Cova Ristorante & Caffe (One Pacific Place)

Open Now

Now Closed

在Coya咖啡店裡，我們享受著美味的蛋糕和香濃的mocha咖啡。店內的清潔姐姐非常熱心，當她看到我們找不到座位時，立刻主動幫我們想辦法。這讓我們感到非常高興和感激。因為店員的幫助，我們能夠再次品嚐到Coya的美味蛋糕和咖啡，這讓我們感到無比開心和滿足。無論是蛋糕的甜美口感還是mocha咖啡的濃郁香氣，都讓我們陶醉其中。再加上店內清潔姐姐的細心服務，這次的用餐體驗更加完美。Coya咖啡店不僅提供了美味的食物和飲品，更讓我們感受到了溫暖和關懷。這樣的用餐體驗讓我們深深地留下了美好的回憶，並且讓我們想再次光顧這家令人愉悅的店鋪。

Afternoon tea 絕對係同知己聚會傾計的好選擇🫶🏻今次特別挑選位於金鐘太古廣場的意大利米蘭高級品牌COVA，享用貴婦下午茶🫖餐廳裝潢高貴典雅，帶有歐洲奢華的氣息👄 經典的三層下午茶滿載精緻的甜點鹹點。底層有啖啖肉的龍蝦軟包🦞牛味香濃的和牛肉醬芝士撻🧀中層為迷你鮮果撻，件件小巧精緻，打卡一流。一定唔少得COVA的招牌甜品Tiramisu，芝士忌廉十分軟滑，咖啡味都幾出。頂層有水牛芝士伴櫻桃蕃茄、巴馬火腿伴蜜瓜🍈香煎帶子脆、以及我最鐘意的COVA 皇牌迷你扇子酥😍用上100%頂級法國AOP牛油，每日人手製成，每塊酥皮都是由烘焙師傅親手摺成，一咬落去充滿牛油的香、口感酥脆💯 下午茶必備COVA自家製英式鬆餅，質感鬆化帶點濕潤，配上clotted cream、果醬，傾下計慢慢食，過一個休閒的下午。 𝐂𝐎𝐕𝐀 𝐀𝐅𝐓𝐄𝐑𝐍𝐎𝐎𝐍 𝐓𝐄𝐀 𝐒𝐄𝐓 ($538 for two) 𝙎𝙬𝙚𝙚𝙩𝙨迷你鮮果撻🫐迷你甜品撻🧁COVA 迷你扇子酥COVA 意式芝士蛋糕杯🍫 𝙎𝙖𝙫𝙤𝙪𝙧𝙞𝙚𝙨龍蝦軟包🦞香煎帶子脆餅🫓和牛肉醬芝士撻🐮巴馬火腿伴蜜瓜🍈水牛芝士伴櫻桃蕃茄🍅鬆餅、凝脂忌廉、果醬 𝘾𝙤𝙛𝙛𝙚𝙚

有一段時間好鍾意同朋友到不同的酒店及餐廳嘆下午茶, 都試咗好多間不同餐廳的afternoon tea，但原來一直無試過Cova 的!! 所以朋友話想食tea時，就立即想到去Cova。Cova 是歷史悠久的正宗意大利糕點及餐廳品牌，在香港亦已屹立30年，是典雅瑰麗的代名詞，所以佢既afternoon tea 絕對有保證~ 同朋友去咗金鐘太古廣場的分店，餐廳裝修保持一貫的優雅風格，黎得嘆下午茶，當然要點番個三層架afternoon tea set 啦。Cova 著重細節，連afternoon tea 用的餐碟也是由意大利入口，價值不菲! 🎀Afternoon tea set($538/2位用) 高貴雅緻既三層架afternoon tea set 一黎到已經花多眼亂，款式多，每款都小巧細緻，是與朋友閨密談天說地的良伴，這才是afternoon tea 的精髓! 🌟上層:水牛芝士伴櫻桃番茄、巴馬火腿伴蜜瓜、Cova 迷你扇子酥、迷你甜品撻 選擇花多眼亂，最後都係按自己喜好 🔸水牛芝士伴櫻桃番茄及巴馬火腿，味道清新，2者作為starter 很不錯 👍🏻🔸Cova 迷你扇子酥，由100%頂級法國A

