Colour Brown

週末黎到深水埗點都要Chill 一Chill既經過門口已經比佢嘅裝修吸引左除咗要飲咖啡點少得一件Cake我哋點左杯伯爵茶同抹茶latte 伯爵茶Latte超香，未飲已經好香，好正😍另外，叫左個豆腐芝士蛋糕，好滑好好味🤤…Read More

之前食過幾次覺得都幾好食，初三同朋友嚟呢度再食，叫咗一個fully brown breakfast，一個牛油果多士同兩杯飲品。落單時職員覆單時已經發現落錯，再重覆咗一次係兩樣嘢食兩杯飲品，諗住冇問題冇睇到單就坐低咗。當日冇影相，Fully brown breakfast一送嚟已經呆🗿之前嘅煙肉轉咗做火腿；炒滑蛋轉咗做煎蛋；香腸由幾款不同變咗只有一條勁短又唔好食嘅腸；烤蕃茄只係就咁煎熟咗個面一咬落去生舊都勁生好難食；個大啡菇唔洗食一望就知勁乾，切開可以完全冇汁乾過我腳底啲死皮；sourdough硬到差啲咬唔開極考驗牙力；招牌焗豆以前係辣辣地加茄汁好好食，而家變咗極普通但難食嘅茄汁豆。冇睇單冇發現原來最後職員都係落錯單，朋友叫嘅牛油果多士落錯咗做芝士太陽蛋三文治，件多士都係超級硬，食咗一半已經要放棄。兩杯飲品一杯凍美式一杯抹茶latte，凍美式太澀，抹茶latte又太多奶，飲咗3分2又係要放棄唔知係發生咩事難食咗咗多，如果係為咗打卡可以試吓嘅，但我就之後都唔會再去了😵‍💫…Read More

今日嚟到 Colour Brown，深水埗其中一間小清新咖啡店，門面簡約但幾有格調，坐低之後感覺幾chill，最啱 悠閒嘆咖啡！☕✨📌 All Day Breakfast 🍳🥓呢度嘅 全日早餐 份量啱啱好，擺盤簡單但用料新鮮，有 炒蛋、煙肉、腸仔、多士、沙律同焗豆，炒蛋夠滑，煙肉香脆唔過鹹，配搭得宜，食落去感覺好滿足！💯📌 Avocado on Toast 🥑🍞牛油果多士擺盤好靚，牛油果搗得夠綿滑，塗上香脆多士，加埋少少橄欖油同黑椒，味道清新帶少少 creamy 口感，好適合鐘意輕盈口味嘅朋友！😋📌 Tofu Cheesecake 🍰✨今次最驚喜一定係 豆腐芝士蛋糕！一入口已經覺得 超幼滑，芝士香濃但又唔會太膩，帶住淡淡豆腐味，口感輕盈，甜度適中，真心推介！🤍🧀📌 Espresso Tonic & Coconut Americano ☕🥥咖啡方面試咗 Espresso Tonic 同 Coconut Americano，Espresso Tonic 帶微氣泡感，入口清爽帶少少酸，夏天飲應該好正！Coconut Americano 則係咖啡加椰子水，飲落去 有少少熱帶風情，但仍然保留咖啡香，兩杯都幾特別，值得試試！✨…Read More

不太推薦系列💀食物選擇比較小平日去到無乜人所以任坐門口開始已經係打卡位有分上下兩層樓下嘅枱比較底食野有d辛苦無乜選擇情況下原本想食豬手麵無豬手 只可以簡腸蛋面再加一個all day breakfast腸蛋麵無乜野可以講 正常發揮all day breakfast 菜有d苦 蛋係老碎炒蛋帶返頭盔先 因為搵唔到張相無證據😂整體如果只取景影相打卡飲杯野係可以中間有條轉轉樓梯都幾有特色但cafe提供公仔麵宜家真係小見十幾年前旺角樓上cafe先會見到😬😬…Read More

