Video
Opening Hours
Today
11:00 - 22:00
Mon - Sun
11:00 - 22:00
*Last order: 21:30
Above information is for reference only. Please check details with the restaurant.
About Reward Scheme
朋友約去Airside晚飯，原來因為想試吓這個「養生」4人套餐；價錢不算貴，而且還有贈品附送(數量有限,送完即止)，如擁有滙豐信用卡，更可享有九折優惠，真是非常超值。人未到齊，先叫杯飲品解解渴；餐廳推介這四款「清爽味覺」飲品，包括：芒果愛玉特飲、青檸話梅梳打、苦瓜荔枝特飲 及 香水檸檬人蔘茉莉茶特飲。但因茉莉茶剛好售罄，所以把其它三款各叫一杯試吓；我選了其中的「青檸話梅梳打」，味道酸酸甜甜，很是開胃又解渴；據朋友說，苦瓜荔枝也很不錯。首先來的是三款前菜，第一味是「甜酸青瓜簾」，口感爽脆，酸甜適中，開胃醒神；作為餐前少食，很是對胃。第二味是「花雕醉雞」，雞皮爽脆肉嫰、肉汁鮮美、酒香濃郁，食後令人齒夾留香，不錯吃。第三味是「鎮江肴肉」，鹵凍晶瑩通透呈半透明狀、瘦肉紅潤，肉質細嫩，配上姜絲及香醋，更顯其特色。人蔘雞湯小籠包～真材實料，湯碗內竟真有一整條小人蔘，湯底帶有濃郁的人蔘甘香味；大大隻的小籠包皮薄多汁，肉質細嫩，搭配人蔘雞湯一起吃，也很不錯。准山蘆筍炒魚片～爽脆嘅准山，配上翠綠鮮嫩的蘆筍及厚身的魚片，三款食材各有三款不同滋味，配搭得天衣無縫。清炒蝦仁～蝦仁炒得爽口Q彈，肉質鮮嫩，呈現美麗的橙紅色，非常好吃；但如加入龍井同炒，增添那份茶香，相信會更加吸引。雪菜蝦仁炒飯～飯炒得乾身，粒粒分明，配上帶鹹的雪菜，確實好食又惹味；但不知什麼原因，蝦肉明顯比清炒蝦仁稍為淺色。最後的甜品是「綠茶芋泥餅」，外層酥脆，餡料是軟滑的芋泥，帶有淡淡的綠茶香，最緊要甜度不算高，而且吃後不滯腻，好吃。水準不錯，價錢優惠，重有贈品，值得一試！😋翡翠拉麵小籠包地址: 九龍城啟德協調道2號AIRSIDE 2樓L214號舖電話: 23282690
continue reading
近年出街食飯去得多，有時都想食得健康些少， 早排同朋友去Airside食飯，就係想試下養生四人套餐， 仲要有護膚品旅行套裝贈品，真係好啱同行女士。起初以為Airside不太就腳，原來就正正係啟德地鐵站上蓋，都幾方便。餐廳特別配製幾款特飲，包括了苦瓜荔枝特飲、青檸話梅梳打及芒果愛玉特飲。甜香的芒果當然最受歡迎，想健康一點，自己反而選了苦瓜。花雕醉雞選用了脾位，雞肉較多又嫩，酒香四溢，不錯。鎮江肴肉做得很地道，肉香滿滿，蘸點一下陳醋，味道更鮮。甜酸青瓜簾只削下青瓜皮，口感清新爽脆，尤其是甜甜酸酸的非常開胃。酸辣湯酸辣程度爆燈，呷上兩口已經頭皮發麻，但我鍾意。人蔘雞湯小籠包之前在深圳都吃過相近菜色，只不過是蝦餃換上了小籠包，湯與包都沒有問題，但個人始終覺得兩者有點格格不入，我寧願把小籠包蘸醋食，單純的喝人蔘湯。黑蒜淮山煨牛尾都有一段時間沒踫上黑蒜菜色了，牛尾甜甜地幾特別，用來伴白飯最好。淮山蘆筍炒魚片很欣賞沒有大多的玻璃芡，魚肉生熟度剛剛好，淮山亦爽甜。清炒蝦仁很清新爽口，蝦仁的味道突出。京蔥爆牛肉好香口，吃落有點豪邁的感覺，牛肉嫩滑，京蔥掛上了肉汁，又是不可錯過，加埋啤酒一流。宮保雞丁炒得乾身，腰果好惹味，辣度有點遷就港人，其實可以更澎湃一點。奶油津白很喜歡在上海館子點的一道菜，尤其是煮得夠稔入味的，更是我杯茶，是日稍微未夠稔身，味道還是不錯的。雪菜蝦仁炒飯炒得幾乾身，雪菜味不會過強，蝦仁亦非淡而無味，作為單尾幾滿意。* 綠茶芋泥餅熱辣辣上檯，一口咬落，綠茶味幾出，都幾大隻，如果有迷你版會更好。