我在初七人日去COVA購買了他們的紅桑子忌廉蛋糕，這款蛋糕外觀呈現出鮮豔的紅色，給人一種喜慶的感覺。首先，我非常喜歡它的口感，因為它的甜度恰到好處。這是因為蛋糕內含有紅桑子果肉，帶來了一種酸酸甜甜的風味，與忌廉的滑順口感完美結合。這種口感的組合讓我非常滿足。整個蛋糕的味道非常美味。紅桑子的果肉帶來了豐富的水果風味，並在口中散發出迷人的香氣。忌廉部分非常滑順，與紅桑子的酸甜味形成了完美的平衡。每一口的味道都令人愉悅，而且整個蛋糕的口感非常輕盈。除了味道外，這個紅桑子忌廉蛋糕的外觀也非常吸引人。紅色的外層展現出節日的氛圍，讓人感到愉悅和喜慶。蛋糕的製作非常精緻，每一個細節都被照顧到。總的來說，COVA的紅桑子忌廉蛋糕給我留下了深刻的印象。它的口感恰到好處，紅桑子的酸甜風味和忌廉的滑順口感完美融合。整個蛋糕味道美味，外觀吸引人。

指定下午茶二人套餐，食品擺盒雖別緻，但食物質素跌watt，不值500多元。服務態度保持高水準，有禮貌，好便讚。希望管理層好好檢討，那很容易流失客人，尤其是現在追捧打卡位，只係食物擺盒便不足，要改造下

和朋友慶祝生日，按他的喜好預訂了這家餐廳午膳。它位於太古廣場內，環境寧靜舒適。 我們點了兩客午餐，每客包括餐前麵包、頭盤的意式前菜拼盤、餐湯、主菜及餐飲。 餐前麵包有軟身的餐包及脆身的餅乾條，前者軟熟易入口，後者爽脆有香氣。 前菜拼盤賣相佳，擺盤精緻，顏色鮮艷奪目。有三片Parma Ham，包裹哈蜜瓜一起吃，鹹甜味交融。有三件肥美的煙三文魚，味道濃郁，滑不溜口。其他的沙律菜全部很新鮮。 餐湯是巴馬火腿蔬菜忌廉湯，內裡有一些紅蘿蔔和洋蔥絲，再加上充滿鹹香的巴馬火腿絲，令味道更突出。 蕃茄海蜆墨魚汁意大利麵 ($398) 海蜆肉清甜有海水味，肉質軟腍。墨魚汁意大利麵軟滑彈牙，有淡淡的墨魚汁香氣，但進食過後不會令嘴唇沾上黑色的醬汁。 意大利火腿水菠蛋鬆餅 ($398) 最頂層的水菠蛋、夾在中間的火腿再加上底層的鬆餅，令味道和口感充滿層次。當水菠蛋穿破，蛋汁流到下層，再被鬆餅吸收，這是最高境界。 吃過主菜，再慢慢享受熱飲，在這寧靜及令人放鬆的環境傾談是一大樂事。服務員熱情有禮，態度親切。因此，整體食物質素及服務良好。

第一次食cova lunch set, 沒有任何期待下用餐體驗出乎意料地好頭盤比想像中大份，有巴馬火腿、煙三文魚、鴨胸、哈密瓜、蕃茄和水牛芝士沙律，可以有的都有齊，味道都不錯忌廉湯幼滑，湯夠熱，不錯沒有影到附送的麵包籃，比一般餐廳的麵包多種類，不會乾，暖暖的這次是三人行，試了三款不用加錢的主菜首先是黑松露意大利飯，香濃的蘑菇湯味，用料十足，意大利飯口感煙靭三文魚外皮煎得香脆，內裡濕潤，調味適中，食得舒服這個賣相不起眼的香蒜辣海鮮意粉，味道最驚喜，鹹香惹味，有微微的刺辣感，推介的意粉套餐包括雪糕，可加錢轉蛋糕Cova 出名甜品點可以唔試呢沒有影到相的雪糕奶香味濃郁，好好味芒果蛋糕口感很輕盈，甜度亦輕盈，不會太有罪惡感Tiramisu 個人比較喜歡濕潤的版本，這個像pancake的口感不算我喜愛的tiramisu整體用餐感覺良好，環境舒適，服務有禮，lunch-set $398起，4 courses仲包埋餐茶，我認為物有所值，推介大家

星期日晚上全店有三四台客服務員質素參差有一位戴眼鏡的女士比較勤快光頭經理就真的一般了俾人的感覺是他自己做管理層客人的事唔關他環境比較侷促洋蔥湯幾好飲主菜叫了和牛主菜送上來的時候，已經是涼的甜品叫了咖啡雪糕還可以幾好食整體觀感食物質素下跌環境尚可個別餸菜款式，味道不錯，例如洋蔥湯和甜品服務員質素一般比較參差缺乏真誠服務管理層經理對客人的關注度不足及缺乏和客人溝通尤其經理以咁嘅價錢太古商場還有很多選擇

