

Cupping Room 終於進駐到西九文化區啦！今次開左係故宮博物館地下～臨入去故宮參觀之前專程去左呢道飲杯咖啡食野打下卡🫶🏻呢間分店既裝修設計幾有心思，一面牆身鋪上灰黑色瓦片，另一邊角落就有一個長形陳列櫃，櫃內擺放左一件件古色古香既展品，對應番故宮博物館主題✨✎ 麻辣慢煮赤雞刈包 呢種麻辣既味就好似平時食開川菜個種咁過癮咁惹味既麻辣，估唔到放落包道都幾好味，個感覺仲幾新鮮下😋包入面既每條雞絲都沾滿麻辣醬料，雞絲滑嫩得黎充滿辣味，十分刺激味蕾🤪入面仲有啲青瓜絲同芹菜粒，不時帶來一點清新感～✎ 煙三文魚刈包 入面有煙三文魚、魚籽、爽口既海草絲、醬料同cream。我就唔係幾鍾意齋食煙三文魚，因為煙三文魚本身就有啲鹹，加上又有咁多粒魚籽，會更加鹹🥵但係係煙文魚面同底分別放左啲酸酸地既醬同cream，中和番煙三文魚同魚籽帶來既鹹味🤩加左魚籽同爽口既海草絲做材料，口感冇咁寡，有翻層次👍🏻✎ 濃縮咖啡湯力(冰) 咖啡溝梳打，好酸， 而個咖啡味又好濃郁，飲落覺得好奇怪🫠✎ 迷你鮮奶咖啡(單份) (熱)咖啡味重，陣陣奶香味 😘

新開幕嘅香港故宮博物館門票被秒殺 想入去參觀就要等等 今日就去住佢哋間新餐廳先呢間Cupping Room布局同其他分店好唔同 採用全落地玻璃設計 採光度極高 配合返主題 牆身鋪上灰色中式瓦片叠切 好有傳統中國感覺 配以圓形燈罩點綴 平衡返一種時代活潑感覺食物方面 佢哋暫時係soft opening關係, 食物選擇唔多 主要係包點類 但有新嘗試 係雪糕三文治 夏天消暑必備 另外配合返中式傳統主題 特備中式茶飲 例如五年普洱 可以一試建議坐近窗邊位 透過落地玻璃 望住出面海濱走廊同埋個維港海景 人唔多的話都幾chill (不過冇乜可能🤣)