痴飲痴食 (Closed)

放假入錦繡朋友家晚上BBQ,下午入到去未開始前先就去踩下單車遊覽下人工湖,玩完一輪消耗大,肚仔餓要搵加油站,又唔可以太飽唔係夜晚食唔落,行過商場見有間舖個名幾得意,叫"痴飲痴食",望下先,好多野食,有哂至愛既魚旦,燒賣,魚翅,雞旦仔,格仔餅,車仔面,串燒,腸粉,珍珠奶茶等等,唔理咁多,打緊鼓,掃場先,........一邊食一邊睇下野,見好多阿太奏住細路黎食,仲有賓賓又多,好彩佢地係住客,買完回家食,而我地可以坐底在門外的小枱慢慢嘆.不經不覺試哂上面提過的食物,(有D失去理智)真係唔差,好過旺角的小食舖,因問咗靚女老闆,湯底,醬汁等等全部係佢自家製, 魚肉翅更係佢自己親手做,所以配料多到不得了, 另一特別要食,超厚格仔餅,佢用咗WAFFLE機做,見D客人要多乜多物,佢就照查好多,正正......錦繡居民真係幸福,有此一間落足心機又唔公式化既小食店.唔記得講最重要一樣, 價錢一D都唔會因獨市而收貴了, 真好...