翡翠拉麵小籠包 (Moved) New Location

中午入座既時候，見到黃宗澤出黎，估唔到有明星睇入到去，待應安排我同媽坐2人台，因為每次食飯我都叫幾樣野，張台都幾細下，覺得唔夠位，咁岩見到有卡位吉左，其他卡位都有2個人坐，所以要求換台。最後經理查過d台既分配後，幫我地轉台，估唔到佢張望海景既卡位台我地，覺得開心架，因為仲可以睇車！叫左醉雞，涼伴3絲，小龍包，沙魚骨雜菌湯拉麵，沙魚骨海鮮拉麵。坐左一陣就有菜上台，醉雞同涼伴3絲都幾細碟下。醉雞一放上台，我已經"聞"到酒香，賣相都好吸引，咬落爽口，一流既菜式。涼伴3絲夠清香，因為加左麻油配新鮮蔬菜。小龍包好味呀，湯汁好香，可惜我浸第二隻包果陣，唔小心整爆左XD，d皮太薄，冇計。食小食途中，待應提醒我地快d將湯倒入個麵，如果唔係個麵會硬晒。因為湯同麵係分開上。沙魚骨海鮮拉麵，估唔到有幾條海參條，亦有幾塊魚肉，同幾隻蝦仁，其他料亦新鮮，不過個湯唔夠濃味。$4x，麵又多，值得食！

12.20 (Thur) dinner練習後因為小巴司機飛站，原本想去既去唔到，黎左呢度食，接近夜晚十點，唔駛等。唔想又係食菜肉雲吞，牛蝦又唔可以食，要左個朋友suggested既『蔥油干撈拉麵』。麵口感適中，蔥油加雞湯都ok，清淡又唔會冇味既一餐。服務都幾差，朋友未食完問都冇問就收起佢對筷子，而且落order時問佢野又好似唔係好想答你。p.s.呢度冇無糖豆漿供應

上個星期6晚(nov 3, 07),哥哥好有誠意請屋企人食飯,老細想食小籠包,難得佢有心水,於是1行6人來1)雞絲粉皮-媽咪想食,但個麻醬太濃同多,個人同媽咪所以對佢普通啦2)素鵝-好燙嘴,外脆,腐皮明顯1層層,好味3)醉雞-好重酒味,隻雞亦好嫩滑,媽咪話隻雞應有雞味,只不過比酒味蓋過咗啫4)烤夫-是熱的做法,個人比較喜歡熱多過凍-好入味,口感同層次明顯-不俗5) 小籠包-個皮好薄,多肉汁,裡面舊肉亦好嫩,又夠熱-當晚出品好唔錯,有水準6)蒸素餃-無食到,但聞說個皮薄,都唔錯咁話喎7) 糖醋魚柳-老豆要點-亦好熱,個魚炸得挺,肉亦結實-配料有菠蘿,洋蔥......-只是個sauce過甜8)鯊魚骨菇菌拉麵-個湯同個麵分開上,是認真做法,唔會浸腍個麵,要讚-己經開始有d飽,食咗小小麵,彈口,唔錯9)雪菜蝦仁炒飯-只能淺嚐,d飯起碼是1粒粒,算好到家喇-很久沒有來翡翠拉麵,感覺有進步,每道菜都好新鮮熱辣,咁樣已經事半功倍啦~~~

因為昨天放假, 到世貿中心打了一個轉, 望到有間翡翠拉麵小籠包店, 於是和媽媽到e間分店食午飯. 環境不錯呀, 望到海景, 同時地方光線充足. 坐位尚算舒適.我倆因為不是太肚餓, 所以叫了三款食物和奶茶鎮江肴肉--正, 是我十分愛的食物小籠飽--皮薄多汁, 肉也很多... 那熱烘烘的一口一個, 好好味.鱔鰗抄拉麵--本人覺得略咸了一點, 同埋一定要熱食, 不然冷了就略帶腥味.還有, 媽媽和我都是奶茶的fans, 故我地都叫了奶茶一嘗, 奶茶一定要熱... 所以這裏的熱奶茶very good.d service好好呀, 好有禮貌... 一定會回來再食.

2007-10-09又要開OT﹐趕不切和食友們的飯局﹐但原來弟弟也一樣OT﹐所以最後還是一家人到銅鑼灣覓食。因為大家都很累﹐腦筋都不太光靈﹐想不到去那裡吃飯好﹐那爸爸就提議到世貿﹐好﹐這也是個好開始。怎知想吃的餐廳都在排隊﹐見這裡不用排﹐反正沒有來過﹐不妨試試吧。時間都不早了﹐所以只是簡單的要幾個包點小吃就算﹕小籠包- 算是皮薄汁多﹐裡面的肉也算鬆軟﹐不錯的。蒸素餃- 因為只得3 隻﹐所以我沒有吃﹐但個個吃了都讚口不絕。椒鹽小黃魚- 雖然魚肉都算滑﹐不過魚好像是炸得太久﹐乾身了點。而且上面撒了許多炸蒜茸﹐似避風塘菜式多過椒鹽。燻乳鴿- 鹹﹐太鹹了﹗還好不會燻的太乾。榨菜肉末- 鹹﹐太鹹了﹗吃不完﹐打包回家撈麵去﹐味道剛好﹐但配叉子燒餅則是太太太鹹了。叉子燒餅- 太乾太脆。嫩雞(火畏) 麵- 麵太爽身﹐介乎(火畏) 麵和湯麵之間﹐口感曖昧﹐我不喜歡。全家一致裁決﹕試過就算﹐不會回頭。

