Video
Opening Hours
Mon - Sun
11:00 - 23:00
Above information is for reference only. Please check details with the restaurant.
Signature Dishes
Review (72)
原本打算再食他們的炸魚薯條，但坐低才發覺原來他們的午餐menu不是每天一樣，今日無炸魚薯條，那一刻真係想即走！但剛剛那個好似老細的男人熱情地幫我們開門真係唔好意思。其實之前的星期六已打算再食炸魚薯條，但等到11：30，他們都仲未開門，所以今日先會再來。無辦法，唯有叫過其他，2個人叫左一個日式咖喱魚飯(叫飯係因為不喜歡他們的港式白灼意粉），另外叫了一個燒春雞配薯菜。個日式咖喱魚飯的味道同屋企煮的咖喱磚無分別，而D炸魚好硬，好似番炸咁，唔好食。燒春雞配薯菜，唔記得60幾定70幾，但一D都唔值，半隻扁晒的春雞，好細隻，賣相又唔好，肉質超乾，好似白灼豬肉咁。D薯角超少又燶，配菜係大大片的內地紅蘿蔔同翠玉瓜，味道偏咸，食左呻笨！對不起，因賣相不討好，完全沒有意慾影相。這應該是我最後一次光顧了，不會再為唔知邊日有的炸魚薯條而來。
continue reading
星期日去大埔踏單車，之後去文薈館食dinner 。我以前喺大埔經常去嘅餐廳。 去到餐廳大約8點等咗一陣咗有位，見全場爆滿。我點咗一個set dinner 。美國安格斯肉眼扒，肉質鮮美，但係就凍凍地。飲品香蕉奶昔，味道一流，我非常喜歡。整體嚟講，我覺得文薈館質素差咗，希望以後有改善啦
continue reading
之前都唻過呢間Culture Shock幾次, 今次係事隔數年後再來惠顧。廳餐裝修沒大分別, 雖然是白色牆身, 但總帶點灰灰暗暗的感覺. 門前那大大缸珊瑚依舊~之前, 都覺得佢無咩特別. 不過, 今次真係要推介下佢個羊扒!! 羊扒驚喜地好味~!!! 羊扒與食開既唔同, 佢唔係一塊, 係一大舊. 一如慣常, 幾多成熟既問題, 我都會聽取服務生建議, 佢哋建議5成熟. 而佢哋都無介紹錯, 5成熟剛剛好, 外脆內軟, 加上有少少羊脂, 帶著羊既酥味!! 喜歡羊酥味的, 確實會讓你滿足. 而且仲好大件!! 配上薯角, 個份量可以兩個人食都得呀~! Set Lunch加$17可享用一杯好大杯既「不是紅豆冰」~! 呢杯似是而非既紅豆冰, 有滿滿的紅豆之餘, 亦有點好似涼粉既物體, 食落爽爽的. 再加上椰香味十足既奶同雪糕, 話佢係紅豆冰, 佢又真係唔係TYPICAL既紅豆冰... ANYWAY, 就係特別在咁囉. 好味就得啦~ 滿足!!! 以lunch唻講, 雖然價錢上, 唔算平, 不過食物質素是優質之選. 仍然覺得係物有所值~
continue reading