continue reading
香港雖然不是一個寵物友善的城市，幸好，寵物友善的地方越來越多，寵物友善餐廳、酒店、商場，以及寵物公園日漸增多，友人剛剛搬入啟德，最近發現啟德的 AIRSIDE，也是一所寵物友善商場。 早前，探望朋友之餘，亦順道體驗一下這所新商場，結果，真的遇上不少可愛小狗呢！晚飯時，我們亦選擇了在 AIRSIDE 內的《翡翠拉麵小籠包》進餐。店內設計典雅，具有時尚中式風格，入座不久，更有幸欣賞到大廚拉麵的功架，相當有氣勢！ 其實，這裡除了拉麵及小籠包，還有不少味美之選，今次，我們就品嚐了全新推出「養生滋補」菜式。此套餐以人蔘、黑蒜、羊肚菌、鐵棍淮山等營養價值豐富的食材入饌，炮製出一系列藥膳佳餚，有助踢走春日濕悶，調理體質，增強身體抵抗力；同時，附送「JaneClare 護膚旅行套裝 」，還未享用，已感到由內靚到外呢！先來前菜花雕醉雞、鎮江肴⾁及涼拌溫室⼩青瓜，花雕的醇厚與雞肉的鮮嫩，搭配藥材湯底，十分補身體；晶瑩剔透的鎮江肴⾁，一向是我最喜歡的涼菜之一，不過，今次的涼拌溫室⼩青瓜，味道酸酸甜甜，入口爽脆，更有驚喜。翡翠經典十八摺小籠包出名皮薄多汁，肉餡細嫩，相信大家早有聽聞，甚至像 BeautySearch 那樣，經常進食！這次，人蔘雞湯小籠包將小籠包浸於濃濃的人蔘雞湯之中，搭配人蔘雞湯的天然甘口，簡直升華到另一層次。人蔘更有寧神補氣功效，有助身體注入活力與滋養。淮山蘆筍炒魚片，魚片大大片，肉質鮮嫩厚實，入口啖啖肉；搭配爽脆的淮山、蘆筍，不但口感豐富，而且又有營養，淮山含豐富的膳食纖維，有助消化，蘆筍中含有的葉酸、維他命C是天然抗氧化劑，健康養生，有助健脾益胃、提高免疫力。清炒蝦仁，看似簡單，卻又肉質爽口彈牙，顏色呈嫩紅，味道帶有鮮味，令人越食越滋味。食黑蒜有助降血壓抗衰老增免疫力，特別適合關注血糖、三高及膽固醇人士，日常，BeautySearch一向也有吃黑蒜的習慣，只是用作入饌的機會不多。而這道黑蒜淮山煨牛尾，牛肉味濃，加上牛尾富含滿滿的膠原蛋白，口感軟嫩多汁，搭配淮山的綿糯與黑蒜的香甜，用作拌飯，更添滋味。不但有益身體，更有助抗氧化，令肌膚保持彈性。奶油津白，香濃的奶油全被津白吸收，每一口都沾滿了大量奶油汁，相當入味。 餐飲備有豆漿及檸檬薏米水，或可加 $15轉升級特飲，有苦瓜荔枝特飲、青檸話梅梳打、芒果愛玉特飲及香水檸檬人蔘茉莉花特飲。當晚香水檸檬人蔘茉莉花特飲早已售罄，我們點選了其餘3款，而我更初次挑戰苦瓜特飲！苦瓜荔枝特飲 媽咪成日講「熟嘅苦瓜係唔苦嘅」，呢杯飲品完美咁樣印證咗呢句說話原來，苦瓜搭配荔枝，入口不但沒有苦澀味道，返而甘香中帶有點點荔枝的清甜，味道相當夾，當中還注入苦瓜果蓉，飲落更有層次。
continue reading
叫排骨拉麵等咗40分鐘催咗2次都話嚟緊最後冇上到我哋嗰台但其他個個人都有啲服務員推三推四最後浪費咗一個鐘冇野食走大家唔想經歷嘅，千祈唔好去新餐廳Arrangement好差
continue reading
