307
10
10
Additional Information
星期一至五，午餐免加一
Opening Hours
Mon - Fri
11:30 - 22:00
Sat - Sun
10:00 - 22:00
Public Holiday
10:00 - 22:00
Public Holiday Eve
11:30 - 22:00
Above information is for reference only. Please check details with the restaurant.
Recommended Dishes
去元朗大馬路行開街竟然見到間裝飾好精緻嘅西餐廳，同朋友忍唔住入去試吓🤓 睇吓有冇市區嘅水準🤪🔎 Dinner set🔎 Appetiser前菜佢有沙律或者巴瑪火腿配蜜瓜俾你二揀一，咁我哋就揀咗後者，佢份量以一人量嚟講算大份，有4塊parma ham配蜜瓜，食落去清甜，但有少少醋既味，用來做前菜一流，食落去好開胃🔎 是日餐湯 - 忌廉粟米濃湯 飲落去忌廉味好重，唔會好稀，比較得意嘅係佢有啲爆谷喺上面甜甜地鹹鹹地口感好特別😀🔎 慢煮西班牙黑毛豬鞍. 南乳忌廉汁 $378賣相用嚟打卡一流，份量配埋薯菜都尚算足夠，最特別嘅係佢配嘅南乳忌廉汁出奇地同豬鞍配搭，好有中西fusion嘅感覺😀，食落去唔會食中式既南乳豬手咁肥膩油膩嘅感覺，相反甜甜地個醬汁令人食指大動😗 另外佢嘅薯菜都好好食，肉都唔會話好靭，係會 encore 既main🤓🔎 雙重芝士松露野菌薄餅 $158係令人喜出望外嘅菜式，食落去首先個批好鬆脆，薄批嚟講算係整得唔錯；上面嘅配料芝士勁足料，再配上海量嘅白玉菇，聞落去同食落去都好香好好味，鍾意食芝士嘅一定要叫呢，超級邪惡🫶🏻🔎 是日甜品平時最主要有兩款，分別係朱古力蛋糕同埋Apple Combo，今日佢係雜果朱古力嘅芝士蛋糕，擺盤有花心思，同時最尾嘅甜品有啲水果食下會有啲 fresh既感覺，唔會太肥膩😉-📍Couple's Kitchen (元朗)元朗教育路63-69號福照樓地下2-3號舖
continue reading
之前夜晚食過一次幾好，今日再去食late lunch，lunch到4:45，所以我地2點黎到仲有lunch。呢度既lunch價錢相對貴，但質素幾好。Lunch set會包沙律、餐湯同餐包。是日沙律系海蜇粟米沙律，一大塊海蜇鋪系表面，跟中式既吾同，沙律味道帶胡麻醬味，食落幾fresh。是日餐湯系栗子濃湯，用栗子打成濃湯，餐包好鬆軟。馬來沙爹醬烤德國咸豬手 $168豬手已預先起左骨，份量大約半隻豬手，用左沙爹醬醃製而成，食落去有微微辣，沙爹味好重，個人認為適合口味較重既人士食。豬手以烤既方式，所以豬手好軟嫩。配菜跟八珍甜醋醃椰菜同薯菜。陳年花雕龍蝦汁煮海鮮意大利飯 $148睇個碗好似份量好少，但實際都有正常一碗飯既份量，而且有幾多海鮮，例如蝦、青口、魷魚等，飯粒偏硬身，吸收哂龍蝦醬汁，味道好香濃。Lunch set都會配飲品，呢度既凍檸茶幾好飲，茶底吾錯，飲落去完全無苦澀味。另一個朋友遲左黎，叫左個tea set。特色印度牛肉煎餅 $78方形牛肉餅切開左4份，煎餅上面有酸菜同加左甜椒蛋黃醬，貌相似迷你方形薄餅，入面餡料有啲雜菜同牛肉碎粒，有牛肉味但食吾出牛肉粒。餐牌：
continue reading
又同媽咪撐枱腳，但因為時間比較早，所以就搵咗呢間開11:30am，食評幾多同午餐選擇都幾多嘅。個湯好夠熱好濃好好味，西冷牛扒雖然薄啲但有二塊同都幾大塊，味道唔錯，但個飯就差咗啲比較硬，唔知係咪隔夜跟住蒸得唔夠透，豬梅扒都幾好食，不過好似細咗少少，個焗薯都好好味嘅，不過兩個餐嘅配菜真係比較少，嗰塊蓮藕好薄，幾條豆又少，建議加返多啲，成本唔會好貴，咁好睇好多，飲品要咗洛神花茶，原來係用茶包，不過除咗檸水檸茶之外都係另外一個唔使加錢嘅選擇，整體合格滿意值得一試，值得一讚男侍應服務態度非常非常之好。😊