多年前試過一次後即時例入黑名單，因為食物質數差劣、服務平平、價錢昂貴 ﹗但幾星期前朋友請我食過一舊外賣葡式燒乳豬，好味到不得了 ﹗皮脆肉嫩，勁多肉汁好 juicy，肉質非常滑溜，外皮燒得脆脆的。所以決定再黎食多次，比多一次機會佢啦 ﹗ 專登黎食葡式燒乳豬，點知一早比食客訂晒 ﹗只在星期六日及公眾假期供應呀 ﹗無緣無緣 ﹗裝修十年如一日，無變過。白酒忌廉藍青口，青口 size 雖然細左啲，但肉質算滑溜彈牙，普普通通，還可以啦。朋友仔既至愛，經常都會 order。自家製香草麵包，我地完全誤會晒囉 ﹗order 藍青口時，經理問要唔要跟麵包，麵包係佢地自家即日製作，仲以為係跟藍青口用黎點忌廉汁，原來係另外散叫架 ﹗食晒六塊麵包後，其他野唔洗食啦，個經理係咪傻架。味道免免強強啦，都叫軟墊，但我唔會專登去比錢 order 囉。 蕃茄水牛芝士沙律，朋友仔完全唔食，一啖都唔食，早講我唔 order 啦 ﹗最後要我一個人食晒，非常無癮又掃興 ﹗食完啲麵包，個沙律咁大份食唔晒啦 ﹗水牛芝士好乾身，味道啖到完全食唔到芝士味，多年前食過係好濕潤而且帶啖啖清香芝士味架 ﹗黑醋欖油香草 dressing，蔬菜都夠新鮮，不過不失啦。 黑松露雜菌忌廉湯，一份夠兩個人飲，黑松露味道並不突出，似飲緊罐頭金寶忌廉湯，不香不甜。香煎比目魚，終於都到主菜喇 ﹗肉質好滑好 juicy ﹗外皮香脆，不過魚味非常之淡呢，好失望。如果無葡式燒乳豬食，我唔會再黎架喇 ﹗又貴又唔好食 ﹗
continue reading
15.7.2012和好姊妹去看畢卡索畫展之前, 我們就去了這裡吃個悠閒的午餐. 雖然餐廳位置並不是在大街, 但也有不少人來這裡吃飯, 幸好我們只是等了一分鐘就有位了.這裡的set lunch有五種選擇. 由於我們也很肚餓, 所以每個餐都加了錢享用沙律和甜品. 香草麵包吃西餐, 餐前麵包當然不可少. 有些餐廳只給你一個小圓包, 有些餐廳卻會給你一些自家製的特式麵包. 這裡的餐前麵包就相信是自家製的香草麵包. 這香草麵包的外型是一片白方包的模樣, 吃著時才感到比一般白方包柔軟和濕潤, 且每一啖麵包也有豐富的香草味道, 我們也很驚訝這小小的餐前麵包竟然做得如此特別哩.忌簾湯餐湯我們都叫了忌簾湯, 味道香濃又夠熱辣辣, 湯裡面有紅蘿蔔粒和魚肉粒, 很豐富.煙三文魚凱撒沙律這碟沙律很大碟, 好像是二人份量似的. 沙律中的羅馬生菜好新鮮爽口, 鋪在上面的麵包粒雖然不太多, 但也很脆口. 煙三文魚切成了一條條的, 碎碎地, 同羅馬生菜一樣夠凍. 我們也想不到這碟沙律做得比我們想像中出色.白汁磨菇焗石斑意粉 ($42)這碟意粉不單止碟大大, 份量也是同樣多的. 幾塊炸石斑size很大, 炸粉不太厚, 且裡面的肉質也算得上滑. 白汁加上了芝士來焗這個意粉, 就令到整碟意粉也很香. 不過, 意粉卻硬了一點, 令人有點失望. 波爾多紅酒野菌乾蔥燴雞意粉 ($40)這個意粉雖然說下了紅酒, 可是我們卻吃不出紅酒的味道. 不過不要緊, 主角的雞柳份量多, 肉質也嫩滑. 是日精美甜品估不到這個甜品竟然是用一個透明膠杯仔裝住一球雪糕及幾粒罐頭雜果. 雪糕是牛奶公司的士多啤李味雪糕, 很夠凍但太甜了, 而放在杯底中的幾粒罐頭雜果卻沒有什麼味道, 感覺有少少hea.這裡應該算是在大埔區之中少有的西餐廳, 最難得是質素也不錯, 值得推介呀. 不過美中不足的是, 掛在牆上的布簾很污漕, 有很多黑點, 叫食客怎能夠開胃呢?
continue reading