CoHee

Open Now

Now Closed

假日去參觀bookmark多年的前粉嶺裁判法院😆 行程另一重點，係去埋隔離間Cafe食嘢😋 餐廳環境光猛舒適，午市時段訂唔到位，walk-in 得返吧枱。睇食評見到熱飲有靚靚拉花圖案，點咗杯🍵Hojicha Latte，拉花圖案係Chiikawa，十分可愛😍 茶味亦濃郁😋主食點咗🦐大蝦蝦油揚豆乳湯烏冬拼溫泉蛋，擺盤精美，味道亦鮮甜，好好味😋 另一款主食點咗🥯🥗貝果+雜菜沙律，貝果配煙鴨胸、牛油果、柚子醬，鴨胸肉爽脆，配上柚子醬味道清新😋 貝果口感偏紮實，再食的話會揀吐司🍞 甜品點咗🧀燒乳酪芝士蛋糕，餅底以Lotus 餅乾製成，蛋糕表面有燒熔的焦糖，好好味😋 不過趕住去參加導賞團，食得比較趕急🥹 參觀後再過嚟食甜品會比較理想

Had a lovely meal at Cohee — a warm, minimalist café with thoughtful food and dessert options.🥗 The smoked salmon & avocado salad with sourdough was light, fresh, and nicelybalanced.
🍝 The black truffle pasta wascreamy and fragrant without being too rich — satisfying comfort food.
🍰 The highlight is Yogurt Basque Cheesecake — super smooth, slightly tangy, and incredibly addictive. Definitely a must-try!
🍎 Also had the apple crumble with ice cream and chocolate brownie with ice cream — both warm,

呢間餐廳環境真係好優美，空間感十足，開陽又舒服，坐低就已經覺得好chill，超適合同朋友慢慢傾偈。食物質素一流，意粉超Creamy，每一啖都好滑。帶子煎得啱啱好，外層微焦，內裡鮮嫩。雞翼皮炸到香脆，咬落去肉質超Juicy，完全停唔到口。咖啡方面都好有驚喜，開心果Dirty香氣四溢，飲落去層次豐富，令人一試難忘。最後嘅開心果巴斯克芝士蛋糕，口感細滑，開心果味濃郁，為成餐畫上完美句號。辛苦完一個星期，嚟呢度食餐好嘢同放鬆下，真係一大享受！😋

今日去開粉嶺做野，知道CoHee就係附近，人生路不熟，都係搵d comfort food食穩陣Dirty中深焙既House blend豆由巴西+哥倫比亞+埃塞俄比亞混合而成，nutty中帶點甜感，整杯奶同espresso既比例唔錯蘑菇、炒蛋、巴馬臣芝士貝果Bagel烘返熱後好脆身，但略嫌脆左d，有失bagel本身既煙韌口感，蘑菇炒後好再刨上Parmesan cheese咸咸香香，味道好夾食物同啡都有質素，環境本身是不錯，但食食下廚房突然傳出滅火筒既聲音🧯，應該太大煙既關係連警鐘都響起，情況有點兒狼狽，見廚師頭髮都有d燒燶左，最緊要人無事🙏🏼

位於粉嶺法院入面嘅呢間咖啡館，就好似城市入面嘅隱秘花園，一踏入就感覺到一種恬靜嘅氛圍。四周圍滿滿係綠色植物，彷彿置身石屎森林入面嘅一片綠洲，真係好適合想要逃離繁忙生活、靜靜享受一杯好咖啡嘅人。自家製鬆餅配忌廉芝士同果醬—鬆軟嘅質地好似雲咁輕盈，配上絲滑嘅忌廉芝士，真係喺嘴入面融化。果醬嘅酸甜平衡得好好，令每一口都充滿層次，食完真係想一口接一口，停唔到手。淡香醇嘅Latte —每一口都好似一次心靈之旅，帶你返到嗰個悠閒嘅下午，忍唔住閉上眼，享受呢份簡單又純粹嘅美好。有空會再來 

Lunch放飯得一個鐘，比呢間野嘥左我半個鐘！我得10分鐘時間倒哂啲嘢落肚就要趕開工，胃都痛！我未夠1315已經落單，隔離有位小姐遲我少少落單，到1324我驚趕唔切食，就追幫我落單嘅小姐，佢隔一陣就話追左，但我見到佢心慌慌走去㩒落單嗰部pad, 都心知不妙，然後另一個職員竟然話我張單係比隔離個小姐遲落單！追左幾次最終於啲食物要1339先比到我！我得10分鐘倒哂落肚就要趕返公司！等出餐要等半個鐘！好明顯漏咗我張單求其㩒返，又唔出聲同人講話漏我單！ 不知所謂！掛個牌喺出面話人知等餐要半個鐘吖嘛，等我以後都唔使去吖！又貴又慢嘥人時間！

