酷啡

Open Now

Now Closed

lunch叫左個外賣自取，拎嗰陣發現比漏左份多士，好彩發現到，行左幾步返轉頭，餐廳都肯比返我，到食嗰陣發現原來仲比少左份蛋，叫貝殼粉又變左做螺絲粉，十樣野錯九樣，唔知間餐廳搞乜

去完西貢露營，返到市中心有啲肚餓就同朋友係西貢搵左間茶餐廳食啲野先返屋企😎我地之所以會揀依間餐廳，全因為個老闆太friendly🤣 由於一坐低嘅時候，佢地有太多單，老闆叫我地可以食住隔離舖嘅葡撻同菠蘿油先，等5-10mins先再落單😆最後我地三個人叫左2個lunch + 1個tea 😋1. 黑松露海鮮炒飯黑松露味係幾重嘅，而且個飯都炒得幾乾淨身！算係正常發揮嘅炒飯👍🏽2. 日式鰻魚蛋飯外貌好吸引嘅，不過味道呢就唔係話好特別🙈3. 日式煎餃子配和風柚子汁依個係出奇好食！個和風柚子汁好開胃🤤餃子煎得咁脆👍🏽👍🏽😋😋值得試！*老闆特別推介凍檸茶，話佢哋個茶底好正🙈個人認為係好飲嘅，不過未至於話真係超級特別🙈🙈🙈

喺街頭隨意闖入嘅店鋪，有時就會俾你啲意想不到嘅驚喜！今次我走入一間外表唔起眼，但內在卻好有料嘅小店。👨‍🍳話說佢哋嘅越式香茅豬扒，顏值正到爆，色澤金黃誘人，令人垂涎三尺。濃香嘅香茅味道撲鼻而來，豬扒煎得啱啱好，外層微酥，內裏肉質腍滑，真係一絕，食落去真係話唔埋口好味。個珍珠飯又係一方面，煙韌有咬口，吸滿咗肉汁，食落克錦克有飽足感。喺度品嚐到嘅另一款龍蝦湯泡飯，亦都唔遜色。湯頭鮮美，龍蝦當然係主角啦，咬落去Q彈，加上油封鴨髀，皮脆肉嫩，咁配搭係唔常得到嘅。真係食碗嘢都要讚聲，好過癮！🦞而家我只能講，下次要係想食平民價錢嘅高級美味，這間店一定喺我嘅首選名單入面。貨真價實，食到飽，開心過癮，真係無得頂！👌💯

其實有食開茶記都知，酷啡d野係有心機，同街口三寶（和記、全記、陳權記）比，酷啡價錢唔係最平，但性價比肯定最高同埋我個人覺得幾有人情味，不過可能要西貢街坊先感受到

忍唔住寫左第一次差評，因為隔離排好長嘅隊，所以媽媽又肚餓唔想行就揀咗佢，咁就中咗伏我哋落咗兩個焗飯，落單時仲推介我哋飲特飲，過程中冇提及要40幾蚊杯嘢。我地等咗半個鐘之後，去追佢單嘅時候竟然俾我哋聽到廚房話冇落過單？！我哋問員工嘅時候，佢仲聲大大話有嘢飲點會冇嘢食，焗飯要等，係咁㗎啦！結果我同媽咪喺舖頭等咗一個鐘，點樣諗都唔合理？！員工做野好亂，漏單，上菜勁慢，仲要不停喺廚房鬧緊交，兩個焗飯好難食，等咗多過一個鐘嘅我，本身態度已經好聲好氣咁追佢，換返員工愛理不理，仲要串返我焗飯就係要等，結果嚟咗兩個冇乜焗到嘅飯，都幾無奈..當日餐廳所有枱都等超過半個鐘以上，結果佢啲菜亂咁上，人人都追單…….呢餐兩個好難食嘅焗飯加2杯特飲，收咗二百五十蚊，到俾錢先知原來個特飲係要收錢, 係40幾蚊杯……… （糖水）咁嘅服務仲要收我加一，真係可一不可再，本身好肚餓，變咗一肚氣，飽哂🙂