🍽️ 翡翠拉麵小籠包 (九龍城)📍九龍城啟德協調道2號AIRSIDE 2樓L214號舖-話說呢排成日周圍飛，適應時差、溫差🥹🥹搞到啲皮膚好唔穩定，生咗好多粒暗瘡🫨🫨細心既老公發現翡翠拉麵小籠包最近同中藥純淨品牌JaneClare合作，推出左「養生·養肌」套餐，唔單止有滋補嘅食材，仲有得體驗JaneClare嘅美容產品😍😍😍一於試吓先😆😆💫鎮江排骨（ $75 ）一上枱已經聞到好香嘅酸酸甜甜鎮江香醋味道🤩🤩簡直流曬口水呀💦💦入口醋味香濃，但係味道恰到好處，濃而不膩，排骨仲非常之入味！肉質鬆軟，成件事好開胃呀🤤🤤🤤💫人蔘雞湯小籠包（ $63 ）識我嘅人都知我好鍾意飲湯🥰🥰呢個湯真係冇得頂！雞味同蔘味兩者都好香濃，但唔會搶咗大家嘅風頭🤤🤤🤤仲要見到好大條人蔘喺個湯度😍😍就咁望都知佢好補啊😋😋😋至於小籠包，一如既往咁好食！餡料鮮味又飽滿，果然係餐廳嘅招牌！💫黑蒜淮山燴牛尾（ $128 ）呢個餸真係非常驚喜🤩🤩味道香濃，微酸開胃😍😍牛尾非常之軟腍入味，肉質嫩滑，肥瘦適中😋😋淮山都非常掛汁😚😚最令人驚喜既就係黑蒜！經過燴煮，口感好似薯仔一樣軟綿綿，仲要好入味🤤🤤啱晒想抗氧化嘅我呀！💫淮山蘆筍炒魚片（ $98 ）新鮮嘅淮山同蘆筍炒得又香又爽口😚😚而且非常嫩口，食落完全唔會有渣👍🏻👍🏻最驚喜嘅係佢嘅魚片🤩🤩係原塊魚柳炒出嚟㗎😋😋嫩滑又冇骨，入口即融🤭🤭連我平時唔係特別鍾意食魚都忍唔住食多幾舊🫶🏻🫶🏻另外好欣賞呢個餸清而不淡，食得出材料都好新鮮好靚🤌🏻🤌🏻🤌🏻💫蔥油乾撈拉麵（ $58 ）呢個麵絕對係表裏不一嘅美食！表面好似好清淡，實質食落去蔥油味道好濃郁！拉麵既質感煙韌彈牙🤤🤤當拉麵掛上湯汁嘅時候，成個味道再次昇華變得充滿鮮味！估唔到簡單嘅食材都可以做得咁好食🫶🏻🫶🏻最加分嘅係，廚師一早幫我哋將麵剪開，等我哋食嘅時候更加方便👍🏻👍🏻完全體現到餐廳嘅心思同細心呀！💫苦瓜荔枝特飲（ $30）媽咪成日講「熟嘅苦瓜係唔苦嘅」，呢杯飲品完美咁樣印證咗呢句說話😚😚😚入口甘香微甜，完全冇苦嘅感覺😍😍而且苦瓜同荔枝原來味道可以咁夾，飲落好有層次好清新🫶🏻🫶🏻最驚喜嘅係佢有好多苦瓜果蓉喺入邊，完全感受到佢嘅新鮮同足料👍🏻👍🏻👍🏻💫青檸話梅梳打（ $28）話梅味好香濃，同時之間飲到青檸酸咪咪嘅味道，兩者好夾😚😚而且非常解渴清熱🫧🫧個人認為篤溶咗啲話梅之後更加入味更加香😍😍😍💫桂花酒釀丸子（ $36 ）完美嘅晚餐點少得甜品🤤🤤今次就揀咗滋潤煙靭嘅桂花酒釀丸子啦🥰🥰一上枱就聞到桂花味好香濃🤩🤩食落清香微甜，係養生既感覺呀🤭🤭🤭丸子煙韌有咬口，加埋甜酒釀，成件事口感好豐富🤤🤤點解會越食越開胃架🤣🤣🤣-🌟平時好少食中菜嘅我，今次確確實實比呢間餐廳驚豔到！🤩🤩原來中菜都可以養生健康得來咁好食😋😋😋嚟緊一定要帶屋企嘅四大長老一齊再食過、一齊養生🤭🤭🌟另外好欣賞嘅係餐廳員工好細心好熱心❤️❤️不單止上菜時會提醒，亦都喺唔使提嘅情況下將甜品轉咗做後上👍🏻👍🏻好叻好細心！🌟餐廳位於商場角落，入到嚟會發現原來景觀好開揚、環境好大😍😍而且座位寛敞，坐得好舒服👍🏻👍🏻難怪雖然餐廳好大，但係晚市依然係座無虛席啊！推薦指數：5/5抵食指數：5/5#foodloverin852 #852 #foodie #hongkong#Kaitak #啟德 #啟德美食 #Airside #翡翠拉麵小籠包 #養生食療
continue reading