✨整體上對得住價錢，得閑過開黎，又唔使排隊的話，就可以一試。🎡 深水埗一向都好多唔同Coffee Shop, 成為左文青的聚集地。哩間Café就離地鐵站有點距離，不過邊行邊探索下，好快就到。採用了綠色底色，高底高，空間感十足。有條彎彎樓梯可以打卡。🥢🍽️  🍮 芒果巴斯克蛋糕 ($68)我地點的是芒果味🥭，因為平時芒果味比較罕有，都系佢地新推出的系列之一…巴斯克蛋糕質地唔鬆軟，反而少少似傳統月餅果種厚實口感，或者似雪得較實的 New York Cheese Cake 🍰 但都算入口即溶； 而芒果味就不太突出。🧁 豆腐Cheesecake ($58)大推！無論味道同口感，完成度十分高。清淡的豆腐香，滑溜滑溜的口感，加上少許桂花香的點綴，好清雅的享受。🍵 南非國寶級橘橙香草茶 ($45)見到功效寫住養顔美容，即刻落order, 女人d錢都好易賺 🤨 橘橙和香味突出，後勁有少少堅果甜。🥤Iced Matcha Latte ($52)抹茶味有點淡，未必係我地preference. 💡 佢哋好似有出自己的咖啡豆，不過我就冇去了解，因為屋企仲有太多要清了🥹✨…Read More

食物味道還不錯, 餐廳環境都算舒服，ice latte 味道唔錯，但等咗成45分鐘先上份牛油果多士，其中一個女侍應態度頗差，令人影響對呢間餐廳嘅印象，希望可以改善一下…Read More

來到除咗食嘢之外, 還可以看展覽, 這樣消磨半天也不錯 食物 : Fully Brown Breakfast $138 ~ 食材新蘚, 大大份味道唔錯 生吐司 $42 ~ 上面印有 "九龍麵粉廠" 字樣, 跟展覽配合, 吐司配果醬, 以為好普通, 但吐司香脆唔燶, 好食 House Coffee $32 ~ 朋友叫的, 自已對咖啡唔係特別喜歡, 飲水就可以 飲品 : 店內有清水供應 環境 : 店舖是舊樓, 下面是餐廳, 上面是展覽館 服務 : 職員有禮貌 價錢 : HK$212 (無加一服務費)…Read More

深水埗黃竹街的Color Brown咖啡室係間非常有特色嘅地方，一入門口嗰條旋轉大樓梯已經非常吸晴，聽講前身係麵粉廠。二三樓好似係用作其他用途，似乎係會定期有啲文化活動。cafe採用融合了舊式工業元素同現代設計嘅裝修風格，營造出一種獨特又文青嘅感覺。店內以綠色為主調,加上大片落地玻璃窗,讓陽光灑進來,為整個空間營造了一種清新舒適的氛圍。我最鍾意嘅係cafe mocha，每次嚟都要飲一至兩杯。店家亦有提供一些簡便輕食,例如薯條同花生,但我仲未有機會試。唯一嘅缺點就係地下嗰層啲凳唔係幾好坐，但由於環境太靚，每次同朋友飲咖啡傾偈，都坐上一兩個鐘。…Read More

參觀完1/F既九龍面粉廠，沿住旋轉樓梯落咗樓下cafe Colour Brown有九龍面粉廠限定menu，要出返cafe室外排隊等位，成十人排，但職員👩‍💼大叫有冇勇士坐室外（33度🥵）就即刻有位，我就即舉🙋🏻‍♂️。之後去counter落order俾錢🤌等送餐，叫九龍面粉廠menu一飲一食a la carte, 可惜樽裝肧芽鴛鴦賣哂,叫咗樽裝胚芽奶茶🥤$58，唔算濃味，都有胚芽，飲之前要搖勻，不過奶茶☕️份量少，天氣熱唔夠飲，要斟水。叫咗生吐司🍞配果醬（$42），要等10分鐘，厚多士，主要係印咗「九龍面粉廠」個字，如果吐司🍞濃d好食d，果醬係橙味，多d好d。好多文青幫襯…Read More

從麥粒到餐桌🌾剛剛呢個周末去咗深水埗Colour Brown 參觀咗九龍麵粉廠（九廠）舉辦嘅「麥香承傳」體驗館一場嚟到當然要試吓九廠同Colour Brown 聯乘嘅期間限定Menu 有吐司、牛角酥、仲有幾款中西麵食🔖 生吐司配果醬🍞未放入口、搣開吐司嘅一刻你大概已經估到塊吐司好唔好味😌大家睇吓啲拉絲😋輕輕烤一烤外脆內軟、簡簡單單嘅滋味🔥🔖 蒜油蝦1.9mm 意大利麵🧄意大利麵比平時食開嘅扁身、帶有坑紋🍝有少少似蕎麥麵嘅口感4隻蝦大大隻亦非常彈牙🦐🔖 樽仔肧芽鴛鴦 🫖☕️每次飲之前都要記得搖勻喔～😄可能平時肧芽都係當Topping 咁加今次浸喺樽仔飲品入面味道有少少飲唔慣😅🔖 薑黃Latte Cafe 少見嘅配搭顏色Layers 呈現得非常靚 💛❣️「麥香𠄘傳、九龍體驗館」由即日起至8月4日 11:00-18:30…Read More