continue reading
今晚係平安夜，同老公去左呢間裝修幾靚既西餐廳食半自助餐，我地係open rice預訂左2位。沙律吧有沙律菜，煙三文魚，蚌沙律，通粉，海鮮拼盤（蜆、蝦、青口），食物味道都ok , 蚌沙律好好味，啲蚌好鮮甜，蝦既肉質係爽口既餐湯係忌廉蘑菇湯，好飲！調味得岩岩好Main course 我地點左一份油鴨脾，一份慢煮豬，味道還可以。主食既配菜好好食，除左有薯條焗薯之外，仲有有無花果，asparagus 同artichoke 見到隔離枱叫咗龍蝦，好大份，下次應該要試。最後係甜品，有三款揀，而Oreo cheesecake 最好食沙律吧同甜品吧各有3-4款選擇，食物質素都唔錯，總體黎講今晚都唔錯👍🏻
continue reading
𓂃𖠚∗ᤲ𑀇· ┈┈┈┈┈┈ · ꕥ · ┈┈┈┈┈┈ ·▎「 教育路 」經常喺我出末元朗搵食嘅好地方 聽朋友講最近「 川味閣 」對面嘅『 ᴄᴏᴜᴘʟᴇ’ꜱ ᴋɪᴛᴄʜᴇɴ 🍽』轉咗新 ᴄʜᴇꜰ 餐單方面都有更新到 就約埋一齊去試試佢❗️ // Couple's Kitchen 以西式料理為主，致力打造一個隨心交流的地方🏜 Couple 指的不只是伴侶，而是有某種聯繫的人，可以是家人朋友、同事伙伴. // — @coupleskitchenhk▸ 蟹皇南瓜汁 焗釀蟹蓋 意大利飯 ┅ HKD 178ᴄʀᴀʙ ᴍᴇᴀᴛ ʀɪꜱᴏᴛᴛᴏ ᴡɪᴛʜ ʙᴀᴋᴇᴅ ꜱᴛᴜꜰꜰᴇᴅ ᴄʀᴀʙ. ᴘᴜᴍᴘᴋɪɴ ꜱᴀᴜᴄᴇ▸ 火焰鎮江汁意大利飯 ┅ HKD 228ʙᴀᴋᴇᴅ ʙᴇᴇꜰ ʙᴀɴᴇ ᴍᴀʀʀᴏᴡ ʀɪꜱᴏᴛᴛᴏ ᴡɪᴛʜ ᴄʜɪɴᴋɪᴀɴɢ ᴠɪɴɢᴇᴀʀ ꜱᴀᴜᴄᴇ. ꜰʟᴀᴍᴇ ᴍᴇɪ ᴊᴜᴇɪ ᴄʜɪᴇᴡ▸ 義式蔬菜湯 海鹽焦糖咖啡 ┅ HKD 68ᴠᴇɢᴇᴛᴀʙʟᴇ ꜱᴏᴜᴘ ᴡɪᴛʜ ꜱᴇᴀ ꜱᴀʟᴛ ᴄᴀʀᴀᴍᴇʟ ᴄᴏꜰꜰᴇᴇ ▸ 義式蔬菜湯 雪糕咖啡 ┅ HKD 68ᴠᴇɢᴇᴛᴀʙʟᴇ ꜱᴏᴜᴘ ᴡɪᴛʜ ᴀꜰꜰᴏɢᴀᴛᴏ▸ 蟹皇南瓜汁 焗釀蟹蓋 意大利飯 — 意大利飯口感ᴄʀᴇᴀᴍʏ帶有嚼勁 蟹蓋選用上殼部分 豐滿蟹膏同蟹肉搭上忌廉通粉 再略上少量三文魚籽點綴 蟹味濃郁 帶點鹹香又鮮味🤤 南瓜汁掛在意大利飯上 令整體更帶點鮮甜味 無諗過兩者可以咗夾 飽肚而唔油膩 😚▸ 火焰 鎮江汁 意大利飯 —可以話喺餐廳必叫❗️🤣上枱時 店員會備有一小杯 ᴠᴏᴅᴋᴀ 然後用火槍點燃 就會見到超ɪɢᴀʙʟᴇ嘅火焰🌟🤩 牛骨髓味道豐富 意大利飯夾雜點兒中式配搭 惹味得嚟又睇得😚▸ 海鹽焦糖咖啡 ＋ 雪糕咖啡 — 餐廳選用自加中深烘焙咖啡豆基底 味道以大眾常見ɴᴜᴛᴛʏ ʙʟᴇɴᴅ 為主 配搭特色飲料 表現正常 個人就覺得 ꜱᴇᴀ ꜱᴀʟᴛ ᴄᴀʀᴀᴍᴇʟ ᴄᴏꜰꜰᴇᴇ 海鹽焦糖咖啡 口味甜甜地 幾ʟᴀᴅʏ ᴅʀɪɴᴋ 適合女士選揀啦😛 ▎整體嚟講餐廳環境一流 座位闊落舒適 店員親切友善💯 價錢合理又食得舒服😇 Special thanks to@coupleskitchenhk@westface.meow𖡘𖤣 (˙-˙ ٥) (˙-˙ ٥)· ┈┈┈┈┈┈ · ꕥ · ┈┈┈┈┈┈ ·𓌈˒˒ ᴄᴏᴜᴘʟᴇ’ꜱ ᴋɪᴛᴄʜᴇɴ 🍽❜ 元朗教育路63-69號福照樓地下2-3號舖Shop 2-3, G/F, Fuk Chiu House, 63-69 Kau Yuk Road, Yuen Long— @coupleskitchenhk· ┈┈┈┈┈┈ · ꕥ · ┈┈┈┈┈┈ ·܀܀܀܀ Follow @chillfood.basis for more 📸
continue reading