村姑美食餐廳

Open Now

Now Closed

早幾日嚟到呢間食早餐，佢嘅正門起馬路邊，後門就起商場裡面，間餐廳嘅面積都唔細，我諗坐到過百人。我第一次嚟，由商場後門入，見到無人，以為間餐廳無咩人，而且見到啲碗碟未收，以為間餐廳真係靜過鬼，雖然話朝早9點幾啫，但照計無咩可能靜成咁，於是向前行，見到正門大堂，當堂放心哂，原來啲人起哂呢度，雖然都係好少人，但同後門反差都好大。見到餐牌，點咗沙嗲牛肉麵加煎蛋，配熱奶茶。奶茶屬中上水平，唔苦，有啲滑溜，收貨；沙嗲牛肉麵個湯係鹽加雞精湯，但由於沙嗲牛肉嘅醬好濃，所以蓋過雞精湯嘅味，沙嗲嘅花生醬味好淡，喜歡花生醬嘅人肯定會失望，煎蛋係熟蛋，而且唔熱，證明係預先煎好，唔係即煎。呢度嘅早餐有幾十款，睇落好似好多，但細心啲睇，其實係左溝右搭變出嚟，選擇其實唔多。

枝竹炆魚腩這道枝竹炆魚腩色澤誘人，魚腩金黃色澤，搭配豔麗的枝竹，整體看起來十分 appetizing。湯汁濃郁，略帶光澤，令人垂涎。魚腩經過燉煮後，味道讓人回味無窮。枝竹則保持了脆口的口感，為整道菜增添了咀嚼的樂趣。湯汁的鮮香與魚腩的風味相得益彰，讓人每一口都充滿驚喜。

一心諗住知道佢裝修完，星期日晚早一啲6:30去攞枱諗住飲吓啤酒小菜。餐廳未爆滿都唔俾我揀坐邊張枱。趕我上閣仔層坐。又迫又唔舒服。冇晒癮啦，嗱嗱臨食完走人。埋單嗰陣時見到下面大廳，大大張卡位都係俾兩個人坐。如果諗住食得長時間飲吓啤酒，小抄小菜之類。選擇第二間好啲，感覺裝修前仲好啲。😑😑😑😑😑😑😑😑😑😑😑😑😑😑😑😑😑😑😑😑😑😑😑😑😑😑😑😑😑😑

裝修完試一試態度依然保持到咁差同枱5個餐漏3個催完一轉黎左兩個最後個A餐京都肉排等左四十五分鐘先走埋黎話無整過叫我轉餐仲要剩係叫我可以轉兩個扒飯餐轉個抄河粉都話要重新過排隊

✨感恩！十分感恩！🩷這陣子可能因個人健康出了問題，常常忘記按時定食，再加上藥物治療💊 一時間可能出現低血糖、頭暈眼花😵‍💫幸好一進入村姑美食餐廳，靚女姐姐即刻遞上一杯熱飲，讓我回過神來，還有親切的慰問說著：「慢慢吃，慢慢吃，不用急！」令我當下的情緒立刻穩定下來🩵 「救人一命勝造七級浮屠」，感恩靚女姐姐貼心的照顧，還有（應該是）老闆娘指導我較近的出口回家 🏡 這頓飯不但救了我一命，還發揮了人性的光輝✨一定會再來光顧💦 感恩🥰

