131
65
57
Restaurant: Crystal Jade La Mian Xiao Long Bao
資訊:
出街都想食得健康啲? 梗係揀「有營食肆」啦!
認住「有營食肆」標誌,點選餐牌上貼有 標誌的「有營菜式」。
Exit A1/L5, Tsim Sha Tsui / East Tsim Sha Tsui MTR Station/ Exit F, Austin MTR Station continue reading
All Branches (13)
Telephone
26222699
Introduction
來自新加坡的連鎖上海菜館,2002年進軍香港,將傳統上海菜口味改良,菜式較清淡。 continue reading
Opening Hours
Today
10:00-23:00
Mon-Sun
10:00-23:00
Payment Method
Visa Master AE Cash UnionPay Octopus
Review (280)
不能錯過的上海菜 Featured Review
Level4 2017-09-30
737 views
我食上海菜一般都會點醉雞或口水雞,今次就點了花雕醉雞 $72,唔好睇細細碟,其實雞件幾多。雞脾肉好嫩滑有彈性,連雞胸位都夠滑,不會乾硬,雞皮不膩反而好爽滑。最吸引我是做到好入味,酒香撲鼻而又不會令人醉倒。一定唔少得上海小籠包 $39有四件,即點即蒸夠哂熱辣辣。夾起不易爛,個皮做得幾好。皮薄餡靚,睇相都見個皮夠薄。湯汁雖不太多,但入口都感覺到肉同湯比例剛好,令肉餡更濕潤。加分位係因為個湯汁好濃肉香。我比較少食中菜,更加少食乳鴿,但估唔到呢度既乳鴿原來都好好味。茶香燻乳鴿 $96起初以為好乾,但一咬脾位,不單止皮脆肉嫩,仲有皮下油脂溶化,鴿脾滿滿油香,仲閃令令好吸引。鴿皮薄脆而不油,越咬味就越出,好味到連骨都想咬埋。京蔥爆牛肉 $90,份量頗多,牛肉真材實料。牛肉又大塊又嫩腍,同京蔥爆香,加上夠鑊氣,未食已經好期待。一定要夾埋京蔥同食,特別香口,調味也剛好,夠惹味。食到一半已經想點個飯來食。四川擔擔拉麵 $60,湯汁有點多,不過味道濃郁,微辣加上花生同芝麻香,仲有少少醋酸平衡下辣味。拉麵好滑溜帶爽韌,但放耐左就開始腍,所以上枱就要食啦。雖然湯汁好紅,但不太辣也不油,所以食完不會有負擔。酒釀丸子 $32,一上枱已好香,甜度不高,加了桂花更顯清甜,丸子粒夠多,非常軟糯煙韌,個人極之喜歡。薑茶湯丸 $32,先被薑茶吸引,薑味很突出,甜度也比一般低,我媽一定喜歡,下次要帶佢來食。餡料滿滿,好香芝麻味,餡料幾滑,但也保留芝麻碎粒令口感更豐富,而且湯丸比一般的大,超正。其實以前都食過翡翠拉麵小籠包,但味道同服務都一般,不過今次就唔同哂,感覺變好了。食物味道有提升,而且服務極好,貼心又時時添茶,點菜同結帳都好易叫到服務員,環境乾淨,整體感覺都好好。而家連手工啤都有,小籠包又有特式口味。 continue reading
(The above review is the personal opinion of an user which does not represent OpenRice's point of view.)
Level4 2017-09-18
484 views
媽咪一直好鍾意食上海菜所以上個星期五收工之後就同佢去咗食順便佢又唔使煮飯尖沙咀呢間環境都唔錯,座位望住維港嘅景色坐低之後我哋就點菜啦陳醋西芹拌黑木耳黑木耳本身屋企都成日食因為佢有通血管作用,好健康用陳醋拌黑木耳,令到味道更加開胃而且加埋西芹一齊,口感更加爽口松子桂魚平時食有啲餐廳係用黃花魚呢度用上桂魚,份外矜貴因為桂魚本身比普通的較貴而且廚師將魚肉𠝹了花,再拎去炸所以炸出黎都好似花既形狀而且廚師將魚起左骨所以食果時都好安心蘿蔔絲酥餅平時飲茶都會點蘿蔔絲酥餅食見到依度有,梗係第一時間點黎食一碟三件,每件都大大個一咬開,入面好豐富又熱辣辣既餡料外層又整得好鬆脆,好好味五香牛肉拉麵我地怕唔夠飽,再點多一碗麵黎食估唔到個五香牛肉比到我地驚喜味道帶少少甜之餘仲好入味而且一啲都唔韌,好容易就咬得開麵既份量都幾多如果我地唔食其他餸,淨食依碗麵相信都好足夠棗泥鍋餅最後就點埋媽媽最愛既鍋餅平時的鍋餅多數用紅豆做餡料佢做棗泥反而無紅豆蓉咁膩所以即使我地食到咁飽再食依個甜品也不覺膩 continue reading
(The above review is the personal opinion of an user which does not represent OpenRice's point of view.)