年初四，一行4人行完山打算在西貢嘆個下午茶先回家，見到酷啡有下午茶餐都幾好咁就行入去食啦，首先叫咗3 次先有人理你同你落單，然後自己自助咁行入去斟杯水，下午茶餐+15蚊轉即磨咖啡，好快杯啡到左不過加入杯啡鮮奶係凍冰冰(完全影響晒杯啡昧道）已經唔係特別好飲架啦）唉！然後坐咗半小時碗豚肉叉燒面先上到(D叉燒好唔好食真係唔識講）跟著埋單時間見到有一項新春服務費$36 （原來是加20%）我地由門口出面餐牌到坐喺度都完全見唔到有話收新春服務費怪不得我朋友話點解唔見有張單放喺枱上面（平時餐廳會比返張單客人）埋單時果老闆重好吋話新年吖嘛你明天黎就晤駛收，如果服務好新年流流比多少少冇所謂，但今時今日咁嘅服務態度真係掂！

今日年初三幫襯呢間嘢,叫咗個茶餐 ，漢堡包加個意粉， 問佢有冇嘢飲跟， 佢話今日初三嘢飲要另叫，我問佢攞個飲品menu，佢話冇，都係啲奶茶咖啡檸茶檸水嗰啲啦，咁我叫咗兩杯凍檸茶，食完埋單望一望張單 杯凍檸茶夠膽死收我四十六蚊一杯 個餐都係50蚊 離曬大譜 奉勸各位入開西貢要小心呢間嘢

今日突然想入西貢行吓，去到見到呢間嘢，好似幾多嘢食就入咗去。望下餐牌，見D嘢食同價錢都ok，最後同老婆叫咗兩個set lunch，餐牌話有例湯、主菜，飲品就再加$8。等咗陣，上咗杯飲品，跟住就已經主菜，咁食咗陣再問侍應個例湯仲未嚟啦。點知個侍應竟然話：「依家我哋無做例湯，因為之前比客，D客都唔飲，所以依家冇例湯哪⋯」嘩，我頂吖！如果冇例湯，咁你唔好寫响餐牌啦！你寫咗有但其實冇，咁即係點？！我即時O咗咀！況且你咁答，其實你哋D嘢係咪好唔得？！雖然只係一碗例湯，我哋都冇同佢理論，但你哋咁樣做生意，真係叫人點會番轉頭？又，咩叫set lunch 呢？！

外面見佢ok, 同埋唔算太貴(當然比一般茶餐廳貴啦)，即管試吓。叫咗個雞扒飯及魚柳飯。 雞扒煎得算ok, 但份量少。 個魚柳炸得算夠脆，但over咗偏深色，但2嚿魚仔真係好細囉，令我嘩然！我被安排坐最出近路口張枱 - 人多都諒解嘅。 食食吓入面有2個人出嚟外面食煙，俾佢啲煙噴哂過嚟。 最嬲嘅喺😠，原來食煙嗰2條友喺佢自已嘅人。大佬呀，你食煙都遠啲呀，咁樣影響自己啲客😠😠埋單，原來要收加一😠😠 咁嘅質量，服務仲要收加一 - >佢話只週日收加一，但menu見唔到有寫, 可能好細隻字嗰隻啦！另一衰地方😠😠😠 依家消費卷期間佢八達通都唔收，只收現金。你會唔會幫襯❓❗

落單慢，出餐慢，食物質素差。係香港小有差勁的茶餐廳星期日假日 中，樓面得一兩個人，等落單已經等左十分鐘，落單後簡簡單單一個沙嗲牛肉麵，已經係冇咩技術含量，都等左三十分鐘，質素仲要衰過屋企整。貼錢買難受，浪費時間！店家態度仲要勁差，本身態度已經好聲好氣咁追佢，佢仲要愛理不理，話會跟進下，結果完全冇follow up 過，買單嗰陣態度仲要勁串，擺到明係昆遊客水，呢間野食過一定唔會有回頭客，如果有分比肯定係負100分

忍唔住寫左第一次差評態度差，員工做野好亂，又漏單，上菜勁慢，牛排唔明點解好似碎上咁全部係筋唔緊要，諗住公仔麵實冇死啦，勁呀煮到個麵勁淋如果隔離唔係排隊排到爆，應該唔會中伏入左去