深水埗Cafe林立，想食Cafe去深水埗白撞總會揀到一間。當日就係抱住白撞嘅心態去試，走入咗呢間Colour Brown。環境 ✅✅✅✅從門面睇，賣懷舊小店、工業風設計，簡潔舒適。筆者揀坐門口位，坐得算係ok，不過呢個位唔太適宜食嘢時去坐，會食得比較辛苦。雖則如此，環境分我無扣到，5分滿分我俾4分，因為裡面有條打卡好靚嘅樓梯，不過由於當日太多人關係，我影唔到相。食物 ✅✅✅✅當日叫咗兩份All Day Fully Brown Breakfast，由於另一半唔食茄汁豆，所以特別要求換牛油果等其他食材，店員都做得好好。而味道方面，四平八穩、都幾好味。性價比 ✅✅✅當日兩份All Day加兩杯咖啡，埋單$360，價錢平絕對不是！喺呢個地段食呢個質素算差不多或偏貴，如果有閒錢我覺得一試無妨！…Read More

Colour Brown 位於香港舊城區~深水埗, 深水埗的街道、店舖及建築物都給人時光倒流七十年的感覺, 今日同朋友嚟到深水埗的特色舊建築咖啡店飲咖啡, 感受一下綠色轉樓梯的魅力。Cafe 頗文青的氣氛, 客人大部分都係後生仔女及來打卡的遊客, Cafe 主打咖啡飲品, 供應少量食品及花茶。就是這條迴旋樓梯的吸引力就今次同朋友到訪, 從迴旋樓梯向下看, 很特別的效果。玫瑰花茶我見是茶包一個, 不是其他Cafe 可見得到有什麼材料那種花茶, 朋友話一般, 冇乜玫瑰香。鮮奶咖啡咖啡滑溜得黎尚算香濃, 沒有苦澀的餘韻, 置身於這座復古的建築物呷一口咖啡, 跟身邊的朋友談天說地, 咖啡的味道另有一番風味。…Read More

星期日下晝 冇乜人可以食完個all day breakfasts 等左九個字杯咖啡都未嚟 雖然嚟cafe係想慢活 但都想飲住杯野先架下話…. 野食ok嘅 但有啲overpriced 咖啡係幾香 種類都豐富 但等太耐減咗好多分成間cafe得一個人整咖啡真係搞唔掂 慳人手都唔係咁架下話…Read More

夏天在深水埗行到疲倦又熱的時候，想起附近有一條街充滿了文青咖啡店。走完一圈之後，最後決定來到這間colour brown休息一會。望一輪餐牌，最後決定叫了一杯latte （$42） 同埋streamed iced coffee （$42）。latte方面味道正常，蒸氣咖啡味道比較出色，兩者比較精皮咖啡更值得推介。甜品望落去亦頗為吸引，但可惜當天不太肚餓因此沒有叫到。原本以為這是一間普通的咖啡店，殊不知原來內有乾坤。因為洗手間在2樓，行上去的時候發現，不單止樓梯設計漂亮，並且2樓還陳列了不少展品，為整間餐廳增添了不少分數。如果在深水埗想找一間設計特別的咖啡店，可以過來一試，但就未必要再encore。…Read More

走入Colour Brown x Phvlo Hatch，一股熱騰騰嘅咖啡香撲鼻而來，搞到人心情大好！🌟 第一波攻擊就係佢哋嗰杯意式咖啡x鴛鴦，呢款正！咖啡香濃郁，茶底夠哂味，咁滑嘅口感，豪享受！午間約了三五知己來個早午餐，必須點佢們嘅招牌煎蛋通心粉酸種麵包早晨全餐，份量確實飽，煎蛋做得啱啱好，那酸種麵包咬落去鬆軟又有嚼勁，好食！😋話說回來，你話我唔會食辣？Shashuka嗰濃郁嘅番茄醬淋上啖啖蛋，熱辣辣咁鋪在焦香的酸種麵包上，咬落去微微辣，又啖啖肉，勁正呀！🔥 成體驗下來，感覺好似去咗一個充滿驚喜嘅食物嘉年華，期待下一次再被驚喜！飽肚之餘，仲可以對住美景，影幾張靚相，真係賞心悅目。…Read More