正宗上海菜 Featured Review
Level4 2017-09-13
410 views
平時經常出外用餐,都以西餐泰菜為主,但今天心血來潮就想食上海菜,幸好有位袓籍上海的同事奉陪到底,那我們放工就急步到位於尖沙咀海港城的翡翠拉麵小籠包吃個上海菜。餐廳的感覺似酒樓,裡裡外外都金壁輝煌,餐廳內裡以黑和金為主調,枱與枱之間以屏風相隔,提高私密度。特色的掛燈和裝潢別俱風格。我們坐到卡位,私密度更高。之後看了看餐牌就開始點菜。鎮江肴肉 $63此為江蘇鎮江傳統名菜,所以又名鎮江餚肉驚。它不僅賣相精緻,口感爽脆,味道也極清甜。軟軟的啫喱,切成一小塊一小塊,放進口中,湯凍和酥軟的金華火腿在口中融化。蘸著醋一起食,在舌尖上衝撞着,令人忍不住一塊又一塊的放入口,想緊緊抓住那瞬間即溶的味道。最欣賞凍糕的清爽配上金華火腿的鹹香,不油膩又爽口,是為極佳前菜。京蔥爆牛肉 $90京蔥爆牛肉是濃味小碟,京蔥搶香,牛肉肉鮮鬆軟,份量還得多,很難想像一碟小菜的牛肉量會如此足料!這個蔥爆牛肉減減牛肉癮, 蔥爆牛肉比烤牛肉肉感較厚, 如果喜歡吃京蔥的會好欣喜,因為蔥爆到好香口入味。牛肉好入味,色澤比較深,看來醃了一段時間,所以味濃郁。清炒蝦仁 $128炒出來的蝦仁紅中透明,然而上口之後,爽脆可口。只能說蝦仁炒得真好,清脆爽口而且味道鮮美,色澤則是蝦紅色中帶些乳白成分。蝦仁用上河蝦,炒出來的河蝦,只只如指甲般大小,色香味俱佳。蝦仁新鮮,而且清洗得好乾淨,一碟蝦仁我兩三下辦虎就將其消滅掉,因為太爽口美味。上海小籠包 $39我最愛的上海菜就是小籠包,所以必點一籠。小籠包被筷子挖開、擠爆外層,令湯汁、肉餡相繼流出。其實傳統正宗食法,應該會要由小籠包的頂端開始進食,首先咬一啖細味品嚐,然後將小籠包放在湯匙上,讓湯汁慢慢流出,再加入鎮江醋一啖放入口。其皮薄餡靚,肉汁鮮味,湯汁濃厚,是為上乘。上海排骨拉麵 $66上海排骨熱騰騰奉桌,其酥炸香脆,而排骨肉質結實富嚼勁,外脆真的好脆口,好惹味。拉麵煙韌,爽口彈牙,蛋香味濃,湯頭清香,以排骨送麵一流。酒釀丸子 $32飯後一碗甜湯,好暖好滋潤,所以我們都點了自己喜愛的的甜點。甜酒釀的酒香,配上口感軟糯的小丸子,成為一道經典的上海甜點。它沒有其他糖水的甜和腻,帶少許酸酸的味道,還有一股酒的香味,吃下去很清新。薑茶湯丸 $32薑汁十分濃郁,將主體湯圓襯托得十分甜美;然後湯圓皮夠煙韌,咬口十足,裡面的餡料是滋潤的黑芝麻,芝麻香濃細滑。薑茶不太辣,但薑味就是醒胃呢。袓籍上海的同事對此餐十分滿意,看來這裡的上海菜除了到位還得有水準。而我雖然不是上海人,但都覺得食物水準不錯呢。 continue reading
(The above review is the personal opinion of an user which does not represent OpenRice's point of view.)
Level4 2017-07-28
1058 views
香港人愈來愈注重健康,特別是經常外出用膳的人,更容易得到三高。要有良好的健康,飲食方面自然要多加注重。「翡翠拉麵小籠包」最近便與有名的營養師黃凱詩小姐合作,在原有的餐牌上挑選了一些精選的少油、少鹽、少糖菜式作為重點推介,讓注重健康的顧客可以食得放心,食得開心。這天我與友人在這兒用餐,就吃了多道推介的菜式。 先來兩個前菜,一素一葷。「甜酸青瓜簾」($50)賣相美麗,開胃清爽。 「花雕醉雞」($72)雞肉嫩滑,酒味香濃,要是不吃雞皮,當然健康,即使偶然吃它一兩片,只是偶一為之,也應無大礙。「宋嫂魚羹」($52)是杭州名菜之一,此湯味道帶酸,開胃可口,我挺喜歡。這天我最喜歡的菜式「薑蓉蒸小黃魚」($86)有別於常見的做法,以大量的薑蓉作為綠葉,襯托小黃魚這紅花,兩者相得益彰,配合得宜,讓人吃得歡喜。「火朣片津白膽」($74)紅綠相映,醎鮮的火朣片與鮮甜的津白膽兩者相配,又是另一個天作之合的配搭,同樣叫人吃得高興。「瑤柱金勾鯊魚骨湯泡飯」($84)湯味清甜,泡飯材料口感豐富,健康得來好味。其實美食與健康絕對能夠掛勾,好味的食物未必就等於不健康,只要小心選擇,盡量少肉多菜,注意營養均衡,便可以了。 continue reading
(The above review is the personal opinion of an user which does not represent OpenRice's point of view.)
Level2 2017-09-29
174 views
海港城行街想食中菜選擇唔算多,翡翠小籠包係我其中嘅一個選擇, 可惜佢長期門口勁多人,要預早一個鐘頭攞飛都先有位入座炸松子魚, 真係成條魚畀你,唔係急凍魚塊,酸甜度剛好,好開胃,啲魚肉炸到脆晒,好食!嫩雞煨麵, 湯濃味道好 每次嚟翡翠小籠包必叫。生煎包, 粒粒都好飽滿,皮又脆口又有肉汁,好味。 試過幾次嚟到都話賣曬。其實餐廳食物質素唔差,不過可能真係太多客,衛生情況有啲唔係太好,地下成日有好多食淨嘅餸菜, 有時佢啲卡位都會發現啲吃剩飯粒 希望餐廳可以注意下。 continue reading
(The above review is the personal opinion of an user which does not represent OpenRice's point of view.)