1️⃣蕃茄羅勒大蝦扁意粉🦐🍅🍝($98)扁意粉食落彈牙，蕃茄醬略嫌有啲淡味，可以再濃蕃茄味多啲，大蝦非常彈牙之餘唔使剝殼，方便入口，意粉中間仲有一塊塊蒜片，食落更惹味✨2️⃣蘑菇牛油果忌廉芝士bagel🥯🥑🍄‍🟫配沙律🥗 ($78)Bagel質感非常煙靭，烘得剛剛好，包上面搽咗cream cheese，夾咗滿滿嘅蘑菇同埋牛油果，比較欣賞蘑菇調味適中，連埋bagel一齊咬啲菇汁係咁流，好Juicy，配埋沙律食更加fresh✨3️⃣炸芝麻雞翼🍗 ($68)推介⭐️芝麻雞翼炸得非常香脆，中間熱辣辣，咬落仲流住啲雞油，好好食✨4️⃣炸蕃薯條🍟🍠 ($58)份量都唔錯，條條番薯條都算粗大，咬落外脆內軟，入面唔係空心薯條，係充滿番薯蓉，點埋茄汁更加開胃✨5️⃣餐廳位於粉嶺舊裁判法院，感覺非常寧靜舒服，而且Cafe環境設計木系為主，部份位置仲有榻榻米，非常輕鬆寫意✨

與太太在聖誕節🎄行山輕鬆😎，之後黎咗COHEE午餐，無期望下來了美味😋驚喜。我們點了煙鴨胸牛油果柚子醬沙律🥗、油揚鰹魚烏冬、自家製鬆餅拼忌廉芝士&果醬，全部都好好好👍🏻美味，為假期添上喜悅😁

朋友推介去試CoHee，整體感覺唔錯！環境文清有feel，地方唔迫，啱晒想搵個靜靜地嘆咖啡嘅人。🍝 蕃茄羅勒大蝦扁意粉蝦夠大隻又鮮甜，扁意粉煮得啱啱好，吸晒香濃醬汁，好滿足，推介！🍳 All Day Breakfast三文魚份量唔少，味道鮮美，加埋牛油果切得好靚，係加分位。不過成個All Day Breakfast無煙肉，感覺少咗啲豐富感。加上$140嘅價位，雖然質量唔差，但同中環嗰啲餐比起來性價比就唔算高。🍰 芝麻Cheesecake & 焦糖布丁甜品方面，焦糖布丁好滑溜，焦糖味香濃得黎唔會太甜，幾有驚喜。芝麻Cheesecake反而稍遜，質地比較實，無咁滑，但芝麻香味唔錯，唔算完全失色。☕ Dirty & Mocha咖啡部分穩陣，Dirty濃郁又順滑，飲完好醒神；Mocha帶少少朱古力香，酸度低，咖啡香味依然突出，易入口。小結：甜品同咖啡絕對係亮點，環境舒服，地方唔迫，適合慢慢Chill住嘆下午茶。不過All Day Breakfast性價比一般，$140呢個價位有啲高，如果純粹想試咖啡同甜品會更加值得。推介咖啡迷過嚟試試，影靚相同時放鬆一下～ 😊

天氣開始轉涼，就約埋一班鄰居出嚟踩單車。啱啱開櫃所以就近近地走轉上水。上一首之前都嚟過食嘢，不過呢間就未試過，又可以泊低架車。所以決定是呢一間。因為要看車所以坐出室外天氣涼涼地坐室外都幾舒服，不過最好就帶定蚊怕水。鄰居就嗌咗All day breakfast ，我就嗌咗明太子小龍蝦意粉同叫咗Expresso Macchiato。試咗一件All day breakfast 㗎雞胸，都幾嫩滑唔算鞋亦鎖到肉汁。而我個明太子小龍蝦意粉，個龍蝦真係似大蝦米。個汁整得幾好，雖然係cream但係唔會食到勁膩口嘅感覺。掛汁亦都好好可以保存到個溫度。意粉份量較少，但踩車又唔好噤飽。個Macchiato都唔錯，有輕輕回甘。