因為要慶祝某人生日，特地在某平台買特價package,以package price $430 食賭原本500多元的high tea set for 2。一坐低，店員立即送上兩杯welcome drinks,好似橙汁，但係又有酒精，good as a start ! 接着，先上我最喜愛的 scone, 熱辣辣的，又有兩款醬揀，食落又唔會太漏。之後整個Tea set用精緻的盒上枱，當然係非常好的打卡點。店員會介紹由左至右由上至下咁樣食，又清新嘅沙律開始，三文魚卷，慕絲，和牛三文治，仲有其他甜品 … 因為太多，唔可以一次過食，每次食完一種食品，停一停，回味一下，與朋友傾兩句，先至可以繼續。最後仲有飲品，咖啡或茶之類，以配合最後的甜品。整個環境裝修都非常優雅，只係其他食客有時太大聲，不過整體來說都是一個優雅的飲食經驗！

其實我都係第一次嚟呢間嘢度食因為朋友話味道都OK價錢正常點知第一次嚟到啲麵包係有毛㗎非常嘔心今次我哋開咗支酒嗌咗兩個set dinner有三文魚火腿沙律兩個意粉意粉嘅味道其實唔錯其中蜆肉意粉，都幾出色蜆肉係味道，都幾新鮮唔會林啤啤咬落去都幾Juicy以佢嘅沙律其實都幾新鮮嘅同埋佢嘅龍蝦湯真係足料龍蝦味濃郁最後仲有兩個蛋糕好飽，幾滿足嘅服務整體都算唔錯都係一啲年紀比較大嘅侍應不過其中有個嬸嬸侍應講嘢比較直接不過今次真係唔好彩咁都比我遇到麵包有毛

Lunch set 3百幾蚊，餐湯係蘑菇湯，味道濃郁，有驚喜。餐飲叫咗咖啡，咖啡好飲，唔酸，果然係佢地嘅signature。main course 叫咗牛扒，薄牛扒，要求係medium rare, 但上菜時係差不多well done 😅，牛扒老實講就一般。環境方面係幾好。

前一晚本來想用佢個app 做online booking ，但full咗。第二日等到佢開門即刻打電話問有冇得book 當日午餐，聽電話個位小姐好有禮貌話當天booking full 咗，只係得返bar 枱，問我坐bar 枱得唔得。12:30到達餐廳，好快就搵到我個booking，咁岩好彩有張table 有位，咁職員就立即安排轉位。金鐘呢間Cova嘅午餐時段都算多人，我哋坐近門口位置，有很多人買飲品外賣。而入面已經full 晒。我哋一人揀咗一個$298，一個揀咗$368嘅lunch set 麵包同頭盤上得幾快。反而主菜等咗一陣，可能太多出唔切。我叫咗個risotto,，隻虎蝦比想像中大，好食朋友叫咗豬鞍架。冇諗過係咁大塊，差啲食唔晒。唯一要批評嘅係個whole grain mustard 鹹咗啲啲。最後太飽冇加蛋糕。只叫咗2杯mocha 。之前做咗會員有張優惠卷用可以用，所以今餐算抵食。

放早緊係去食個tea啦好鍾意食scone佢呢個熱辣辣，再配埋個cream🤤🤤🤤可惜無哂tiramisu🥹嗌多個包食，唔好睇佢細細舊食完呢度夜晚都夠飽咖杯朱古力就麻麻地喇原來幻想係好濃嘅朱古力味，可惜無🥲

🤔唔知幾耐之前呢個突然半價，咁我當然唔輸蝕啦🥺想話去食下，點知⋯。忌廉🧁呢個味道其實都唔錯，有啲似煉奶，但係！你試吓口感再「鞋」少少啊🤏！感覺同相同價位嘅雪糕爭太遠🥺。咖啡☕️咖啡又有同樣嘅問題，口感上真係一言難盡🥺🥲味道就都OK嘅⋯ #hkfoodie #foodiehk #foodie #foodinsta #foodinstagram #foodblogger #foodbloggerhk #foodhk #foodinhk #eatinhk #hkig #hkfood #hkfoodblogger #hkfoodinsta #hkcafe #cafehk #desserthk #香港美食 #香港好去處 #美食 #美食日記 #美食推薦 #美食達人 #waffles #mojito #egg #foodadmirersoftheworld #咖啡

…. 打黎book 枱唔講明係父親節特別Menu⋯⋯我同朋友同小朋友黎到先講⋯谷人食個menu… $500 未計加一。食個lunch 無啦啦就食左$1400好彩佢對小朋友都仲有耐性⋯但無下次