9:15分去到,2個人有卡位坐,D卡位好舒服,好坐.裝修好大路,好清吓.有海景塔夠,窗明几凈.食物_雲吞麵OK,湯底正,小龍包好味,亇戈貼個底唔夠身,煎耐D香D,D肉好新鮮,最正正亇水煮牛肉拉麺,麻辣好味.招呼_樓面有笑容,有禮貌,OK.價錢_略貴(Express)型式計,埋单190連tips,不過坐得好舒服,D湯底好濃夠料.

同我幾年前食的有D分別,小菜方面又貴又細碟不叫麵的話包你食不飽而麵又無前年前禁好食可能唔同左師傅做唔到,點心ok但係所有價錢都加左唔係好底食.侍應哥哥會係人客未食晒野之前就已經想收人的碗筷.未食晒就已經問你要唔要甜品,但係出面又無人等位你係唔係怕我無錢比呀.

基本上同其他翡翠拉麵一樣, 食物冇咩特別, 所以唔多講. 今次主要想講o下佢o地o的服務態度.因為慶祝友人生日, 所以我o地一行10幾人去, 預先book定位, 佢o地安排o左我o地坐房, 唔知係唔係因為坐房o既關係, 冇人理, 又難叫到服務員幫我們加茶, 有一個應該比較高級o既服務員見我o地食到咁上下, 就問我o地要唔要甜品, 我o地因為之後諗住去cafe坐, 唔想食得太飽所以同佢講唔要甜品, 順便埋單準備走. 價錢奇貴都算數, 最離譜o既就係我簽完咭俾番佢之後, 佢望一望見我橫o左tips一項唔俾tips, 非常不悅咁一o野"掉"番張單同埋信用咭去枱面俾我. 非常不禮貌.

基於健康，我開始素食，但接受有肉有菜的菜餚。本想去同幢的「吉列」，但爆棚，於是來到這家吃上海嘢。叫了：小籠包-很好吃,喜歡它的皮有咬感;雞火...(忘了)-主要用腐皮切絲,再配上金華火腿絲及雞絲,用上湯煮。我十分欣賞這道菜,主角不在肉上,也刻意把雞胸肉絲切成腐皮絲,混在其中,加上矜貴的金華火腿,主次有序,但又互相配合得宜,以煮的形式製作,極適合支持健康飲食的食客。上湯白菜-沒什麼,只為吃些綠葉菜;這家既有傳統上海菜,也有創新菜式,的確有意思!

下午2pm﹐二人在老銅出現。過了Lunch的Peak Hour﹐依然人頭湧湧﹐難怪租金如此昂貴。近日世貿內部裝修﹐下層都封晒板﹐重以為closed。原來唔係﹐不過就唔洗等位。叫左﹕鯊魚湯什菇麵-湯同麵分開上﹐缺點係食到尾唔夠湯﹐而且麵唔夠熱。小籠包-熱辣辣﹐皮簿多汁淮山青瓜-以前我每次都會叫涼伴青瓜﹐而家無左變了這個。幾得意﹐但多左幾片淮山比以前貴了$2x元﹐@@台排得很密但可以接受。有海景價錢又抵食﹐重想點﹖=)

同老婆多數去時代個間食﹐但係上個禮拜經過世貿記得佢地係到開左分店﹐所以就試一試。當晚都係ORDER D 大路野﹐排骨湯麵﹐小籠包& 窩貼。排骨一共有四舊﹐兩舊淋﹐兩舊硬。小籠包個皮實在太薄﹐一夾就穿﹐舊肉同埋D湯就跌左出來。老婆就話南翔D小籠包個皮就好D﹐起碼唔會一夾就穿。窩貼煎得唔錯﹐裡面舊肉唔乾同埋有汁添。但係佢地D肉餡就"mo"南翔個D"gum" 廋。整體來講﹐都算OK。

阿J對上1次應該係太古間翡翠食過,而家太古個間就無左,今次就同同事一齊去食lunch,環境依舊,都係又細又迫又嘈吵,當我一開餐牌睇既時候,發覺比以前貴左好多,今次我叫左擔擔麵&小籠包,擔擔麵無以前咁香,花生味少左,小籠包就同以前差不多,感覺都唔係咁抵食,下次未必再去。p.s.我係餐廳入面見到陳方藤&梁芷珊,唔知算唔算見到名人呢?

九点几去到，都要等一陣，一入到去，D waiter,captain熟口熟面，呀喺太古城（closed）D舊伙記，好有親切感。food-叫咗烤夫，召鹽小王魚，雲吞，清炒津白，銀絲卷，小王魚做得好好，皮脆，D肉好嫩滑，津白好淋好味，雲吞D肉好fresh。service-D waiter都好有禮貌，好快手。坐得好舒服。final-D食品ok，service ok，有海景枱，埋單200元，I" return。