今日公司早放半日，加上同事有車，就打算去間遠少少嘅cafe食個lunch, 偷得浮生半日閒。同事推薦去試粉嶺裁判法院附近嘅cohee, 話佢外表裝修得唔錯。入到去，有塌塌米嘅座位，又有正常嘅枱櫈式座位，都幾特別，我地每人order左個主菜，我就食三文魚意粉，同事有個食all day breakfast, 有個食牛油果酸種包。三文魚意粉個擺盤好靚，有啲花瓣灑落個意粉上面，食落個汁都creamy, 唔錯。至於甜品，我地order左個伯爵茶嘅cake同蘋果批 share, 未算十分出色，叫做中規中矩啦。因為環境唔錯，我地係度hea足2個鐘

週末中午時分到訪，咖啡店係文青打卡風，不過其實都好有多一家大細，坐係榻榻米度，又幾溫馨既🤫▪️ 煙三文魚、牛油果、忌廉芝士 貝果（7/10）💲98質感軟熟既🥑配唔太鹹既🍣，但忌廉芝士塗抹得較薄，存在感相對低🧀包體偏紮實，並非煙韌有拉扯度嗰種，唔算我最鍾意既口感，唔要貝果既要酸種包都得🥖沙律菜可以揀黑醋汁或日式芝麻沙律醬，我地要左後者🥗▪️ 蕃茄羅勒大蝦扁意粉（7/10）💲108蝦雖然唔大隻，但爽口彈牙，亦會帶微辣🦐蕃茄醬夠酸幾開胃，意粉質感軟硬適中🍅🍝▪️ 自家製日式焦糖布丁（7/10）💲42見到好多檯都有叫到甜品，布丁質感比預期中實身，但勝在蛋香唔錯，配上甜而不膩既焦糖漿🍮▪️ Hojicha Latte （7.5/10）💲38雙兔拉花好靚🐰層奶泡係較厚，焙茶味道濃郁🔎 整體評分（7/10）

位於前粉嶺裁判法院地下，裝潢作風以溫暖色系簡約路線，窗邊落地大玻璃、榻榻米座椅位置，空間感大，不乏打卡位置。COHEE全日の福食+煙三文魚/巴馬火腿/慢煮雞胸（選擇一款）☀️ 配搭炒蛋、牛油果、車厘茄、無味精雞肉腸、雜菌、酸種包、沙律，相當豐富。明太子小龍蝦扁意粉 🍝 份量都算多，醬汁濃稠，意粉亦相當掛汁。餐廳環境十分寫意，食物方面以輕食為主，例如烘焙麵包、意粉、手沖咖啡亦有8款咖啡豆可選擇；有時間可以來一個休閑brunch。

嗰日去完圖書館，就睇吓附近有無Cafe可以坐下休息吓✨行經法院附近，就見到呢一間有Tatami嘅小Cafe。嗰陣時係下午茶時間，大約4點幾（佢收6點），但係餐廳入邊都仲有好幾台嘅客人享受中。然後我同老公就揀咗一個tatami嘅位置坐低，我哋兩個人叫咗一份冷烏冬、一杯朱古力沙冰、同埋一個甜品。環境十分清靜，適合喺度工作或者享受生活😀餐廳亦都有提供一架小書車，上面放住唔同嘅雜誌同埋書籍，方便想睇書輕鬆嘅客人。除咗Tatami之外，仲有幾台靠窗嘅小矮枱同埋梳化等等嘅座位比客人選擇自己心水嘅位置😀😀

今日去粉嶺鶴藪郊遊，出發之前試試呢間cafe先～好少去粉嶺食野，估唔到都有環境精緻野食出色既餐廳位置唔算好近粉嶺火車站，要行到去粉嶺裁判法院，門口亦都比較隱蔽唔容易搵到一入到去已經俾佢日式奶油風裝修吸引到座位多而且闊落，我同朋友兩個都表示坐得好舒服野食野飲選擇好多因為我好鍾意食麵包所以就即管試試佢個bagel🥯麵包一開為二，烘得剛剛好唔會太乾，中間保持Q彈煙三文魚牛油果cream cheese呢個組合唔會輸！呢個cream cheese好好好好食一食已經決定下次要encore伴碟仲有沙律菜，好fresh好新鮮有醋做dressing加分另外朋友仲叫咗個雞胸all day breakfast 好大舊雞胸肉，重點係好嫩滑完全做尖人士福音！伴碟仲有炒滑蛋食完呢個breakfast簡直係good morning另外試埋咖啡☕️一杯Hojicha Latte 一 杯Dirty拉花有兔仔好可愛！仲有張卡仔介紹佢地用咩咖啡豆，好有心思總括而言，呢間Cafe真係好高質值得特登入粉嶺一試