今日星期日，本身諗住揸車入去西貢食菠蘿油點知嚟到已經大排長龍，我哋當然唔做排隊黨啦！就去左隔離間餐廳食⋯⋯呢間餐廳主要係食茶餐廳野食，我哋又勁肚餓，就決定食呢間喇！特餐：黑毛豬叉燒米通 + 煎蛋多士黑毛豬好瘦，食落有啲鞋口，完全係黑毛豬嘅香非常失望全日早餐不過不失啦，沒有驚喜！炸魚柳味道偏鹹～～盛惠$99，仲要唔包飲品的，飲品需要另外加錢飲品加錢都唔緊要，重點係竟然茶餐廳要收加一首先係完全無咩服務，落單要四圍搵人先有人落單……而且又唔會提供水比我哋！憑咩加一呢！？只能講咁樣係唔會再嚟幫襯的！！

呢間野諗住都幾多人食 所以入去試下點知餐牌上叫野叫咩冇野 咁係咪應該係門口個大餐牌畫左佢 等客人知有冇賣哂再決定入唔入去食坐低左後個服務員係咁吹 係度話再唔叫冇得你食😅都心知不妙最好笑係隔離枱叫左個焗飯 好耐都未黎個女客人問左幾次check單 confirm有冇落個服務員check都唔check就話焗野耐啲 叫佢地等等多左成10幾分鐘 連我個焗飯都到 個女人再叫個服務員個服務員再話到架啦 都係唔check單隔左5分鐘 服務員先幫個枱睇單 發現真係冇落單另外午餐包餐湯 見好耐未到就問下服務員先話賣哂其實啲野冇應該一早同客人講 唔係問先答一定唔會再幫襯呢間野野唔係特別好食 服務唔係好 又唔係特別平 都唔知貪間野咩😡

《酷啡》西貢朋友想入西貢食Lunch，本來想去「柴犬」Cafe😪點知無開朋友話之前食過酷啡都Ok，所以回點下！不過我覺得係好普通😑《黑毛豬义燒煎蛋飯》🐷明顯用黑毛豬做賣點，可惜勁甜，甜味完全蓋過所有味道，只知道係一舊义燒🤔如果真係黑毛豬，我覺得浪費左😶《日式鰻魚煎蛋飯》味道正正常常無咩特別，優點係$6x蚊有咁大條既份量我覺得係算幾好，而且唔會有細骨，質素係幾好既👍👍👍(雖然係現成貨但出面既鰻魚成日有細骨)跟餐有粟米湯，這個反而不錯，真係有粒粒粟米，而特飲冰鎮咖啡要加$13，我覺得只係普通凍咖啡，可以慳返嗰$13蚊，整體而言不過不失，茶餐廳質素但禮貌係好既。如果唔係朋友話黎，我會選擇其他😬

其實我每星期都尼西貢由上年中開始成日尼幫襯2020年7月第一次尼覺得食物唔錯但係近依幾次真係真心衰9/9叉燒蛋飯咸同乾，算😑18/9早餐外觀一次比一次求其，算😑19/9刀刀叉叉有食物漬，依個算唔到😷，依家武肺呀，可否乾淨啲？我用酒精摔乾晒啦咁我地6個人叫左7個餐，咁第7個餐杯野飲我叫外賣杯上，佢話”依杯正價架噃”我話我叫7個餐 6個人6杯野飲，第7杯轉外賣杯係咪要加錢？”老細又發脾氣走了🥱26/9尋日落單，老細用system，係到喝你叫你落左食物先落飲品，我問檸茶想改齋啡得唔得，佢發老脾話咁要取消晒啲單，我落左隔離枱先得唔得，我話咁算啦照檸茶唔好改了，佢就話咁我入廚房改單睇下得唔得。咁等啦，我杯到底落左乜都唔知，過左陣啊姐大嗌有無人叫左齋啡，咁我應啦，佢答我”我叫左半個鐘都唔應我” ，請問你係邊到嗌的？我叫落單到應你杯啡10分鐘咋噃，你半個鐘又點計出尼？燥到一個點，你寫單唔寫枱號發我脾氣？🤬另外我朋友叫早餐，無俾多士，咁其實你係收多錢因為有個同樣既餐係無多士平3蚊🤑今個9月我俾足4次機會你喇，你同我日日新鮮咁既態度以後都唔再幫襯😮‍💨