知粥嘗樂 (Closed)

之前來過幾次﹐質素唔係咁好亦唔係咁差。見佢地裝修完﹐地方大左光猛左﹐所以入來試一試。入到去原本想座最入個D卡位﹐點知一行埋去﹐本來係臺上面果D烏蠅一齊起飛﹐成4-5隻飛來飛去﹐個feel好似係垃圾站咁。于是立即行番出面坐﹐起碼唔會有咁多矇面超人。唉﹗點知一坐底打開個menu就見到一隻壓扁左既烏蠅係裡面﹐簡直令人作嘔﹗當時真係想走人﹐但係時間以晚﹐為有快快食完就走。點知仲有下文。當就來食完時﹐有隻你估係乜野出現﹖冇錯﹗又係烏蠅。但係呢隻係細形﹐一飛飛落去我老婆碗野裡面。依家對呢間野好討厭﹐衛生情況簡直不知所為。食物同Service亦唔覺得好。如果閣下家裡冇Discovery Channel 而又想了解烏蠅既成長過程﹐來呢度一定令你獲益良多。

8月4日，22:00是日KAKA生日，太座和小魔怪附約。有點納悶不想趁熱鬧，便到選擇多一點的北角開餐。放棄生滾粥，要了皮蛋艇仔粥和炸倆。皮蛋艇仔粥：粥底夠米香和綿，不覺有師父，皮蛋糖心，艇料難得跟我兒時吃到的無兩樣：混了炸米粉的碎牛球、土魷鬚、豬皮、炸花生(有"益"味)、點點瘦肉絲，獨欠鮮魚片。炸倆：炸麵雖不熱，但仍夠脆，腸粉皮薄滑。服務尚可，但粗心，我的桌上殘渣(粥和豉油)未抹，竟想把乾淨食具放下，我忍不著說句：抹一抹先啦。我試了銅鑼灣和北角店，有同樣感覺：店是用電腦落單；開放式廚房，所有工序一目了然；油器自製，但難得不覺有油煙味；廚房由中年師父帶領，夠明快。

之前和Ｔ來過一次吃粥，感覺粥品仍然有頗重調味。咋天和家姐來這裹試其他，每人叫一碗白粥，加一個咖喱雞腸粉煲。白粥普普通通，但起碼清淡舒服。咖喱雞腸份煲份量非常小，煲仔細細，還只得半煲似的。腸份都不知有沒有两三條剪開的，咖哩汁非常一般，雞肉更是雪藏貨色兼且雞皮多過肉。這個煲竟賣二十五元，真是不值。如今又慶幸煲仔細細，真是少食多"滋味"。

已去過此店2次，2次都很好吃。皮蛋瘦肉粥$16: 很好味，沒有吃到有味精。白腸$8: 價錢比例貴，而條數少，但腸粉好滑。 炸両$8: 不是太脆口，但食落又唔覺得好油膩抄麵$8: 很好味如要外賣，要自已到鋪頭落order及取，沒有人送。中午很多人，要取票，1人會比例快，2人或以上要等15分鐘以上。中午及晚上沒有套餐，因此價錢比較貴。此店是可以再去吃的粥店。

仲係病到五顏六色時, 朋友仔放工好好咁買粥返來同我一齊食皮蛋瘦肉粥- 料唔多, 皮蛋唔係糖心之餘仲好重鹼味, 而粥底唔綿仲有D稀, 腍住清清地但碗粥就越食越鹹腸粉- 普通糉 - 糯米好腍, 綠豆好多, 而肥豬肉都有一大舊, 太肥膩當然無食, 整體來講呢個糭都係太鹹

我本身是很喜歡吃紅/綠荳沙的人﹐這種那麼大路的甜點基本上是很難做的難吃﹐而知粥常樂就有辦法做到。我是買外賣的﹐可是當我把糖水拿起來的時候我就知道不對路了。。。除了它非常輕以外打開後我看到跟水一樣稀的糖簡直就是難以置信﹗﹗更厲害的是經過我努力的打撈﹐我終於撈到一些綠荳皮﹐一根臭草﹐和一粒米般大小的紅色塑膠物體﹐唉~ 最後我只好把它丟掉。至於他的油條﹐我覺得還不錯可是最好是熱吃。。。

前幾日同朋友仔一齊黎食下午茶，叫左個餐--皮蛋瘦肉粥+白腸($21)同油炸鬼($5)。白腸: 好滑，而且唔會蒸到好淋油炸鬼: 好脆好香口，但食落去又唔覺得好油膩粥: 普普通通食得過，皮蛋算多但無咩皮蛋味係間值得一去再去既食肆。

本來今朝心情靚靚去食早餐, 點知未食已經受盡氣!一入到去已經冇人招呼, 當你透明咁... 見到有單邊卡位就搭住台先. 之後有位"齊陰長髮"姐姐幫我落單, 我好心同佢講分開單, 佢D態度真係奇差! 我要一碗白粥加一碗皮蛋牛肉粥, 之後好似審犯咁問我要滑牛定碎牛???過了一陣無端端嚟了一碟齋腸, 都唔知點落單架!淨講碗皮蛋碎牛粥都唔錯, 都算足料, 但一朝早比16蚊受呢D氣就一D都唔值! 一定冇下次!!!P.S. 服務係零分! 1分比多左佢...

地方乾淨，d 服務員好快手，野食都幾好。

之前係銅鑼灣食過幾次，後來close咗喎．居然俾我見到會係北角開，梗係要第一時間去食吓，卒之尋晚同男友走去試．店舖唔太大，大約十零張枱，好似有個男伙計好熟口面．多謝承惠HK$55．１．滑牛粥－稀咗少少，都唔錯．２．熱豆漿－用碗上，糖係是乎客人落唔落既，我無落到啊，，原汁原味嘛，好香滑，正．　３．义燒腸粉－滑滑腸粉，i like it．４．牛脷酥－甜而不膩，好有口感．５．腐竹雞蛋糖水－雞蛋，意米，腐竹，甜度適中．

新開的粥店，很光猛，乾淨。但可能還未熟手，外賣要等幾耐，員工動作有些混亂。要了皮蛋痩肉粥﹑滑雞粥﹑炸兩。粥是偏稀的，炸兩較海皇差，麻麻地。