【沙田區】【村姑美食餐廳】呢間嘢我已經食過好多次，因為近我屋企。之前覺得佢都幾好，但之後好似慢慢趨向普通，所以都少咗食。話雖如此，大部份去呢度食嘅用餐體驗都冇影相留底，所以寫嚟把鬼。有次同家慈去食，反而影晒相喎，唔知點解。可能係當時我見佢係咁影相，我無無聊聊又影一餐咁，所以反而咁樣玉成到一套用餐記錄，都幾好笑。當時係叫咗 $98 嘅「梅菜扣肉煲」，我哋喺下晝食呢樣嘢係有啲特別，只係當時家慈話想食我就鼓勵佢叫啦，有乜所謂啫。味道上，佢始終唔係做呢啲菜式嘅專家，所以都麻麻哋，得其形而不得其實咁。咁食得呢啲比較濃味啲嘅菜式，都要叫返啲五穀類嚟助吓慶嘅。我哋叫咗 $38 嘅「乾炒牛河」，係一個下午茶炒粉麵，所以價錢上都比較相宜嘅。而呢間嘢始終都係做返呢啲粉麵飯會比較穩陣，個乾炒牛河都幾好食。嘢飲方面，呢個跟餐有杯嘢飲，我叫咗「熱奶茶」，都係正常茶記水準，不過不失。啲梅菜扣肉最後食唔晒，所以加咗 $2 要個「外賣盒」拎走，埋單 $138。。。（地址：沙田石門安群街3號京瑞廣場1期地下G52號舖）#1amfoodie #foodie #hkfoodie #thatfoodiething #hkfo

今日喺下午茶時間叫咗個鹹菜豬肚湯飯$50！一嚟立即嘗試！點知個湯淡到爆！無味！之後再食舊豬肚點知佢酸既😱😱咁我就叫個侍應過嚟！個侍應姐姐好唔想過嚟！之後我同佢講個豬肚酸咗！唔知佢答我一句因為有酸菜！喂！大佬丫！我叫鹹菜不是酸菜！點會有酸丫！真心失望到爆囉！仲要唔想換比我！灰到盡頭丫🤬🤬🤬🤬🤬🤬🤬🤬已經落單叫咗十次都唔過嚟！仲要服務態度相當之差！我當然知道茶記嘅服務態度一定係咁㗎啦！但係都唔會衰到咁啦！所以大家再叫豬肚湯飯必定要小心🤬🤬🤬🤬🤬🤬🤬🤬🤬🤬🤬🤬

工作日的中午飯，通常都是茶餐廳搞拈。所以，星期一至星期五，若沒有什麼特別事，一碟簡簡單單既碟頭飯就成事了。這次，我就去試一下這間以前時常覺得不太就腳而沒有光顧過的《村姑美食餐廳》。原因，就是貪佢夠平，夠多選擇同夠頹。第一次來，行到去正門。以正門位於安群街，面對著傑志足球會。對我來說，的確是唔就腳。後來，我發現在京瑞廣場既商場內另有一個入口，頓時，感覺到這餐廳方便多了。午餐包一個餐湯，而當店員說有羅宋湯這選項時，我當然要點這一個酸甜開胃的港式湯品啦。兩次來，我都是要這一個似乎是煲到變老火的羅宋湯。味道很濃，而且又搞到好咸，美中有不足啦。而那不足，就是咸左少少。既然是一間佬味十足的茶餐廳，我也來一個佬味十足的午餐，枝竹火腩飯。餸同飯是分開上的，要多汁撈飯定少汁撈飯，悉隨尊便。個汁夠好味，肉既比份又比較高。沒錯，這的確是男人的浪漫。改日來，我看中了日式滑蛋豬扒腸仔飯。可是，出到來的飯，是一個名符其實的頹飯。一個像粟米蛋花湯的汁，伴飯係一流既，但如果個汁真係有粟米，再甜少少的話，伴飯吃更好。豬扒就細件得有點可愛，而腸仔是四條脆皮腸。整體感覺雖怪，但味道卻是OK的。跟餐的飲品，非奶茶莫屬。這奶茶

午餐，食茶餐廳☺️舖頭名幾得意，叫村姑星期一，要個D餐（望落最清同家常菜）配熱檸水賣相係ok的，肉餅面都另有啲娃娃菜，啱我呢啲唔會另外加油菜嘅客人，食肉之餘有啖菜落吓肚肉餅配豉油好味，冇蒸過火，肉質係軟硬適中嘅，粒粒馬蹄喺入面都加咗層次喺入面，咸魚都係好食嘅講真，叫肉餅飯都好難會出事，呢個味道係average 好好食，又唔算，難食就一定唔係晏畫去填肚，可以試吓呢個飯入座係快嘅，環境都夠大，樓下茶餐廳質素

108元沙爹牛仔骨茄子煲配搭四件碎牛仔骨及少量茄子。建議大家選購客飯外賣多一個飯埋單再平 一半。或者落單前確認一下 小菜份量才建議購買。 味道不用多說 ，港式的沙嗲味道估計很多老抽調味

食野使人快樂，但一個極差嘅食飯體驗，可以毁掉人一日嘅好心情。今日有個半鐘放飯時間去左村姑買外賣，1250落左單，叫左個梅子？梅汁？豆卜蒸排骨（點解會記唔清自己食咩呢？晏啲就會知：），友人叫左個黑椒薯仔炆雞。友人等左15分鐘就有，我等左25-30分鐘先有（仲諗住食完午休下，以為係因為我叫蒸野，所以要等耐啲）。點知，一返到去，打開個飯，DLLM，係黑椒薯仔炆雞呀，等咁耐仲要俾錯野！如果個飯可以安撫到我，我都算了。一食個飯，我好似回到中學咁，啊 係學校飯嘅味啊，姐係咩味呢，就係食咩都無味咁。慶幸嘅係，無味呢點，對唔鐘意食黑椒嘅我係惟一嘅好彩，如果唔係 我諗我擺唔到入口，不過對想食黑椒野嘅友人黎講，個飯係唔合格的。我諗有少少唔同中學嘅位係，個雞無咁大陣雪味，不過我俾左$47，換黎咁嘅體驗，我諗我下次食村姑要等我失憶先。（呢個時候，好啱一句「如果呢段記憶有保質期，我希望係無限期」）總括嚟講，浪費時間，浪費金錢，用$47買左個學校飯，仲要浪費我嘅期待，就等於我要男朋友，你俾左個0我。😀

有朋友喺石門開舖頭，夜晚幫佢搬嘢，同埋維修少少嘢，完成後大家好肚餓落去樓下搵嘢食，行咗行咗一陣，大街嗰邊幾間餐廳都好多人，之後朋友就打去呢間，村姑美食餐廳入到去以為係食啲特別嘢，原來同一間茶餐廳一樣，夜晚係有得叫小菜食佢個menu好多文字，唔想睇見到二人餐，就係二人餐個餐牌度揀嘢食叫咗個川式口水雞，同埋魚香茄子煲佢個口醉雞好辣，分量兩個人食啱啱好熱香茄子煲都唔錯，有大排檔水準我見隔離枱叫餸叫到成枱都係下次多啲人黎食叫多啲餸會開心啲都值得推介

呢間餐廳既廚房「做得好好 好有效率」個廚房態度超差 我叫個外賣等左成個鐘都整吾到 最後要取消 中途催左三次 我每15分鐘催一次 兩次個收銀同侍應都叫我等等 係到整緊 成個鐘之後同我講話 你可吾可以等多陣 可以既話我地即刻幫你追同整 因為仲排緊隊 如果吾係就叫我取消 即係我企係到成個鐘 呢間餐廳接左單成個單 都無整過大佬 你整吾到一早叫我取消我都算數 你叫我等你成個鐘 之後再話俾我知仲排緊隊 不如你取消 我等左成個鐘仲同我講排緊隊 我真係極度無奈同憤怒 一個父親節既飯就咁俾佢搞到成家無飯食!!!永久blacklist !!!

🥚生存午餐🥚推介指數 ❤️❤️❣️🤍🤍Lunch 時間，就算响石門兩大食肆廣場搵個位都真係唔容易㗎，而且因為太餓啦，隨便見到有位就入去試吓。照常理午餐係最穩陣，仲有6款選擇，再減低風險揀咗日式滑蛋豬扒腸仔飯。可能大家對日式滑蛋嘅interpretation 有啲唔同，港式蛋花會更貼切，午餐包括餐湯忌廉湯同飲品都算平穩。··餐廳：村姑美食餐廳 (沙田)地址：沙田石門安群街3號京瑞廣場一期地下G52號舖

對於揸車黎講幾方便，係門口泊低就入得。但如果撘車就要行多幾步路，因為佢都算係後街。早餐去食，都幾多人，枱枱都坐滿。員工好好禮貌。驚喜係早餐餐包可以免費轉迷你菠蘿包。